Fréttablaðið - 23.08.2008, Blaðsíða 12

12 23. ágúst 2008 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 196
4.280 +0,88% Velta: 1.970 milljónir
HLUTABRÉF Í ÚRVALSVÍSITÖLU: Alfesca 6,70 -0,45% ... Atorka 5,42
-0,37% ... Bakkavör 27,45 -1,26% ... Eimskipafélagið 14,25 +0,35%
... Exista 8,20 +2,50% ... Glitnir 15,60 +1,30% ... Icelandair Group
19,70 +2,87% ... Kaupþing 714,00 +0,85% ... Landsbankinn 23,95
+1,06% ... Marel 86,60 +0,00% ... SPRON 3,46 +2,98% ... Straumur-
Burðarás 9,48 +0,11% ... Össur 90,50 +0,00%
MESTA HÆKKUN
FØROYA BANKI 6,14%
SPRON 2,98%
ICELANDAIR 2,87%
MESTA LÆKKUN
ATLANTIC PETROL. -2,37%
BAKKAVÖR -1,26%
ALFESCA -0,45%
Flöskuvatn á útleið?
Að undanförnu hafa umhverfisverndarsamtök
vestanhafs beint spjótum sínum að flöskuvatni,
og svo virðist sem sú barátta sé farin að bera
árangur. Á mánudag ákvað borgarráð London
í Ontario, Kanada að banna sölu á flöskuvatni
í öllum byggingum í eigu borgarinnar, þar á
meðal íþróttamannvirkjum. London Ontario er
að vísu ekki mjög stór á kanadískan mæli-
kvarða, en þar býr þó nærri hálf milljón manns.
Fjölmargar aðrar borgir í Kanada og Banda-
ríkjunum undirbúa sams konar aðgerðir og
margar stærstu borgir á vesturströnd Bandaríkj-
anna, San Francisco, Seattle og Santa Barbara
hafa þegar skorið upp herör gegn
sölu á flöskuvatni. Borgaryfirvöld í
háskólabænum Davis í Kaliforn-
íu hafa einsett sér að útrýma
notkun á einnota vatnsflöskum
með öllu.
Jafn illa séð og Hummer-jeppar
Bent hefur verið á að árlega fari um 1,5 milljón
tunnur af olíu í að framleiða plastflöskur fyrir
flöskuvatn og að flutningur á flöskuvatni heims-
horna á milli skapi enn meiri mengun. Einn
helsti baráttumaðurinn gegn flöskuvatni
í Kanada, David Suzuki, sagði reynd-
ar í samtali við The Globe and Mail í
Ontario að „flöskuvatn væri búið að
vera“, og að „innan skamms yrði
litið á fólk sem drekkur flöskuvatn
sömu augum og þá sem
keyra um á risajeppum“.
Það er spurning
hvernig þessi herferð
umhverfisverndarsinna
gegn flöskuvatni leggst í stærsta
vatnsútflytjanda íslands, Jón
Ólafsson.
Peningaskápurinn …
Íbúðalánasjóður býðst til
að frysta lán þeirra sem
hafa keypt sér nýtt hús-
næði en ekki getað selt það
eldra. Mikið er um þetta að
sögn sjóðsins. Bankastjóri
Landsbankans segir að
hvert og eitt svona mál sé
skoðað. Reynt sé að koma til
móts við viðskiptavini.
„Þetta er nokkuð algengt,“ segir
Gylfi Örn Guðmundsson hjá
Íbúðalánasjóði, um að fólk sem
hafi keypt sé nýtt húsnæði, nái
ekki að selja hið eldra.
Sjóðurinn hefur ákveðið að
heimila þeim sem eiga tvær hús-
eignir og hafa ekki getað selt aðra,
að fresta afborgunum af lánum
sjóðsins. Sama á við um þá sem
eru að byggja og eru með lán hjá
sjóðnum á nýja húsinu eða því sem
ekki hefur tekist að selja. Hingað
til hefur sjóðurinn gefið fólki kost
á að fresta afborgunum hafi það
orðið fyrir áföllum, eins og
atvinnumissi.
Þeir sem sækja um þetta til
sjóðsins þurfa að hafa keypt fast-
eign eftir 1. júlí í fyrra, reynt hafi
verið að selja aðra eignina og
„fjárhæð láns/lána, að lokinni
frystingu, fari ekki yfir 90% af
kaupverði/söluverði“. Íbúðalána-
sjóður heimilar einnig að lán á
báðum eignum verði fryst.
Gylfi Örn segir að sjóðurinn
hafi ekki kannað umfang þessa, en
mjög margir hafi haft samband
við sjóðinn vegna greiðsluerfið-
leika. Því hafi verið farið fram á
þetta við félagsmálaráðuneytið.
Hvíli lán frá Íbúðalánasjóði á
annarri eigninni eingöngu er hægt
að sækja um greiðslufrest á því
láni, segir í tilkynningu á vef
Íbúðalánasjóðs.
„Það streyma inn umsóknir til
okkar,“ segir Gylfi Örn.
Ásta Sigrún Helgadóttir, hjá
Ráðgjafarstofu heimilanna, segir
aðgerðirnar jákvæðar. „Þetta ger-
ist auðvitað þegar fasteignamark-
aðurinn kólnar. Þeir sem keyptu
nýtt húsnæði en náðu ekki að selja
hafa kannski þurfti að fleyta sér
áfram á yfirdráttarláni. Það segir
sig sjálft að það verður ákaflega
kostnaðarsamt.“
Hún segir erfitt að segja nokkuð
um hvort bankarnir ættu að grípa
til sambærilegra ráðstafana.
„Íbúðalánasjóður hefur félagslegt
hlutverk, en bankarnir hafa önnur
markmið og engar skyldur verða
lagðar á þá.“
Sigurjón Árnason, bankastjóri
Landsbankans, segir aðgerðir
sjóðsins jákvæðar. „Ég held að ég
geti fullyrt fyrir hönd allra banka
að reynt sé að fara yfir hvert
svona tilvik fyrir sig og gera það
sem er skynsamlegast fyrir við-
skiptavininn. Það verður þó að
hafa í huga að þótt afborgunum sé
frestað um stund þá halda vextirn-
ir áfram að tikka, svo fólk verður
að hugsa hlutina ekki bara til
skemmri tíma heldur líka til lengri
tíma. Í einhverjum tilvikum kann
að vera skynsamlegast fyrir fólk
að sætta sig við lægra verð og
selja aðra íbúðina.“
ingimar@markadurinn.is
Fjölmargir vilja frysta
lán frá Íbúðalánasjóði
FÓLK Í ÞRENGINGUM FÆR AÐ FRYSTA LÁN Íbúðalánasjóður býðst til þess að frysta
lán þeirra sem keypt hafa húsnæði án þess að geta selt það eldra. Bankastjóri
Landsbankans segir bankana líta á hvert tilvik fyrir sig og minnir á að skuldirnar haldi
áfram að safna vöxtum. FRÉTTABLAÐIÐ/STEFÁN
„Markmiðið er að einfalda og
draga úr hömlum á fjárfestingum
erlendra aðila hér á landi,“ segir
Jón Þór Sturluson, formaður
nefndar viðskiptaráðherra um
málið.
Nefndin var skipuð í fyrrahaust
og á að endurskoða lög um fjár-
festingu erlendra aðila í atvinnu-
rekstri. Töluverðar takmarkanir
eru á fjárfestingu útlendinga í
sjávarútvegi, en einnig eru höml-
ur á fjárfestingu í orkuvinnslu og
flugrekstri.
Nefndin átti að ljúka störfum í
byrjun sumars en er enn að. Eftir
því sem Markaðurinn kemst næst
er vinnan hins vegar á lokasprett-
inum og útlit fyrir að vinna henn-
ar verði nýtt til frumvarps sem
viðskiptaráðherra leggi fram í
vetur.
Álfheiður Ingadóttir, fulltrúi
Vinstri grænna í nefndinni, segir
að í raun séu engar hömlur á
erlendri fjárfestingu nema í sjáv-
arútvegi. „Við teljum ástæðulaust
að hreyfa við því.“ Hún segir að
hömlur á fjárfestingum erlendra
aðila séu ekki ástæða þess að
útlendingar hafi lítið fjárfest hér-
lendis. „Það þarf að finna aðrar
skýringar á því.“
Fram kom í blaðinu í gær að
Norðurál hefur sýnt áhuga á því
að fjárfesta í orkuvinnslu hérlend-
is og þreifað fyrir sér um hlut í
Hitaveitu Suðurnesja. Hitaveitan
mun sjá álveri í Helguvík fyrir
rafmagni. - ikh
Ætla að rýmka fjár-
festingarheimildir
ÁLVERSSTARFSMENN Stórnvöld stefna
að því að rýmka fyrir fjárfestingar
útlendinga hér. MYND/EIRÍKUR KRISTÓFESRSSON
„Sjóðurinn á að reka sig sem næst
núlli og stefnir því í ágæta afkomu,“
segir Guðmundur Bjarnason, fram-
kvæmda stjóri Íbúðalánasjóðs.
Samkvæmt
nýbirtu upp-
gjöri hagnaðist
sjóðurinn um 466
milljónir króna
á fyrri helm ingi
ársins. Samdráttur
milli ára nemur 75
prósentum.
Guðmundur
segir erfiðar
aðstæður á fjármála- og fasteigna-
markaði skýra muninn á milli ára.
Fyrri hluti síðasta árs hafi verið
mjög góður en slakari á hinum
helmingnum. Sérstaklega hafi
verðbólguskot sett strik í reikning-
inn. Eigið fé sjóðsins í lok júní nam
rúmum 20,6 milljörðum króna,
sem er svipað og á sama tíma í
fyrra. Þá var eiginfjárhlutfall átta
prósent en var sjö í fyrra. Guð-
mundur segir margt benda til að
draga muni úr verðbólgu á seinni
hluta árs og muni þá staðan batna.
- jab
Mjög dregur
úr afkomu ÍLS
GUÐMUNDUR
BJARNASON
„Hægja mun á verðbólgu síðar á
þessu ári og því næsta.“ Þetta sagði
Seðlabankastjóri Bandaríkjanna,
Ben Bernanke á fundi stjórnenda
seðlabanka heimsins sem haldinn
er árlega í Jackson Hole í Wyoming.
Bernanke gaf til kynna að stýri-
vextir í Bandaríkjunum yrðu
óbreyttir.
Ingimundur Friðriksson seðla-
bankastjóri situr fundinn fyrir
Íslands hönd.
Í ræðu sinni benti Bernanke á að
lægra orku- og hráefnaverð hefði
slegið á verðbólguþrýsting, en mik-
ilvægt væri þó að seðlabankar
kæmu í veg fyrir að verðbólgu-
væntingar ykjust að nýju. Þá myndi
ókyrrð í fjármálaheiminum áfram
ógna hagvexti. Þá ræddi Bernanke
nauðsyn þess að reglur á fjármagns-
mörkuðum yrðu teknar til gagn-
gerrar endurskoðunar svo komast
mætti hjá því að krísur líkt og sú
sem nú gengur yfir endurtækju
sig.
Helstu umræðuefni fundarins,
sem lýkur í dag, er hvernig seðla-
bankar geta komið böndum á verð-
bólgu og hvernig koma megi bönd-
um á lánsfjárkrísuna. - msh
Seðlabankastjórar
funda í Wyoming
BEN S. BERNANKE Talið er að dragi úr
verðbólguþrýstingi á síðari hluta ársins.
FRÉTTABLAÐIÐ/AFP
„Fyrsti fjórðungur var afleitur,“
segir Agnar Hansson, banka-
stjóri Icebank. Bankinn hagnað-
ist um 560 milljónir króna á
öðrum ársfjórðungi samanborið
við rúmlega 3,3 milljarða tap á
fyrsta fjórðungi ársins. Tap á
fyrri hluta árs nam 2,8 milljörð-
um samanborið við tæpa 4,2
milljarða hagnað í fyrra.
Viðsnúningur á milli fjórð-
unga liggur að mestu í gengis-
hagnaði og auknum þóknana-
tekjum. Þá hafa vaxtatekjur
aldrei verið hærri og standa
undir rekstrarkostnaði bankans,
að því er fram kemur í uppgjöri
Icebank.
- jab
Icebank úr
mínus í plús
Nánar á expressferdir.is
eða í síma 5 900 100
Real de Faula / Alicante Golf
11.–20. september
Golf á Spáni í septemberFararstjóri: Björn Eysteinsson
Innifalið: Flug með sköttum og öðrum greiðslum, frítt í flug fyrir golfsettið,
gisting á 4* Hotel Villaitana og 5* Hotel Hesperia, 4 golfhringir á Real de Faula,
5 golfhringir á Alicante með golfbíl, akstur til og frá flugvelli og íslensk fararstjórn.
Alicante Golf
Alicante Golf
11.–20. september
Innifalið: Flug með sköttum og öðrum greiðslum, frítt í flug fyrir golfsettið,
gisting með morgunverði á 5* Hotel Hesperia, 7 golfhringir með golfbíl, akstur
til og frá flugvelli og íslensk fararstjórn.
20.–27. september
Innifalið: Flug með sköttum og öðrum greiðslum, frítt í flug fyrir golfsettið,
gisting með morgunverði á 5* Hotel Hesperia, 5 golfhringir með golfbíl, akstur
til og frá flugvelli og íslensk fararstjórn.