Fréttablaðið - 23.08.2008, Blaðsíða 40

● heimili&hönnun
Á grónum stað í Vesturbæ Reykja-
víkur býr Nína E. Sandberg í fjög-
urra herbergja íbúð. Íbúðin var þó
aðeins tveggja herbergja þegar
hún flutti þangað með fjölskyldu
sinni fyrir sex árum.
„Við byrjuðum á því að loka
borðstofuna af og gera hana að
hjónaherbergi svo að sonur okkar
gæti fengið sérherbergi,“ útskýr-
ir Nína, en hún starfar sem sölu-
stjóri hjá Móður náttúru. Núna
hefur annar sonur bæst við, en að
sögn Nínu er aldursmunurinn á
þeim of mikill til að þeir geti deilt
herbergi. Þess vegna var ráðist í
stórvægilegar breytingar í vor.
„Við ákváðum að færa eldhúsið
inn í stofu og græddum þannig
heilt herbergi sem úr varð barna-
herbergi. Við settum eldhúsinn-
réttinguna á vegg sem snýr að
baðherberginu og létum draga
lagnirnar þaðan inn í eldhúsið,“ út-
skýrir Nína. Að sögn hennar tóku
þessar breytingar ekki eins langan
tíma og gera hefði mátt ráð fyrir.
Stærstu breytingarnar tóku aðeins
tíu daga. Nína, sem er sænsk, flutti
þó út með börnin til Svíþjóðar
meðan á þessu stóð. Bróðir hennar
og faðir komu til landsins og unnu
með manninum hennar við fram-
kvæmdirnar.
Með þessum breytingum segir
Nína að fjölskyldan hafi hætt við
að flytja í stærra húsnæði, enda
ekki þörf á því lengur þar sem allir
eru nú komnir með sérherbergi.
„Þetta var mjög hentug lausn fyrir
okkur, sérstaklega þar sem mað-
urinn minn gat unnið mikið af
þessu sjálfur,“ segir Nína, en tekur
fram að þau eigi enn eftir að klára
nokkra litla hluti eins og til dæmis
gólflistana.
Eftir að bræðurnir fengu sér-
herbergi átti sá eldri sér ósk um að
eignast KR-herbergi, enda mikill
stuðningsmaður félagsins. „Við
máluðum einn vegginn svartan og
ofninn svartan og hvítan. Gardín-
urnar voru litaðar svartar og rúm-
fötin hans eru svört og hvít. Bæði
hann og vinir hans eru ákaflega
lukkulegir með herbergið,“ segir
Nína. klara@frettabladid.is
Eldhús fært í stofu og
herbergjum bætt við
● Í vor var ráðist í miklar breytingar á heimili Nínu E. Sandberg í Vesturbænum og komu
breytingarnar í veg fyrir að fjölskyldan þyrfti að flytja og stækka við sig.
Nína E. Sandberg segir breytingarnar
hafa sameinað fjölskylduna á matmáls-
tímum.
Yngri sonurinn hefur nú fengið sérher-
bergi.
Eldhúsið snýr nú út í garð og fylgir því meira næði en áður þegar það sneri út að götunni. FRETTABLADID/ARNÞÓR
Eldri sonurinn er mikill
KR-ingur og herbergi
hans ber merki þess.
35.764kr.
kl. 16:00
%
afsláttur50
Kr. 9.327
25 %afsláttur
Auglýsingasími
– Mest lesið
23. ÁGÚST 2008 LAUGARDAGUR4