Fréttablaðið - 23.08.2008, Blaðsíða 44

● heimili&hönnun
VASINN VERÐUR SKÁL Á HVOLFI Hlutir með fleiri en einn notkunarmöguleika
geta verið sniðugir á heimilið eða skemmtileg gjöf. To Vase er bæði vasi og skál og fer vel
á borði. Vasinn er djúpur á flötum standi en þegar honum er snúið við breytist hann í grunna
skál eða disk sem stendur á háum fæti. To Vase hefur tvöfalt notkunargildi og er einfaldur og
skemmtilegur í forminu. Hann er handgerður úr gegnheilum viði og lakkaður í hvítu og ber vel
afskorin blóm, ávexti og kökur. Vasann hannaði ungur vöruhönnuður, Sylvie van de Loo, en hún
rekur hönnunarstofu í Utrecht í Hollandi. Hægt er að panta vasann af heimasíðu hönnuðarins,
www.semdesign.nl.
S kemmtilegt hönnunarverkefni hefur verið sett á laggirnar í
Ástralíu í þágu góðgerðastarfa.
Hönnunarverkefnið ber nafnið
Teppaverkefnið, eða The Rug Project
2008, og er á vegum ástralska teppa-
fyrirtækisins Designer Rugs. Sjö af
frumlegustu hönnuðum Ástralíu
hafa fengið það verkefni að hanna
gólf- og veggteppi. Með þessu verk-
efni koma þeir list sinni á framfæri
og auka það teppaúrval sem fyrir-
tækið Designer Rugs hefur upp á að
bjóða.
Í lok ágústmánaðar verður haldið
uppboð á teppunum í beinni út-
sendingu frá Sydney. Ágóðinn af
teppunum sem seld verða mun
renna óskiptur til ýmissa góðgerða-
starfsemi. Hugmyndin á bak við verk-
efnið er að tengja saman sjónlist og
viðskiptaheiminn til að safna pen-
ingum til styrktar mikilvægum mál-
efnum.
Hönnun í þágu
góðgerðamála
Fræðast má nánar um verkefnið á vef-
síðunni www.designerrugs.com.
Sjö af frumlegustu hönnuðum Ástralíu
hanna teppin.
Uppboð verður á teppunum í lok ágúst.
23. ÁGÚST 2008 LAUGARDAGUR8