Fréttablaðið - 25.08.2008, Blaðsíða 2
2 25. ágúst 2008 MÁNUDAGUR
Sigþrúður, verður ekki brjálað
stuð á laugardaginn?
„Jeee, meeen!“
Glæsimarkaður til styrktar fátækum
börnum og konum í Jemen verður
haldinn í Perlunni á laugardaginn.
Sigþrúður Ármann er framkvæmdastjóri
markaðarins.
STJÓRNMÁL Líklegt er að áfram-
haldandi endurskoðun stjórnar-
skrárinnar hefjist í ársbyrjun
2009. Málið bar á góma á fundi
formanna
stjórnmála-
flokkanna á
föstudag.
Í stefnuyfir-
lýsingu
ríkisstjórnar-
innar segir að
endurskoðun
stjórnarskrár-
innar verði
haldið áfram á
kjörtímabilinu
og áhersla lögð á að leiða til lykta
ágreining um þjóðareign á
náttúruauðlindum.
Sérstök stjórnarskrárnefnd var
að störfum á síðasta kjörtímabili.
Segist Geir H. Haarde forsætis-
ráðherra búast við að vinnan geti
haldið áfram upp úr áramótum.
Þó sé óákveðið með hvaða hætti
það verði. „Um það þurfa
flokkarnir að hafa samstarf,“
sagði Geir. - bþs
Endurskoðun stjórnarskrár:
Vinna hefst lík-
lega á nýju ári
GEORGÍA, AP Þykkan reyk lagði frá
olíuflutningalest í Georgíu í gær
eftir að sprenging varð í henni og
eldur braust út.
Ekki var ljóst hvað olli spreng-
ingunni. Georgíumenn sögðust
sumir telja hana hafa rekist á
jarðsprengju og kenndu rúss-
neska hernum um, en hann var
nýfarinn af þessum slóðum.
Aðrir sögðu þó skotfæri, sem
skilin voru þarna eftir, gætu hafa
sprungið þegar lestin ók hjá.
Rússneski herinn fór frá
stórum svæðum í Georgíu á
föstudag, en er þó áfram í
aðskilnaðarhéruðunum Abkasíu
og Suður-Ossetíu og á umdeildu
öryggissvæði við landamæri
þeirra. - gb
Eldsvoði í Georgíu:
Kviknaði í olíu-
flutningalest
LESTIN LOGAR Óvíst var í gær hvað olli
sprengingunni. NORDICPHOTOS/AFP
ORKUMÁL Yfirborðsrannsóknir
hefjast á Biliran á Filippseyjum á
vegum Biliran Geothermal Inc.
strax í næsta mánuði. Biliran er
að 40 prósentum í eigu Envent
Holding Inc., sem er í eigu Geysis
Green Energy og Reykjavík
Energy Invest. Þegar rannsókn-
ar- og nytjaleyfi var veitt í júlí
var óvissa um hvort REI myndi
taka þátt í verkefninu eftir að
yfirborðsrannsóknum lyki. Nú
stefnir allt í að dótturfyrirtæki
REI og GGE muni fjármagna
framkvæmdir fyrir um tíu millj-
arða króna á svæðinu. REI hefur
fengið tilboð frá Alþjóðabankan-
um um fjármögnun.
REI og GGE stofnuðu dóttur-
fyrirtækið Envent í fyrra til að
annast jarðhitaverkefni á Filipps-
eyjum. Stofnféð var 80 milljónir
króna sem verður varið í yfir-
borðsrannsóknirnar. Þær hefjast
í næsta mánuði eins og kom fram
á blaðamannafundi sem haldinn
var á Filippseyjum í gær. Þar
kynnti Guðmundur F. Sigurjóns-
son, framkvæmdastjóri Envent
og REI-verkefna í Eyjaálfu og
Asíu, verkefnið fyrir blaðamönn-
um ásamt Sigrúnu Elsu Smára-
dóttur, borgarfulltrúa og stjórn-
armanni í REI, og fulltrúa frá
PNOC-EDC, sem er stærsta orku-
fyrirtæki Filippseyja og GGE á
0,4 prósent hlut í.
Guðmundur upplýsti að rann-
sóknunum yrði lokið í maí árið
2009. Skili þær jákvæðum niður-
stöðum munu tilraunaboranir
hefjast sem munu kosta allt að
einn og hálfan milljarð króna.
Haft er eftir Guðmundi á þar-
lendum fréttamiðlum að búist sé
við að heildarfjárfesting REI og
GGE á svæðinu verði rúmlega tíu
milljarðar, ef allt gengur eftir.
Óvissa ríkti um verkefni REI
eftir að fulltrúar Sjálfstæðis-
flokks í borgarstjórn lýstu yfir að
eðlilegt væri að selja verkefni
REI. Því hefur verið talið óvíst
hvort REI myndi taka þátt í þessu
verkefni eða hvort leitað yrði
annarra fjármögnunarleiða.
Kjartan Magnússon, stjórnar-
formaður REI, segir ljóst að frek-
ara fé verði ekki tekið frá Orku-
veitu Reykjavíkur til þessa
verkefnis eða féð komi beint frá
REI. „Hins vegar höfum við feng-
ið tilboð frá Alþjóðabankanum
um fjármögnun þessa verkefnis
eins og í Djíbúti.“
Þór Gíslason, stjórnarformaður
Envent á vegum GGE, segir að
samningur um rannsóknir sé í
höndum Biliran Geothermal sem
Envent á 40 prósenta hlut í á móti
þarlendum fjárfestum. „Útlend-
ingar mega ekki eiga meiri rétt-
indi á auðlindinni. Framhaldið
hefur ekki verið ákveðið en GGE
hefur fullan hug á að halda áfram
ef niðurstöður forrannsókna verða
jákvæðar.“
svavar@frettabladid.is
REI tekur fullan þátt
í Filippseyjaverkefni
Reykjavík Energy Invest mun taka fullan þátt í jarðhitaverkefni á Filippseyjum
með Geysi Green Energy. Heildarfjárfesting mun verða rúmlega tíu milljarðar
ef allt gengur eftir. Rannsóknir á jarðhitasvæði í landinu hefjast í september.
ORKA REI og GGE eru að hefja forrannsóknir á Filippseyjum sem gæti skilað 100
megavatta virkjun innan fárra ára. FRÉTTABLAÐIÐ/GVA
KIRGISISTAN, AP Farþegaflugvél
fórst skömmu eftir flugtak í
Kirgisistan í gær. Níutíu manns
voru um borð í vélinni, en svo
virtist í gær sem 25 manns hafi
lifað af slysið.
Vélin var af gerðinni Boeing
737 og var ferð hennar heitið til
Írans. Meðal þeirra sem fórust
var heilt handboltalið úr fram-
haldsskóla í Kirgisistan.
Vélin hrapaði eftir að hafa
flogið aðeins 10 kílómetra frá
flugvellinum í höfuðborginni
Bishkek.
Misvísandi fregnir bárust af
því frá stjórnvöldum hver orsök
slyssins gæti hafa verið. - gb
Flugslys í Kirgisistan:
Heilt hand-
boltalið fórst
GEIR H. HAARDE
PAKISTAN, AP Fáeinum dögum eftir
að Pervez Musharraf sagði af sér
sem forseti Pakistans bendir
margt til þess
að slitna muni
upp úr sam-
starfi ríkis-
stjórnarflokk-
anna.
Flokkarnir
virðast ekki
ætla að koma
sér saman um
hvort dómarar
hæstaréttar,
sem Musharraf
rak úr embætti á síðasta ári, fái
allir embætti sitt aftur. Asif Ali
Zardari, leiðtogi Þjóðarflokks
Pakistans, virðist óttast að þeir
muni grafa upp gömul spillingar-
mál á hendur honum.
Einnig virðast flokkarnir eiga
erfitt með að koma sér saman um
hver verði arftaki Musharrafs.
Zardari hefur gefið kost á sér. - gb
Dómaradeilan í Pakistan:
Stjórnarslit
virðast líkleg
ASIF ALI ZARDARI
Bílvelta í Mývatnssveit
Ung kona með tvö börn velti jeppa
í Mývatnssveit. Þau sluppu öll án
teljandi áverka, að sögn lögreglu, en
voru flutt á Fjórðungssjúkrahúsið á
Akureyri til aðhlynningar.
LÖGREGLUFRÉTTIR
STJÓRNMÁL Guðni Ágústsson, for-
maður Framsóknarflokksins,
verður á hringferð um landið
næstu dagana þar sem hann
ræðir við fólk og fyrirtæki á
opnum fundum.
„Markmiðið er að hitta fólkið í
landinu og ræða um hugsjónir og
pólítík. Það er gott að byrja í
Borgarnesi þar sem ég mun
halda Borgarnesræðuna mína,“
segir Guðni.
„Ég mun gera það að aðalefni
að ræða ónýta ríkisstjórn sem
hefur aðgerðarleysi að markmiði
og leggja fram lausnir sem við í
Framsóknarflokknum höfum gert
hvað eftir annað.“
Ferðina segir Guðni skyldu-
ferð fyrir sig sem formann til að
takast á við það stóra verkefni að
ná styrkleika Framsóknar á ný.
„Ég vona að það verði vel mætt
á fundina og svo hitti ég líklega
einhverja á förnum vegi því ég
verð mikið á ferðalagi.“
Fundirnir bera yfirskriftina
„Tími aðgerða í efnahagsmálum
er runninn upp“ og hefjast í dag
kl. 20.30 í Félagsbæ við Borgar-
braut í Borgarnesi. Einnig er
ferðinni heitið í Skagafjörð, á
Húsavík og Egilsstaði. Ferðinni
lýkur síðan með fundi 1.
september í Þingborg í Flóa-
hreppi. - vsp
Guðni Ágústsson mun ferðast kringum landið og halda opna fundi:
Heldur Borgarnesræðu sína
GUÐNI ÁGÚSTSSON Vill ræða lausnir við
efnahagsvandanum.
LÖGREGLUMÁL „Það eina sem mig
langar að segja er að krakkar ættu
að læra sjálfsvarnaríþróttir,“
segir Ólafur Ásgrímsson. Ólafur
og eiginkona hans urðu fyrir
fólskulegri árás á leið heim úr
bænum á menningarnótt.
„Við hjónin vorum að labba í
Austurstræti þegar skyndilega
var sparkað í bakið á mér og ég
datt niður. Svo stóð ég bara upp og
tók til minna ráða,“ segir Ólafur,
sem er fertugur að aldri.
Hópur ungra manna reyndi að
taka veskið af konu Ólafs. „Þeir
voru fimm saman og tveir þeirra
þurftu að fara á slysavarðstofu
eftir þetta. Svo hljóp ég þann sem
var með veskið uppi, alveg brjál-
aður.“
Fjöldi fólks var í Austurstræti
þegar árásin átti sér stað. „Það
skipti sér enginn af þessu,“ segir
Ólafur. Hann segir að verr hefði
farið, hefði hann ekki lært Taek-
wondo-sjálfsvarnartækni þegar
hann var yngri.
Mennirnir voru illa farnir eftir
viðskiptin við Ólaf. Lögreglumenn
fylgdu þeim upp í sjúkrabíl og á
slysavarðstofuna. „Ég náði að nef-
brjóta tvo og marði svo lærið á
einum,“ segir Ólafur.
Mennirnir hafa ekki kært Ólaf
til lögreglu. - sgj
Beitti Taekwondo til að verjast líkamsárás á menningarnótt:
Nefbraut tvo af árásarmönnunum
HAFÐI FIMM MENN Ólafur brýnir fyrir fólki að læra sjálfsvarnaríþróttir.
FRÉTTABLAÐIÐ/DANÍEL
ÍTALÍA, AP Kaþólski presturinn og
guðfræðingurinn Antonio Rungi
ætlar í næsta mánuði að efna til
fegurðarsamkeppni fyrir nunnur.
Keppnin verður þó eingöngu á
Netinu og vettvangurinn verður
bloggsíða prestsins.
„Nunnur eru dálítið einangrað-
ar, þær eru svolítið utanveltu í
kirkjulífinu,“ sagði Rungi eftir að
ítalskir fjölmiðlar birtu fréttir af
framtaki hans. „Þetta verður
tækifæri til að gera framlag
þeirra sýnilegra.“
Kaþólskum Ítölum sýnist
sitthvað um þetta uppátæki.
Bandalag kaþólskra kennara
segir prestinn gera lítið úr
hlutverki nunna.
- gb
Kaþólskur prestur:
Fegurðarsam-
keppni nunna
SKIPULAGSMÁL Íbúasamtök 3.
hverfis - Hlíða, Holta og Norður-
mýrar vilja að byggð verði
útisundlaug sunnan við Sundhöll-
ina í Reykjavík. Á vef samtak-
anna, hlidar.com, er að hafin
undirskriftasöfnun með hvatn-
ingu til borgaryfirvalda þessa
efnis.
Stjórnir Íbúasamtaka 3. hverfis
og Íbúasamtaka miðbæjarins
hafa báðar ályktað um þessi mál
og sent áskorun til borgaryfir-
valda. Í grein formanna samtak-
anna á vef 3. hverfis segir að
hugmynd um útisundlaug hafi
verið rædd í 65 ár. Borgaryfir-
völd hafi ætíð verið jákvæð
gagnvart slíkum hugmyndum þó
að hvergi sé að finna samþykkt
um að hefjast handa við verkið.
- ovd
Íbúasamtök vilja útisundlaug:
Útisundlaug við
Sundhöllina
SPURNING DAGSINS