Fréttablaðið - 25.08.2008, Blaðsíða 16

16 25. ágúst 2008 MÁNUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
„Ég held að ræktunaráhuginn sé með-
fæddur,“ segir Magdalena Sigurðar-
dóttir sem sinnt hefur formennsku í
Skógræktarfélagi Ísafjarðar í rúm
þrjátíu ár og var nýlega heiðruð fyrir
óeigingjarnt starf af Skógræktarfé-
lagi Íslands. Hún kveðst hafa verið
beðin að taka að sér formennskuna
á sínum tíma og ílengst í embættinu.
Félagið hafi þá verið búið að starfa
frá 1945.
Er Skógræktarfélag Ísafjarðar fjöl-
mennt félag með áhugasamt fólk?
„Það er eins og í flestum öðrum fé-
lögum viss kjarni sem vinnur, aðrir
leggja til árgjaldið, góð orð og ábend-
ingar.“
Hefur ykkur orðið vel ágengt í rækt-
uninni?
„Já, við erum bara ánægð með árang-
urinn. Hér fyrir vestan virðast vera
góð vaxtarskilyrði fyrir skóg. Félagið
helgaði sér land í Eyrarhlíðinni fyrir
ofan bæinn og teygði sig inn Selja-
landshlíðina, Seljalandsmúla og inn í
Tungudal. Þó ekki alveg samfellt. Nú
erum við komin fyrir botn Tungudals
og byrjuð að planta í hlíðinni á móti.
Áður var enginn skógur hér í fjallinu
fyrir ofan kaupstaðinn en Tungudal-
ur hefur alltaf verið kjarri vaxinn.“
Þurftuð þið að girða ræktunarland-
ið af?
„Á sínum tíma girti bærinn af hlíðina
hér fyrir ofan en girðingin var færð.
Það er lítið um búfjárhald hér í þétt-
býlinu þó það sé annars staðar í firð-
inum.“
Hvaða trjátegundir hafið þið sett
niður?
„Mest var gróðursett af sitkagreni
og rauðgreni á fyrstu árunum. Líka
stafafuru og lítils háttar af lerki.
Birkið hefur sótt á á seinni árum enda
meira framboð af því eftir að land-
græðsluskógaverkefnið fór af stað.“
Þrífst þetta allt jafn vel fyrir vestan?
„Já, það hefur allt dafnað ágætlega
nema rauðgrenið. Það hefur ekki sýnt
eins góðan vöxt og aðrar tegundir.“
Hafið þið svo selt jólatré úr þessum
skógi ykkar?
„Við gefum kirkjunni alltaf jólatré og
höfum í mörg ár skaffað öll jólatré
sem bærinn skreytir með en ekki selt
til heimilisnota.“
Hefur þú verið sjálf að setja niður eða
stjórnað vinnuflokkum sem séð hafa
um það?
„Ég hef auðvitað gripið í gróður-
setningu en yfirleitt höfum við ráðið
okkur verkstjóra og svo fengið hópa
frá vinnuskólanum á vegum bæjar-
ins. Svo hafa sjálfboðaliðar líka lagt
hönd á plóg. Eftir því sem skógur-
inn stækkar fjölgar störfum því um-
hirðan eykst og það þarf að grisja og
leggja göngustíga.“
Hvaðan ert þú, Magdalena?
„Ég er af sunnanverðu Snæfellsnesi.
Frá Hrísdal í Miklaholtshreppi.“
Ólst þú þar upp við trjárækt?
„Nei, en það var skógur í landi Hrís-
dals sem við höfðum mætur á.“
Hversu lengi hefurðu búið á Ísa-
firði?
„Í 54 ár eða frá árinu 1954.“
Þá hefur hlíðin fyrir ofan bæinn litið
talsvert öðruvísi út.
„Já, það var samt byrjað að planta
skógi þar þá og hann svolítið farinn
að potast upp.“
Hefur ræktunin aldrei orðið fyrir
skakkaföllum af skriðum og snjó?
„Það er minna um það en ætla mætti.
Við lifum í þessari náttúru sem er
umhverfis okkur og gerum ráð fyrir
að hún hafi stundum sín áhrif.“
gun@frettabladid.is
MAGDALENA SIGURÐARDÓTTIR: HLAUT VIÐURKENNINGU FYRIR 30 ÁR Í SKÓGRÆKT
Meðfæddur ræktunaráhugi
SKÓGURINN SETUR SVIP Á HLÍÐINA FYRIR OFAN ÍSAFJÖRÐ Fyrstu árin var mikið gróðursett af
sitkagreni og rauðgreni í hlíðinni. Stafafura bættist svo við og einnig lerki. Birki hefur svo sótt á
í seinni tíð.
MAGDALENA SIGURÐARDÓTTIR „Hér fyrir vestan virðast góð vaxtarskilyrði fyrir skóg.“ MYND/BB/HALLDÓR SVEINBJÖRNSSON.
FRIEDRICH NIETZSCHE ANDAÐIST
ÞENNAN DAG ÁRIÐ 1900.
„Listin er hið sanna verk-
efni lífsins.“
Friedrich Nietzsche var þýsk-
ur heimspekingur sem á síð-
ari hluta 20. aldar varð viður-
kenndur sem mikilvægur hugs-
uður í nútímaheimspeki.
Á annað hundrað manns safnaðist saman við
stíflu Laxárvirkjunar í Miðkvísl í Þingeyjarsýslu að
kvöldi þessa dags árið 1970 og rauf sex til átta
metra skarð í hana með dráttarvélum, skóflum
og dýnamíti. Vatnsflaumurinn fossaði í gegn. Mý-
vetningar og aðrir Þingeyingar lýstu verknaðinum
á hendur sér. Með honum vildu þeir mótmæla
stækkun virkjunarinnar og gerð stíflunnar sem
þeir töldu aldrei hafa verið löglega heimild fyrir.
Undanfari aðgerðanna var mikil mótmæli gegn
stíflunni í Miðkvísl sem var milli Arnarvatns og
Geirastaða. Íbúar á svæðinu töldu að mannvirk-
in hefðu mikil og neikvæð áhrif á lífríki Laxár og
Mývatns. Þrátt fyrir að silungastigi væri í stíflunni
sögðu þeir hana loka samgönguleiðum silungs
milli Mývatns og Laxár og nefndu því til sönnun-
ar að urriðaveiði hefði farið stórminnkandi bæði
í ánni og vatninu.
Stjórn Laxárvirkjunar krafðist tafarlausrar rann-
sóknar á verknaðinum og hlutu ýmsir forsprakkar
dóma fyrir aðild sína að málinu.
ÞETTA GERÐIST: 25. ÁGÚST 1970
Stífla í Laxá rofin með dínamíti
MERKISATBURÐIR
1609 Galíleó Galílei sýnir fen-
eyskum kaupmönnum
stjörnukíki sem hann
skoðaði tungl Júpíters
með.
1718 Borgin New Orleans er
stofnuð í Louisiana.
1825 Úrúgvæ lýsir yfir sjálfstæði
frá Brasilíu.
1895 Stofnað var Hið skagfirska
kvenfélag.
1907 Prentsmiðja stofnuð í
Hafnarfirði og prentun
Fjallkonunnar flutt þang-
að.
1912 Þjóðernisflokkur Kína,
Kuomintang, stofnaður.
1944 Bandamenn frelsa París í
síðari heimsstyrjöldinni.
1980 Microsoft kynnir sína út-
gáfu af Unix, Xenix.
TINNA
HRAFNS-
DÓTTIR
LEIKKONA
er 33 ára í
dag.
JONAS
GAHR STØRE
UTANRÍKIS-
RÁÐHERRA
NOREGS
er 49 ára í
dag.
TIM BURTON
LEIKSTJÓRI
er fimmtug-
ur í dag.
ÁSTA K.
RAGNARS-
DÓTTIR
NÁMSRÁÐ-
GJAFI
er 56 ára í
dag.
AFMÆLI
Ástkæri maðurinn minn, faðir,
sonur og bróðir,
Sveinn S. Þorgeirsson
Frakkastíg 22, Reykjavík,
sem lést föstudaginn 8. ágúst 2008, verður jarðsunginn
frá Neskirkju þriðjudaginn 26. ágúst 2008 kl. 13.00.
Blóm og kransar eru afþakkaðir, en þeim sem vilja
minnast hans er bent á SÁÁ.
Anna Ringsted
Elísabet Ýr Sveinsdóttir
Þorgeir Sveinsson
Svava Pálsdóttir
Pálmar Þorgeirsson
Hrafnhildur Þorgeirsdóttir
Brynhildur Þorgeirsdóttir
Aðalsteinn Þorgeirsson
og fjölskyldur.
Eiginmaður minn,
Sæmundur Helgason
bóndi á Galtarlæk, Hvalfjarðarsveit,
lést á laugardaginn 23. ágúst.
Guðbjörg Guðmundsdóttir