Fréttablaðið - 25.08.2008, Blaðsíða 37
MÁNUDAGUR 25. ágúst 2008 21
Fyrsta plata rokkaranna í AC/DC í
átta ár nefnist Black Ice og
kemur út 20. október. Fimmtán
lög verða á plötunni sem fylgir á
eftir Stiff Upper Lip sem kom út
árið 2000. Til að fylgja plötunni
eftir ætlar AC/DC í tónleikaferð
um heiminn sem hefst seint í
október. Fyrsta smáskífulagið,
Rock N´Roll Train fer í útvarps-
spilun í lok ágúst.
Auk nýju plötunnar er væntan-
legur í næsta mánuði DVD-
mynddiskurinn No Bull: The
Director´s Cut sem var tekinn upp
á tónleikum í Madrid árið 1996.
AC/DC gefur
út Black Ice
AC/DC Rokkararnir í AC/DC ætla að gefa
út sína fyrstu plötu í átta ár.
Dave Grohl og félagar í Foo
Fighters ætla að gefa út safnplötu
með sínum bestu lögum 10.
nóvember. Á plötunni, sem
nefnist einfaldlega The Best Of,
verða einnig tvö ný lög og kemur
annað þeirra út á smáskífu 27.
október.
Ekki hefur verið gert opinbert
hvaða lög verða á plötunni en
slagarar á borð við My Hero,
Everlong, Learn to Fly og Times
Like These eru líklegir kandídat-
ar. Foo Fighters hafa gefið út sex
plötur á ellefu ára ferli sínum. Sú
síðasta, Echoes, Silence, Patience
& Grace, kom út í fyrra.
Safnplata frá Foo Fighters
FOO FIGTHERS Rokkararnir í Foo Fighters
ætla að gefa út safnplötu í nóvember.
Britney Spears og fyrrverandi
kærasti hennar, Justin Timber-
lake, munu ná saman á ný í dúett á
nýjustu plötu Britneyjar.
Parið átti að syngja saman á síð-
ustu plötu hennar, Blackout. Söng-
konan skrópaði hins vegar í hljóð-
verið, þar sem Timbaland og
Justin biðu hennar. Justin lýsti þá
yfir miklum áhyggjum af vinkonu
sinni og vildi allt fyrir hana gera
til að koma söngferli hennar aftur
í samt form. Nú horfir aftur allt til
betri vegar hjá Britney.
Saman á ný
LEIÐA SAMAN HESTA SÍNA Justin vill
syngja með Britney á nýrri plötu hennar,
en þau sjást hér saman árið 2000.
NORDICPHOTO/GETTY
F
í
t
o
n
/
S
Í
A
Tónlistarmaðurinn Gunnar
Örn Tynes dvaldist í sumar
í hinum afskekkta Galtar-
vita á Vestfjörðum, en vinn-
ur nú að upptöku nýjustu
plötu hljómsveitarinnar
Múm – þar sem meðal ann-
ars er notast við hljóðnema
úr skriðdrekahlutum.
Tónlistarmaðurinn Gunnar Örn
Tynes dvaldist í sumar um nokkurt
skeið í hinum afskekkta Galtarvita
á Vestfjörðum. Gunnar, sem er með-
limur í hljómsveitinni Múm, segist
hafa farið að Galtarvita reglulega
frá árinu 2001 til að vinna að tónlist
og njóta lífsins. „Óli vinur minn
keypti vitann fyrir átta árum síðan
og hafði hugsað sér að nýta híbýlin
sem stað þangað sem listamenn og
aðrir geta komið og unnið að tónlist,
við skriftir eða bara notið náttúr-
unnar. Umhverfið við vitann er
ólýsanlegt og það er erfitt að lýsa
þeirri stemningu sem þar er, maður
er bara ótrúlega einn í heiminum og
gjörsamlega tímalaus,“ segir Gunn-
ar. Meðan á dvölinni stóð vann
Gunnar að safnplötu sem á að vera
til styrktar vitanum. „Ég var í vit-
anum í mánuð og bauð fullt af fólki
að koma og vera með mér. Við
unnum svo grunnvinnu að þessari
styrktarplötu en kláruðum þau ekki
því við ætlum að fá fleiri tónlistar-
menn til að vinna með lögin. Hug-
myndin er svo að gera þetta á
tveggja ára fresti héðan í frá. Það
er nefnilega ýmislegt sem þarf að
laga og bæta og Óli hefur ekki enda-
laust fjármagn til þess.“
Gunnar er nú komin aftur suður
til þess að klára nýjustu plötu hljóm-
sveitarinnar Múm en við upptöku
plötunnar notaðist hljómsveitin
meðal annars við hljóðnema búinn
til úr varahlutum úr gömlum skrið-
drekum. „Ég var á tónleikaferða-
lagi og hitti þá manninn sem smíðar
þessa hljóðnema úr varahlutum.
Hljóðneminn lítur eiginlega út eins
og lampi frekar en hljóðnemi og
hljóðið sem kemur úr honum er
gamalt, lítið hljóð með suði og er
mjög fallegt. Smiðurinn varaði
okkur þó við að ferðast mikið með
hann því þessi málmblanda er helst
notuð í hernaðarskyni og getur því
komið manni í vandræði,“ segir
Gunnar að lokum og minnir á að
þeir sem hafi áhuga á að dvelja á
Galtarvita geta haft samband við
eigandann í gegnum galtarviti.com.
sara@frettabladid.is
Múm notar hljóðnema úr
skriðdrekahlutum
HLJÓÐNEMINN Hann er smíðaður úr
skriðdrekavarahlutum.
GUNNAR OG HLJÓM-
SVEITIN MÚM Eru að
leggja lokahönd á
nýja plötu.