Fréttablaðið - 25.08.2008, Blaðsíða 40

24 25. ágúst 2008 MÁNUDAGUR
L a u g a v e g u r 6 6 , 2 . h . S í m i 5 5 2 2 4 6 0
Við óskum íslenska handboltalandsliðinu innilega
til hamingju með árangurinn á Ólympíuleikunum
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 Frakkar unnu Ólymp-
íugullið á sanngjarnan og sannfær-
andi hátt er liðið lagði Ísland með
fimm marka mun, 28-23. Það var
rétt í byrjun leiks sem hann var
spennandi en eftir stundarfjórð-
ungsleik höfðu Frakkar náð fimm
marka forystu, 9-4, og þá forystu
létu þeir aldrei af hendi. Strákarn-
ir okkar börðust dátt en það dugði
ekki til.
Annars er tilgangslaust að segja
mikið frá leiknum. Það sáu hann
allir á Íslandi. Lykillinn að sigri
Frakka var ógnarsterkur varnar-
leikur og stórbrotin markvarsla
Thierrys Omeyer sem varði líkt og
óður væri.
Það er engin skömm að tapa
fyrir þessu franska liði. Strákarnir
okkar hafa sýnt í þessu móti að
þeir eiga heima á meðal þeirra
bestu. Þeir hafa lagt þá bestu á leið
sinni í úrslitin og geta vel lagt lið
eins og Frakkland á góðum degi.
Uppskeran er silfur á Ólympíu-
leikum sem er stórbrotinn árang-
ur. Ég ætla að leyfa mér að stór-
efast um að þessi árangur verði
hreinlega toppaður. Svo stórkost-
legur er hann.
Til að ná slíkum árangri þarf allt
að ganga upp og sú var raunin hér í
Peking. Samstilltur hópur leik-
manna, þjálfara og aðstoðarmanna
í bland við jákvæðan hugsunarhátt
og trú á eigin getu fleytti liðinu á
pall í Peking. Engin minnimáttar-
kennd, ekkert kjaftæði. Bara
jákvæðni og sjálfstraust.
Liðið mun í kjölfar þessara leika
ganga í gegnum einhverjar breyt-
ingar. Sú stærsta væntanlega sú að
Ólafur Stefánsson hættir að leika
með liðinu. Hann er einstakur leik-
maður og skarð hans verður ekki
fyllt svo auðveldlega. Engu að
síður er liðið skipað fleiri frábær-
um leikmönnum og breiddin sem
hefur vantað er loksins komin. Sem
og trúin á að liðið geti náð hæstu
hæðum.
Í lokin vil ég aftur endurtaka
aðdáun mína á leikmönnum liðsins
sem og þeim sem að liðinu koma.
Ótrúlegt fólk sem hefur skráð nöfn
sín í sögubækurnar. Ég tel mig
mæla fyrir hönd margra er ég segi:
Takk kærlega fyrir ævintýrið,
gleðina og allar minningarnar.
Áfram Ísland.
Omeyer stóð í vegi fyrir gullinu
Íslendingar þurftu að játa sig sigraða gegn ógnarsterkum Frökkum en uppskeran er silfur á Ólympíuleik-
um sem er stórbrotinn árangur. Í liðinu er ótrúlegt fólk sem hefur skráð nöfn sín í sögubækurnar.
AÐ LEIÐARLOKUM Guðmundur Guðmundsson, Ólafur Stefánsson og Sigfús Sigurðsson. FRÉTTABLAÐIÐ/VILHELM
ÍSLAND–FRAKKLAND 23-28 (10-15)
Mörk Íslands (skot): Ólafur Stefánsson 5 (11/1),
Arnór Atlason 4 (8), Snorri Steinn Guðjónsson
4/3 (6/4), Logi Geirsson 3 (8), Guðjón Valur
Sigurðsson 3 (10), Alexander Petersson 2 (5),
Róbert Gunnarsson 1 (2), Sigfús Sigurðsson 1
(2).
Varin skot: Björgvin Páll Gústavsson 12 (33/1)
36%, Hreiðar Levý Guðmundsson 1 (8/1) 13%.
Hraðaupphlaup: 5 (Róbert, Guðjón, Arnór, Logi,
Sigfús).
Fiskuð víti: 5 (Róbert 2, Arnór, Guðjón, Sigfús).
Utan vallar: 6 mínútur.
Mörk Frakka (skot): Nikola Karabatic 8 (9), Bert
rand Gille 5 (7), Luc Abalo 4 (5), Cedric Burdet 4
(7), Michael Guigou 3/1 (4/1), Daniel Narcisse 2
(11), Joel Abati 1 (1), Olivier Girault 1/1 (2/1).
Varin skot: Thierry Omeyer 24/2 (44/4) 55%,
Daouda Karabou 1 (4/1) 25%.
Hraðaupphlaup: 4. Utan vallar: 8 mínútur.
PEKING 2008 „Þetta sumar og
andrúmsloftið í hópnum er engu
líkt. Við höfum byggt upp
stemningu, slátrað liðum og
komumst í úrslit á Ólympíuleik-
unum. Það er einstakt,“ sagði
fallbyssan Logi Geirsson, stoltur
með silfrið.
„Það tekur enginn þetta silfur
frá okkur. Við unnum fyrir þessu
og eigum það skilið. Frakkarnir
voru samt betri en við í dag. Það
viðurkenni ég fúslega. Eftir
leikinn stóð ég dofinn og sagði
svo við Ásgeir Örn: Sjáðu maður,
þetta er alveg fáránlegt. Þetta er
eins og að maður sé að vakna úr
draumi. Hann var hjartanlega
sammála. Þetta er stærsta
stundin í mínu lífi,“ sagði Logi.
– hbg
Logi Geirsson var léttur:
Stærsta stundin
í mínu lífi
LÉK Á ALS ODDI Það var gaman að
fylgjast með Loga. FRÉTTABLAÐIÐ/VILHELM
PEKING 2008 „Það eru víst allir
íþróttamenn að elta gull en til-
finningin að fara á pall er auðvit-
að frábær. Þetta er pínu erfitt
eftir slakan leik en ég er að reyna
að hugsa sem minnst um leikinn
og reyna að njóta þess að við
höfum náð einum merkasta
áfanga í sögu liðsíþrótta,“ sagði
Guðjón Valur Sigurðsson með
þungan og glæsilegan silfurpen-
ing um hálsinn.
„Við erum auðvitað mjög stolt-
ir af þessum árangri. Við töpuð-
um fyrir betra liði í úrslitaleikn-
um. Annars vil ég bara tala um
hvað maður er glaður og jákvæð-
ur og gaman að heyra að allt sé á
hvolfi heima. Það er vonandi að
fólk heima sé hamingjusamt,
jákvætt og hafi notið dagsins,“
sagði Guðjón en hann hefur notið
dvalarinnar í Peking til hins ýtr-
asta og mun seint gleyma þess-
ari ferð.
„Þetta hefur verið frábært og
alveg ótrúlega gaman. Það hafa
allir í hópnum lagt sitt lóð á vog-
arskálarnar. Nú fer maður að
tjúna sig upp og reyna að gera
sér grein fyrir því hvað við
vorum að afreka hérna,“ sagði
Guðjón en ætlar hann að sofa
með medalíuna? „Ég veit það
ekki en hún fer klárlega ekki
langt frá mér.“ - hbg
Guðjón Valur Sigurðsson ætlar að passa medalíuna:
Einn merkasti áfang-
inn í sögu liðsíþrótta
EITT AF 43 Guðjón Valur Sigurðsson varð þriðji markahæstur. FRÉTTABLAÐIÐ/VILHELM
FÓTBOLTI Portúgalinn Deco tryggði
Chelsea 1-0 sigur á Wigan og
áfram fullt hús á toppi ensku
úrvalsdeildarinnar þegar hann
skoraði eina mark leiksins beint
úr aukaspyrnu á 4. mínútu.
Elano skoraði tvö mörk og Daniel
Sturridge eitt í 3-0 sigri
Manchester City á West Ham en
áður hafði Micah Richards, Man.
City, verið fluttur á sjúkrahús. - óój
Enska úrvalsdeildin í gær:
Glæsimark Deco
FORMÚLA 1 Brasilíumaðurinn
Felipe Massa hjá Ferrari vann
öruggan sigur á Valenciu-
kappakstrinum í gær en keppt
var á nýrri götubraut.
Massa komst með þessum sigri
upp í annað sætið en Lewis
Hamilton hjá McLaren, sem varð
í 2. sæti er efstur í keppni
ökumanna. Robert Kubica á BMW
Sauber varð síðan þriðji. - óój
Formúla 1 á Spáni:
Massa vann