Fréttablaðið - 26.08.2008, Blaðsíða 25
ÞRIÐJUDAGUR 26. ÁGÚST 2008
Glæsilegir fulltrúar hestamanna á
LM2008 á Gaddstaðaflötum.
MYND/JENS EINARSSON
Ársþing Landssambands hesta-
mannafélaga 2008 verður haldið á
Kirkjubæjarklaustri 24. og 25. okt-
óber. Þingið er í boði hestamanna-
félagsins Kóps. Ársþing LH hafa
til skamms tíma verið haldin annað
hvert ár, en voru lengst af haldin
á hverju ári. Sú breyting var gerð
á reglum um kosningar, samfara
fækkun þinganna, að öll stjórnin er
í kjöri á hverju ársþingi. Stjórn LH
skipa nú: Haraldur Þórarinsson for-
maður, Vilhjálmur Skúlason vara-
formaður, Maríanna Gunnarsdótt-
ir gjaldkeri og Einar Ragnarsson
ritari. Meðstjórnendur eru Sigfús
Helgason, Sigurður Ævarsson og
Oddur Hafsteinsson.
Ársþing LH á
Klaustri
Nemendur og kennarar við hestabraut
FSu í reiðhöllinni á Votmúla.
MYND/JENS EINARSSON
Eindreginn vilji er fyrir að hafa
áfram hestabraut við Fjölbrauta-
skóla Suðurlands. Um er að ræða
tveggja ára nám sem gefur 70 ein-
ingar. Hestabrautin hefur verið í
þróun við skólann undanfarin ár
og er það samdóma álit allra sem
að henni standa að vel hafi tekist
til. Örlygur Karlsson skólameist-
ari segir að hestabrautin hafi gildi
fyrir skólann. Margir velji FSu
vegna hestabrautarinnar. Allt kapp
verði því lagt á að útvega peninga
til reksturs brautarinnar, sem kost-
ar sitt, eðli málsins samkvæmt.
Freyja Hilmarsdóttir á Votmúla
hefur undanfarin ár séð um verk-
lega þátt hestabrautarinnar. Reið-
kennararnir við hestabrautina eru
Hugrún Jóhannsdóttir og Magnús
Lárusson.
Hestabrautin
áfram við FSu