Fréttablaðið - 26.08.2008, Blaðsíða 26
● lh hestar 26. ÁGÚST 2008 ÞRIÐJUDAGUR6
Reiðmennska er íþrótt. Áhuginn fyrir þeirri íþrótt eykst stöðugt.
Það er í rauninni ekkert skrýtið. Hestamennskan býður upp á svo
margt, hvort sem um er að ræða keppni, útreiðar eða ferðalög:
Samveru með lifandi dýrum, útivist, og það verðuga verkefni að
ná valdi yfir hestinum og kunna að annast hann. Allt krefst þetta
þess að reiðmaðurinn búi yfir kunnáttu. Sú kunnátta kemur ekki
af sjálfu sér. Hún er vandasöm og dýrmæt. Á keppnistímabilinu
sem nú er að ljúka komu fram margir snjallir hestar og knapar.
Við birtum hér lítið sýnishorn. Myndirnar tók Jens Einarsson.
Svipmyndir frá
liðnu sumri
1. Sproti frá Sjávarborg er tvímælalaust einn best tamdi og þjálfaði íslenski skeið-
hesturinn um þessar mundir. Eigandi hans og knapi er Guðmundur Einarsson, sem er
búsettur í Svíþjóð. MYND/JENS EINARSSON
2. Liðsstjórar íslenska landsliðsins á NM2008 voru þeir Einar Öder Magnússon og Hinrik Bragason. Hér fara þeir keikir fyrir
íslenska liðinu við setningu mótsins.
3. Fredrik Rydström á Króki frá Efri-Rauðalæk keppti fyrir Dan-
mörku á NM2008. Hann er sænskur en giftur Malu Logan, sem
einnig var í danska liðinu. Góður knapi á vel þjálfuðum hesti.
4. Gola frá Þjórsárbakka vakti mikla athygli á Íslandsmótinu
2008 í Reykjavík. Keppandi á henni var Lena Zielinski. Hún varð
efst í fjórgangi í fyrsta flokki. Gola er undan Andvara frá Ey og
Eldingu frá Hóli, Hrynjandadóttur frá Hrepphólum.
5. Góðir knapar í hópi kvenna. Silvía
Sigurbjörnsdóttir og Birna Káradóttir
ríða til úrslita á Íslandsmóti.
6. Rasmus Møller Jensen, Danmörku,
á Svip frá Uppsölum, er Norðurlanda-
meistari í fimmgangi fullorðinna. Svipur
er frábær gæðingur undan Gusti frá
Hóli, viljugur og þjáll eins og pabbinn.
7. Karl Wernersson, kaupsýslu- og
athafnamaður, kom inn í hestamennsk-
una á Íslandi með trukki á síðastliðnu
ári. Hér veitir hann Reyni Erni Pálmasyni
verðlaun á Íslandsmóti fyrir sigur í slak-
taumatölti meistara.
8. Nákvæm dýralæknaskoðun fer fram
á stórmótum íslenskra hesta í útlönd-
um. Einar Öder liðsstjóri fylgist með af
nákvæmni.
9. Snorri Dal kom á óvart á Íslandsmót-
inu í hestaíþróttum með hestinn Odd
frá Hvolsvelli. Fortíð hestsins er hulin
móðu. Hann var lengi viðsjáll, gekk
manna á millum í hestakaupum. Snorri
varð Íslandsmeistari í fjórgangi á Oddi.
10. Stóðhesturinn Lúðvík frá Feti stóð
sig með mikilli prýði á Íslandsmót-
inu. Knapi ársins frá í fyrra, Þórarinn
Eymundsson, varð annar á honum í
fimmgangi meistara.
11. Hekla Katarína Kristinsdóttir varð efst í tölti ungmenna
á NM2008 eftir langa og harða keppni í ausandi rigningu.
Edda Hrund Hinriksdóttir varð þriðja. Á milli þeirra er norska
stúlkan Tina Kalmo Pedersen á Hrefnu frá Ebru.
12. Sara Sigurbjörnsdóttir er bráðefnilegur knapi með frábæra
ásetu. Hún stóð sig vel á Íslandsmótinu í hestaíþróttum og varð
meðal annars efst í fjórgangi í sínum flokki.
seisei.is
Vefur um
hestamennsku