Fréttablaðið - 26.08.2008, Blaðsíða 38
22 26. ágúst 2008 ÞRIÐJUDAGUR
folk@frettabladid.is
„Þetta hefur heldur betur gengið vel,“
segir Heimir Hermannsson,
framkvæmdastjóri Ölgerðar Reykjavíkur,
en nýi bjórinn þeirra, Gullfoss, seldist upp
í síðustu viku. „Fyrsta bruggunin kláraðist
á fimmtudaginn, en önnur bruggun á að
koma núna á fimmtudag,“ útskýrir
Heimir. Gullfoss er hágæðabjór,
framleiddur í Bruggsmiðjunni á
Árskógssandi. Bjórinn er fersk vara
og inniheldur engin rotvarnarefni.
„Við höfum fengið mjög góð viðbrögð
við honum. Ég setti upp einfalda
heimasíðu og hvatti fólk til að senda mér
tölvupóst með umsögnum um bjórinn. Ég
hef fengið þvílíkt magn af pósti og alla
mjög jákvæða. Síminn hefur heldur ekki
stoppað, það er mikið af fólki sem vill
kaupa bjórinn í brúðkaup, til dæmis. Við
erum greinilega sparibjórinn í
brúðkaupin,“ segir Heimir og hlær við.
Hann hefur nú þegar pantað fleiri
gerjunartanka svo hægt verði að brugga
allt að fjórum sinnum meira af Gullfossi í
einu og því ljóst að kreppan hefur lítil
áhrif á bjórdrykkju landans. Ölgerð
Reykjavíkur áformar einnig að setja á
markað nýjan bjór fyrir jólin. „Við
myndum þá brugga frá grunni nýjan bjór
sem færi vel með jólamatnum, reykta
kjötinu og þessu öllu,“ segir Heimir, sem
lætur ekki staðar numið við að eiga
brúðkaupsbjór landsmanna. „Við verðum
bara með allar hátíðir,“ segir hann. - sun
Gullfoss vinsæll í brúðkaup
FRÁBÆR ÁRANGUR Heimir Hermannsson er að
vonum ánægður með viðtökur við Gullfossi en
fyrsta bruggun hans er nú uppseld.
> VISSIR ÞÚ …
að Kirsten Dunst er ofboðslega hrædd
við það að syngja fyrir framan fólk?
„Ég hef það ekki í mér. Ég get
alveg sungið ef ég er ein í stúd-
íói, en ég gæti það aldrei á sviði,
svo mikið er víst.“ Söngur Dunst
í Spiderman var einmitt tekinn
upp í einrúmi.
„Miðasalan er farin af stað á net-
inu og gengur mjög vel,“ segir
Stefán Baldursson óperustjóri um
verkin Cavalleria Rusticana og
Pagliacci sem verða sýnd í
Íslensku óperunni í haust með
Kristján Jóhannsson og Jóhann
Friðgeir Valdimarsson í aðalhlut-
verkum. Þetta verður í fyrsta sinn
sem Kristján stígur á svið í
Íslensku óperunni, eins og komið
hefur fram í Fréttablaðinu. „Við
erum búin að selja nokkur hund-
ruð miða á einhverjum fjórum til
fimm dögum. Þetta fer mjög vel af
stað af því að við höfum í rauninni
ekki auglýst þetta mikið,“ segir
Stefán og bætir því við að æfingar
hafi gengið mjög vel.
Kristján og Jóhann Friðgeir
munu skipta með sér hlutverkum
Canio og Turriddu í sýningunum,
sem verða átta talsins. Almenn
miðasala hefst næstkomandi laug-
ardag og verður hægt að kaupa
miða fram að frumsýningardegin-
um, 19. september. - fb
Kristján dregur að
MÆTTUR Í ÓPERUNA Kristján Jóhanns-
son fyrir utan Íslensku óperuna þar
sem hann kemur fram í fyrsta skipti 19.
september. FRÉTTABLAÐIÐ/GVA
Angelina Jolie og Brad Pitt eru
sögð ólm í að falla inn í hópinn í
Brignol, Frakklandi, þar sem þau
keyptu kastala nýlega. Stjörnu-
parið og barnahópur þeirra býr
nálægt Johnny Depp og konu hans,
Vanessu Paradis, en þau eiga sína
eigin vínekru norðan við St. Trop-
ez. Heimildarmaður Daily Express
sagði þau vilja festa rætur í þorp-
inu og verða eins og heimamenn.
Þau vilji vera eins og Johnny og
Vanessa og lifa rólyndislífi.
Til þess að falla inn í hópinn
hafa þau ákveðið að halda risa-
partí fyrir nágranna sína. Á bæjar-
stjórinn að hafa hvatt þau til þess,
þar sem það sé hefð fyrir því að
aðkomufólk haldi kokteilboð fyrir
alla sem búa í þorpinu. Það verður
þó seint sagt að parið sé hefð-
bundnir nágrannar og má jafnvel
ætla að bæjarstjórinn sé örlítill
tækifærissinni.
Brangelina heldur
partí í Frakklandi
VILJA FALLA INN Brad og Angelina bjóða
heim til að ganga í augun á nágrönnun-
um. NORDICPHOTOS/GETTYA
u
g
lý
si
n
g
a
sí
m
i
– Mest lesið