Fréttablaðið - 27.08.2008, Blaðsíða 2
2 27. ágúst 2008 MIÐVIKUDAGUR
HANDBOLTI „Það er enginn hörgull
á orðum, við eigum alltaf nóg af
þeim,“ segir Örnólfur Thorsson,
forseta- og orðuritari.
Ólafur Ragnar Grímsson
forseti tilkynnti í fyrradag að
íslenska handboltalandsliðið fái
fálkaorður við heimkomu þeirra í
dag. Ekki þarf að smíða nýjar
orður fyrir veitinguna á morgun.
„Embætti forseta sér til þess að
á hverjum tíma séu til nægilega
margar orður á hverju stigi,“
segir Örnólfur.
Afhenda þarf orður orðuhafa
eftir dauða þeirra. „Þá er farið
yfir þær, þær hreinsaðar og síðan
eru þær nýttar áfram,“ segir
Örnólfur. - vsp
Orður fyrir strákana okkar:
Ekki þarf að
smíða nýjar
STJÓRNSÝSLA Kostnaður vegna
tveggja ferða Þorgerðar Katrínar
Gunnarsdóttur, mennta- og íþrótta-
málaráðherra,
ásamt maka
hennar, Kristj-
áni Arasyni,
stjórnarmanni í
HSÍ og for-
manni landsliðs-
nefndar, Guð-
mundi Árnasyni
ráðuneytis-
stjóra og eigin-
konu hans á
Ólympíuleikana í Kína nemur tæp-
lega fimm milljónum króna, eða
4.929.310,5 krónum. Allur kostn-
aðurinn er greiddur af mennta-
málaráðuneytinu.
„Ráðherrar eiga að sýna gott
fordæmi og vera hófsamir í öllu
svona löguðu,“ segir Steingrímur
J. Sigfússon, formaður Vinstri
grænna.
„Ef þau hefðu sætt sig við hóf-
samari ferðamáta og aðbúnað þá
hefði þetta verið betra,“ segir
Steingrímur. Hann segir hins
vegar ekkert óeðlilegt við að ráð-
herra sé viðstaddur viðburð sem
þennan.
„En fyrst hún var komin heim,
þá fannst mér nú ólánlegt að hún
hafi farið aftur. Einhver hefði sagt
að það væri vel fyrir komið að for-
seti og frú hans væru þarna,“
segir Steingrímur.
Seinni ferð ráðherra var
umdeild en hún kostaði ein og sér
2.126.681 fyrir tvær nætur. Til-
gangur þeirrar ferðar var að fylgj-
ast með gengi íslenska hand-
boltalandsliðsins, sem hreppti
silfrið á sunnudaginn.
„Mér hefði fundist óeðlilegra að
íþróttamálaráðherra landsins
hefði ekki verið viðstaddur
stærsta íþróttaviðburð í sögu þjóð-
arinnar,“ segir Þorgerður Katrín
Gunnarsdóttir menntamálaráð-
herra.
Kostnaðurinn, sem greiddur var
af ráðuneytinu, var dagpeningar
ráðherra og ráðuneytisstjóra,
flugfargjöld og hótelgisting fyrir
ráðherra, ráðuneytisstjóra og
maka þeirra.
Einnig má geta þess að ríkis-
stjórnin, að frumkvæði mennta-
málaráðherra, ákvað í gær að
styrkja Handknattleikssamband
Íslands, HSÍ, um fimmtíu milljón-
ir vegna þess einstaka afreks sem
íslenska handknattleikslandsliðið
vann. Fréttablaðið hefur einnig
óskað eftir upplýsingum um kostn-
aðinn við för forseta Íslands og
fylgdarlið hans á Ólympíuleikana
í Peking. vidirp@frettabladid.is
Fimm milljónir í
Kínaferðir ráðherra
Kostnaður við ferðir menntamálaráðherra, ráðuneytisstjóra og maka þeirra á
Ólympíuleikana í Kína var tæpar fimm milljónir. Seinni ferðin kostaði rúmar
tvær milljónir. Formaður VG segir eiga að sýna hófsemi í svona löguðu.
STEINGRÍMUR J.
SIGFÚSSON
Á ÓLYMPÍULEIKUNUM Í PEKING
Mennta- og íþróttamálaráðherra var
viðstaddur úrslitaleikinn gegn Frökkum.
KOSTNAÐARLIÐIR FERÐANNA
Fyrri ferðin frá 5.-14. ágúst:
Flugfargjald var 446.320 krónur á
mann = 1.785.280 krónur fyrir fjóra.
Gisting í níu nætur á China World
Hotel fyrir fjóra = 632.000 krónur.
Dagpeningar ráðherra fyrir tíu
daga = 30.133,95 * 10 = 301.339,5
krónur.
Dagpeningar ráðuneytisstjóra =
12.001,4 * 10 = 120.014 krónur.
Samtals = 2.838.633,5 krónur.
Seinni ferðin frá 23.-25. ágúst:
Flug fyrir ráðherra = 609.300
krónur*
Flug fyrir maka = 656.790 krónur*
Flug fyrir ráðuneytisstjóra = 590.700
krónur*
Gisting í tvær nætur á Radison SAS í
Peking = 143.485 krónur.
Dagpeningar ráðherra fyrir þrjá daga
= 90.401,85 krónur.
Dagpeningar fyrir ráðuneytisstjóra =
36.004,2 krónur.
Samtals = 2.090.676,8 krónur.
Samtals fyrir báðar ferðir =
4.929.310,3 krónur.
* SKÝRINGAR Á ÞVÍ HVERS VEGNA FLUGFARGJÖLDIN
VORU MISDÝR VAR STUTTUR FYRIRVARI BÓKANA
SAMKVÆMT MENNTAMÁLARÁÐUNEYTINU. EIGINKONA
RÁÐUNEYTISSTJÓRA VAR EKKI MEÐ Í FÖR Í SEINNI
FERÐINNI.
Gísli Páll, hvaða námskeið er
þetta aftur sem þú ert að fara
að halda?
„Ég man það ekki, minnisnámskeið
minnir mig.“
Gísli Páll Pálsson, framkvæmdastjóri
dvalarheimilisins Áss, er skipuleggjandi
minnisþjálfunarnámskeiðs sem haldið
verður í næstu viku.
SPÁNN, AP Farþegaþotuna sem fórst
á alþjóðaflugvellinum við Madríd í
síðustu viku skorti greinilega afl
þegar hún reyndi að taka á loft. Frá
þessu greindi í gær kona sem var
ein hinna átján sem komst lífs af úr
slysinu. Alls 154 manns dóu í þessu
versta flugslysi sem orðið hefur á
Spáni í aldarfjórðung.
Í flugtakinu tók konan, Beatriz
Reyes Ojeda frá Kanaríeyjum,
eftir því að hægri vængur
vélarinnar tók snögga dýfu og hún
fann líka fyrir því að vélina virtist
skorta afl til að hefja sig á loft.
Ojeda slasaðist ekki alvarlega og
bjargaði nokkrum börnum úr
logandi braki vélarinnar. - aa
Flugslysið við Madríd:
Farþegi vottar að
vélina skorti afl
SKIPULAGSMÁL „Þótt ég hafi verið
settur þarna í sæti sem var úthlutað
Framsóknarflokknum þá er ég ekki
í þeim flokki heldur kem ég þarna
inn sem óháður sérfræðingur,“
segir Sigmundur Davíð Gunnlaugs-
son skipulagshagfræðingur sem í
dag situr sinn fyrsta fund í skipu-
lagsráði Reykjavíkurborgar.
„Ég hefði aldrei tekið það í mál að
koma þarna inn sem pólitískur full-
trúi þar sem ég er að vinna við ráð-
gjöf á sviði skipulagsmála fyrir
nokkur sveitarfélög og þar á meðal
Reykjavíkurborg,“ bætir hann við.
En hvert verður hlutverk hans í
ráðinu? „Það var Óskar Bergsson
sem hafði samband við mig og sagði
að menn hefðu áhuga á því að reyna
að mynda sátt um skipulagsmálin
og ég var spurður hvort ég vildi
koma inn á þeim forsendum og taka
þátt í slíku. Ég hef aldrei tekið þátt í
pólitík en þar sem ég hef tjáð mig
talsvert um skipulagsmál fannst
mér ekki annað hægt en að þiggja
þetta tækifæri til að taka þátt í að
móta stefnuna í þessum mála-
flokki.“
Sigmundur Davíð hefur verið
ötull talsmaður þess að flugvöllur-
inn fari úr Vatnsmýrinni, en eins og
fram kom í Fréttablaðinu í gær eru
framsóknarmenn mótfallnir slíku.
Aðspurður hvort hann teldi þetta
geta leitt til árekstra sagði hann
ekki við hæfi að tjá sig um einstök
mál fyrr en hann hefði lokið fyrsta
fundi í ráðinu. - jse
Sigmundur Davíð kemur inn í skipulagsráð sem óháður sérfræðingur:
Er ekki í Framsóknarflokknum
SIGMUNDUR DAVÍÐ GUNNLAUGSSON
Skipulagshagfræðingurinn hefur sagst
vilja flugvöllinn burt úr Vatnsmýrinni.
NÁTTÚRA Hvít krækiber gefa þeim svörtu ekkert
eftir í bragðgæðum þótt þau séu ögn bragðdaufari
að sögn Svanhildar Björgvinsdóttur, íbúa á Sauðár-
króki.
Svanhildur og eiginmaður hennar voru á vappi í
fjöru norðan brúar yfir Vesturós Héraðsvatna
nýverið í leit að villijarðarberjum þegar þau rákust
á krækiberjalyng. Lyngfundurinn hefði ekki talist
til tíðinda ef það hefði ekki verið prýtt hvítum
berjum í stað svartra. „Síðar í ferðinni fann ég svo
villijarðarberin og þau eru líka mjög góð,“ segir
hún en villijarðarber eru einnig einkar sjaldséð á
Íslandi. Svanhildur segir þau mjög lítil en bragð-
sterk og ljúffeng, ólíkt mörgum þeirra stóru berja
sem fáanleg séu í verslunum. Greinilegt sé að á
svæðinu kenni margra grasa enda sé það stundum
kallað Furðustrandir.
Samkvæmt þeim svörum sem fengust á Náttúru-
fræðistofnun Íslands verða stundum til hvít
afbrigði vegna stökkbreytingar sem breytir
litarefnum í plöntum eða berjum.
Á vef Náttúrustofunnar er vitnað í grasafræðing-
inn Hörð Kristinsson sem segir hvít afbrigði
plantna einkum hafa fundist á Vestfjörðum en þau
geti þó skotið upp kollinum um allt land.
- kdk
Margra grasa kennir á Furðuströndum við Héraðsvötn:
Stökkbreytt krækiber og hvít
HVÍT KRÆKIBER Þessi sérstöku krækiber rak á fjörur hjóna í leit
að villijarðarberjum á Furðuströndum.
FRÉTTABLAÐIÐ/HELGI PÁLL JÓNSSON
FÉLAGSMÁL Rúmlega 1.700
grunnskólabörn eru á biðlista
eftir plássi á frístundaheimilum í
Reykjavík. Þetta kom fram á
stjórnarfundi Íþrótta- og tóm-
stundaráðs Reykjavíkur (ÍTR) í
gær. Frístundaheimilin tóku til
starfa í vikunni á sama tíma og
skólahald hófst.
Kjartan Magnússon, borgar-
fulltrúi Sjálfstæðisflokksins og
formaður ÍTR, segir að allt að 200
starfsmenn til viðbótar vanti til
að manna frístundaheimilin.
Staðan sé þó betri en á sama tíma
í fyrra. „Núna fer öll okkar orka í
að manna þessar stöður. Til lengri
tíma litið verður þó að hugsa
málin upp á nýtt til að tryggja
meiri stöðugleika í starfsmanna-
málunum,“ segir Kjartan. - kg
Frístundaheimili í Reykjavík:
Rúmlega 1.700
börn á biðlista
BRUSSEL, AP Fleiri Evrópubúar
munu deyja en fæðast frá árinu
2015; eftir það mun eingöngu
aðflutningur fólks sjá til þess að
ekki verði beinlínis fólksfækkun í
álfunni. Þetta kemur fram í
niðurstöðum nýrrar skýrslu
hagstofu Evrópusambandsins, Eur-
ostat, um fólksfjöldaþróun í
aðildarríkjunum 27 á komandi
árum.
Í skýrslunni er því spáð að
meðalaldur íbúa ESB-landa muni
stórhækka á næstu áratugum;
þessi þróun hefur meðal annars í
för með sér að það lendir á
herðum æ færra fólks á virkum
vinnualdri að fjármagna lífeyri
og heilbrigðisþjónustukostnað æ
fleira aldraðs fólks. - aa
Fólksfjöldaþróun í Evrópu:
Frá 2015 deyja
fleiri en fæðast
RAUFARHÖFN Fyrsti hráefnistank-
urinn af fjórum sem áður voru í
eigu Síldarvinnslu ríkisins á
Raufarhöfn verður rifinn niður í
hádeginu í dag. Til stendur að
reisa á svæðinu mannvirki í
líkingu við Stonehenge í Englandi.
Fyrirtækið Álfasteinn í Borgar-
firði eystri stendur fyrir bygg-
ingu mannvirkisins, en Hringrás
sér um hreinsun á svæðinu.
Hver um sig rúmuðu tankarnir
um 2.500 tonn af hráefni á sínum
tíma. Þeir eru um fimmtán metrar
á hæð og vegur hver þeirra um 65
tonn. - kg
Framkvæmdir á Raufarhöfn:
Hráefnistankur
rifinn niður
FERLÍKI Ingvar Jóel Ingvarsson hjá
Hringrás segir tankana vera lýti á
umhverfinu.
LIST „Ekki datt mér nú í hug að ég
þyrfti að taka verkið niður til
þess eins að setja það aftur upp
daginn eftir. En ég átti svo sem
ekki von á því að við ynnum
silfrið á Ólympíuleikunum
heldur,“ segir Axel Eiríksson
listamaður, höfundur skúlptúrsins
„Flugdreki“ sem stendur sunnan-
megin á Arnarhóli. Starfsmenn
Reykjavíkurborgar, með aðstoð
Axels, munu taka verkið niður
vegna móttökuhátíðar ólympíu-
faranna á Arnarhóli í dag.
„Þetta er mikið vesen fyrir mig
að taka verkið niður, en maður
verður að virða almannahags-
muni,“ segir listamaðurinn. - kg
Móttaka ólympíufaranna:
Flugdrekinn
látinn fjúka
FLUGDREKINN Víkur fyrir fólki sem hyllir
ólympíufarana.
VIÐSKIPTI Rauður blýantur sem
nota á til að strika út óþarfa
ríkisútgjöld fylgir fundarboði
Viðskiptaráðs Íslands til ráðherra
og þingmanna sem sent var í gær.
Viðskiptaráð endurtekur með
þessu leik frá 10. október 1975
þegar þingmönnum og ráðherrum
var gefinn rauður blýantur til
sömu nota. Í bréfi Viðskiptaráðs
til ráðamanna segir að nú sem
áður standi atvinnuvegum og
hagkerfi ógn af ört vaxandi
hlutdeild hins opinbera í ráðstöf-
un þjóðartekna. Útgjöld hafi
aukist umtalsvert síðustu ár þrátt
fyrir áætlanir um annað.
Fimmtudaginn 4. september
heldur Viðskiptaráð morgunverð-
arfund um nýútkomna skýrslu
um fjármál hins opinbera. - óká
Vilja strika út óþörf ríkisútgjöld:
Ráðamenn fá
rauðan blýant
SPURNING DAGSINS