Fréttablaðið - 27.08.2008, Blaðsíða 12

12 27. ágúst 2008 MIÐVIKUDAGUR
Dmítrí Medvedev, forseti Rússlands, tilkynnti í gær, þriðjudag, að hann hefði
staðfest samþykkt rússneska þingsins um viðurkenningu á sjálfstæðisyfirlýs-
ingum georgísku aðskilnaðarhéraðanna Abkasíu og Suður-Ossetíu. Medvedev
sagðist hafa með staðfestingunni „tekið tillit til yfirlýsts vilja ossetísku og abkas-
ísku þjóðanna“. Viðurkenning Rússa á sjálfstæði héraðanna tveggja vöktu hörð
viðbrögð stjórnvalda í Georgíu sem og Vesturlanda og ýmissa alþjóðastofnana.
Hver er bakgrunnurinn?
Strax og Sovétríkin liðuðust í sundur árið 1991 gripu aðskilnaðarhreyfingar
Abkasa annars vegar og Suður-Osseta hins vegar til vopna til að berjast fyrir
sjálfstjórn innan georgíska ríkisins. Suður-Ossetar, sem eru innan við 70.000
talsins, vilja sameinast frændum sínum norðan hákambs Kákasusfjallgarðsins
í Norður-Ossetíu, en það hérað er sjálfstjórnarhérað í Rússlandi. Abkasar vilja
heldur ekki lúta stjórnvöldum í Tíblísí. Yfir 200.000 Georgíumenn hröktust á
flótta frá Abkasíu í stríði aðskilnaðarsinna við her Georgíu 1991-1992.
Bæði Suður-Ossetar og Abkasar hafa stjórnað sínum málum sjálfir síðan
samið var um vopnahlé í aðskilnaðarstríði beggja héraða árið 1992, og notið
til þess dyggs stuðnings stjórnvalda í Moskvu. Rússneskt „friðargæslulið“ hefur
dvalið í báðum héruðum alla tíð síðan. Sá stuðningur gekk svo langt að flest-
um Suður-Ossetum og Abkösum var veittur rússneskur ríkisborgararéttur.
Hverjir eru Ossetar og Abkasar?
Ossetar eru þjóð sem talar sitt eigið indó-evrópska tungumál og bjó framan
af miðöldum á suður-rússnesku sléttunum. Á tímum Mongólainnrásanna á
13. öld hröktust þeir upp í Kákasusfjöllin og enduðu með að slá sér niður í
fjalladölum við landamæri Georgíu.
Abkasar tala líkt og Ossetar mál sem tilheyrir málafjölskyldu Norðvestur-
Kákasus, sem er önnur grein mála en kartvelíska málafjölskyldan, sem georg-
íska tilheyrir. Sögulegur þjóðernisuppruni Abkasa er að nokkru leyti óljós, en
menningarleg sjálfsímynd þeirra er engu síður skýrt aðgreind frá georgísku
þjóðerni.
Tengsl við Kosovo-málið?
Reiði Rússa yfir viðurkenningu Vesturlanda á sjálfstæði Kosovo-héraðs frá Ser-
bíu á þátt í að þeir skuli nú hafa ákveðið að viðurkenna sjálfstæði georgísku
aðskilnaðarhéraðanna. Viðurkenningin kemur í beinu framhaldi af leifturstríði
Rússa gegn Georgíu, sem hófst er Georgíuher reyndi að ná Suður-Ossetíu
aftur á sitt vald hinn 7. ágúst síðastliðinn.
FBL-GREINING: AÐSKILNAÐARHÉRUÐ GEORGÍU
Stríð með fornar rætur
FRÉTTAVIÐTAL: Paul Ramses kominn aftur til Íslands
Keníski flóttamaðurinn
Paul Ramses eyddi gær-
deginum í faðmi fjölskyld-
unnar en hann hafði ekki
séð hana síðan honum
var vísað úr landi 3. júlí.
Þá var sonur hans fimm
vikna gamall og konu hans
blæddi enn eftir fæðing-
una. Paul blæs á sögusagn-
ir um að allt sé í himnalagi
í heimalandi hans.
„Ég er afar þakklátur íslensku
þjóðinni, fjölmiðlum og sérstak-
lega dómsmálayfirvöldum að
veita okkur þetta tækifæri.
Þetta var yndisleg ákvörðun hjá
ríkisstjórninni, sem leit þetta
móralskt og á okkur sem mann-
fólk, fyrst og fremst,“ segir
Paul.
Í gær varð sonur hans, Fídel
Smári, þriggja mánaða gamall
og Paul er tíðrætt um þá guðs-
gjöf að sjá strákinn að nýju.
„Þegar ég fór var hann pínu-
lítill og nú er hann orðinn svo
stór. Ég þakka guði fyrir að sam-
eina okkur,“ segir hann.
Erfitt í flóttamannabúðum
Dvölin á Ítalíu hafi verið erfið.
Þar hafi hann búið með allra
þjóða kvikindum, tengdum stríð-
inu í Afganistan og Hizbolla-sam-
tökunum.
„Þarna var fólk sem talaði enga
ensku og hafði enga tengingu við
vestræna lifnaðarhætti og sumir
töluðu ógnandi um að mannslíf
skipti þá engu máli. Maður verð-
ur hræddur við að sofa með þeim
í herbergi.
Mestan tímann var Paul í ágætu
yfirlæti í Sentrone-búðunum og
fékk þar að borða og afnot af
tölvu. En síðan var hann færður í
Tiburtina-flóttamannabúðirnar í
Róm. Þar fékk hann ekki mat að
borða og var gert að yfirgefa
húsið yfir daginn.
„Þetta var ekki góður staður og
ég fékk engan pening fyrir mat.
Ég svaf í herbergi með sjö
öðrum,“ segir hann. Einnig hafi
verið erfitt að vita af barni sínu
og konu einum á Íslandi. Kona
hans hafi verið langt niðri á tíma-
bili.
Þakklátur Birni Bjarnasyni
Spurður um framtíðaráætlanir
sínar segist Paul ekki hafa hugs-
að mjög langt fram í tímann, í
ljósi aðstæðna.
„Ég er frekar ringlaður enn þá.
Ég ætla að byrja á því að hvíla
mig með fjölskyldunni og reyna
að þakka öllum á Íslandi sem hafa
hjálpað okkur á ögurstundu.
Dómsmálaráðherra tók frá-
bæra ákvörðun, sem ég tek ekki
sem sjálfsögðum hlut. Hann
hefur gefið okkur tíma til að vera
saman í friði og ró. Það er nokkuð
sem ég get ekki gengið að vísu í
heimalandi mínu. Þar vildu land-
ar mínir drepa mig og mína
félaga en nú hefur einhver langt í
burtu veitt mér tækifæri til að
vera með fjölskyldu minni. Það
er yndislegt að eiga fjölskyldu.
Ég þakka honum kærlega.“
Dvalarleyfi Rosemary
Dómsmálaráðuneytið segist
byggja ákvörðun sína um að kalla
Paul til landsins og fjalla form-
lega um umsókn hans á nýjum
upplýsingum. Meðal annars þeim
að Rosemary, eiginkona Pauls, sé
ekki með gilt dvalarleyfi í Sví-
þjóð, en því héldu þau hjónin
fram við Útlendingastofnun.
„Já, ég var að heyra það. Þetta
eru mér fréttir. Ég held að þetta
hafi verið einhver misskilningur,
kannski milli mín og hennar. Það
sem við héldum að væri leyfi til
að vera í Svíþjóð, var það ekki.
Þau hafa sagt okkur að þetta hafi
verið kennitala. Það sem sett er í
passann og það sem þeir láta
mann hafa sem skilríki er víst
tvennt ólíkt, en ég skil þetta ekki
alveg,“ segir Paul.
Kenía enn ótryggt land
Í umræðunni um hælisleit Ram-
ses-fjölskyldunnar hefur reglu-
lega verið látið í það skína að
ástandið í Kenía sé ekki svo
slæmt. Bent er á að pólitískar
ofsóknir gegn stuðningsmönnum
Railas Odinga séu ólíklegar, því
hann er nú forsætisráðherra
landsins. Hvernig svarar Paul
þessu?
„Ástandið er enn þá mjög
slæmt og sérstaklega fyrir þá
sem störfuðu fyrir Odinga. Þótt
þeir kalli þetta Sáttastjórnina og
séu hættir að myrða á götum úti,
hverfur fólk fyrirvaralaust og
sést ekki aftur.
Þessi ríkisstjórn er ekki sér-
lega burðug og eina fólkið sem er
í raun öruggt eru ráðherrar og
fylgismenn forsetans.
Odinga forsætisráðherra hefur
farið fram á það að rannsakað
verði hvers vegna svo margir úr
ODM [flokkur Pauls] og stjórnar-
andstöðunni hafi horfið og að þeir
sem eru í fangelsum verði annað-
hvort frelsaðir eða réttað yfir
þeim. En það er ekki hlustað á
Odinga. Hann stýrir hvorki her-
num né lögreglu.“
Úrskurður Útlendingastofnunar
Það gæti tekið Útlendingastofn-
un allt að eitt ár að komast að nið-
urstöðu í máli Ramses-fjölskyld-
unnar. En Paul kvíðir ekki
óvissunni.
„Ég vil gefa þeim allan þann
tíma sem þau þurfa. Ég veit að
stofnunin er búin að fá sönnunar-
gögn frá mér og að hún er að leita
upplýsinga frá Kenía. Þau hljóta
að líta til þess að fólk hverfur þar
fyrirvaralaust. Við biðjum þess,
að réttlætið nái fram að ganga,“
segir Paul Ramses og kveður
blaðamann með guðsblessun.
Paul Ramses þakkar
guði og Íslendingum
SAMAN AÐ NÝJU Paul og Rosemary, ásamt Fídel Smára, á þriggja mánaða afmæli
Fídels í gær. Strákurinn er skírður eftir tveimur sterkum leiðtogum og hetjum
fjölskyldunnar; byltingarforingjanum Fídel Kastró og knattspyrnumanninum Eiði
Smára Guðjohnsen. FRÉTTABLAÐIÐ/RÓSA
FRÉTTAVIÐTAL
KLEMENS ÓLAFUR ÞRASTARSON
klemens@frettabladid.is
SEÚL Lee Myung-bak, for-
seti Suður-Kóreu, hefur
beðið ráðamenn landsins
um að hætta að spila golf
því það sendi röng skila-
boð til umheimsins um
efnahagsástandið, sem
hefur ekki verið gott und-
anfarið. Annað væri til-
finningaleysi í garð sam-
landa sinna að sögn
forsetans.
Ríkisstjórn Lee, sem mælist
með lítið fylgi í skoðanakönnun-
um, hefur þurft að hætta
við metnaðarfull verkefni
sökum erfiðs efnahags-
ástands. Verkalýður
Suður-Kóreu krefst hærri
launa á sama tíma og fjár-
magnsflæði erlendis frá
er í lágmarki.
Golf er mjög vinsæl
íþrótt í Suður-Kóreu en
iðkun hennar er ekki ódýr.
Klúbbaðild kostar sem
svarar á bilinu 20-40 milljónir
króna á ári. - vsp
Forseti Suður-Kóreu leggur línurnar fyrir ráðamenn:
Ráðamenn hætti golfiðkun
Lee Myung-Bak
LEE MYUNG-BAK