Fréttablaðið - 27.08.2008, Blaðsíða 25

MIÐVIKUDAGUR 27. ÁGÚST 2008 9vinnuvélar ● fréttablaðið ●
Lárus Brandsson segir Rótor hanna smurkerfi, setja þau í vélar og viðhalda þeim.
FRÉTTABLAÐIÐ/RÓSA
Hjá fjölskyldufyrirtækinu
Rótor í Hafnarfirði eru hönnuð
sjálfvirk smurkerfi fyrir vinnu-
vélar.
„Við erum mikið í sérlausnum
og einnig í kerfum sem ekki er
hægt að fá ísett af verksmiðjum,“
segir Lárus Brandsson, fram-
kvæmdastjóri Rótors. „Við setj-
um til dæmis smurkerfi í hefla
fyrir Vegagerðina og flókin kerfi í
traktorsgröfur. Við erum nokkurs
konar Sævar Karl smurkerfanna,“
útskýrir Lárus brosandi.
„Upphaflega vorum við í al-
mennari ísetningu, bæði fyrir
bíla og tæki. Nú hefur starfsemin
þó færst yfir í sérsmíði því við
erum aðallega að setja smurkerfi
í tæki sem eru sérhönnuð fyrir ís-
lenskar aðstæður. Þau eru oft á
tíðum framleidd í svo fáum eintök-
um að það hefur ekki þótt borga
sig að hanna smurkerfi fyrir þau
tæki. Það hefur því lent á okkur að
hanna kerfin, setja þau upp og við-
halda.“
Lárus segist hafa byrjað að
hanna smurkerfin því þau hafi
farið að koma biluð inn á verk-
stæði. „Þau voru að koma biluð inn
í tækjum sem voru keypt notuð frá
Evrópu. Evrópubúinn var auðvitað
tugum ára á undan okkur í því að
tileinka sér þessa tækni. Við fórum
að leita að varahlutum í smur-
kerfin í staðinn fyrir að rífa þau úr
en margir fjarlægðu þau bara úr
vélunum og notuðu smurkoppa í
staðinn eins og gert hafði verið frá
alda öðli,“ segir Lárus og bætir við
að Rótor sé elsta starfandi smur-
kerfafyrirtæki á Íslandi.
Að sögn Lárusar hefur í gegnum
þau tuttugu ár sem fyrirtæk-
ið hefur verið starfandi skapast
ákveðin sérþekking á smurkerfum
og hönnun þeirra. „Þetta er afskap-
lega lítill markaður hérna heima.
Svona sérþekking þrífst í litlu
fyrir tæki eins og okkar en þetta
þykir ekki mikill og merkilegur
markaður fyrir stærri fyrirtæki.“
Aðspurður segir Lárus hönn-
un smurkerfanna ansi sérstaka
því mismunandi smurkerfi eru í
hverju tæki. „Í tækjum í dag er
fjöldinn allur af smurstöðum sem
þarf að smyrja og fyrir hvern ein-
asta smurstað sem bætist við þarf
að breyta öllu kerfinu innbyrðis.“
- mmf
Íslensk hönnun
vélasmurkerfa
● VINNUVÉLAR Í UPPLÝSINGAHEIMUM Hægt er að fletta
upp vinnuvélum í vinnuvélaskrá í Upplýsingaheimum Skýrr á www.uh.is/
vinnuvelar. Þar má finna ítarlegar upplýsingar um viðkomandi vél og er
hægt að fletta upp eftir fastanúmeri vélar. Í vinnuvélaskrá eru meðal ann-
ars upplýsingar um lyftur, krana, skurðgröfur og jarðýtur. Gögnin eru í
eigu Vinnueftirlitsins og eru allar upplýsingar sem veittar eru unnar sam-
kvæmt starfsreglum þeirra og í samræmi við lög og reglur um persónu-
vernd. Gögnin eru uppfærð daglega en til að nýta sér þjónustuna þarf
viðkomandi að vera skráður inn í kerfið. Áskrift að Upplýsingaheimum
tryggir öruggt aðgengi að gríðarlegu magni upplýsinga frá mörgum
ólíkum aðilum og má þar nefna Þjóðskrá, RSK og Umferðarstofu.
3