Fréttablaðið - 29.08.2008, Blaðsíða 11

FÖSTUDAGUR 29. ágúst 2008 11
LÖGGÆSLA „Þetta ástand, sem uppi
er í rekstri lögregluembættanna,
hlýtur að setja í uppnám þann
góða árangur sem stefnt var að
með sameiningu og stækkun
þeirra 1. janúar 2007,“ segir Snorri
Magnússon, formaður Landssam-
band lögreglumanna.
Við blasa samdráttur í rekstri
og uppsagnir lögreglumanna, eins
og Fréttablaðið greindi frá í gær,
hjá hinum ýmsu lögregluembætt-
um á landinu. Ástæður eru sagðar
ónógar fjárveitingar, auk gríðar-
legra hækkana á bensínkostnaði
og annarra verðlagshækkana, sem
aukið hafi rekstrarvanda embætt-
anna enn frekar.
„Í þessari stöðu hlýtur að verða
erfitt að ná fram markmiðum lög-
gæsluáætlunar fyrir árin 2007-
2011 sem dómsmálaráðherra
kynnti fyrrihluta árs 2007,“
útskýrir Snorri.
Hann segir Landssamband lög-
reglumanna hafa vitað af fjár-
hagsvanda embættanna um langa
hríð og vakið á honum athygli allt
liðið ár og reyndar mánuði og ár
þar á undan.
„En fjárveitingavaldið hefur
skellt við skollaeyrum, að því er
virðist,“ bætir hann við. „Ofan á
þennan vanda horfum við upp á
þau arfaslöku launakjör sem lög-
reglumönnum er boðið upp á.“
Kjörin hafa enda endurspeglast í
flótta úr stéttinni eins og ítrekað
hefur komið fram.
Dómsmálaráðuneytið reyndi að
sporna við þessum flótta úr stétt-
inni með greiðslu álagsþóknunar
til lögreglumanna, sem að öllu
óbreyttu á að renna út í lok samn-
ingstímans 31. október næstkom-
andi. Álagið á starfandi lögreglu-
menn hefur síst minnkað. Fregnir
af yfirvofandi uppsögnumm munu
gera stöðuna enn verri, auka álag-
ið á þá sem eftir verða til muna og
hleypa illu blóði í þegar lang-
þreytta lögreglumenn.“
Snorri segir að líta verði til þess
að LL sé um það bil að hefja kjara-
samningaviðræður við fjármála-
ráðuneytið. Fregnir sem þessar
séu ekki jákvætt innlegg í þá
vinnu.
Landssamband lögreglumanna
og Tollvarðafélag Íslands hafi
þegar óskað eftir fundi með dóms-
málaráðherra vegna þessarar
stöðu. Það séu sameiginleg mark-
mið ofangreindra samtaka og
dómsmálaráðuneytisins að vinna
að lausn þessa vanda.
jss@frettabladid.is
Fjárskortur setur ár-
angurinn í uppnám
Sá rekstrarvandi sem uppi er hjá lögregluembættunum í landinu setur í upp-
nám þann góða árangur sem stefnt var að með sameiningu og stækkun þeirra.
Þetta segir Snorri Magnússon, formaður Landssambands löreglumanna.
LÖGREGLUMENN „Álagið á starfandi lögreglumenn hefur síst minnkað,“ segir
formaður LL. „Fregnir af yfirvofandi uppsögnum munu gera stöðuna enn verri, auka
álagið á þá sem eftir verða til muna og hleypa illu blóði í þegar langþreytta lögreglu-
menn.“
MENNTUN Boðið verður upp á
háskólanám sem alfarið er kennt
á Vestfjörðum í fyrsta skipti í
vetur. Námið er meistaranám í
haf- og strandsvæðastjórnun og
verður það sett formlega á
sunnudaginn.
Meistaranámið í haf- og
strandsvæðastjórnun verður
þverfaglegt og alþjóðlegt nám á
sviði umhverfis- og auðlinda-
stjórnunar. Námið er sett á fót í
samvinnu við Háskólann á
Akureyri, sem sér um bæði
innritun og útskrift nemenda og
er fræðilegur bakhjarl. - þeb
Meistaranám á Ísafirði:
Tímamót í námi
á Vestfjörðum
VINNUMARKAÐUR Vel gekk að
manna lausar stöður í sláturhús-
um fyrir komandi sláturtíð.
Störfum við slátrun fjölgar um
nokkur hundruð í september og
október. Flest eru þau mönnuð
útlendingum.
Sigmundur Ófeigsson, fram-
kvæmdastjóri Norðlenska, segir
að vegna gengissigs - og þar með
raunlaunalækkunar erlends
starfsfólks - hafi ráðningarnar
verið þyngri undir fæti en
undangengin ár en tekist hafi að
ráða í öll störf.
Guðmundur Svavarsson hjá SS
hafði sömu sögu að segja; byrjað
var að huga að ráðningum í
upphafi árs og allir básar
mannaðir. - bþs
Sláturtíðin að hefjast:
Mönnun slátur-
húsa gekk vel
FINNLAND Alexander Stubb,
utanríkisráðherra Finnlands,
telur að stríðið
í Georgíu geti
haft slæm áhrif
á utanríkismál,
öryggismál og
varnarmál
Finnlands.
Stubb sagði
nýlega að
Rússar bæði
vildu og gætu
notfært sér
vopnavald í
sinni utanríkispólitík. Rússar eru
ekki bein hernaðarógn gagnvart
Finnum, að mati Stubbs, en
Rússar hafa þó tekið skref í
hernaðar- og utanríkismálum sem
Finnum þykja ekki æskileg, hefur
finnska dagblaðið Helsingin
Sanomat eftir Stubb. Þau sé ekki
hægt að samþykkja. - ghs
Utanríkisráðherra Finnlands:
Rússar geta
notað vopnin
ALEXANDER STUBB
SERBÍA, AP Ratko Mladic, herstjóri
Bosníu-Serba í borgarastríðinu
1992-1995, verður senn hand-
tekinn. Þetta sagði Vladimír
Vukcevic, sérskipaður stríðs-
glæpasaksóknari Serbíu, í gær.
Vukcevic segist telja að Mladic
fari huldu höfði í Serbíu. Hann
segist hins vegar vantrúaður á að
hann hafi breytt útliti sínu eins og
vopnabróðir hans fyrrverandi,
Radovan Karadzic, sem var
handsamaður í júlí.
Karadzic og Mladic sæta báðir
ákæru fyrir stríðsglæpadóm-
stólnum í Haag fyrir stríðsglæpi
og glæpi gegn mannkyni, ekki
síst fyrir þátt þeirra í fjöldamorð-
inu á Bosníu-múslimum í
Srebrenica árið 1995. - aa
Leitin að Ratko Mladic:
Saksóknari
spáir handtöku