Fréttablaðið - 29.08.2008, Blaðsíða 16
16 29. ágúst 2008 FÖSTUDAGUR
nær og fjær
„ORÐRÉTT“
Einfalt mál
„Markmiðið er að finna nið-
urstöðu sem allir geta sætt
sig við.“
SIGMUNDUR DAVÍÐ GUNN-
LAUGSSON, VARAFORMAÐUR
SKIPULAGSRÁÐS REYKJAVÍKUR, UM
LISTAHÁSKÓLA ÍSLANDS.
Fréttablaðið , 28. ágúst.
Sérstakur
„Þetta lætur manni líða
eins og maður sé dálítið
sérstakur.“
LOGI GEIRSSON, LANDSLIÐSMAÐUR
Í HANDBOLTA, UM MÓTTÖKURNAR Í
MIÐBORGINNI Á MIÐVIKUDAG.
Morgunblaðið, 28. ágúst.
„Það er allt fínt að frétta af mér,“ segir
Gylfi Blöndal, skemmtanastjóri á
tónleikastaðnum Organ.
„Ég er svolítið spenntur að komast
í frí en ég er á leiðinni í tónleikar-
ferðalag með Borko og Seabear
um Evrópu um miðjan septemb-
er.“ Gylfi segir það kærkomna
tilbreytingu að komast aftur upp
á svið. „Nú er ég búinn að vera í
heilt ár á bak við tjöldin svo að þetta
verður nýtt og skemmtilegt.“
Gylfi segist annars vera mjög mjúkur
þessa dagana. „Ég er svo ástfanginn
af kærustunni minni. Ég vakna alltaf
glaður með henni,“ segir Gylfi.
„Hins vegar er ég afskaplega leiður
yfir því að kveðja Helga Alex-
ander vin minn sem er að flytja til Lundúna
um mánaðamótin. Það er mikill missir að
svona góðum félaga.“
Rekstur Organ er nú kominn á annað ár
og gengur vel. „Við förum spennt inn í
haustið með mikið af tónleikahaldi sem
endranær. Við erum orðin mjög spennt
fyrir landsmóti tónlistarmanna í október,
Iceland Airwaves, og hlökkum
til að taka þátt í því aftur,“
segir Gylfi og bætir við að
þetta sé líka „skemmtilegasta
tónlistarhelgi ársins.“
Tónlistarspurningakeppnin
Poppkviss hefst á ný í
haust. „Keppnin gekk svo
vel að við verðum að
halda henni áfram.“
HVAÐ ER AÐ FRÉTTA? GYLFI BLÖNDAL SKEMMTANASTJÓRI ORGAN
Vaknar alltaf glaður með kærustunni
■ Kákasushéruðin hafa verið
í fréttum undanfarið vegna
átaka Rússa og Georgíumanna
um Suður-Ossetíu og Abkasíu.
Kákasushéröðin eru kennd við
Kákasusfjöll, sem eru tveir fjall-
garðar sem liggja milli Svartahafs
í vestri og Kaspíahafs í austri.
Sunnan megin við syðri fjallgarð-
inn er Íran, en norðan megin við
nyrðri fjallgarðinn eru rússnesku
Kákasushéruðin, þar á meðal
Ingúsetía, Téténía og Dagestan. Á
sléttunni milli fjallgarðanna eru
síðan Georgía, sem er Svarta-
hafsmegin, og Aserbaídjan við
Kaspíahaf. Elbrusfjall, sem er
syðst í Rússlandi, er hæst Kák-
asusfjallanna, og gnæfir 5.642
metra upp í loftið.
KÁKASUSFJÖLL
TVEIR FJALLGARÐAR
„Ég kom heim
frá Sýrlandi í
síðustu viku
en er ennþá
bergnumin yfir
öllu því sem ég
upplifði. Þetta
var yndislegt frí,
frábær matur,
menning og
saga og hjálpsemi og góðmennska
fólksins sem ég hitti snart mig mjög.
Að því sögðu verð ég að segja að ég
er glöð að vera komin aftur heim til
Íslands, þrátt fyrir að hafa yfirgefið
40 gráðu hita á Sýrlandi og komið
hingað í 6 gráður. Ég er ennþá
formaður Koszmó sem er stúdenta-
félag fyrir útlendinga sem stunda
nám í íslensku við Háskóla Íslands.
Við erum að skipuleggja viðburði
fyrir erlenda nema, hjálpum þeim
að koma sér fyrir og aðlagast nýjum
lífsháttum hér á Íslandi.“
Charlotte Ólöf Jónsdóttir Ferrier
Komin heim
frá Sýrlandi
„Ég kíkti í miðbæ-
inn síðastliðinn
föstudag með
nokkrum vinum
mínum,“ segir
Junphen um
atburði síðast-
liðinnar viku.
„Við héldum
kveðjupartí fyrir
vinkonu mína sem var að flytja aftur
út til Póllands. Eftir partíið fórum við
svo niður í bæ til að skemmta okkur
saman.“ Junphen segir margmenni
hafa verið í veislunni og þar hafi verið
mikið fjör. Hún er nokkuð leið yfir
að sjá á eftir vinkonunni enda hafa
þær leigt saman íbúð í sumar. „Hún
þurfti að fara aftur heim til Póllands
þar sem hún er að fara í skóla. Á
laugardaginn fylgdum við henni út
á flugvöll en eftir það var ég bara of
þreytt til að fara aftur í bæinn svo ég
missti af menningarnótt.“
Junphen Sriyoha
Vinkonan farin til
Póllands
VIKA 30
DAGBÓK NÝRRA ÍSLENDINGA
Algirdas er
hæstánægður
með móttökurn-
ar sem Félag
Litháa á Íslandi
fékk á menning-
arnótt. „Þetta
gekk mjög vel
og það prófuðu
margir að skjóta
á körfuna. Svo þótti mér gaman að
fylgjast með móttöku karlalands-
liðsins í handbolta,“ segir Algirdas
sem fylgdist með hátíðarhöldunum
í sjónvarpinu. „Einkum þótti mér
gaman að sjá stjórnmálamenn fylgja
landsliðinu og styðja það. Hand-
boltamennirnir eru þjóðhetjur á
Íslandi. Þeirra á meðal er Alexander
Petersson sem er, eins og við vitum,
af erlendum uppruna sem mér
þykir sérstaklega skemmtilegt. En
að sjálfsögðu var ég mjög stoltur af
þeim öllum.“
Algirdas Slapikas
Stoltur af gengi
landsliðsins
Allnokkrar pöddutegundir,
áður óþekktar hér á landi,
hafa nú numið land í görð-
um landsmanna, að sögn
Erlings Ólafssonar skor-
dýrafræðings hjá Náttúru-
fræðistofnun Íslands.
Hann telur þær hafa getað borist
hingað með innfluttum moldar-
hnausum, líkt og hinn illræmdi
Spánarsnigil, og vill láta banna
slíkan innflutning.
„Það virðist vera eitthvað að
gerast í görðum landsmanna,“
segir Erling. „Þar virðast nýjar
skordýrategundir, sem ekki hafa
sést hér áður, vera að skjóta upp
kollinum og ná sér á strik.“ Erling
segir íslensk heiti yfir pöddurnar
ekki vera til, þar sem þær hafi
verið óþekktar hér á landi.
Umræddar tegundir fyrirfinnist í
hinum ýmsu Evrópulöndum.
„En þetta eru engin skaðræðis-
dæmi, líkt og Spánarsnigillinn,“
útskýrir hann og bætir við að sá
vágestur finnist nú orðið í nokkr-
um mæli hér á hverju ári.
Spurður um hugsanlegar skýr-
ingar á hingaðkomu þessara nýju
landnema segir Erling að til
landsins séu fluttar alls kyns
gróðurvörur í miklum mæli.
„Sumt af þessu kemur hingað í
jarðvegshnausum, sem ætti að
vera alfarið bannað. Það er fleira
í jarðveginum en það sem sést
með berum augum. Það eru alls
kyns örveirur, bakteríur og
sveppir sem geta verið ansi skað-
legir,“ bætir hann við. „Þá getur
aukin gróska í görðunum verið
hluti skýringarinnar, auk þess
sem það er að hlýna. Þetta helst
allt í hendur.“
Varðandi innflutninginn á jarð-
hnausum segir Erling það sína
skoðun að alveg sé út í hött að
vera að flytja jarðveg milli landa.
Vilji menn flytja inn plöntur eigi
að gera það með öðrum hætti, svo
sem í formi fræja eða stiklinga.
Það minnki líkurnar á því að
heilmikið lífríki sem enginn viti
með vissu hvað innihaldi sé flutt
til landsins.
jss@frettabladid.is
Pöddur nema land
GULA FLUGAN Einn landnemanna
sem sést hér á vegg hefur enn ekki
fengið íslenskt nafn. Hún er einfald-
lega kölluð gula flugan. Fræðiheitið
yfir hana er hins vegar Lyciella rorida.
M
YN
D
/N
ÁT
TÚ
R
U
FR
Æ
Ð
IS
TO
FN
U
N
Auglýsingasími
– Mest lesið
GE kæliskáparnir eru öflugir,
endingargóðir og glæsilega innréttaðir
Amerískir GE
kæliskápar
GE kæliskápur verð frá kr.:
229.900