Fréttablaðið - 29.08.2008, Blaðsíða 66

38 29. ágúst 2008 FÖSTUDAGUR
tonlist@frettabladid.is
TÓNNINN GEFINN
Trausti Júlíusson
Nú þegar geisladiskurinn hefur verið ráðandi í tónlistarútgáfu í yfir
tvo áratugi þá er það ekki bara undarlegt heldur stórfurðulegt að enn
sé ekki hægt að fá þekktustu plötur frægustu hljómsveitar allra tíma
í almennilegum geisladiskaútgáfum.
Sgt. Peppers Lonely Hearts Club Band, Revolver, White Album og
Abbey Road eru allar á meðal bestu verka poppsögunnar, en samt eru
útgáfurnar sem eru í boði af þeim á CD algerlega óviðunandi.
Umslögin eru ófullkomin endurgerð af gömlu vínylumslögunum, það
er ekkert aukaefni og það
sem verst er, hljóðblöndun-
in er hræðileg. Hljómgæði
geisladiska hafa batnað
mikið síðustu ár, en
útgáfurnar af fyrrnefndum
Bítlaplötum eru frá mesta
niðurlægingarskeiði
geisladisksins hvað hljóð
varðar – árunum í kringum
1990.
Viðhafnarútgáfur af
helstu meistaraverkum
poppsins verða alltaf
vandaðari og vandaðari og
þeim fer stöðugt fjölgandi.
Helstu verk U2 og Elton
John eru t.d. nú farin að
streyma í verslanir í lúxus-
búningi og fyrstu plötur
Nick Cave eru væntanlegar í vetrarbyrjun. Í fyrra var talað um 40
ára afmælisútgáfu af Sgt. Peppers, en hún kom aldrei.
Nú hafa óþolinmóðir aðdáendur hins vegar gripið í taumana. Purple
Chick er leynihópur aðdáenda sem hefur útbúið viðhafnarútgáfur af
öllum Bítlaplötunum með mun betri hljóm heldur en opinberu
útgáfurnar og glás af aukaefni. Sgt. Peppers-útgáfan þeirra er
sexföld og Revolver tvöföld svo dæmi séu tekin. Nýlega komu svo
safnplötur með bestu tónleikaupptökunum. Þessar útgáfur eru
fáanlegar sem niðurhal á netinu og eru ókeypis. Á umslögunum sem
hver sem er getur prentað út stendur „fan created disc – NEVER
FOR SALE!!!“ Tímaritið Rolling Stone er á meðal þeirra sem hrósa
Purple Chick-útgáfunum í hástert.
Allt þetta fer leynihópur aðdáenda létt með. Á sama tíma stöðvar
helgislepjan og vandræðagangurinn sem hefur loðað við útgáfu á
Bítlaefni allt hjá EMI. Nýjar útgáfur á vínyl eru þó skref í rétta átt.
Purple Chick bjargar Bítlunum
> Plata vikunnar
Boys in a Band - Black Dia-
mond Train
★★★★
„Þó að tónlist Boys In A Band
sé ekki byltingarkennd þá
er þessi bílskúrsrokkkeyrsla
þeirra félaga sérstaklega
kraftmikil og stuðvekjandi. Ein
af skemmtilegri plötum ársins
það sem af er.“ TJ
> Í SPILARANUM
Mammút - Karkari
Pete Molinari - A Virtual Landslide
Stórsveit Guðmundar Inga - Sagan af Eyfa
Ýmsir flytjendur - Ég fíla 90‘s
The Walkmen - You & Me
MAMMÚT THE WALKMEN
SGT. PEPPERS Besta plata sögunnar?
Vinsælasta, áhrifamesta
og að margra mati besta
rokkhljómsveit síðasta
aldarfjórðunginn er að fara
að gefa út nýja plötu. Já,
piltarnir í Metallica halda
enn að þeir geti rokkað frá
sér allt vit. Steinþór Helgi
Arnsteinsson athugaði hvort
Metallica geti enn framkall-
að gott svitabað.
Angurværir gítartónar, staðfastar
trommur og væminn en ákveðinn
Hetfield syngjandi um að sólskin-
ið komi aldrei. Svona líður tíminn
þangað til hraðinn er aukinn, og
síðan enn meira og allt í einu tekur
eitthvað One-wannabe gítarriff að
hljóma. Síðan rembast allir eins
og rjúpan við staurinn án sýni-
legrar fullnægingar.
Þannig birtist manni nýjasta lag
Metallica, The Day That Never
Comes, af plötunni Death Magnet-
ic sem kemur út í september.
Rick Rubin stígur upp í brúna
Tíðindi af nýju plötunni komu strax
árið 2006 þegar liðsmenn sveitar-
innar tilkynntu að samferðamaður
þeirra til fimmtán ára, Bob Rock,
sem hafði séð um upptökustjórn
fyrir Metallica allt frá Svörtu plöt-
unni, hefði verið hent úr brúnni og
við stjórnvölinn myndi verða eng-
inn annar en Rick Rubin.
Rick Rubin hefur gert ótrúlega
hluti í gegnum tíðina og ekki ein-
göngu bjargað heldur beinlínis
búið til feril margra sveita og tón-
listarmanna. Af hverju ætti hann
ekki að geta blásið nýju lífi í feril
Metallica? Hann gat jú gert John-
ny Cash aftur hipp og kúl þrátt
fyrir að Cash væri kominn yfir
sextugt.
Afturhvarf til gamla skólans
Death Magnetic markar einnig
fleiri tímamót. Piltarnir hafa sagt
skilið við Elektra-plötufyrirtækið
og gerast heiðarlegir með því að
gefa út beint undir merkjum Warn-
er-bræðranna. Sá hátturinn var líka
hafður á við gerð plötunnar að allir
fengu að koma með sitt framlag við
hvert einasta lag hennar. Lýðræði á
sem sagt að ríkja núna innan her-
búða Metallica og sálfræðitryllir-
inn sem einkenndi gerð St. Anger
átti að vera á bak og burt.
Og þótt efnið á Death Magnetic
sé að nokkru leyti leifar frá St.
Anger-tímabilinu þá átti hún ekki
að eiga neitt skylt við þau „mistök“
eins og margir vilja kalla St. Anger.
Nei, afturhvarf til gamla skólans
var boðað.
Með nostalgíuglampa í augum
Lítum samt aðeins á staðreyndirn-
ar: Starfsaldur Metallica fer að
nálgast þrjátíu ár, þeir ákváðu að
fá Rick Rubin, meistarann mikla,
til að lífga upp á sig, þeir kasta
fram frösum í viðtölum eins og:
„Okkur hefur aldrei liðið betur í
hljóðverinu“ og „Nýja efnið og
hvernig við vinnum það minnir
okkur á gömlu tímana, frá Master
og Justice tímabilinu“, og svo heit-
ir nýja platan Death Magnetic. Ég
meina, hvað á maður að halda
annað en að hér séu á ferð gamlir
menn með nostalgíuglampa í
augum sem langar til að klófesta
eitthvað sem þeir höfðu en týndu
fyrir góðum áratug síðan?
Þeir fá þó allavega prik í kladd-
ann fyrir að reyna og það verður
ekki af því skafið, Death Magnetic
minnir um margt á gömlu tímana.
Ég nefndi það til dæmis áðan að við
hlustun á nýja slagaranum væri
One oft ofarlega í huga. Annað lag,
My Apocalypse, minnir einnig
ískyggilega mikið á Master of
Puppets. Svo er líka annað lag sem
heitir The Unforgiven III (!). Verst
við þessi lög að þau eru ekki nærri
eins góð og fyrirrennarar þeirra.
Afturhvarf til gamla skólans
METALLICA Rob Trujillo bassaleikari, Kirk Hammet gítarleikari, James Hetfield söngvari og Lars Ulrich trommuleikari. Metallica
gefur út nýja plötu í september sem þeir segja að sé afturhvarf til gullaldarára sinna.
Ráðstefna um snertifleti tónlistar
og kvikmynda verður á tónlistar-
dagskrá Alþjóðlegrar kvikmynda-
hátíðar í Reykjavík, eða RIFF.
Sjónum verður beint að heimild-
armyndinni Heima og skoðað hvað
gerði þá mynd eins vinsæla og vel
heppnaða og raun ber vitni. Til þess
eru kallaðir umboðsmaður Sigur-
Rósar, Kári Sturluson, Brad
Abramson, varaforseti heimildar-
deildar VH1, fulltrúi True North og
Stefan Denitriou hjá EMI.
Þá verður fjallað um hljóðspor,
eða „soundtrack“ og hvernig tónlist
og kvikmyndir geta aukið sölu
hvort á öðru. Til þess eru fengnir
Eric Michon frá Universal Music í
Frakklandi og Thomas Jamois, for-
stjóri hljóðsporadeildar Naïve.
Loks verða samningar og samn-
ingsvandamál rædd. Mikkel Malt-
ha frá Zentropa í Danmörku og
Elisa Lundgren leiða gesti úr frum-
skógi lagalegra vandkvæða í Evr-
ópu en Atli Örvarsson fræðir gesti
um aðferðir Hollywood við kaup á
tónlist í kvikmyndir.
Ráðstefnan fer fram í Norræna
húsinu 2. október og kostar 15.000
krónur að taka þátt, hádegismatur
innifalinn. Hægt er að skrá þátt-
töku í gegnum netfangið register@
riff.is. -kbs
Ráðstefna á RIFF
FYRIRMYND Heimildarmyndin Heima
um tónleikaferð Sigur Rósar telst afar vel
heppnuð. FRÉTTABLAÐIÐ/HEIÐA
Skakkamanage hefur ákveð-
ið að breiða út boðskapinn og
gefa smáskífu með tveimur
lögum. Skífuna má nálgast á
netinu.
„Við erum nýbúin að klára
plötu og stefnum á að gefa
hana út 1. október. Við ákváð-
um í tilefni af því að platan
er tilbúin að taka tvö lög og
setja á netið. Þannig að fólk
fái forsmekkinn,“ segir Svav-
ar Eysteinsson, liðsmaður
sveitarinnar.
En af hverju að gefa skífuna? „Það er
rosalega erfitt að átta sig á hvernig plötu-
markaðurinn er, hann er eitthvað svo skrít-
inn um þessar mundir. Við lifum í stafræn-
um heimi. Við ákváðum því að í staðinn fyrir
að fara út í það fyrirtæki að gefa út þessi tvö
lög væri sniðugra að gera
þetta svona. Svo er kreppa og
enginn á pening. Þá vantar
bara að meira af hlutum séu
ókeypis,“ segir Svavar.
Smáskífan verður að duga
aðdáendum í bili því einhver
bið er á tónleikum með sveit-
inni. „Við erum svolítið hing-
að og þangað þessa stundina.
En það verða örugglega tón-
leikar með haustinu. Svo verð-
ur partí og læti þegar platan
kemur út.“
Svavar vonar að uppátækinu verði vel
tekið. „Við vonumst til þess að þetta kveiki
gríðarlega eftirvæntingu og löngun eftir
nýju plötunni og fólk komi sér saman um að
kaupa hana.“ Smáskífuna má nálgast á
skakkapopp.is. - kbs
Frí smáskífa á netið
SKRIFUM LOKIÐ Upptökum á nýrri
plötu Skakkamanage er lokið og
smáskífa komin á netið.
FRÉTTABLAÐIÐ/DANÍEL R.
Við leitum að duglegu starfsfólki í verslanir okkar.
Við leggjum mikið upp úr því að starfsfólki okkar
líði vel í vinnunni og rekum öflugt félagslíf. Einnig
nýtur starfsfólk fjölda fríðinda.
Umsækjendur þurfa að vera orðnir 18 ára.
Umsækjendur fylli út umsókn á www.10-11.is eða
hafi samband við verslunarstjóra í næstu verslun.
Skemmtileg vinna með
skemmtilegu fólki