Fréttablaðið - 30.08.2008, Blaðsíða 75

LAUGARDAGUR 30. ágúst 2008 51
FÓTBOLTI Nokkur stór félög voru í
pottinum þegar dregið var í
fyrstu umferð UEFA-bikarsins í
gær.
Sevilla var á meðal þeirra
áttatíu félaga sem voru í pottin-
um í gær en spænska félagið
reynir nú að vinna sinn þriðja
UEFA-bikar á síðustu fjórum
árum. En Sevilla mætir FC
Salzburg frá Austurríki í fyrstu
umferðinni.
Ítalska stórliðið AC Milan
verður að teljast líklegt til þess
að ná langt í keppninni en
Ronaldinho og félagar mæta FC
Zurich frá Sviss í fyrstu umferð.
Ensku félögin
Aston Villa, sem
sló sem kunnugt
er FH úr keppni,
Manchester City,
Everton og Totten-
ham voru einnig í
pottinum. - óþ
Fyrsta umferð UEFA-bikarsins:
Áttatíu félög í
pottinum í gær
UEFA-BIKARINN
Bíður sigurvegar-
anna í Istanbul.
NORDIC PHOTOS/GETTY
1. UMFERÐ UEFA-BIKARSINS
- Helstu leikir 18. sept. og 2. okt.
AC Milan-FC Zürich
Portsmouth-Vitória
Hertha Berlin-Saint Patrick‘ Athletic
Sevilla-FC Salzburg
Sampdoria-FBK Kaunas
CS Marítimo-Valencia
Manchester City-AC Omonia
Everton-Standard Liege
Napoli-Benfica
Apoel FC-Schalke
Litex Lovech-Aston Villa
Vitória FC-Heerenveen
Brann-Deportivo La Coruna
Bröndby-Rosenborg
Tottenham-Wisla Kraków
Borussia Dortmund-Udinese
HANDBOLTI Það styttist í að
handboltavertíðin byrji og þessa
dagana stendur yfir æfingamótið
Reykjavík Open.
Á mótinu eru saman komin
flest af sterkustu liðum landsins í
karla- og kvennaflokki en
úrslitaleikirnir fara fram í
íþróttahúsinu Austurbergi í dag.
Úrslitaleikurinn í kvennaflokki
hefst kl. 15 og úrslitaleikurinn í
karlaflokki hefst kl. 18.
N1-deild karla hefst 18.
september en N1-deild kvenna 25.
september. - óþ
Reykjavík Open í handbolta:
Styttist í hand-
boltavertíðina
UNDIRBÚNINGUR Kvennalið Vals og
Fram eru bæði á meðal þátttakenda í
Reykjavík Open. FRÉTTABLAÐIÐ/STEFÁN
FÓTBOLTI Framherjinn Louis Saha
er nálægt því að ganga frá
félagaskiptum sínum frá
Manchester United til Everton.
Félögin eru búin að semja um
kaupverð, sem er óuppgefið, en
hinn 30 ára gamli Saha á eftir að
ganga í gegnum læknisskoðun.
Þeir sem þekkja til ferils Saha
hjá United vita sem er að þá gæti
enn brugðið til beggja vona því
Frakkinn er búinn að vera mikið
meiddur síðan hann gekk til liðs
við Englandsmeistarana á sínum
tíma.
Enginn efast hins vegar um
hæfileika Saha þegar hann er
heill heilsu en hann skoraði 42
mörk á ferli sínum með United.
Fyrirhuguð sala Saha gæti þýtt
það að eitthvað væri að birta til í
leit Sir Alex Ferguson að fram-
herja en Dimitar Berbatov hjá
Tottenham hefur ítrekað verið
orðaður við félagið í sumar. - óþ
United að selja framherja:
Louis Saha á
leið til Everton
MEIÐSLAGEMLINGUR Louis Saha hefur
verið mikið meiddur síðan hann kom til
United. NORDIC PHOTOS/GETTY
GOLF Íslandsmótið í holukeppni
sem hefjast átti í gærmorgun á
Korpúlfsstaðavelli var frestað
vegna veðurs um sólarhring.
Fyrirhugaðir rástímar í gær
færast því yfir á daginn í dag og
úrslitin í karla- og kvennaflokki,
sem áttu að fara fram á sunnu-
dag, verða nú á mánudag.
Meðal þátttakenda í mótinu að
þessu sinni eru Íslandsmeistar-
arnir frá því í fyrra, Ottó
Sigurðsson úr GR og Þórdís
Geirsdóttir úr GK. - óþ
Íslandsmótið í holukeppni:
Frestað vegna
veðurs
Landsbankinn býður 16 ára og yngri á völlinn.
Sækja þarf boðsmiðann í næsta útibú Landsbankans.
Landsbankadeild kvenna
Stjarnanlau. 30. ágúst
lau. 30. ágúst
lau. 30. ágúst
lau. 30. ágúst
lau. 30. ágúst
17. umferð
Þór/KA
Fylkir Valur14:00
14:00
Breiðablik HK/Víkingur14:00
KR Fjölnir14:00
Keflavík 14:00 Afturelding
Landsbankadeild karla
sun. 31. ágúst
sun. 31. ágúst
sun. 31. ágúst
Frestað til
mið. 24. sept.
18. umferð
18:00
18:00
Keflavík 18:00
16:30
HK Þróttur R.
Valur ÍA
Grindavík
FH Breiðablik
FÓTBOLTI Zenit frá Pétursborg vann
Manchester United í leiknum um
Ofurbikarinn sem fram fór í Món-
akó í gærkvöld. Zenit varð þar
með fyrsta rússneska liðið sem
vinnur Ofurbikarinn.
Sir Alex Ferguson stillti upp
sterku byrjunarliði hjá Manchest-
er United og greinilegt var að
Skotinn sigursæli var ekki mætt-
ur með hálfum hug í leikinn enda
sýndu Zenit menn úr hverju þeir
eru gerðir á síðustu leiktíð þegar
liðið vann UEFA-bikarinn nokkuð
óvænt.
Jafnræði var með liðunum
framan af leik en Meistaradeildar-
meistarar Manchester United
voru meira með boltann. UEFA-
bikarmeistarar Zenit frá í Péturs-
borg voru þó vel skipulagðir varn-
arlega og beittu hættulegum
skyndisóknum.
Fyrsta mark leiksins kom undir
lok fyrri hálfleiks þegar Pavel
Pogrebnyak ýtti boltanum yfir
marklínuna eftir vel útfærða horn-
spyrnu Zenit-manna og staðan í
hálfleik var 0-1.
Andrej Arshavin, helsta stjarna
Zenit-liðsins, kom inn á strax í
upphafi síðari hálfleiks og lét
strax að sér kveða. Zenit-menn
náðu svo að bæta við marki á 59.
mínútu. Hinn portúgalski Miguel
Danny fékk þá boltann nálægt
miðju vallarins, hljóp með hann
óáreittur upp völlinn og lék létti-
lega á Rio Ferdinand áður en hann
skoraði framhjá Edwin van der
Sar. Sannkallað gull af marki.
Zenit-menn féllu talsvert til
baka í kjölfar seinna marksins og
leikmenn United gengu vitanlega
á lagið. Englendingarnir voru ekki
lengi að nýta sér heimboðið og
varnarmaðurinn Nemanja Vidic
minnkaði muninn með skoti af
stuttu færi þegar rúmur stundar-
fjórðungur lifði leiks.
United reyndi hvað það gat til
þess að jafna leikinn á lokakaflan-
um og stundum reyndar of mikið;
í blálokin sló Paul Scholes boltann
með hendinni í markið með mjög
áberandi hætti. Hann hlaut fyrir
vikið sitt annað gula spjald og þar
með rautt. Zenit-menn sigldu sigr-
inum svo í höfn og unnu Ofurbik-
arinn að lokum með 1-2 sigri og
eru því meistarar meistaranna.
omar@frettabladid.is
Zenit vann Ofurbikarinn
UEFA-bikarmeistarar Zenit frá Pétursborg gerðu sér lítið fyrir og sigruðu Meist-
aradeildarmeistara Manchester United í úrslitaleiknum um Ofurbikarinn í gær.
FÖGNUÐUR Leikmenn Zenit frá Pétursborg höfðu fulla ástæðu til þess að fagna í gær
eftir frækinn sigur gegn Meistaradeildarmeisturum Manchester United. Hér fagna
markaskorararnir Pogrebnyak og Danny marki þess fyrrnefnda. NORDIC PHOTOS/GETTY