Fréttablaðið - 31.08.2008, Blaðsíða 6

6 31. ágúst 2008 SUNNUDAGUR
Verkefnastyrkir og samstarfssamningar
við sviðslistahópa, gallerí, söfn, tónlistarhópa
og hátíðir í Reykjavíkurborg.
Vakin er athygli á styrkveitingum Reykjavíkurborgar
fyrir árið 2009 sem auglýstar eru á Reykjavíkurborgar
fyrir árið 2009 á www.reykjavik.is/styrkir með
umsóknarfresti til 1. október 2008.
Jafnframt er auglýst eftir umsóknum um samstarfs-
samninga Reykjavíkurborgar við sviðslistahópa, gallerí,
söfn, tónlistarhópa og hátíðir í Reykjavíkurborg til allt
að þriggja ára fyrir árin 2009, 2010 og 2011.
Umsókninni fylgi greinargerð, ef við á, um starfsemi
2006, 2007 og 2008, rekstraryfi rlit ársins 2007 og
framtíðaráform ásamt hefðbundnum upplýsingum
um umsækjanda.
Umsóknir skulu berast til Ráðhúss Reykjavíkur eða
Menningar- og ferðamálasviðs, Vesturgötu 1, 2. h.,
101 Reykjavík fyrir kl. 16:15 miðvikudaginn 1. október
2008, á eyðublöðum sem þar fást. Eyðublöðin má
auk þess fi nna á www.reykjavik.is/styrkir og
www.reykjavik.is/menningogferdamal.
VIÐSKIPTI Hagnaður af rekstri
Hitaveitu Suðurnesja nam tæpum
milljarði króna á fyrri hluta
ársins. Það er þó tveimur
milljörðum króna minna en í
fyrra. Rekstrartekjur Hitaveit-
unnar jukust um tæpan fimmtung
frá því á sama tíma í fyrra, að því
er segir í tilkynningu til Kaup-
hallarinnar. Þetta skýrist af
auknum tekjum af raforkusölu til
stóriðju. Hitaveitan skuldar
ríflega 24 milljarða króna. Þar af
nema skammtímaskuldir tæpum
fimm milljörðum króna.
Eigið fé nemur 28 milljörðum og
er eiginfjárhlutfallið 54 prósent.
- ikh
Hitaveita Suðurnesja hagnast:
Milljarður á
fyrri hluta ársins
SEYÐISFJÖRÐUR Óvenju mikil olía
hefur lekið úr sokkna olíubirgða-
skipinu El Grillo í Seyðisfjörð í
sumar sökum sjávarhita, að sögn
Ólafs Hr. Sigurðssonar, bæjar-
stjóra Seyðisfjarðar.
„Þetta er olía af gömlu gerðinni
sem fer að renna þegar hitinn fer
yfir níu gráður. Núna í sumar
gerðist, eins og stundum áður, að
sjávarhiti var óvenjumikill. Þá
nær sjávarhitinn níu gráðum fyrr.
Venjulega sjáum við olíubrákir
upp úr miðjum ágúst en núna fyrri
hlutann í júní,“ segir Ólafur.
El Grillo var breskt skip sem
þýskar flugvélar gerðu sprengju-
árás á í síðari heimsstyrjöldinni.
Skipið var svo laskað eftir árásina
að Bretar ákváðu að sökkva því,
þó mikið magn olíu væri enn um
borð. Olíu var dælt úr skipinu árið
1952 og 2001, en enn er eftir nokk-
uð af olíu. Olían flýtur upp í flekkj-
um og dreifir úr sér á yfirborði
vatnsins. Ólafur segir lekann ekki
vera stórt vandamál. „En þetta er
hundleiðinlegt, sérstaklega fyrir
þá sem sigla um fjörðinn á kajök-
um eða skemmtibátum og fá olíu á
bátinn.“ - gh
Nokkur olía hefur lekið í Seyðisfjörð úr El Grillo í sumar sökum sjávarhita:
Meiri leki úr El Grillo í sumar
KAFARI MAKAÐUR Í OLÍU Norskir
sérfræðingar dældu olíu úr El Grillo fyrir
umhverfisráðuneytið árið 2001. Ekki
náðust þó allar olíuleifar úr flakinu.
UMFERÐ Íbúum á Selfossi blöskrar umferðarhraði á
Tryggvagötu og Engjavegi en við göturnar standa
meðal annars grunnskóli, fjölbrautaskóli, tvö
íþróttahús, sundlaug íþróttavöllur og félagsmiðstöð.
Ætla má að hátt í tvö þúsund börn og ungmenni sæki
skólana á hverjum degi.
„Það má segja að engar hraðahindranir séu á
þessu svæði,“ segir Vilmundur Sigurðsson, einn
íbúanna. Hann segir íbúa vilja lækka hámarkshraða
úr 50 í 30 kílómetra á klukkustund til samræmis við
gildandi hámarkshraða í öðrum skólahverfum.
Honum finnst lögreglan ekki nógu sýnileg í
hverfinu og segir marga ökumenn ekki virða
hraðatakmarkanir. Hann átelur sofandahátt
bæjaryfirvalda og segist oft hafa rætt málið við
bæjaryfirvöld í Árborg. „Maður hefði haldið að
svona mál væru í forgangi,“ segir Vilmundur.
Ragnheiður Hergeirsdóttir, bæjarstjóri Árborgar,
segir bæjaryfirvöld vera að skoða leiðir til að draga
úr umferðarhraða á umræddu svæði.
„Það verður farið í ákveðnar aðgerðir, bæði með
lækkun hámarkshraða á ákveðnum köflum og eins
verða settar upp hraðahindranir og við munum
hraða þessu,“ segir Ragnheiður. Hún tekur undir
með íbúum um það að margir ökumenn aki of hratt í
námunda við skólana. Þá hvetur hún ökumenn til að
sýna sérstaka aðgát í námunda við skóla. - ovd
Íbúar á Selfossi eru áhyggjufullir yfir slysahættu við fjölfarna umferðargötu:
Blöskrar umferðarhraði við skóla
FRÁ SELFOSSI Gatnamót Tryggvagötu og Engjavegar eru fjöl-
farin enda fjöldi barna og unglinga sem sækja skóla í hverfinu.
MYND/GKS
FLÓTTAFÓLK Þegar tungumálsins
nýtur ekki við geta einföldustu
hlutir orðið vandamál. Hvernig á
að kaupa mjólkurpott eða klósett-
pappír ef maður talar ekki málið?
Og hvernig á að aðstoða fjölskyldu
sem talar ekki sama tungumál?
Væntanlegar stuðningsfjöl-
skyldur palestínska flóttafólksins
funduðu á fimmtudaginn á Akra-
nesi, en flóttafólkið er væntanlegt
snemma í næsta mánuði. „Þetta
hefur gengið framar vonum. Ég
vissi að Akurnesingar væru frá-
bærir en þetta er framar öllum
vonum,“ segir Anna Lára Steindal,
framkvæmdastjóri Akranes-
deildar Rauða krossins.
Athyglisvert var að fylgjast
með umræðum væntanlegs stuðn-
ingsfólks. Ýmsar áhyggjur létu á
sér kræla; hvernig á að tjá sig við
fólkið, af hverju hefur það gaman,
hvað borðar það, les það latneskt
letur?
Fulltrúar Rauða krossins fóru
yfir reynsluna við sams konar
verkefni. Við því er að búast að
fyrstu vikurnar fari í praktísk
mál, hvar er búðin, læknisþjón-
usta, félagsleg þjónusta, að læra
inn á næsta umhverfi. Mikilvægt
væri að hafa orðalista með algeng-
ustu orðum á báðum tungumálum
og bráðsnjallt væri að skrifa heiti
heimilis- og húsbúnaðar á íslensku
á litla miða og líma á viðeigandi
staði; ísskápinn, kaffivélina og svo
framvegis.
Sumar stuðningsfjölskyldur
hafa haldið regluleg matarboð,
aðrir komið upp prjónahringjum,
aðstoðað við heimanám barnanna
og keyrt í búðir reglulega.
Kannanir hafa sýnt að félagslegur
stuðningur er flóttafólki mikil-
vægastur þegar í nýtt land er
komið. Jafnvel mikilvægari en
læknisþjónusta.
Af fundargestum mátti skilja að
menn vildu standa sig eins vel og
kostur væri. Sumir höfðu áhyggjur
af því að vera allt of uppáþrengj-
andi, aðrir af því að vera ekki nóg
til staðar. Grundvallarspurningar
eins og hvernig einstæðum konum
af þessari menningu er heilsað
komu upp.
Reynslan hefur sýnt að aðal-
atriðið er að vera til staðar, vera
vinur í raun þegar á þarf að halda.
Flóttafólk er fólk eins og við og
meginstefið í samskiptum við það
á að vera virðing, líkt og í öllum
samskiptum.
Af áhuga væntanlegra stuðn-
ingsfjölskyldna á Akranesi að
dæma munu samskiptin ganga vel
þrátt fyrir tungumálaörðugleika.
kolbeinn@frettabladid.is
Einföldustu atriði
verða vandamál
Stuðningsfjölskyldur á Akranesi búa sig nú undir komu palestínsks flóttafólks
og funduðu á fimmtudaginn. Margvíslegar áhyggjur komu upp á yfirborðið
enda geta hversdagslegir hlutir orðið vandamál á milli ólíkra menningarheima.
AF FUNDINUM Farið var yfir ýmis atriði á fundinum. Hlutverk stuðningsfjölskyldna er
fyrst og fremst að vera til staðar ef á þarf að halda. FRÉTTABLAÐIÐ/RÓSA
ANNA LÁRA STEINDAL
Á að afnema verðtryggingu?
Já 84,6%
Nei 15,4%
SPURNING DAGSINS Í DAG:
Vilt þú að sérstakt ráðuneyti
verði stofnað fyrir efnahags-
mál?
Segðu þína skoðun á visir.is
KJÖRKASSINN