Fréttablaðið - 31.08.2008, Blaðsíða 14

14 31. ágúst 2008 SUNNUDAGUR
timamot@frettabladid.is
Þennan dag fyrir ellefu árum lést Díana prins-
essa í bílslysi 36 ára gömul. Unnusti henn-
ar, Dodi al Fayed, lést einnig í slysinu.
Díana giftist Karli Bretaprinsi hinn
29. júlí 1981 í Dómkirkju Páls post-
ula. Brúðkaupið var sveipað ævintýra-
ljóma en hjónabandið var stormasamt
og skildu Karl og Díana að borði og
sæng árið 1992 en lögskilnaður gekk í
gegn fjórum árum síðar. Haft var eftir
Díönu í sjónvarpsviðtali að þau hefðu
alltaf verið þrjú í hjónabandinu og
það hefði verið full mikið. Átti hún
þar við samband Karls við fyrrum
kærustu sína og núverandi eigin-
konu Camillu Parker Bowles.
Díana og Karl eignuðust tvo
syni, Vilhjálm og Harry. Díana
var vinsæl meðal almennings
og þótti alþýðleg. Hún skar sig að því leyti úr
konungsfjölskyldunni sem heldur jafn-
an ákveðinni fjarlægð við þegna sína.
Samband Díönu og tengdaforeldr-
anna var oft talið stormasamt. Fil-
ippus prins hefur þó neitað að hafa
haft horn í síðu hennar.
Díana var sögð góð móðir og það
lá þungt á henni hversu mikið hún
þurfti að vera frá sonum sínum tveim-
ur vegna skyldustarfa. Díana var syrgð
um allan heim þegar hún lést og var
konungsfjölskyldan gagnrýnd fyrir að
bregðast seinlega við tíðindunum. Þó
var eftir því tekið hversu vel prinsarn-
ir stóðu sig, en þeir gengu um milli
fólks og tóku í hendur þess fyrir
utan Buckingham-höll þar sem
mikill mannfjöldi safnaðist saman.
ÞETTA GERÐIST: 31. ÁGÚST 1997
Díana prinsessa kveður
MERKISATBURÐIR
1902 Hestakonan Adolph
Lande burg gengur fyrst
kvenna í pilsbuxum.
1919 Fyrsta almenna listsýn-
ingin opnuð hér á landi í
barnaskólanum í Reykja-
vík.
1955 Borgarísjakar sjást um
100 sjómílur vestur af
Reykjanesi.
1961 Alþjóðlegi ballettinn í
Amsterdam settur á fót.
1994 Skák Jóhanns Hjartar-
sonar og Jóns Garðars
Viðarssonar lýkur með
jafntefli eftir 183 leiki.
1971 Dave Scott ekur bíl á
tunglinu fyrstur manna.
1994 Síðustu hermenn rúss-
neska hersins yfirgefa
loks Eistland og Lett-
land.
GRÍNISTINN CHRIS TUCKER
ER 36 ÁRA Í DAG.
„Mig langar að hætta að
blóta. Ég held að ég sé
fyndnari þegar ég sleppi því
að nota ljót orð.“
Chris Tucker hefur leikið í kvik-
myndum á borð við Rush Hour
og Jackie Brown. Hann er
þekktur fyrir ljótan orðaforða í
gamanmálum sínum.
AFMÆLI
INGIBJÖRG
STEFÁNSDÓTT-
IR LEIKKONA
er 36 ára.
ÖRN ARNAR-
SON SUND-
KAPPI
er 27 ára.
Séra Úlfar Guðmundsson hættir prest-
skap eftir 36 ára farsælt starf og
syngur sína síðustu messu í dag. Mess-
an fer fram í Gaulverjabæjarkirkju og
verður boðið upp á kaffi á eftir. Úlfar
hefur þjónað Eyrarbakkaprestakalli
síðustu 28 ár en áður var hann prestur
á Ólafsfirði. Síðustu tíu ár hefur Úlfar
verið prófastur. Úlfar segir samfélagið
hafa breyst mikið á þessum tíma sem
hann hefur starfað sem prestur.
„Það er eins og fólk sé feimið við
að nefna Guð á nafn, til dæmis í skól-
um, og það finnst mér vera óþarfi og
misskilningur,“ segir Úlfar, sem finnst
trúar iðkun þjóðarinnar og meðvitund
um trú hafi farið minnkandi þegar
hann lítur um öxl. Hann vill hvetja fólk
til að staldra aðeins við í annríki dags-
ins.
„Veröldin stendur aldrei kyrr og for-
eldrar hafa að sumu leyti verið gerðir
óöruggir um trúaruppeldi barna sinna.
Skólarnir sinna biblíusögufræðslu ekki
eins vel og þeir gerðu, þannig að það er
töluverð vanþekking að verða á biblíu-
sögum og trúararfinum. Ég hef líka
hvatt til þess að fólk hugsaði um heim-
ilisguðrækni og held að það væri mjög
gott á mörgum heimilum að hafa stutta
borðbæn. Það tekur enga stund að
segja „guð blessi matinn“ og þá setjast
allir saman að borðinu augnablik. Svo
fer fólki að þykja vænt um þetta þegar
frá líður. Það er bara svo mikill tæt-
ingur í samtímanum að ég held að það
geti líka verið mjög gott fyrir hjón, þar
sem þriðja hvert hjónaband endar með
skilnaði, að þau signdu hvort annað
áður en þau fara að sofa á kvöldin.
Þegar þau hafa prófað þetta í tvo þrjá
mánuði þá vilja þau ekki sleppa því.“
Úlfari hefur líkað vel í starfi sínu sem
prestur. Hann segir starfið mikil vægt
en presturinn vinnur með fólki bæði
á gleði- og sorgartímum. Prestakallið
telur um 1.370 manns sem skipa þrjár
sóknir og hefur Úlfar því sinnt þrem-
ur kirkjum; Gaulverjabæ, Eyrarbakka
og Stokkseyrarkirkju, og tveimur elli-
heimilum að auki. Tímamótin leggjast
vel í Úlfar þar sem hann er í óða önn að
ganga frá og flytja sig um set til Sel-
foss. Hann ætlar þó að taka lífinu með
ró eftir starfslok og vitnar í ljóð eftir
Pál Ólafsson:
„Örninn flýgur fugla hæst í forsal
vinda.
Hinir sér það láta lynda
leika, kvaka, fljúga og synda.“
„Ég ætla mér að „leika, kvaka, fljúga
og synda“,“ segir hann kankvís, „en ég
hef nóg að gera til að byrja með við að
ganga frá og koma mér fyrir á nýjum
stað. Þar verður nóg að gera hjá mér
fram eftir haustinu.“ heida@frettabladid.is
SÉRA ÚLFAR GUÐMUNDSSON: LÆTUR AF STÖRFUM EFTIR 36 ÁR
Hjón ættu að signa hvort
annað fyrir svefninn
Ástkær móðir okkar, tengdamóðir,
amma, dóttir, tengdadóttir og systir,
Guðbjörg Elsa
Sigurjónsdóttir
fulltrúi hjá Íslandspósti Kópavogi,
Funalind 15 Kópavogi,
lést á Landspítalanum við Hringbraut þriðjudaginn
26. ágúst. Jarðsungið verður frá Kópavogskirkju
föstudaginn 12. september kl. 15.00. Þeim sem vilja
minnast hennar er bent á krabbameinslækningadeild
11E við Hringbraut eða Krabbameinsfélagið.
Sigurjón Ómar Níelsson Elísa Harpa Grytvik
Anna Björg Níelsdóttir Sigurður Sigurðsson
Níels Birgir Níelsson Svanborg Gísladóttir
Arnar Bjarki, Glódís Rún, Védís Huld og Heiðdís Perla
Hulda Sigurbjörnsdóttir
Hrefna Skagfjörð
Íris Dagmar Sigurjónsdóttir
Jónanna María Sigurjónsdóttir
Okkar innilegustu þakkir til allra
þeirra sem sýndu okkur hlýhug og
samúð vegna andláts
Árna Jónssonar
söngvara.
Sérstaklega viljum við þakka Jóni Eyjólfi Jónssyni
yfirlækni og heilbrigðisstarfsfólki öldrunarsviðs
Landspítala háskólasjúkrahúss sem önnuðust Árna í
veikindum hans. Jafnframt sérstakar þakkir til Gissurar
Páls Gissurarsonar og Fóstbræðra sem heiðruðu
minningu hans með fögrum söng. Guð blessi ykkur öll.
Bjarney V. Tryggvadóttir
Sigurjón Árnason Helga Björk Harðardóttir
Tryggvi Guðmundur Árnason Lee Ann Greer Árnason
Jón Árnason Guðbjörg Gissurardóttir
Valur Árnason Kara Pálsdóttir
Ragnar Árnason Kristín Helga Viggósdóttir.
Steinsmiðja
• Viðarhöfða 1
• 110 Reykjavík
• 566 7878
• Netfang: rein@rein.is
• Vönduð vinna
REIN
Legsteinar
í miklu úrvali
Eiginmaður minn, faðir okkar,
tengdafaðir, afi og langafi,
Jósafat Vilhjálmur Felixson
Húsey,
sem lést sunnudaginn 24. ágúst, verður jarðsunginn frá
Löngumýrarkapellu þriðjudaginn 2. september
kl. 15.00. Jarðsett verður í Víðimýrarkirkjugarði.
Inda Indriðadóttir
Felix Jósafatsson Baldvina G. Valdimarsdóttir
Indriði Jósafatsson Hrönn Helgadóttir
afabörn og langafabörn.
SYNGUR SÍNA SÍÐUSTU MESSU Í DAG Séra Úlfar Guðmundsson lætur af prestskap í dag eftir 36
farsæl ár í starfi. Tímamótin leggjast vel í hann en hann er að koma sér fyrir á Selfossi.
MYND/EGILL