Fréttablaðið - 31.08.2008, Blaðsíða 57

SUNNUDAGUR 31. ágúst 2008
Nú stendur yfir gerð fjárhagsáætlunar fyrir næsta ár.
Reykjavíkurborg auglýsir eftir umsóknum um styrki vegna
starfsemi á árinu 2009. Meðal markmiða styrkveitinga er að
styrkja og efna til samstarfs við félagasamtök, fyrirtæki og
einstaklinga um uppbyggilega starfsemi og þjónustu í
samræmi við stefnumörkun, áherslur og forgangsröðun
borgaryfirvalda. Styrkir eru m.a. veittir til verkefna á sviði
eftirtalinna málaflokka:
• félags- og velferðarmála
• menntamála - grunnskólar/leikskólar
• íþrótta- og æskulýðsmála
• mannréttindamála
• menningarmála
• umferðaröryggismála
Vakin er athygli á því að reglur um styrkveitingar er að finna
á vef Reykjavíkurborgar www.reykjavik.is/styrkir. Þar er
einnig að finna nánari upplýsingar um áherslur borgarinnar
í einstökum málaflokkum.
Umsóknum skal skilað á sérstökum eyðublöðum sem nálgast
má á vef Reykjavíkurborgar, www.reykjavik.is/styrkir.
Eyðublöðum þessum skal skilað rafrænt ásamt fylgigögnum,
eða, ef þess er ekki kostur, í Ráðhús Reykjavíkur,
merktum Reykjavíkurborg – styrkumsókn.
Umsóknarfrestur er til 1. október nk. og eru einungis
teknar til greina umsóknir sem berast innan tilskilins
frests og uppfylla þær kröfur sem reglur Reykjavíkurborgar
kveða á um.
Viðburðir eða verkefni eru ekki styrkt eftir á. Þá eru
styrkir alla jafna hvorki veittir til kaupa á húsnæði né til
greiðslu fasteignagjalda. Umsóknir verða metnar með
hliðsjón af eftirfarandi:
• markmiðum sem lýst er og hvort líklegt sé að
þeim verði náð
• hvort verk- og tímaáætlun sé raunhæf
• hvort unnt sé að meta framvindu verksins
• hvort skilagreinar og fyrri verkefni sem styrk hafa
hlotið uppfylli lágmarkskröfur
• væntanlegum árangri og ávinningi fyrir
umrædda starfsemi
• fjárhagsáætlun og greinargerð um aðra fjármögnun
sem einnig skal fylgja umsókn
Styrkumsókn felur í sér að umsækjendur undirgangast
ákvæði reglna Reykjavíkurborgar um styrki. Gert er ráð
fyrir að úthlutun nefnda og ráða verði lokið í árslok 2008.
Styrkir
Reykjavíkurborgar
Fyrirspurnir og óskir um nánari upplýsingar
má senda á netfangið styrkir@reykjavik.is
www.reykjavik.is/styrkir
Haustönn hefst 8. september
Enska úrvalsdeildin
Bolton-WBA 0-0
Grétar Rafn Steinsson lék allan leikinn með
Bolton en Heiðar Helguson var á bekknum og
kom ekkert við sögu í leiknum.
Everton-Portsmouth 0-3
0-1 Jermain Defoe (12.), 0-2 Glen Johnson (40.),
0-3 Defoe (69.). Hermann Hreiðarsson lék
síðustu tólf mínúturnar fyrir Portsmouth.
Hull-Wigan 0-5
0-1 sjálfsmark (5.), 0-2 Wilson Valencia (13.), 0-3
Amr Zaki (63.), 0-4 Emile Heskey (68.) 0-5 Zaki
(81.).
Middlesbrough-Stoke 2-1
1-0 Afonso Alves (37.), 1-1 sjálfsmark (71.), 2-1
Tuncay Sanli (85.). Rautt spjald: Amdy Faye (36.).
West Ham-Blackburn 4-1
1-0 Calum Davenport (12.), 2-0 sjálfsmark (20.),
2-1 Jason Roberts (22.), 3-1 Craig Bellamy (90.),
4-1 Carlton Cole (90.+2.).
Arsenal-Newcastle 3-0
1-0 Robin Van Persie (18.), 2-0 Van Persie (41.),
3-0 Denilson (59.).
Enska Championship-deildin
Burnley-Plymouth 0-0
Jóhannes Karl Guðjónsson lék síðustu sextán
mínúturnar fyrir Burnley.
Doncaster-Coventry 1-0
Richard Wellens (31.). Aron Einar Gunnarsson lék
allan leikinn fyrir Coventry.
Reading-Crystal Palace 4-2
1-0 James Harper (18.), 1-1 Nick Carle (37.), 1-2
Calvin Andrew (64.), 2-2 Kevin Doyle (68.), 3-2
Doyle (69.), 4-1 Doyle (89.). Ívar Ingimarsson lék
allan leikinn fyrir Reading.
Skoska úrvalsdeildin
Hamilton-Hearts 1-2
0-1 Marius Zaliukas (18.), 0-2 Andrew Driver
(59.), 1-2 Derek Lyle. Eggert Gunnþór Jónsson lék
allan leikinn fyrir Hearts.
ÚRSLIT
FÓTBOLTI Þriðja umferð ensku
úrvalsdeildarinnar hófst í gær
með sjö leikjum. Portsmouth og
WBA náðu í sín fyrstu stig í deild-
inni og nú er Tottenham því eina
liðið sem er ekki komið á blað.
Hermann Hreiðarsson byrjaði
á varamannabekknum hjá Ports-
mouth sem heimsótti Everton í
gær. Jermaine Defoe kom gest-
unum yfir strax á 12. mínútu
leiksins og Glen Johnson bætti
við öðru marki á 40. mínútu. Það
var svo Defoe sem innsiglaði
fyrsta sigur Portsmouth í deild-
inni á þessu keppnistímabili með
góðu marki á 69. mínútu. Her-
mann Hreiðarsson kom inn á og
lék síðustu tólf mínúturnar með
Portsmouth.
Grétar Rafn Steinsson var í
byrjunarliði Bolton sem gerði
markalaust jafntefli gegn nýlið-
um WBA á heimavelli sínum, en
þetta var fyrsta stig WBA í deild-
inni. Heiðar Helguson var á vara-
mannabekk Bolton og kom ekki
við sögu í leiknum.
Langræknir aðdáendur West Ham
Paul Ince fékk að vanda óblíðar
móttökur þegar hann sneri aftur
á Upton Park, nú sem knatt-
spyrnustjóri Blackburn, en aðdá-
endur West Ham eru ekki enn
búnir að fyrirgefa honum að láta
mynda sig í treyju Manchester
United þegar hann var enn leik-
maður West Ham fyrir um nítján
árum. Leikurinn út af fyrir sig
var heldur lítið fagnaðarefni fyrir
Ince því West Ham vann að lokum
stór sigur, 4-1, þar sem Carlton
Cole og hinn meiðslahrjáði Craig
Bellamy skoruðu sitt markið hvor
í blálokin fyrir heimamenn.
„Mér fannst úrslitin, 4-1, ekki
endurspegla gang leiksins. Við
fengum færi til þess að skora í
seinni hálfleik en þetta var einn af
þessum leikjum þar sem ekkert
gekk upp. Það hafði engin áhrif á
mig að fá svona slæmar móttökur
frá aðdáendum West Ham, það er
alltaf gaman að koma á Upton
Park en ég er svekktur yfir því að
taka ekki einhver stig með mér,“
sagði Ince í viðtali í leikslok.
Velkomnir í úrvalsdeildina
Steve Bruce og lærisveinar hans í
Wigan náðu nýliðum Hull hressi-
lega niður á jörðina með 0-5 sigri.
Sam Ricketts gerði sjálfsmark
strax á 5. mínútu og leiðin lá bara
niður á við eftir það og Hull tap-
aði þar með sínum fyrsta leik í
deildinni.
Stoke var ekki langt frá því að
krækja í stig gegn Middlesbrough
á útivelli í gær þrátt fyrir að vera
einum leikmanni færri allan síð-
ari hálfleik, en staðan var 1-0 fyrir
Middlesbrough í hálfleik. Stoke
gafst ekki upp og náði að jafna
leikinn á 71. mínútu með sjálfs-
marki Justin Hoyte en Tuncay
Sanli tryggði heimamönnum öll
stigin með marki á 85. mínútu og
þar við sat. omar@frettabladid.is
Portsmouth loks
komið á blað
Portsmouth vann sinn fyrsta leik á tímabilinu í gær.
West Ham, Wigan og Middlesbrough voru líka í stuði.
ANDSKOTANS Það var allt á móti Paul
Ince þegar hann sneri aftur á Upton
Park í gær, innan vallar sem utan.
NORDIC PHOTOS/GETTY
MIKILL LÉTTIR Leikmenn Portsmouth höfðu ástæðu til þess að fagna í gær þegar
liðið vann sinn fyrsta sigur í deildinni á þessu tímabili. Hér sést Armand Traore fagna,
ásamt Jermain Defoe, marki þess síðarnefnda. NORDIC PHOTOS/GETTY
FÓTBOLTI Arsenal sýndi sínar
bestu hliðar þegar Lundúnaliðið
lagði Newcastle að velli 3-0 á
Emirates-leikvanginum í gær.
Robin Van Persie skoraði fyrsta
mark Arsenal af miklu öryggi úr
vítaspyrnu á 18. mínútu eftir að
boltinn hafði farið í hendina á
Charles N‘Zogbia.
Annað mark Arsenal var eink-
ar glæsilegt þar sem liðið gjör-
samlega splundraði Newcastle
vörninni með hröðu spili sem
endaði með því að Emmanuel
Eboue átti hælsendingu á Van
Persie sem afgreiddi boltann í
netið af stuttu færi.
Denilson bætti þriðja markinu
við á 59. mínútu eftir góðan undir-
búning hjá Emmanuel Adebayor
og Samir Nasri.
Þetta var bara einn af þeim
dögum þar sem Arsenal ræður
ferðinni og yfirspilar mótherja
sína á Emirates-leikvanginum,
þar sem liðið hefur aðeins einu
sinni beðið ósigur. Liðið hefði
hæglega getað bætt við mörkum
en lokatölur urðu 3-0. - óþ
Arsenal fór illa með Newcastle á heimavelli í gær:
Yfirburðir Arsenal
SÝNING Leikmenn Arsenal fóru á kost-
um á Emirates-leikvanginum í gær.
NORDIC PHOTOS/AFP