Fréttablaðið - 02.09.2008, Blaðsíða 24

2. SEPTEMBER 2008 ÞRIÐJUDAGUR
Í Háskólanum í Reykjavík er
starfræktur Opni háskólinn
sem eykur aðgang almennings
og atvinnulífs að háskólanámi.
„Opni háskólinn er okkar svar við
gríðarlegri aðsókn að skólanum, en
í dag þurfum við að vísa frá einum
af hverjum tveimur stúdentum
sem sækja um að vera í klass-
ísku háskólanámi,“ segir Guðrún
Högnadóttir, framkvæmdastjóri
Opna háskólans í Háskólanum í
Reykjavík.
„Þegar Háskólinn í Reykja-
vík var stofnaður var tilgangur
hans að auka samkeppnishæfni ís-
lensks atvinnulífs. Þar höfum við
komið mjög sterkt við sögu á síð-
ustu árum, bæði í nafni stjórn-
endaskólans og Símenntar, og
höfum unnið með flestum stærstu
fyrirtækjum landsins. Með Opna
háskólanum aukum við aðgang al-
mennings og íslensks atvinnulífs
að þeirri þekkingu sem við búum
yfir hér og bjóðum lausnir sem
henta hverjum og einum í gegnum
sex gáttir sem við tilgreinum eftir
markhópum. Í gegnum FagMennt
bjóðum við einstaklingum aðgang
að diplóma-, eininga- og löggild-
ingarnámi, ásamt því að opna al-
menningi aðgang að stökum kúrs-
um háskólans þar sem þeir geta
lokið einingum,“ segir Guðrún.
„Háskólar hafa oft blómstrað
á tímum efnahagsniðursveiflu,
þegar fólk hefur rýmri tíma til að
sækja nám. Önnur mikilvæg gátt
er StjórnMennt sem við vinnum
með íslenskum fyrirtækjum að
stjórnendaþjálfun og innleiðingu
stefnu fyrirtækja. Við áttum von
á verulegum samdrætti í haust
á þessu sviði, en þar hefur orðið
gríðarlegur vöxtur þannig að fyr-
irtæki virðast gera sér æ betri
grein fyrir því virði sem skapast
með því að þjálfa sitt starfsfólk.
Hinar gáttirnar fjórar eru
FrumgreinaMennt, sem brúar bil
yfir í háskóla fyrir þá sem ekki
hafa lokið stúdentsprófi; Frum-
kvöðlaMennt í samstarfi við Klak,
og GrunnMennt þar sem við bjóð-
um kúrsa fyrir ungt fólk á aldrin-
um tíu til fimmtán ára og hentar
það vel fyrir bráðger og námfús
börn. Einnig förum við í nokkra
grunnskóla í vetur og kennum 9.
bekkingum Sjö venjur til árang-
urs í lífsleikni. Að lokum má nefna
gáttina MannAuð sem er sam-
starfsverkefni um mannrækt,“
segir Guðrún.
„Við höfum byggt rekstur okkar
á að vera alltaf með bestu kennara
á hverjum tíma. Þannig verður til
þekking, sem er ein mesta auðlind
samfélaga. Við virðum rannsókn-
ir og gildi háskólasamfélagsins
fyrir íslenskt atvinnulíf, um leið
og við gerum okkur grein fyrir að
hagnýtt nám skiptir öllu og leitum
í sjóði atvinnulífs með þjálfun og
kennslu. Reynsla kennara okkar,
fjölbreyttir kennsluhættir og hag-
nýtar áherslur færa kenningum
líf og einstaklingum auð!” - þlg
Opinn háskóli fyrir alla
Guðrún Högnadóttir
er framkvæmdastjóri
Opins háskóla Háskól-
ans í Reykjavík sem
nú hefur sitt annað
starfsár við fádæma
vinsældir.
FR
ÉT
TA
BL
A
Ð
IÐ
/A
N
TO
N