Fréttablaðið - 03.09.2008, Blaðsíða 42
26 3. september 2008 MIÐVIKUDAGUR
sport@frettabladid.is
Skagamenn eygja veika von um að forðast fall úr Landsbanka-
deildinni. Þeir unnu aðeins sinn annan leik í sumar gegn Val á
dögunum. Þar fór á kostum gamla brýnið Kári Steinn Reynisson
sem hefur tekið skóna niður úr hillunni líkt og Pálmi Haraldsson.
„Það kom mér á óvart hvað það var létt yfir mannskapnum þó
svo að ástandið væri eins og það er. Það kveikti í mér að gera þetta
af einhverri alvöru. Ég ætlaði ekkert að spila strax, var meira að hugsa
um að mæta á æfingar og reyna að létta undir móralinn. Svo eru
hinir svo lélegir að ég komst beint í liðið,“ sagði hinn 34 ára gamli
Kári Steinn léttur.
Það var ekki að beiðni bræðranna, Arnars og Bjarka, sem Kári
Steinn ákvað að mæta aftur á æfingar og hjálpa félaginu sínu.
„Ég hafði aðeins verið að spá í þetta og ákvað svo að kíkja því
konan var komin með leiða á að hafa mig heima. Ég var farinn að
skipta mér af hlutum sem ég á ekkert að skipta mér af,“ sagði Kári
Steinn á gamansömum nótum. „Ég var nú ekki búinn að sakna fót-
boltans mikið og var mjög sáttur í vor með að hafa allan þennan
frítíma. Svo þegar grasið fór að grænka meira fékk maður aðeins
fiðring. Svo var í raun ekkert tilefni til að koma aftur og Gaui
[Guðjón Þórðarson] var allt of stoltur til þess að tékka á manni
enda hafði ég sagt honum að ég væri hættur.“
Kári Steinn starfar á daginn í Landsbankanum og Pálmi hjá
Glitni. Það liggur því beinast við að spyrja hvort það sé
svona leiðinlegt að telja peninga að menn þurfi að
byrja aftur í boltanum?
„Nei, það er nú ekki alveg svo,“ sagði Kári
og hló. „Við Pálmi höfðum verið að halda
okkur í formi með gömlum jöxlum í fótbolta
tvisvar í viku. Það er annars mjög gaman að
vera byrjaður aftur og ég nýt þess að spila. Það er
ekkert stress á okkur þrátt fyrir vonda stöðu og mór-
allinn góður,“ sagði Kári Steinn en er hann kominn
til að vera? „Ég veit það ekki og er lítið að spá í það.
Ætla að klára þetta sumar og sjá svo til. Ég ákvað
síðast að taka mér frí fram að áramótum og naut
þess mjög vel. Ég ákvað því að láta gott heita þá.“
KÁRI STEINN REYNISSON: HÆTTI VIÐ AÐ HÆTTA OG FÓR Á KOSTUM MEÐ ÍA GEGN VALSMÖNNUM
Konan fékk leiða á að hafa mig heima
>Breytingar á landsliðshópnum
Ólafur Jóhannesson landsliðsþjálfari neyddist í gær til
þess að gera tvær breytingar á landsliðshópi sínum fyrir
leikina gegn Norðmönnum og Skotum. Inn komu þeir
Jónas Guðni Sævarsson úr KR og Keflvíkingurinn Guð-
mundur Steinarsson í stað þeirra Ólafs Inga Skúlasonar
og Theodórs Elmars Bjarnasonar sem
báðir eru meiddir. Leikurinn við Norð-
menn fer fram næstkomandi laugardag
en Skotaleikurinn á miðvikudag eftir
viku.
HANDBOLTI Mörg félög í N1-deild
karla bítast um að fá örvhentu
skyttuna Árna Þór Sigtryggsson í
raðir sínar fyrir næsta tímabil og
nægir þar að nefna félög á borð
við Val og HK. Árni Þór sneri heim
í sumar eftir skamma dvöl á Spáni
og hefur verið búsettur í uppeldis-
bæ sínum, Akureyri, síðan hann
kom heim. Hefur hann verið að
æfa með Akureyrarliðinu og spil-
aði einnig með þeim á opna
Reykjavíkurmótinu um síðustu
helgi.
„Það var alltaf fyrsti kostur hjá
mér að spila með Akureyri og er
það í raun enn,“ sagði Árni Þór
sem hefur þó ekki enn fengist til
þess að skrifa undir samning við
félagið. „Það er verið að vinna í
því að hafa alvöru lið hérna heima.
Ef það gengur upp þá geri ég fast-
lega ráð fyrir því að vera hérna
áfram. Við erum með ágætis lið en
vantar samt styrkingu. Mér skilst
að það sé allt að gerast og vonandi
gengur það eftir. Það er víst verið
að skoða einhverja útlendinga,“
sagði Árni Þór og bætir við að lítil
stemning sé fyrir því meðal heima-
manna að senda lið til þess eins að
vera með. Akureyri hefur misst
nokkuð af mönnum í sumar og þar
á meðal skytturnar Magnús Stef-
ánsson og Einar Loga Friðjóns-
son.
Árni Þór er byrjaður í skóla á
Akureyri en hann á eitt og hálft ár
eftir af verkfræðinámi sem hann
stefnir á að klára eins fljótt og
mögulegt er. Hann yrði líklega að
fórna önninni ef hann ákvæði að
fara suður til þess að spila hand-
bolta en enginn skortur er á tilboð-
um að sunnan. „Það eru vissulega
möguleikar í stöðunni fyrir mig.
Það er samt allt í skoðun og von-
andi skýrast málin sem allra fyrst.
Vonandi get ég einnig spilað hér
heima fyrir mitt lið og mitt fólk,“
sagði Árni Þór.
henry@frettabladid.is
Vill helst spila á Akureyri
Handknattleikskappinn Árni Þór Sigtryggsson er enn án félags þegar stutt er í
að Íslandsmótið hefjist. Hann er búsettur á Akureyri, er byrjaður þar í skóla og
segist helst kjósa að spila þar. Það muni þó skýrast á næstu dögum.
ÁRNI ÞÓR SIGTRYGGSSON Kominn heim í heiðardalinn og vonast til þess að spila
með Akureyri í vetur. Hann lék síðast með Haukum hér á landi. MYND/OLE NIELSEN
KÖRFUBOLTI Íslenska kvennalands-
liðið í körfubolta spilar þriðja leik
sinn í Evrópukeppninni klukkan
19.15 á Ásvöllum í kvöld en
stelpurnar taka þá á móti
Slóveníu. Þetta er síðasti heima-
leikur liðsins í keppninni en tveir
síðustu leikirnir fara fram á
Írlandi og í Svartfjallalandi.
Slóvenía var fyrirfram talin
vera með sigurstranglegasta liðið
í riðlinum en liðið hefur tapað
tveimur fyrstu leikjum sínum og
er þegar búið að reka aðalþjálfara
sinn. Í liðinu eru meðal annars
leikmenn sem eru að gera góða
hluti í sterkum deildum á Spáni
og Ítalíu.
Íslenska liðið vann góðan sigur
á Sviss í fyrsta leik sínum fyrir
viku en tapaði síðan fyrir
Hollandi á útivelli um helgina.
Helena Sverrisdóttir hefur
verið í miklu stuði í tveimur
fyrstu leikjunum og er sem
stendur langstigahæsti leikmaður
b-deildarinnar með 26,0 stig að
meðaltali í leik. - óój
Evrópukeppni kvenna í körfu:
Mæta Slóveníu
GÓÐ Helena Sverrisdóttir hefur skorað
52 stig í tveimur leikjum. FRÉTTABLAÐIÐ/RÓSA
FÓTBOLTI Dr. Sulaiman Al-Fahim
er í forsvari fyrir fjárfestingarfé-
lagið Abu Dhabi United Group
(ADUG) sem er nú að ganga frá
150 milljóna punda yfirtöku á ráð-
andi eignarhlut í Manchester City.
Al-Fahim hefur tengsl inn í kon-
ungsfjölskylduna í Abu Dhabi og
með þann bakhjarl sér við hlið
telur Sky Sports-fréttastofan að
fjárfestingarfélagið sé um það bil
tíu sinnum ríkara en Roman
Abramovich, rússneskur eigandi
Chelsea.
Al-Fahim og City lögðu
fram kauptilboð í marga
stærstu bitana á leik-
mannamarkaðnum á
lokadegi félagsskipta-
gluggans, þá David Villa
hjá Valencia, Mario
Gomez hjá Stuttgart,
Dimitar Berbatov hjá
Tottenham og Robin-
ho hjá Real Madrid.
Kauptilboðin í Ber-
batov og Robinho
voru samþykkt en
Berbatov ákvað að
lokum frekar að fara
til Manchester United.
Robinho gekk hins vegar í
herbúðir City og varð þar
með dýrasti leikmaður
enska boltans á 32,5 millj-
ónir punda.
Al-Fahim og félagar eru
stórhuga og kaupin á
Robinho eru aðeins byrjun-
in ef marka má nýlegt viðtal
hans við dagblaðið Daily Mir-
ror.
„Ég á eftir að tala við knatt-
spyrnustjórann [Mark Hug-
hes] en bestu leikmenn heims
kosta að meðaltali um þrjá-
tíu milljónir punda og við
þurfum minnst átján slíka
til þess að geta náð mark-
miðum okkar. Við viljum
ekki aðeins keppa um alla
titla í boði á Englandi
heldur er aðaltakmarkið
að vinna meistaradeild-
ina,“ sagði Al-Fahim við
Daily Mirror en sam-
kvæmt dagblaðinu fær
Hughes þrjú ár til þess að
skila meistaradeildardoll-
unni í hús. - óþ
Nýir eigendur Man. City ætla sér stóra hluti:
Ríkari en Roman
MOLDRÍKUR Dr Sulaiman Al-
Fahim er yfirlýsingaglaður og
ætlar sér stóra hluti.
NORDIC PHOTOS/GETTY
STÓRSTJARNA Robinho gæti verið fyrsta
af mörgum stórstjörnum sem koma til
City. NORDIC PHOTOS/GETTY
FÓTBOLTI Kvennalið Vals lenti í
miklum hrakförum í gær á leið
sinni til Sala í Slóvakíu þar sem
riðill liðsins í Evrópukeppninni
hefst á fimmtudaginn.
Flugtaki frá Keflavík í gær-
morgun seinkaði um meira en
þrjá tíma og öll ferðaáætlun
liðsins fór úr skorðum. Þegar
liðið komst loksins til Sala í
gærkvöld var farangurinn enn þá
í Kaupmannahöfn.
Valsliðið spilar sinn fyrsta leik
í keppninni á fimmtudaginn
þegar liðið mætir velsku meistur-
unum í Cardiff. Í riðlinum eru
einnig gestgjafarnir frá Sala í
Slóvakíu sem og Maccabi Holon
frá Ísrael. - óój
Evrópukeppni kvennaliða:
Valsliðið missti
af fluginu sínu