Fréttablaðið - 04.09.2008, Blaðsíða 22
22 4. september 2008 FIMMTUDAGUR
hagur heimilanna
92
2
KR
.
1999 2002 2005 2008
1.
13
0
KR
.
89
3
KR
.
70
9
KR
.
HEIMILD: HAGSTOFA ÍSLANDS
Móri, ný bjórtegund frá Ölvisholti Brugghúsi kom á markað í vikunni
en bjórinn er frá sömu framleiðendum og Skjálfti. Nýi bjórinn, Móri
er Ale-bjór, eða yfirgerjað öl að breskri fyrirmynd, maltríkur og
kröftuglega humlaður. Sjö mismunandi maltafbrigði eru notuð við
ölgerðina ásamt blöndu af fjórum breskum humlategundum sem
undirstrika engilsaxneskan uppruna Móra.
Nafnið er dregið af þekktum sunnlenskum draug sem sést hefur
á sveimi í námunda við brugghúsið.
Móri er seldur í hálfslítra flöskum til reynslu í verslunum ÁTVR í
Heiðrúnu og Kringlunni auk þess sem hann er hægt að sérpanta í
öðrum verslunum ÁTVR. Áfengisinnihald Móra er 5,5 prósent.
■ Innlend bjórframleiðsla
Nýtt íslenskt öl að breskri fyrirmynd
Útgjöldin
> Meðalverð á einu kílói af ýsuflökum í ágústmánuði ár
hvert.
GÓÐ HÚSRÁÐ
TILTEKT FYRIR MÖMMU
■ Kristín Rós Hákonardóttir, sund-
drottning, grafískur
hönnuður og kennari,
segir það hið besta hús-
ráð að taka alltaf vel
til áður en foreldrar
koma í heimsókn.
„Mér hefur þótt mikil-
vægt að reyna að hafa
nokkuð hreint áður en mamma og
pabbi koma í heimsókn,“ segir Kristín
Rós. Þetta hafi hún reynt að tileinka
sér þar sem móðir hennar eigi það til
að taka til í kringum sig, þyki henni
ekki nægilega snyrtilegt. „Um daginn
byrjaði hún til að mynda að þurrka
úr gluggakistunum hjá mér á meðan
hún var í heimsókn,“ segir Kristín Rós
og skellir upp úr við tilhugsunina um
umhyggjusemi móður sinnar.
Neytendastofa hefur tekið þá ákvörðun að Celsus ehf. hafi brotið lög um
eftirlit með óréttmætum viðskiptaháttum og gagnsæi markaðarins með því að
fullyrða í auglýsingum að Proderm-sólarvörn veiti sex klukkustunda vörn óháð
svita, sandi, sjó, leik eða handklæðaþurrkun. Þetta kemur fram á vef Neytenda-
stofu.
Í auglýsingum Celsus er annars vegar fullyrt að sólarvörnin sé sú eina sem
skráð sé læknisfræðileg og hins vegar að sólarvörnin sé skráð læknavara og
eina læknisfræðilega sólvörnin. Neytendastofu þótti ljóst að auglýsingin gæfi
það til kynna að varan væri notuð af læknum við störf sem hún reyndist ekki
vera.
Celsus hefur verið bannað að nota framangreindar fullyrðingar við auglýsingu
Proderm-sólarvarnar.
■ Ólögmæt auglýsing um sólarvörn
Neytendastofa tekur auglýsingu úr umferð
Heiðar Ástvaldsson dans-
kennari hefur kennt börn-
um að feta fyrstu dans-
sporin í meira en hálfa
öld. Hann segir það sýna
hjartans innri sannfæringu
að engin íþrótt sem hann
þekki þjálfi jafn vel huga
og líkama í senn.
„Í huga mínum er það gríðarlega
þýðingarmikill hluti í uppeldi
hvers barns að það læri dans
vegna þess hve mjög hann reynir
á persónuna andlega og líkam-
lega,“ segir Heiðar, sem nú er að
verða 72 ára. „Af þessum sökum
þykir mér sérlega mikilvægt að
lítil börn og eldra fólk æfi dans,“
bætir hann við en tekur skýrt
fram að með þeim orðum sé hann
ekki að gera lítið úr mikilvægi
þess að aðrir aldurshópar dansi.
Þessi sannfæring hans sé sterk og
hafi orðið til þess að það sem átti
aðeins að vera stutt hlé á lögfræði-
námi til að geta sinnt danskennslu
varir enn. Dansinn á enn hug hans
allan.
Heiðar viðurkennir að oft sé
erfitt að fá stráka til að dansa. Þeir
stígi fyrstu skrefin fussandi og
sveiandi en ástæðan fyrir þeirri
hegðun sé að því er virðist ómeð-
vituð skoðun þeirra um að stelp-
urnar séu óæðri verur. „Þegar þeir
byrja svo að dansa við stelpurnar
verða samskipti barnanna svo
miklu eðlilegri og þýðari,“ segir
Heiðar, sem segir danskennslu því
að sínu mati mikilvæga lexíu um
samskipti kynjanna og stuðla að
því að þau skilji að jafnrétti eigi
að ríkja þeirra á milli.
Heiðar segist vonast til þess að
sameining Kennaraháskólans og
Háskólans verði til þess að dans
verði gerður að sérgrein sem
börnum verði skylt að mæta í einn
tíma í vikulega til tólf ára aldurs.
„Það er einfaldlega mín hjartans
sannfæring að dans sé svo mikil-
vægur þáttur þótt samkvæmis-
dansana sé ekki hægt að dansa
hvar sem er nú til dags,“ segir
hann að lokum. karen@frettabladid.is
Dans fyrir sál og líkama
HEIÐAR ÁSTVALDSSON Hóf að kenna dans á Siglufirði sautján ára gamall. Hann er nú
að verða 72 en áhuginn hefur ekki dvínað. FRÉTTABLAÐIÐ/ANTON
NÁMSKEIÐ Í SAMKVÆMISDÖNSUM
Dansskóli Verð f. barn Verð f. fullorðið par
Dansskóli Sigurðar Hákonarsonar 13.500 27.500
Dansskóli Ragnars Sverrissonar 16.900 71.800
Dansskóli Jóns Péturs og Köru 18.900 38.900
Dansíþróttafélag Hafnarfjarðar 15.900 29.900
Dansskóli Heiðars Ástvaldssonar 15.215 36.600
Listinn miðast við uppgefið verð fyrir tíma í samkvæmisdönsum einu sinni í viku í
um fjórtán vikur hjá barni frá sex ára aldri og svo fyrir tíma í samkvæmisdönsum
einu sinni í viku í um fjórtán vikur fyrir par. Ekki er tekið tillit til systkinaafsláttar á
hverjum stað, eða niðurgreiðslu sveitarfélaga, aðstöðu, menntunar kennara eða
hvort einhvers konar búnaður eða gögn séu innifalin í verði. Verðið miðast ein-
göngu við uppgefið verð hjá dansskólum. Listinn yfir dansskóla er ekki tæmandi.
Mikil viðbrögð hafa verið við síðustu tveimur
færslum í neytendahorninu. Í gær var nefnt að
Icelandair taki 4.000 krónur fyrir að leiðrétta
mistök í netbókun. Smári L. Kristinsson, sem segist
ekkert eiga að vera að svara fyrir hönd flugfélags-
ins, gerir það samt: „Það er ekki rétt sem kom fram
að það taki eina mínútu að breyta miðum vegna
nafnabreytinga,“ skrifar hann. „Það eru í það fyrsta
IATA-reglur sem kveða á um að nöfn verði að vera
rétt í öllum tilfellum. Þegar þarf að breyta miðan-
um, verður að búa til alveg nýja bókun, sem getur
haft þær afleiðingar að sætið sem var á besta verði,
er svo ekki til mínútu seinna vegna þess að
bókunarkerfið er „live“. Svo þarf að reyna að bóka á
réttum nöfnum og flytja yfir sætin á eins lágu verði
og hægt er (sem er ekki alltaf hægt), endurgreiða
gamla miðann gegn hinum nýja og gefa nýja miðann
út.
Ég starfaði lengi hjá Air France KLM í Lundúnum
og svona prósess gat tekið stundum alveg upp í
þrjátíu mínútur á hvern miða! Ímyndið ykkur þá ef
verið er að vinna með 5-6 manna fjölskyldu! Það er
ekki sanngjarnt að flugfélagið tapi vegna þess
að fólk úti í bæ gerir mistök. Það er tímafrekt
verk að breyta miðum, og ég vildi koma því á
framfæri.“
Á þriðjudaginn var fjallað um fjölskyldu-
þjónustu Símans,
„Núllið“. Þórður
V. Oddsson vill
bæta við þá
umfjöllun:
„Konan mín beið í 15-20 mínútur
eftir þjónustuveri Símans í gær þar sem skrá
skyldi alla fjölskylduna í Núllið,“ skrifar hann.
„Þegar loksins náðist samband og erindið var borið
upp komu í ljós alls kyns skilmálar, sem hvergi er
minnst á í mikilli auglýsingaherferð Símans.
Samtalið endaði á því að þessi bráðsnjalla hug-
mynd sem lagt var af stað með reyndist eintóm
svik. Vonbrigðin, ekki síður en reiðin, voru því mikil
eftir alla biðina og væntingarnar.
Það sem Lára Waage (upplýsingafulltrúi Símans)
vitnar í sem aðra hentuga þjónustuþætti, virkar á
sama hátt. Til þess að skrá vini í „Mitt frelsi“
verður að leggja inn 1.000 krónur mánaðarlega til
þess að sá þjónustuþáttur virki. Þar sem fjölskyldan
samanstendur af foreldrum með 8 og 14 ára börn, er
fjarri lagi að 1.000 krónur verði lagðar inn á hvort
barn mánaðarlega og því er þessi „vina-valkostur“
miklu frekar „ókostur“ ef eitthvað er.
Að lokum finnst mér réttast að skoðað verði
hvorum megin auglýsingaherferð Símans dansi, að
vera hrein blekking eða auglýsing.“
Lesendur leggja orð í belg:
Enn um leiðréttingargjöld
Icelandair og „Núllið“
Sendið umboðsmanni neytenda ábendingar eða sparnaðarráð á neytendur@frettabladid.is
DR. GUNNI neytendur@frettabladid.is
„Ég er óttalegur auli eins og aðrir og alltaf að
kaupa eitthvað sem ég hef engin not fyrir,“
segir Haukur Magnússon, blaðamaður og
gítarleikari hljómsveitarinnar Reykjavíkur!, um
verstu kaupin sín. Hann segist hins vegar löngu
hafa tileinkað sér heimspeki Ólafs Stefánssonar
landsliðsfyrirliða í handknattleik.
„Ég reyni bara að fagna mistökum mínum
eins og Óli og læra af þeim frekar en að sýta
þau og vera leiður. Þessar vondu ákvarðanir eru
yfirleitt teknar undir áhrifum áfengis og ég reyni
bara að læra af þeim.“
Hvað bestu kaupin varðar er Haukur ekki í
neinum vafa. „Það var þegar ég í félagi við fjóra
aðra náunga ákvað að fjárfesta í því að búa til
hljómplötu. Það var frumburðarskífa okkar í
Reykjavík!
Við vorum búnir að spila mikið saman og
langaði að gera plötu, en enginn okkar var
sérstakur snillingur í að taka upp. Við ákváðum
því að slá hver sitt bankalánið og fjármagna
plötuna þannig.“
Haukur segist hafa verið um
tvö ár að greiða af láninu
og hann sé mjög sáttur og
ánægður með það.
„Við mátum það
þannig að þetta væri
á pari að fara á skíði
til Sviss. Við höfðum
hins vegar engan
áhuga á því og
gerðum því frekar
plötu. Þetta eru
ugglaust bestu,
og þá jafnframt
afdrifaríkustu,
kaupin mín.“
NEYTANDINN: HAUKUR MAGNÚSSON, GÍTARLEIKARI OG BLAÐAMAÐUR
Fagnar mistökum eins og Óli Stef
Litlatúni 3 • Gardabær • 517 4806
www.ilsejacobsen.dk
Jakki 25.900 KR
Stígvél 32.900 KR