Fréttablaðið - 04.09.2008, Blaðsíða 51
FIMMTUDAGUR 4. september 2008 31
UMRÆÐAN
Jón Bjarnason skrifar
um kjör ljósmæðra
Ljósmæður heyja nú hetjulega baráttu fyrir
sanngjörnum kjarabótum
og að menntun þeirra og
ábyrgð sé metin að verð-
leikum. Ég styð baráttu
ljósmæðra eindregið. Það gerir
Vinstrihreyfingin – grænt framboð.
Ljósmæðramenntun er ein sú
elsta sérmenntun hér á landi og
skipti sköpum í stórbættu heil-
brigði þjóðarinnar seint á 19. öld-
inni. Skipun ljósmæðra dreift á
héruð landsins átti mikinn þátt í að
stórlega dró úr dauða ungbarna og
mæðra af barnsförum. Þær eru
ljósberar hverrar fjölskyldu hjá
þjóðinni allri eins og hið hlýja
starfsheiti „ljósmóðir“ ber með
sér.
Sú staða sem komin er upp í
samningaviðræðum við ljósmæður
er ólíðandi, bæði gagnvart ljós-
mæðrum en ekki síður fæðandi
konum sem nú eru í óvissu um
hvort þær fái nauðsynlega og sjálf-
sagða þjónustu í mæðraeftirliti og
fæðingu. Ríkisstjórnin vanmetur
því ekki eingöngu störf ljósmæðra,
heldur eru þarfir kvenna einnig
virtar að vettugi.
Hin nakta staðreynd er sú að
komi ekki til stórfelldra kjarabóta
fyrir þessa starfstétt mun skortur
á menntuðum ljósmæðrum setja
einn mikilvægasta þátt heilbrigðis-
kerfis okkar í uppnám. Það er ríkis-
stjórn Samfylkingar og Sjálfstæð-
isflokks til háborinnar skammar að
semja ekki nú þegar við ljósmæður
um kjör sem þær eru sæmdar af og
tryggir nauðsynlega endurnýjun í
stéttinni.
Það er ótrúlegt að enn
þurfa kvennastéttir að
beita hörku til að fá störf
sín metin til launa. Orð
stjórnarsáttmála Samfylk-
ingar og Sjálfstæðisflokks
um að jafna kjör kynjanna
eru innantóm þegar stétt
sem telur einungis konur
mætir fálátum viðbrögð-
um við kröfum um að fá
svipuð laun og karlastéttir með
sambærilega menntun.
Ef svo heldur fram sem horfir
hefur Samfylkingin svikið sín
stærstu kosningaloforð um að stór-
hækka laun kvennastétta. Ráðherr-
ar Samfylkingarinnar bera sömu
ábyrgð á kjarastefnu þessarar rík-
isstjórnar og Sjálfstæðisráðherr-
arnir.
Ég fullyrði að þorri íslensku
þjóðarinnar stendur með ljósmæðr-
um í baráttu sinni. Stjórnvöld ganga
gegn loforðum sínum og umboði
kjósenda með því að svíkja kvenna-
stéttir landsins enn eina ferðina og
því verður að linna. Þjóðin krefst
þess að ríkisstjórnin öll skammist
sín fyrir framkomuna við ljósmæð-
ur og fallist þegar í stað á sann-
gjarnar kröfur þeirra um bætt
kjör.
Höfundur er alþingismaður.
JÓN BJARNASON
Hver er óvinur
ljósmæðra?
Hin nakta staðreynd er sú
að komi ekki til stórfelldra
kjarabóta fyrir þessa starfstétt
mun skortur á menntuðum
ljósmæðrum setja einn mikil-
vægasta þátt heilbrigðiskerfis
okkar í uppnám.
Ríkið kaupi íbúðir
UMRÆÐAN
Lúðvík Gizurarson
skrifar um húsnæð-
ismál
Má ekki ríkisreka? Er betra að allt sitji
fast og fjöldi fari á haus-
inn, jafnvel mjög marg-
ir.
Óseldar, tómar og lausar íbúð-
ir ættu Ríkisíbúðir ohf. að kaupa
á markaðsverði og leigja þær
svo út. Þetta mundi hressa upp á
sölu íbúða, þar sem seljandi
íbúðar kaupir mjög oft aðra.
Setja má slíkt sem skilyrði í
upphafi þessara viðskipta. Núna
hefur ríkið boðið fram í gegnum
Íbúðalánasjóð 30 milljarða til
hjálpar þeim sem skulda of
mikið í sínum íbúðum. Bankarn-
ir segjast ekki vilja þessa pen-
inga. Þetta er örlítið flókið í bili.
Vonandi lagast það.
Greinarhöfundur leggur til að
nýtt hlutafélag í eigu hins opin-
bera Ríkisíbúðir ohf. fái strax
svona 10 milljarða af þessu fé til
að kaupa íbúðir, sem treg sala er
á og leigja þær svo út. Ríkið fær
strax hluta af þessu fé til baka í
formi þinglýsinga og stimpil-
gjalda. Svo skapar þetta vinnu
og tekjuskatt og virðisauka-
skatt. Veltan í þjóðfélaginu held-
ur ríkissjóði uppi svo það er um
að gera að auka veltuna á húsa-
markaði sem og í öllu þjóðfé-
lagi. Margt hefur dregist saman
og fólki er sagt upp. Koma á öllu
í fullan gang aftur með átaki og
afskiptum ríkisins. Samkvæmt
stjórnarskrá okkar er „eignar-
rétturinn friðhelgur“. Sú spurn-
ing vaknar hvort það er ekki
lögbrot að tala niður verð íbúða
eins og bankar og fleiri hafa
gert t.d. til að lækka og
hafa áhrif á vísitölu.
Þetta er augljóst lög-
brot.
Svo fara bankar illa
með fólk. Fyrst er verð
íbúða hækkað með
offramboði lána til
íbúðakaupa. Svo er
lokað á öll bankalán til
íbúðakaupa sem lækk-
ar íbúðaverð. Þessu til
viðbótar neyða bankarnir verð
íbúða niður til lækkunar með
því að gefa opinberlega út yfir-
lýsingar um að verð fasteigna
muni lækka næstu 2-3 árin eða
lengur. Sjálfir hafa þeir hags-
muni af lækkun íbúða þegar
þeir taka þær upp í veð og skuld-
ir. Brjóta lög með þessu, þar
sem verð íbúða er frjálst mark-
aðsverð og getur bæði hækkað
og lækkað snögglega. Enginn
getur séð framhaldið. Það er
reynsla fyrir því. Ágætu bank-
ar, ekki brjóta lög.
Til sölu eru 4.300 íbúðir á
Íslandi í dag. Ríkisíbúðir ohf.
ættu að kaupa stóran hluta
þeirra og leigja fólki sem er á
götunni með börn sín. Hagkerf-
ið rúlli áfram. Á því græðir
ríkissjóður þegar upp er staðið
og allt gert upp.
Höfundur er
hæstaréttarlögmaður.
LÚÐVÍK
GIZURARSON
Greinarhöfundur leggur til
að nýtt hlutafélag í eigu hins
opinbera Ríkisíbúðir ohf. fái
strax svona 10 milljarða af
þessu fé til að kaupa íbúðir,
sem treg sala er á og leigja
þær svo út.
Kennsla hefst
15. september
Innritun og upplýsingar
í síma 561 5620
frá kl. 10-16.
www.schballett.is
BASK
LAUGAVEGUR 86-94
101 REYKJAVÍK
SÍMI: 552 8090
NIKE
SÍÐUSTU DAGAR ÚTSÖLUNNAR
ADIDAS ORIGINALS
AMERICAN APPAREL
DR. DENIM
KSUBI
ACNE JEANS
THOMAS BURBERRY
SURFACE 2 AIR
ALLAR VÖRUR 70% AF