Fréttablaðið - 04.09.2008, Blaðsíða 58

38 4. september 2008 FIMMTUDAGUR
menning@frettabladid.is
Fyrstu tónleikar vetrarins í hádegistónleikaröð
Hafnarborgar, menningar- og listastofnunar
Hafnarfjarðar, fara fram í hádeginu í dag. Þar
stíga á stokk þau Antonía Hevesi píanóleikari og
Gissur Páll Gissurarson tenór og flytja nokkur vel
valin sönglög fyrir viðstadda.
Antonía er listrænn stjórnandi tónleikaraðar-
innar og hefur sett saman spennandi dagskrá
fyrir veturinn, en á meðal gesta hennar verða
söngfuglarnir Sólrún Bragadóttir, Edda Aust-
mann, Elín Ósk Óskarsdóttir og Bjarni Thor Krist-
insson, svo einhverjir séu nefndir. Tónleikarnir
fara fram fyrsta fimmtudag hvers mánaðar og er
aðgangur að þeim ókeypis.
Fyrsti gestur tónleikaraðarinnar, Gissur Páll, nam
söng í Reykjavík og í Bologna á Ítalíu, en til gam-
ans má geta þess að frumraun hans á sviði var
þegar hann fór með titilhlutverkið í söngleikn-
um Oliver Twist, þá aðeins ellefu ára gamall.
Árið 2006 hélt Gissur sína fyrstu einsöngstón-
leika hérlendis í Salnum í Kópavogi við góðar
undirtektir. Síðan þá hefur hann komið fram á
tónleikum og í sýningum á Ítalíu og í Þýskalandi
auk Íslands.
Tónleikar Antoníu og Gissurar hefjast kl. 12 í
dag. Þeir eru sniðnir að þörfum þeirra sem hafa
áhuga á að lyfta vinnudeginum upp á hærra
plan með sérlega menningarlegu hádegishléi.
- vþ
Hádegistónleikar af stað að nýju
ANTONÍA HEVESI OG GISSUR PÁLL GISSURARSON
Koma fram á hádegistónleikum í Hafnarborg í dag.
FRÉTTABLAÐIÐ/VILHELM
Kl. 20
Stofnun Vigdísar Finnbogadóttur í
erlendum tungumálum stendur fyrir
sýningu á heimildarmynd um norska
kvenskörunginn Bodil Biørn í
Norræna húsinu í kvöld kl. 20. Bodil
bjó í Armeníu á árunum 1905-34 og
sinnti þar hjálparstörfum. Að
sýningu lokinni mun dr. Dickran Kou-
ymjian, forstöðumaður armenskra
fræða við California State University,
ræða um myndina. Aðgangseyrir er
500 krónur.
Ljósmyndasýningin „Fés og fígúrur –
kynjamyndir í íslenskri náttúru“ verð-
ur opnuð í ljósmyndasalnum Fótógrafí,
Skólavörðustíg 4, á laugardag kl. 17.
Á sýningunni eru yfir tuttugu mynd-
ir sem sýna hinar fjölbreyttustu kynja-
myndir sem orðið hafa á vegi ljós-
myndarans í gönguferðum hans í
íslenskri náttúru: alls kyns kynjaver-
ur, tröll, skessur og þursar, kynngi-
magnaðar forynjur og margvísleg
furðufés.
Ellert Grétarsson starfar sem ljós-
myndari og blaðamaður hjá Víkur-
fréttum á Suðurnesjum. Hann á að
baki fjölda einka- og samsýninga hér
heima og erlendis og hefur unnið til
alþjóðlegra verðlauna fyrir ljósmynd-
ir sínar. Síðastliðið vor hlaut hann
þrenn verðlaun fyrir náttúruljósmynd-
um í flokki atvinnumanna í alþjóðlegu
PX3-ljósmyndakeppninni í París. Sýn-
ing Ellerts í Fótógrafí stendur yfir til
3. október. - vþ
Fígúrur í landslagi
FURÐUVERA Það er margt einkenni-
legt í íslenskri náttúru.
MYND/ELLERT GRÉTARSSON
> Ekki missa af...
Metsölusýningu fjöllista-
mannsins Viggos Mortensen
í Ljósmyndasafni Reykjavíkur,
Tryggvagötu 15. Sýningin ber
danska heitið Skovbo, sem á
íslensku myndi útleggjast sem
Skógarbýli. Nafnið er viðeig-
andi þar sem tré eru áberandi
á ljósmyndum Mortensens,
sem og náttúrustemningar
ýmsar. Sýningin stendur til
sunnudagsins 7. september.
Síðasta áætlaða starfs-
ár Sinfóníuhljómsveitar
Íslands í Háskólabíói hefst
með glæsibrag í kvöld þeg-
ar einn fremsti fiðluleikari
heims kemur fram með
hljómsveitinni og leikur
fiðlukonsert Tsjajkovskís.
Fiðluleikarinn sem um ræðir er
enginn annar en Vadim Repim.
Hann hóf ungur tónlistarnám í
Síberíu og vann til gullverðlauna í
sinni fyrstu alþjóðlegu keppni
aðeins ellefu ára gamall. Hann var
yngsti sigurvegari í sögu Queen
Elizabeth-keppninnar í Brussel
aðeins átján ára gamall árið 1989.
Repin hefur komið fram á tónleik-
um með öllum helstu hljómsveitum
heims, og lék meðal annars einleik
með Berlínarfílharmóníunni og Sir
Simon Rattle á hinum frægu Evrópu-
tónleikum hljómsveitarinnar í
Sankti Pétursborg nú í ár. Repin er
á samningi hjá Deutsche Grammo-
phon og hafa hljómdiskar hans
fengið frábæra dóma gagnrýnenda
um allan heim. Þetta er í fyrsta sinn
sem Repin leikur á Íslandi. Eins og
nærri má geta er koma Repins mik-
ill fengur fyrir íslenska tónlistar-
unnendur þar sem hér er á ferðinni
sannkölluð stórstjarna á hátindi
ferlis síns, og því í raun einstakt
tækifæri fyrir alla sem unna fiðlu-
leik í hæsta gæðaflokki.
Fiðlukonsert Tsjajkovskís er eitt
af dáðustu verkum þessa rússneska
meistara og er þá mikið sagt. Auk
konsertsins er á efnisskránni for-
leikurinn Rómeó og Júlía, einnig
eftir Tsjajkovskí, og sinfónía nr. 2
eftir franska tónsmiðinn Vincent
D’Indy, en hljómsveitin vinnur nú
að upptökum verka hans fyrir
Chandos-útgáfuna. Fyrsti diskur-
inn með verkum Frakkans kom út
fyrir nokkru og hefur hlotið mikið
lof gagnrýnenda. Stjórnandi á þess-
um spennandi tónleikum er aðal-
stjórnandi hljómsveitarinnar,
Rumon Gamba.
Auk þessara tónleika er ýmislegt
áhugavert á döfinni hjá Sinfóníu-
hljómsveitinni á næstunni. Í októ-
ber heldur hljómsveitin í tónleika-
ferð til Japans þar sem hún mun
meðal annars leika allar sinfóníur
Sibeliusar og heldur auk þess tón-
leika með íslenskri tónlist í tón-
leikasalnum Sumida Triphony í
Tókýó. Íslenskir tónleikagestir
munu fá að heyra allt þetta áður en
haldið verður af stað. Á tónleikun-
um 26. september flytur hljóm-
sveitin sérlega áhugaverða íslenska
efnisskrá með verkum eftir Jón
Leifs, Jórunni Viðar, Hafliða Hall-
grímsson, Áskel Másson, Þorkel
Sigurbjörnsson og Atla Heimi
Sveinsson.
Í byrjun október gefst svo færi á
að heyra hljómsveitina flytja tón-
list með austurlensku ívafi. Claude
Debussy heillaðist af gamelan-slag-
verkshópnum sem kom frá Balí til
Parísar árið 1889, og síðan hafa
fjölmörg tónskáld nýtt sér heillandi
og dulúðlegan tónaheim austursins
í verkum sínum. Á efnisskrá Sin-
fóníhljómsveitarinnar 2. október
verða flutt La Mer eftir Debussy og
hinn sprellfjörugi konsert fyrir tvö
píanó eftir Poulenc, auk verka eftir
Colin McPhee og Nico Muhly. Það
er því ljóst að unnendur sígildrar
tónlistar þurfa ekki að kvíða haust-
inu.
Tónleikar Sinfóníuhljómsveitar-
innar með Vadim Repin hefjast kl.
19.30 í kvöld.
vigdis@frettabladid.is
Spennandi haust fram undan
VADIM REPIN FIÐLULEIKARI Kemur fram
með Sinfóníuhljómsveit Íslands í kvöld.
Vetrardagskrá Kórs Langholts-
kirkju fer senn að hefjast og er
ýmislegt áhugavert á döfinni. Mun
kórinn koma fram í nýrri mynd
þar sem síðastliðið vor voru gerð-
ar skipulagsbreytingar á starfi
Kórs Langholtskirkju sem fólu í
sér kröfur um aukna kunnáttu kór-
félaga. Fjöldi er takmarkaður við
átta í hverri rödd. Með því móti á
hann að vera fær um að flytja erfið
verk, meðal annars fyrir tvo kóra.
Jafnframt gefast kórfélögum
aukin tækifæri til að koma fram
sem einsöngvarar í messum og
einnig á tónleikum.
Ýmislegt er fréttnæmt af kórn-
um; fyrst má nefna að hann er á
leið til Liverpool nú í lok nóvem-
ber þar sem hann tekur þátt í flutn-
ingi níundu sinfóníu Beethovens
með Konunglegu fílharmóníu-
sveitinni undir stjórn Vladimirs
Ashkenazy. Einnig syngur kórinn
jólatónleika í dómkirkjunni í Liver-
pool. Hinir vinsælu jólasöngvar
ásamt Gradualekór Langholts-
kirkju verða í desember með
Braga Bergþórssyni, Eivöru Páls-
dóttur og Ólöfu Kolbrúnu Harðar-
dóttur. Í maí verða síðan stórtón-
leikar þar sem flutt verður Dixit
Dominus eftir Vivaldi en verkið
fannst ekki fyrr en árið 2005 og er
fyrir kór, einsöngvara og hljóm-
sveit. Á sömu tónleikum verður
einnig flutt Magnificat eftir
Vivaldi. Kórfélögum verður gef-
inn kostur á að syngja einsöngs-
hlutverkin. Stjórnandi Kórs Lang-
holtskirkju er, sem fyrr, Jón
Stefánsson.
Einnig er vert að minnast á að
nú um helgina kemur til landsins
fjórraddaður barnakór frá Svíþjóð
og heldur tónleika í Langholts-
kirkju á laugardag kl. 17 og syngur
í messu í kirkjunni á sunnudag kl.
11. Kórinn kemur einnig fram á
tónleikum í Skálholtskirkju á
morgun kl. 16. Aðgangur á tónleik-
ana er ókeypis. - vþ
Myndlistarkonan Ásdís Sif Gunn-
ars dóttir opnar sýninguna „Appels-
ínurauði eldurinn sem þú sýndir
mér í Hljómskálagarðinum“ í Kling
og Bang galleríi, Hverfisgötu 42, á
laugardagskvöld kl. 20. Sama kvöld,
á sama stað, frumsýnir Ásdís Sif
sjónræna leikritið „Fallegi, við-
kvæmi konungdómur þinn“ í leik-
stjórn Guðrúnar Ásmundsdóttur.
Gísli Galdur sér um tónlistina.
Ásdís Sif útskrifaðist með meist-
aragráðu í myndlist frá UCLA í Los
Angeles. Hún hefur sýnt víða hér-
lendis sem erlendis; á þessu ári
hefur hún meðal annars sýnt verk í
New York, Berlín, Calgary, París,
Brussel og Glasgow, auk Reykja-
víkur.
Sýningin í Kling og Bang stendur
til 28. september, en þá verður
henni lokað með miklum tilþrifum.
Það er annars nóg um að vera hjá
Ásdísi um þessar mundir; auk sýn-
ingarinnar í Kling og Bang frum-
sýnir hún ásamt Ingibjörgu Magna-
dóttur mynd í fullri lengd sem
nefnist „Háveruleiki“ annað kvöld
kl. 18 í Regnboganum á Hverfis-
götu. - vþ
Sýning, leikrit og
kvikmynd Ásdísar
LITADÝRÐ Brot úr verki eftir Ásdísi Sif
Gunnarsdóttur.
Langholtskirkja
aftur af stað
LANGHOLTSKIRKJA Stendur fyrir öflugu tónlistarstarfi í vetur.