Fréttablaðið - 04.09.2008, Blaðsíða 74

54 4. september 2008 FIMMTUDAGUR
FÓTBOLTI Samkvæmt skoskum
fjölmiðlum er skoska liðið Hearts
að skoða hinn 15 ára gamla KR-
ing, Ingólf Sigurðsson.
Ingólfur þykir mikið efni og
hefur umboðsmaður hans, Ólafur
Garðarsson, bent Hearts á Ingólf.
Ólafur er einmitt umboðsmaður
þeirra Eggerts Jónssonar og
Haraldar Björnssonar sem spila
með félaginu.
Að því er fram kemur í
skoskum miðlum er ekki talið
líklegt að Ingólfur yfirgefi KR
fyrr en í janúar. - hbg
Ingólfur Sigurðsson:
Undir smásjá
Hearts
FÓTBOLTI Það varð allt vitlaust í
kringum leik Roma og Napoli í
höfuðborg Ítalíu um síðustu helgi.
Stuðningsmenn Napoli fóru
mikinn og slógust við lögreglu-
menn fyrir utan Ólympíuleik-
vanginn í Róm.
Þeir lögðu einnig hald á lest og
unnu tugmilljóna króna tjón á
henni. Innanríkisráðherra Ítala,
Roberto Maroni, grunar að
mafían í Napoli hafi verið með
puttana í málinu.
Stuðningsmönnum Napoli hefur
í kjölfar þessarar uppákomu
verið meinað að ferðast á útileiki
síns liðs. - hbg
Ólæti á leik Roma og Napoli:
Mafían á bak
við ólætin?
SKRAUTLEGIR Stuðningsmenn Napoli
eru líflegir. NORDIC PHOTOS/GETTY IMAGES
HNEFALEIKAR Breski hnefaleika-
kappinn Ricky Hatton hefur
ákveðið að æfa undir stjórn
Bandaríkjamannsins Floyds
Mayweather eldri fyrir bardaga
sinn gegn Paul Malignaggi sem
fram fer í Las Vegas í Bandaríkj-
unum þann 22. nóvember.
Mayweather eldri tekur við
þjálfun af Billy Graham sem
hefur fylgt Hatton í langan tíma.
Floyd Mayweather yngri er eini
hnefaleikamaðurinn sem hefur
unnið Hatton en Mayweather
eldri sá þá um þjálfun sonar síns
fyrir bardagann. - óþ
Hatton fær nýjan þjálfara:
Mayweather
þjálfar Hatton
NAGLI Hatton er hér með góðvini sínum
Wayne Rooney, leikmanni Manchester
United. NORDIC PHOTOS/GETTY
Ármúla 36 – s. 588 1560
Takkaskór frá 1000kr.
Fótboltavörur á lágmarksverði
Fótboltatreyjur
Frá kr. 500.-
“Ekta” fótboltar
frá kr. 500.- EKKI LÁTA ÞETTA FRAMHJÁ ÞÉR FARA!
Fimmtudag 10 – 18
Föstudag 10 – 18
Laugardag 11 – 15
Sunnudag 13 – 16
FÓTBOLTI 20. umferð 1. deildar karla í fótbolta
hófst í gærkvöld með fjórum leikjum en
baráttan á toppi og botni deildarinnar er nú í
algleymingi.
Selfoss hélt sínu striki á heimavelli gegn
botnliði KS/Leifturs og vann 3-1 en KS/Leiftur
féll þar með úr deildinni. Dusan Ivkovic,
Kristján Óli Sigurðsson og Sævar Þór Gíslason
skoruðu mörk heimamanna en Selfyssingar
eru enn taplausir á heimavelli í deildinni og
hafa unnið níu af tíu leikjum sínum þar og gert
eitt jafntefli. Selfoss er sem stendur í öðru
sæti deildarinnar, þremur stigum á eftir ÍBV
en Eyjamenn eiga einn leik til góða.
Stjarnan hefur ekki sagt sitt síðasta í
toppbaráttunni og sótti þrjú mikilvæg stig á
Víkingsvöllin í gærkvöld. Víkingar komust
yfir í leiknum þegar Jimmy Höyer skoraði úr
víti undir lok fyrri hálfleiks en Magnús
Björgvinsson jafnaði svo leikinn fyrir
Stjörnuna stuttu síðar. Halldór Orri Björnsson
skoraði svo sigurmark Stjörnunnar á 90.
mínútu leiksins. Stjarnan fylgir fast á hæla
Selfoss, en aðeins tvö stig skilja liðin að þegar
tveimur umferðum er ólokið.
Leiknismenn stigu mikilvægt skref til þess
að bjarga sér frá falli úr deildinni þegar liðið
lagði Hauka að velli á gervigrasinu á Ásvöll-
um. Framherjinn Jakob Spangsberg skoraði
eina mark leiksins fyrir Breiðhyltinga sem eru
í tíunda sæti deildarinnar, fimm stigum á
undan Njarðvíkingum sem eiga þó einn leik til
góða.
Þór vann KA 1-3 í hörku Akureyrarslag þar
sem KA-mennirnir Elmar Dan Sigþórsson og
Andri Júlíusson fengu báðir að líta rautt spjald
á lokamínútunum. Þórsarar fóru með sigrinum
langt með að tryggja sér áframhaldandi sæti í
deildinni en þeir eru sem stendur í áttunda
sæti. - óþ
Selfyssingar og Stjörnumenn fóru með sigur af hólmi í 1. deild karla í gærkvöld en KS/Leiftur er fallið:
Barátta Selfoss og Stjörnunnar harðnar
VONIN LIFIR Stjörnumenn héldu í vonina um að kom-
ast í efstu deild með dramatískum sigri á Víkingum í
gær. FRÉTTABLAÐIÐ/ARNÞÓR
KÖRFUBOLTI Kvennlandsliðið tapaði
með 25 stigum, 69-94, fyrir sterku
slóvensku liði í B-deild Evrópu-
keppninnar á Ásvöllum í gær.
Þetta var þriðji leikur liðsins í
keppninni og síðasti heimaleikur-
inn. Íslenska liðið hélt í við Sló-
veníu í fyrsta leikhluta en í öðrum
leikhluta skildu leiðir og gestirnir
höfðu góð tök á leiknum það sem
eftir var. Íslensku stelpurnar
gáfust þó ekki upp og náðu muni-
unum aftur niður í 11 stig áður en
leiðir skildu á nýjan leik.
Það var eins og Slóvenía ætlaði
að stinga af í upphafi þegar liðið
komst í 9-15 en íslenska liðið kom
til baka og var búið að jafna leik-
inn, 25-25, fyrir lok fyrsta leik-
hluta. Íslenska liðið náði hins
vegar ekki að svara sams konar
spretti slóvenska liðsins í öðrum
leikhluta og var komið 16 stigum
undir í hálfleik, 30-46. Slóvenía
hélt forustu sinni í þriðja leikhluta
og var 16 stigum yfir eftir hann,
51-67. Góður kafli íslenska liðsins
í upphafi fjórða leikhluta kom
muninum niður í 11 stig, 60-71, en
lengra komst baráttuglatt íslenskt
lið og í lokin munaði eins og áður
sagði 25 stigum.
„Þetta fór langt í frá eins og við
vonuðumst til og það er þvílíkt
leiðinlegt að hitta á svona dag
þegar ekkert gengur upp hjá
okkur,“ sagði Helena Sverrisdóttir
eftir leikinn. „Það var ekkert að
ganga hvorki hjá mér né öðrum,“
sagði Helena en það var mikill
munur á skotnýtingu liðanna í
gær, Slóvenía hitti úr 51 prósent
skota sinna en aðeins 35 prósent
skota íslenska liðsins fóru rétta
leið.
„Það fór allt ofan í hjá þeim og
við vorum ekki að setja skotin
okkar niður. Þær voru búnar að
tapa tveimur leikjum en þær eru
með þvílíkt gott lið og þær ætluðu
sér að vinna þennan leik. Við ætl-
uðum okkur það líka en þetta var
ekki okkar dagur. Þegar þær eru
að skjóta eins og þær gerðu í þess-
um leik þá er mjög erfitt að vinna
þetta lið. Við reyndum allt á móti
þeim,“ sagði Helena sem endaði
leikinn með 18 stig, 12 fráköst og 9
stoðsendingar.
„25 stiga tap gefur ekki alveg
rétta mynd af leiknum. Við tökum
mikla áhættu í endann þar sem við
erum að reyna að koma okkur
aftur inn í leikinn. Við minnkuðum
þetta niður í 11 stig en við tókum
áhættu og það kostaði okkur á end-
anum svona mikinn mun í lokin.
Við hefðum getað spilað öruggara
og haldið þessu í fimmtán stigum
en ég er keppnismaður og vildi
frekar reyna við sigur en að tapa
fallega,“ sagði Ágúst Björgvins-
son, þjálfari íslenska liðsins.
„Við lendum í miklum vandræð-
um með þær varnarlega og þær
skora alltof mikið og alltof auð-
veldlega. Þá verður sóknin svo
stirð því við erum svo mikið að
byggja á þessum hröðum sóknum
sem við fengum miklu oftar núna
heldur en í mörgum öðrum leikj-
um. Það gekk engan veginn hjá
okkur í öðrum leikhluta og þá varð
þetta mjög erfitt,“ sagði Ágúst
sem vildi ekki dæma íslenska liðið
of hart. „Það er samt mjög margt
jákvætt í liðinu, við erum að spila
vel en vorum ekki að hitta jafnvel
og í síðustu leikjum. Baráttan er
til fyrirmyndar en við vorum að
spila á móti hörkuliði og við viss-
um að hlutirnir hefðu þurft að
ganga upp til þess að eiga eitthvað
í þetta lið. Þær voru aðeins of stór-
ar fyrir okkur,“ segir Ágúst en
framundan eru útileikir í Írlandi
og Svartfjallalandi. „Við teljum
Írland vera á svipuðum stað og við
en þær unnu þetta slóvenska lið
þannig að það er greinilegt að þær
geta eitthvað,“ sagði Ágúst að
lokum.
Auk Helenu þá voru bæði Signý
Hermannsdóttir (11 stig, 9 frá köst,
5 varin) og María Ben Erlingsdótt-
ir (7 stig) að gera góða hluti á köfl-
um í leiknum og Kristrún Sigur-
jónsdóttir var sú eina sem hitti úr
þriggja stiga skotum sínum. Krist-
rún hitti úr 3 af 5 skotum sínum en
restin af liðinu hitti aðeins úr 2 af
13 skotum. Slóvenska liðið var
mjög jafnt og þrír leikmenn skor-
uðu sem dæmi yfir 20 stig í leikn-
um í gær. Eftir tvo dapra leiki og
töp á móti Hollandi og Írlandi hittu
þær slóvensku greinilega á frá-
bæran dag í gær.
ooj@frettabladid.is
Voru aðeins of stórar fyrir okkur
Íslenska kvennalandsliðið tapaði með 25 stiga mun, 69-94, í síðasta heimaleik sínum í b-deild Evrópukeppn-
innar. Slóvenska liðið hitti frábærlega í leiknum og það réðu íslensku stelpurnar ekki við og því fór sem fór.
BARÁTTUGLÖÐ Signý Hermannsdóttir
átti fínan leik í gær og skoraði 11 stig,
tók 9 fráköst og varði fimm skot.
FRÉTTABLAÐIÐ/VILHELM
Á FLEYGIFERÐ Helena Sverrisdóttir fann sig nokkuð vel á sínum gamla heimavelli að
Ásvöllum í gær og var aðeins einni stoðsendingu frá þrefaldri tvennu en hún skoraði
18 stig, tók 12 fráköst og átti 9 stoðsendingar. Hér keyrir hún á fullri ferð upp völlinn
í leiknum í gærkvöld. FRÉTTABLAÐIÐ/VILHELM
ÍSLAND-SLÓVENÍA 69-94 (30-46)
Stig Íslands: Helena Sverrisdóttir 18
(12 frák., 9 stoðs., 4 stolnir, 3 varin),
Signý Hermannsdóttir 11 (9 frák.,
5 varin), Kristrún Sigurjónsdóttir
9, María Ben Erlingsdóttir 7, Pálína
Gunnlaugsdóttir 7, Hildur Sigurð-
ardóttir 6, Petrúnella Skúladóttir 6,
Sigrún Sjöfn Ámundadóttir 3, Guðrún
Ósk Ámundadóttir 2.