Fréttablaðið - 05.09.2008, Blaðsíða 10

10 5. september 2008 FÖSTUDAGUR
GEORGÍA, AP Dick Cheney,
varaforseti Bandaríkjanna, sagði
við Mikhaíl Saakashvili, forseta
Georgíu, að Bandaríkin styddu
það enn heilshugar að Georgía
fengi aðild að Atlantshafsbanda-
laginu.
Cheney fordæmdi einnig
harðlega hernað Rússa í Georgíu
og viðurkenningu Rússa á
sjálfstæði héraðanna Abkasíu og
Suður-Ossetíu. Hann sagði þetta
„ólögmætar og einhliða tilraunir“
til að breyta landamærum
Georgíu með valdi.
Cheney heimsótti Saakashvili í
Tíblisi, höfuðborg Georgíu, í gær.
Hann kom þangað frá Aserbaíd-
sjan, en Cheney hefur síðustu
daga verið á ferðalagi um
Kákasuslönd. - gb
Dick Cheney:
Styður NATO-
aðild Georgíu
CHENEY OG SAAKASHVILI Cheney kom
til Georgíu í gær. FRÉTTABLAÐIÐ/AP
LÖGREGLUMÁL Lagt var hald á
sextíu kannabisplöntur á tveimur
stöðum á höfuðborgarsvæðinu í
fyrradag.
Fjörutíu þeirra fundust við
húsleit í Kópavogi en hinar
tuttugu í íbúð í Breiðholti.
Karlmaður um fertugt var
handtekinn í tengslum við
síðarnefnda málið.
Við aðgerðirnar naut lögreglan
á höfuðborgarsvæðinu liðsinnis
lögreglumanna frá Norðurlandi.
Lögreglan minnir á fíkniefna-
símann 800-5005. Í hann má
hringja nafnlaust til að koma á
framfæri upplýsingum um
fíkniefnamál. - jss
Höfuðborgarsvæðið:
Tvær kannabis-
gróðurstöðvar
LÖGREGLUMÁL Talsvert magn fíkniefna var tekið
víða á höfuðborgarsvæðinu við eftirlit lögregl-
unnar.
Lagt var hald á um 250 grömm af kókaíni í íbúð í
miðborginni. Þrír karlmenn, tveir á fimmtugsaldri
og einn á fertugsaldri, voru í íbúðinni þegar
lögreglan kom þangað til húsleitar. Voru þeir allir
handteknir. Kókaínið var ætlað til sölu.
Á Laugavegi var svo karlmaður á sextugsaldri
stöðvaður. Hann reyndist vera með um fimmtán
grömm af fíkniefnum í fórum sínum. Megnið af
því var amfetamín.
Í vesturbæ Reykjavíkur hafði lögreglan afskipti
af karlmanni á svipuðum aldri. Hann hafði einnig
um fimmtán grömm af fíkniefnum í fórum sínum.
Þar var einnig aðallega um amfetamín að ræða.
Í Árbæ voru tveir karlmenn, annar á þrítugs-
aldri en hinn á fimmtugsaldri, teknir fyrir fíkni-
efnamisferli. Í bíl þeirra reyndist vera falið bæði
hass og amfetamín, samanlagt um 35 grömm.
Loks fann lögreglan lítilræði af amfetamíni í
húsi í Kópavogi. - jss
Fíkniefnadeild lögreglunnar á höfuðborgarsvæðinu tekur sölumenn:
Fíkniefni tekin um allan bæ
KÓKAÍNSÖLUMENN Lögreglan tók meðal annars þrjá kókaín-
sölumenn með um 250 grömm af efninu.
BANDARÍKIN, AP John McCain tók
formlega við útnefningu landsþings
Repúblikanaflokksins sem forseta-
efni flokksins í fyrrakvöld. Hann
flutti síðan ræðu sína á þinginu í
nótt að íslenskum tíma, þar sem
hann hugðist gera grein fyrir því
hver yrðu helstu áhersluatriði sín
sem forseti, næði hann kjöri í nóv-
ember.
Varaforsetaefni hans, Sarah
Palin, vakti almenna hrifningu á
miðvikudagskvöld þegar hún flutti
fyrstu ræðu sína á landsþinginu.
Hún dró þar upp mynd af sjálfri
sér sem dæmigerðri móður og sagði
að fjölskyldufólk myndi eiga hauk í
horni í Hvíta húsinu, yrðu hún og
McCain sigurvegarar forsetakosn-
inganna í nóvember.
Hún sagðist nú þegar hafa sann-
að það, í starfi sínu sem ríkisstjóri
Alaska, að hún væri fullfær um að
takast á við valdaklíkur til að koma
í gegn nauðsynlegum breytingum á
siðferði stjórnmálanna.
Hún skaut einnig föstum skotum
á andstæðinginn, Barack Obama,
og sagði hann skorta alla reynslu
þótt hann kynni að bregða fyrir sig
fögrum orðum sem heilluðu kjós-
endur. Hann hefði skrifað til dæmis
tvær bækur um æviminningar
sínar, en ekki lægi eftir hann nein
löggjöf á þingi.
Að ræðu hennar lokinni steig
John McCain, forsetaefni flokksins,
sigri hrósandi fram á sviðið og
spurði landsþingsgesti: „Finnst
ykkur ekki að okkur hafi tekist vel
upp við valið á næsta varaforseta
Bandaríkjanna?“
Demókratar hafa þó ekki verið
jafn ánægðir, sem von er, og Joe
Biden, varaforsetaefni Baracks
Obama, sagðist ætla að svara Palin
málefnalega án þess að ráðast að
persónu hennar. gudsteinn@frettabladid.is
Palin sló í gegn á
þingi repúblikana
Sarah Palin sló í gegn á landsþingi repúblikana í fyrrakvöld. Hún dró upp
mynd af sér sem dæmigerðri móður. Í nótt var röðin komin að John McCain.
MCCAIN OG PALIN Hafa staðið þétt saman á landsþingi repúblikana. FRÉTTABLAÐIÐ/AP
RAMADAN Í KABÚL Hinn helgi föstu-
mánuður múslima, ramadan, hófst
nú í vikunni. Þessi maður kom sér
vel fyrir í mosku í Kabúl til að lesa í
Kóraninum. NORDICPHOTOS/AFP
SAMGÖNGUR Fyrsta sprengju-
hleðslan í Bolungarvíkurgöngum
var spengd klukkan 17.30 í gær af
Kristjáni L. Möller samgönguráð-
herra. Sprengt var Bolungarvíkur-
megin en að því loknu buðu
Bolungarvíkurkaupstaður og
verktakarnir, Íslenskir aðalverk-
takar og Marti Contractors Ltd.,
til stuttrar athafnar í Náttúru-
gripasafni Bolungarvíkur.
Göngin verða 5,1 kílómetra löng
og 8,7 metra breið auk þess sem
samtals 270 metra langir stein-
steyptir vegskálar liggja beggja
megin að göngunum. Þá verða
vegkaflar lagðir að göngunum,
samtals 3,7 kílómetrar að lengd,
auk þess sem tvær nýjar brýr
verða byggðar. Heildarkostnaður
er áætlaður um 5 milljarðar
króna. Áætluð verklok eru 15. júlí
2010 en jarðvinna hófst við
gangamunnana í júlí í sumar. - ovd
Rúmlega 5 kílómetra göng:
Fyrsta hleðslan
sprengd í gær
VIÐ GANGNAMUNNANN Kristján L.
Möller við fyrirhugaðann gagnamunna
ganganna sem tengja munu Bolungarvík
og Ísafjörð. MYND/HALLDÓR SVEINBJÖRNSSON
Forsetakosningar
2008