Fréttablaðið - 05.09.2008, Blaðsíða 12
12 5. september 2008 FÖSTUDAGUR
nær og fjær
„ORÐRÉTT“
Þá er það alveg skýrt
„Það er auðvitað svo að
ekki eru allar stéttir í sömu
stöðu á hverjum tíma og
ekki óeðlilegt að það sé
eitthvert svigrúm til að taka
tillit til einstakra starfs-
stétta í samningum þó að
mest af því svigrúmi sem er
mögulegt í þeim efnum sé í
stofnanasamningum en ekki í
miðlægu samningunum.“
ÁRNI MATHIESEN FJÁRMÁLARÁÐ-
HERRA Í UMRÆÐUM Á ALÞINGI Í
GÆR UM STÖÐU LJÓSMÆÐRA.
Morgunblaðið 4. september
Visst öryggi þó tryggt
„Miðað við allt á ekki að
kvikna í nýlegum bílum bara
sísona.“
JÓHANN JÓHANNSSON HJÁ VÍS Í
UMRÆÐUM UM MEINTAR ÍKVEIKJUR
Á BÍLUM SEM Á HVÍLIR MIKIL
SKULD.
DV 4. september
„Það er allt rosalega gott að frétta og brjálað
að gera,“ segir Aðalheiður Sigursveinsdóttir,
samskiptastjóri Tækniskólans.
Aðalheiður, sem er kölluð Heiða, vinnur
nú að því að hleypa þessum nýsameinaða
skóla af stokkunum. Undir honum eru
hvorki fleiri né færri en ellefu undirskólar.
„Ég hef ofboðslega gaman af því að taka
U-beygjur og takast á við ný verkefni
og þetta var áhugaverður kostur,“
segir hún, spurð hvað hafi komið
til að hún fór á menntasviðið.
Áður var Heiða aðstoðarmaður
Valgerðar Sverrisdóttur í utan-
ríkisráðuneytinu og þar áður
starfaði hún hjá Kaupþingi.
Hún segir samskiptastjórn-
un ekki með öllu ótengda
utanríkismálum, því
í starfslýsingu er meðal annars fjallað um
alþjóðasamskipti og upplýsingamál. En hvaða
nám skyldi nýtast henni í starfi? „Ég er með
BA-gráðu í heimspeki, sem er afskaplega
praktískt nám og hefur nýst mér vel.
Það þjálfar rökhugsunina. Og það má
segja að allt sem maður fáist við tengist
mannshuganum og rökhugsun. Svo lærist
margt í mannlegum samkiptum við
að fara inn í hugsanagang þessara
spekinga.“
„Jú, alveg örugglega,“ segir
Heiða þegar hún er spurð hvort
hún sé ekki á leið í pólitík aftur.
„Þetta er eins og hver önnur
baktería. Ég fylgist vel með og
tala um pólitík alla daga. Ég
hef lært það að segja aldrei
aldrei,“ segir Heiða og kveður.
HVAÐ ER AÐ FRÉTTA? AÐALHEIÐUR SIGURSVEINSDÓTTIR, SAMSKIPTASTJÓRI
Alltaf með hugann við stjórnmálin
„Við í Kozmó, stúdentafélagi
erlendra nema við Háskóla Íslands,
héldum samkomu fyrir erlenda
nema í Háskóla
Íslands á Kaffibarn-
um á miðvikudags-
kvöldið,“ segir Char-
lotte Ólöf. Hún segir
samkomuna hafa
heppnast vel. „Það
kom fullt af fólki
og þetta var bara
mjög gaman. Þetta var skemmtileg
blanda af ólíku fólki. Meðal annars
komu nokkrir Kanadamenn, komnir
af Vestur-Íslendingum. Þrátt fyrir
að eiga íslenska forfeður hafa þeir
margir hverjir aldrei fyrr komið til
Íslands. Sumir nemarnir komu til
Íslands af því þeir eru bara áhuga-
samir um land og þjóð. Enn aðrir
hafa búið hér á landi um nokkurn
tíma en vilja læra íslensku og hafa
því skráð sig í íslensku í Háskólan-
um. Allir hafa því sínar ástæður fyrir
því að læra íslensku fyrir erlenda
nema í Háskóla Íslands.“
Charlotte Ólöf Jónsdóttir Ferrier:
Hitti erlenda
nema við HÍ
Hjónin Kjartan Þorsteins-
son og Elínborg Guðmunds-
dóttir eru meðal þeirra sem
verða stuðningsfjölskyldur
palestínska flóttafólksins
sem væntanlegt er á Akra-
nes. Þau fá tækifæri til að
kynnast ólíkum menningar-
heimi á meðan þau láta gott
af sér leiða.
En hvað fær fólk til að gerast
stuðningsfjölskylda við bláókunn-
ugt fólk? „Það var svo sem ekkert
eitt sem varð til þess. Við kíktum á
fund þar sem verkefnið var kynnt
fyrir bæjarbúum og skráðum
okkur á lista yfir sjálfboðaliða.
Síðan leiddi eitt af öðru og við
ákváðum að slá til og gerast stuðn-
ingsfjölskylda,“ segir Elínborg.
„Já, við veltum þessu svo sem
ekki mikið fyrir okkur fyrr en á
hólminn var komið,“ bætir
Kjartan við. „Þetta fór að hljóma
æ meira spennandi og við sáum
þarna tækifæri til að kynnast ólík-
um menningarheimi og láta um
leið gott af okkur leiða.“
Þau hjón eiga sjálf tvær stúlkur,
tveggja og tíu ára. Mikill spenn-
ingur er kominn í fjölskylduna,
enda styttist í komu palestínsku
fjölskyldunnar. Þau munu styðja
við bakið á Linu og börnum henn-
ar þremur: tíu og sex ára strákum
og þriggja ára stelpu. Það er lík-
lega meira en að segja það að
aðstoða fólk frá gerólíkum menn-
ingarheimi sem talar allt annað
tungumál. „Við erum svona rétt
farin að gera okkur grein fyrir út í
hvað við erum að fara. Það kemur
betur í ljós þegar á hólminn er
komið,“ segir Kjartan.
Elínborg tekur undir það og
bætir við að þau sjálf fái mikinn
stuðning. „Við höfum mjög mik-
inn stuðning á bak við okkur hjá
Rauða krossinum og bæjar-
félaginu. Hér hefur tekist að
vinna ótrúlega gott verk á skömm-
um tíma. Svo eru tvær aðrar
stuðningsfjölskyldur hér á Skag-
anum og ein í Reykjavík fyrir
Linu og börnin. Þetta er fyrst og
fremst mjög spennandi og gaman
að taka þátt í þessu.“
Verið er að vinna í því að útvega
ensk/arabískar orðabækur til að
auðvelda tjáskipti. Amal Tamimi,
sem fæddist í Palestínu en hefur
búið lengi hér á landi, verður
síðan innan handar fyrsta kastið.
Þau hjón segjast ekki vera
kvíðin, þó að vissulega finni þau
spennutilfinningu nú þegar nær
dragi, mun fremur séu þau full til-
hlökkunar. „Við höfum í raun ekki
hugmynd um hvernig þetta verður.
Við höfum helst þær væntingar að
við komum reynslunni ríkari út úr
þessu og eignumst góða vini í leið-
inni,“ segir Elínborg.
„Það er mikilvægast að vera til
staðar fyrir fólkið, það er númer
eitt, tvö og þrjú,“ bætir Kjartan
við. kolbeinn@frettabladid.is
Ólíkir menningarheimar
ELÍNBORG OG KJARTAN Eru meðal stuðningsfjölskyldna á Akranesi og munu styðja við bakið á palestínskri konu og börnum
hennar þremur. Þau hlakka til að takast á við verkefnið. FRÉTTABLAÐIÐ/RÓSA
VIKA 31
DAGBÓK NÝRRA ÍSLENDINGA
■ Gosdrykkurinn Fanta varð til í
Þýskalandi nasismans árið 1940.
Efnafræðingurinn Schetelig, sem
starfaði í Coca Cola-verksmiðju í
Essen, fékk það verkefni að búa
til nýjan gosdrykk, þar sem
nauðsynleg hráefni í kókið
bárust ekki frá uppsprett-
unni handan Atlantsála.
Schetelig notaði meðal
annars eplatrefjar og
mysu og úr varð bragð-
góður gosdrykkur. Sam-
keppni fór fram meðal
starfsmanna um nafnið
og var þeim sagt að nota
ímyndunaraflið, eða
Fantasie á þýsku. Einn
starfsmanna henti það á
lofti og úr varð Fanta.
FANTA
SVAR NASISTA VIÐ COKE
„Við í Félagi Litháa á Íslandi ætlum
að halda kynningarfund í Norræna
húsinu í byrjun október. Nákvæm
dagsetning er ekki
alveg ákveðin
en við erum að
vinna í þessu
núna. Þetta er
hugsað bæði fyrir
Íslendinga og aðra
sem vilja kynna
sér starfsemi
félagsins. Við búumst við mörgum
merkum gestum eins og til dæmis
sendiherra Litháens á Íslandi sem
hefur aðsetur í Danmörku. Við
vonumst til að utanríkisráðherra
Íslands komi líka en það er óvíst
hvort hún kemst. Við erum bara að
vinna í þessu núna.
Svo er Ljósanótt um helgina og
ég ætla mér að fara þangað með
fjölskylduna á laugardaginn. Ég
þekki nokkra í Reykjanesbæ en
mig langar bara að sjá hvað er um
að vera enda er dagskráin mjög
spennandi.“
Algirdas Slapikas:
Undirbýr
kynningarfund
„Ég hef mjög gaman af tónlist
og hlusta mikið á útvarp. Íslensk
tónlist finnst mér mjög skemmti-
leg. Ég held upp
á Magna og
fylgdist vel með
þegar hann tók
þátt í Rock Star
Supernova. Hann
stóð sig vel og
var bestur, að
mínu mati. Svo
hef ég líka gaman af Bubba. Mér
finnst svoleiðis gítartónlist alltaf
skemmtileg þó að ég skilji reyndar
mest lítið af því sem hann er að
syngja. Ég skil þó þegar hann er
að syngja um ást,“ segir Rachid
og hlær. Hann segist eiga svolítið
af marokkóskri tónlist en hún sé
orðin frekar gömul. „Vinir mínir
gera grín að mér þar sem þeim
þykir tónlistin gamaldags. Tónlist
í Marokkó er mjög ryþmísk og
svolítið vestræn núorðið. Þar má
þó ennþá heyra hefðbundna
marokkóska tónlist.“
Rachid Benguella:
Magni og Bubbi
í uppáhaldi
„Ríkisstjórnin er að reyna að setja
verðmiða á þjáningu drengjanna,“
segir Ragnheiður
Eiríksdóttir,
nýsköpunar- og
þróunarstjóri
hjá BHM, um
bótafjárhæð
til Breiðavíkur-
drengja. „Hvað
fá þeir fyrir missi
æskunnar, tæki-
færa í lífinu, andlegrar heilsu og
trausts í garð annarra? Svar Geirs
og Breiðavíkurnefndarinnar er 375
þúsund krónur til tvær milljónir.
Tölurnar eru svo svívirðilega lágar
að hverjum Íslendingi með snefil
af siðferðiskennd hlýtur að blöskra.
Við berum ábyrgð á afdrifum
þessara manna og verðum að
taka afleiðingum þeirra afdrifaríku
mistaka sem fulltrúar ríkisins gerðu
þegar þessir meðbræður okkar voru
sendir í hryllinginn í Breiðavík. Það
minnsta sem við skuldum þeim eru
bætur sem tryggja þeim fjárhagslegt
áhyggjuleysi. Kröfur um 25-30 millj-
óna króna bætur á hvern þeirra eru
því algjörlega réttmætar. Ég skora á
nefndina og ríkisstjórnina að endur-
skoða hinar smánarlegu upphæðir
frumvarpsins sem er í smíðum.“
SJÓNARHÓLL
BÓTAFJÁRHÆÐ TIL
BREIÐAVÍKURDRENGJA
Svívirðilega
lágar tölur
V
in
n
in
g
a
r
ve
rð
a
a
fh
e
n
d
ir
h
já
B
T
S
m
á
ra
lin
d
. K
ó
p
av
o
g
i.
M
e
ð
þ
v
í a
ð
t
a
k
a
þ
á
tt
e
rt
u
k
o
m
in
n
í
S
M
S
k
lú
b
b
. 1
4
9
k
r/
sk
e
yt
ið
.
Einhver metnaðarfyllsti og stærsti PC leikur sem gerður hefur verið
HVER VINNUR!
12.
Frá þeim sömu og gera Sims leikina!
kemur í verslanir 4. september 2008
Næsta stig í þróun tölvuleikja. Spore er leyfir þér að búa til kvikindi og sjá
þau þróast í gegnum lífið. Allt frá einfrumungum að fullkomnum skepnum sem
ætla sér heimsyfirráð. Spore nýtir sama stjórnkerfi og leikmenn þekkja úr Sims 2.