Fréttablaðið - 07.09.2008, Blaðsíða 2

2 7. september 2008 SUNNUDAGUR
flugfelag.is
Netið
Þú færð alltaf
hagstæðasta verðið
á www.flugfelag.is
LÖGREGLUMÁL Ekið var á barn á
Suðurgötu í Keflavík í gær um
klukkan fimm síðdegis. Sam-
kvæmt lögreglunni á Suðurnesjum
er barnið fætt árið 2005. Lögregla
og sjúkralið voru samstundis
kölluð á staðinn. Barnið var í
kjölfarið sent í skoðun á Heil-
brigðisstofun Suðurnesja en
reyndist óslasað og fékk að sögn
lögreglu að fara heim að athugun
lokinni.
Lögregla hafði ekki upplýsingar
um nánari tildrög óhappsins. - kdk
Lögreglan á Suðurnesjum:
Ekið á þriggja
ára barn
REYKJAVÍK Tvær nýjar slökkvi-
stöðvar munu rísa í Reykjavík og
í Mosfellsbæ á næstu misserum
og ráðið verður í 25 nýjar stöður
innan slökkviliðsins nú í haust.
„Við reiknum með að taka
stöðvarnar í notkun árið 2010 en
byrjum að þjálfa nýtt starfsfólk á
næsta ári,“ segir Jón Viðar
Matthíasson slökkviliðsstjóri.
Hann segir að með þessum
aðgerðum muni viðbragðstími í
útköll styttast um eina mínútu,
eða 25 prósent. „Okkar útkalls-
tími á að vera átta mínútur í
sjúkraflutninga og tíu á slökkvi-
lið, og með þessum breytingum
náum við því.“ - rat
Fjölgar í slökkviliðinu:
Útkallstími
styttist um
mínútu
JÓN VIÐAR MATTHÍASSON Slökkviliðs-
stjórinn segir að byrjað verði að þjálfa
nýtt starfsfólk á næsta ári.
FRAKKLAND, AP Utanríkisráðherr-
ar Evrópusambandsins fóru
fram á það við Rússa á fundi í
gær í Moskvu að þeir drægju
herlið sitt til
baka frá
Georgíu
samkvæmt
samningum um
vopnahlé.
Nicolas
Sarkozy
Frakklandsfor-
seti mun funda
aftur á
mánudag í
Kreml með Dimitri Medvedev,
forseta Rússlands, um deiluna
en skrifað var undir samning
um vopnahlé fyrir þremur
vikum. Á fundinum í Moskvu
gaf Medvedev ekkert út á
málamiðlanir heldur sagði
stríðið í Georgíu sýna heiminum
fram á að Rússar væru þjóð sem
taka bæri tillit til.
- rat
Vilja herinn burt frá Georgíu:
Medvedev
mun ekki hvika
DIMITRI MEDVEDEV
BANDARÍKIN Framleiðsla hefur
verið stöðvuð hjá Boeing, stærsta
flugvélaframleiðanda í heimi, en
tuttugu og sjö þúsund starfsmenn
verksmiðjunnar hafa lagt niður
störf eftir að samningar tókust
ekki um laun.
Samkvæmt fréttavef breska
ríkisútvarpsins verða engar
flugvélar settar saman meðan á
verkfallinu stendur en talið er að
Boeing muni tapa um hundrað
milljónum Bandaríkjadala á dag
vegna tafa. Einnig mun seinka
enn frekar afhendingu Dream-
line-flugvélarinnar sem á að
keppa við Airbus en Dreamline er
þegar tveimur árum á eftir
áætlun. - rat
Starfsmenn Boeing í verkfall:
Allt stopp
hjá Boeing
Páll, er þetta töfrandi maður?
„Ég skal nú ekkert segja um það en
við kunnum okkar brögð eins og
hann.“
Roskinn Þjóðverji sem tekinn var í
Norrænu í byrjun mánaðarins er ofbeldis-
maður sem ítrekað hefur strokið úr
erlendum fangelsum. Fréttablaðið sagði
í fyrirsögn í gær að hættulegur Houdini
væri nú staddur á Litla-Hrauni. Páll Win-
kel er forstjóri Fangelsismálastofunar.
SVÍÞJÓÐ Sænskur maður hefur
kært eftirlætis knattspyrnuliðið
sitt, AIK í Stokkhólmi, til neyt-
endasamtakanna þar í landi.
Ástæðuna segir hann vera
síendurtekin brot á loforðum um
gott gengi í sænsku deildinni.
Í samtali við Dagens Nyheter
segist maðurinn, Kristoffer
Gahlin, vera búinn að fá nóg af
slæmu gengi liðsins. „Ég hef verið
meðlimur síðan 1978. Á hverju ári
er stuðningsmönnum lofað góðu
gengi, en ekkert gerist. Þetta eru
hrein og klár vörusvik.“ Mattias
Grundström hjá sænsku neytenda-
samtökunum segir að mál Gahlins
fái ekki forgangsmeðferð. - kg
Þreyttur á slæmu gengi:
Kærir AIK
fyrir vörusvik
LÍBÍA Condoleezza Rice, utanríkis-
ráðherra Bandaríkjanna, fór í
sögulega heimsókn til Líbíu á
föstudaginn, fyrst bandarískra
utanríkisráðherra í hálfa öld.
Samskipti Bandaríkjanna og
Líbíu hafa verið stirð síðan
Gaddafi komst til valda árið 1969.
Þá versnuðu þau til muna eftir að
flugvél Pan Am var sprengd yfir
Lockerbie í Skotlandi, en tveir
líbískir leyniþjónustumenn voru
sakfelldir fyrir það.
Heimsókn Rice er enn eitt
dæmið um bætt samskipti ríkj-
anna. Í maí 2006 tilkynnti Banda-
ríkjastjórn að hún mundi koma á
fullum stjórnmálatengslum við
Líbíu ef stjórnvöld þar hættu við
að vígvæðast gereyðingarvopn-
um.
Moammar Gaddafi, forseti
Líbíu, tilkynnti fyrr í vikunni að
til stæði að einkavæða allar ríkis-
eigur í Líbíu. „Þjófnaður og spill-
ing fylgja því ætíð þegar opinber-
ir aðilar sjá um peninga,“ sagði
hann. „Eftir fjóra mánuði verður
allt í ykkar höndum.“
Í ræðunni, sem Gaddafi hélt til
að minnast þess að 39 ár eru síðan
hann komst til valda í byltingu,
sagði hann einnig að líbíska þjóð-
in mundi sjálf fá að koma að
menntun sinni. „Ég segi við líb-
ísku þjóðina, takið það fé sem fer
í menntun. Setjið það í vasa ykkar
og kennið börnunum eins og þið
teljið rétt, takið ábyrgð.“ - kóp
Condoleezza Rice heimsækir Gaddafi Líbíuforseta:
Gaddafi lofar einkavæðingu
RICE OG GADDAFI Vel virtist fara á með Condoleezu Rica og Moammar Gaddafi á
fundi þeirra á föstudag. FRÉTTABLAÐIÐ/AFP
LÖGREGLUMÁL „Ég hef oft fengið
mikinn kjánahroll þegar ég er að
horfa á lögregluþætti en fyrst við
fáum að gera þetta sjálfir snardeg-
ur úr líkum á því að sá hrollur láti á
sér kræla,“ segir Helgi Pétur Otte-
sen, varðstjóri á Akranesi, en
undan farnar vikur hefur hann
ásamt fleiri lögreglumönnum verið
upptekinn við leikstörf við rætur
Akrafjalls fyrir spennuþáttaröðina
Hamarinn.
Helgi Pétur segir rannsóknar-
störfum lögreglumanna sýnd mikil
virðing við tökur þáttanna enda
sjái þeir sjálfir um aðalatriðin.
Þannig sé til dæmis komið í veg
fyrir að ábúðarfullur leikinn lög-
reglumaður stingi lífsýni í plast-
poka til þess að frekar megi rann-
saka það. „Ég held að enginn
lögreglumaður þoli að sjá slíkt,“
segir Helgi Pétur kankvíslega og
útskýrir að flest sýni skemmist í
plastpokum og engum lögreglu-
manni myndi láta sér slíkt og annað
eins til hugar koma.
Reyndar hafa ekki aðeins lög-
reglumenn unnið hörðum höndum á
vettvangi leikins hryllings við fjall-
ið því svo virðist sem stór hluti sam-
félagsins á Akranesi hafi verið boð-
inn og búinn við að aðstoða
kvik myndagerðamennina, svo sem
iðnaðarmenn, björgunarsveitar-
menn, sjúkraflutningamenn og
slökkviliðsmenn, auk Landhelgis-
gæslumanna og starfsmanna úr sér-
sveitinni sem komu frá Reykjavík.
Reynir Lyngdal, leikstjóri þátta-
raðarinnar, segir Skagamenn með
eindæmum hjálplega. Þá sé stund-
um furðulegt hvernig tilfinningar
komi upp þegar raunveruleiki og
leikur mætist: „Það sem kom mér
mest á óvart við að fylgjast með
þessu fólki, þá sérstaklega lögg-
unni, er hvað þeir voru agaðir og
öll störf þeirra úthugsuð. Þeir voru
bara eins í bíó,“ segir hann.
Björn Hlynur Haraldsson og
Dóra Jóhannesdóttir fara með aðal-
hlutverkin í þáttunum en framleið-
andi er Pegasus. Reynir segir að þó
að flestir dagar við tökur á Akra-
nesi hafi gengið vel sé hann viss
um að einhverjir kraftar í fjallinu
séu komnir með nóg af því raski
sem fylgi leikarastandinu.
karen@frettabladid.is
Lögreglan á slóð
glæpona í Akrafjalli
Stór hluti íbúa á Akranesi hefur veitt þáttagerðarmönnum liðsinni við tökur á
spennuþáttaröð við rætur Akrafjalls. Lögreglumaður á staðnum segir störfum
lögregunnar sýnd virðing. Leikstjórinn segir lögguna hegða sér eins og í bíó.
SKAGAMENN BREGÐA Á LEIK Helgi Pétur Ottesen varðstjóri á Akranesi segir leikinn í raun vera eins og risavaxna slysaæfingu.
Þó að menn viti að enginn sé slasaður í raun vilji allir hegða sér óaðfinnanlega fyrir framan vélarnar og því æfist menn mjög við
tökur. MYND/PEGASUS
LÖGREGLUMÁL Karlmaður á þrí-
tugsaldri fannst með alvarlega
höfuðáverka á gatnamótum
Höfðatúns, Laugavegar og Skúla-
götu í Reykjavík snemma í gær-
morgun.
Maðurinn var strax fluttur í
aðgerð á gjörgæsludeild Landspít-
alans en samkvæmt heimildum
Fréttablaðsins hafði hann miklar
heilablæðingar. Síðar um daginn
gekkst hann undir aðra aðgerð.
Þegar blaðið fór í prentun var
maðurinn enn í lífshættu og var
haldið sofandi. Ekki er vitað hvort
um slys hafi verið að ræða eða
hvort maðurinn hafi orðið fyrir
líkamsárás. Enginn hefur verið
handtekinn en lögregla rannsakar
málið.
Þeir sem geta gefið upplýsingar
um málið eða urðu varir við
mannaferðir á svæðinu frá klukk-
an sex til hálf átta í gærmorgun
eru beðnir um að hafa samband
við lögregluna á höfuðborgar-
svæðinu í síma 444-1100.
Fyrr í vikunni fannst karlmaður
um sjötugt látinn í íbúð sinni á
Skúlagötu. Nokkrir áverkar voru
á höfði mannsins sem taldir voru
vera af mannavöldum og hefur
lögregla haft tvo menn í haldi
vegna málsins. Ekki er talið að
málin tvö tengist á nokkurn hátt.
- kdk
Lögregla leitar vitna vegna hugsanlegrar líkamsárásar við Höfðatún:
Fannst með lífshættulega áverka
LANDSPÍTALINN Maðurinn gekkst undir
tvær aðgerðir í gær. Hann hlaut miklar
heilablæðingar.
SPURNING DAGSINS