Fréttablaðið - 07.09.2008, Blaðsíða 56

24 7. september 2008 SUNNUDAGUR
www.flugskoli.is
Námskeiðið hefst 6. október og lýkur um miðjan febrúar.
Umsóknarfrestur er til 14. september. Allar nánari upplýsingar á www.flugskoli.is
Flugumferðarstjóra
Grunnnámskeið
Flugskóli Íslands er hluti af Tækniskólanum, skóla
atvinnulífsins. Tækniskólinn er nýr framsækinn
framhaldsskóli sem byggir á traustum grunni
Fjöltækniskóla Íslands og Iðnskólans í Reykjavík.
FÓTBOLTI Robson de Souza, betur þekktur sem
Robinho, varð á dögunum dýrasti leikmaður
enska boltans þegar Manchester City pungaði
út 32,5 milljónum punda fyrir Brasilíumanninn
knáa.
Hinn 24 ára gamli Robinho ólst upp í fátækra-
hverfinu Parque Bitaru í útjaðri Santos í Bras-
ilíu og byrjaði snemma að spila fótbolta. Hann
var aðeins níu ára gamall þegar hann sló í gegn
á Futsal-móti og fór í framhaldinu að æfa með
unglingaliði stórliðsins Santos, sem var þá
undir stjórn goðsagnarinnar Pelé.
Robinho skrifaði undir fyrsta atvinnumanna-
samning sinn við Santos þegar hann var átján
ára gamall og keppnistímabilið 2002-2003 lék
hann 24 leiki með liðinu og skoraði níu mörk.
Hann var í kjölfarið valinn í brasilíska lands-
liðið og hefur leikið með því allar götur síðan.
Fyrir keppnistímabilið 2004-2005 var hann
farinn að draga að sér mikla athygli frá stærstu
félögunum í Evrópu en Santos vildi ekki selja
hann. Brasilíska félagið gat þó ekki haldið
aftur af stórliði Real Madrid, sem keypti hann
á tæplega tuttugu milljónir punda í júlí árið
2005.
Robinho skoraði átta mörk á sinni fyrstu
leiktíð tímabilið 2005-6 með Real Madrid en
tímabilið 2006-7 lenti hann upp á kant við knatt-
spyrnustjórann Fabio Capello og varð að sætta
sig við að sitja á varamannabekknum löng-
um stundum. Hann endaði þó leiktíðina
vel og átti sinn þátt í að Real Madrid
varð spænskur meistari.
Robinho fór á kostum hjá Real
Madrid tímabilið 2007-2008 undir
stjórn Þjóðverjans Bernd Schuster
skoraði ellefu mörk fyrir félagið,
sem varði spænska titilinn eftir
harða samkeppni við Villarreal og
Barcelona.
Ósætti við forráðamenn
Real Madrid
Eftir tímabilið 2007-2008
varð Robinho sterklega
orðaður við félagsskipti
til Chelsea þar sem fyrr-
verandi landsliðsþjálfari
hans hjá Brasilíu, Luiz
Felipe Scolari, var kominn
við stjórnvölinn. Robinho
taldi til nokkrar ástæður
fyrir því af hverju hann
vildi yfirgefa herbúðir
Real Madrid í nýlegu við-
tali.
„Forráðamenn vildu ekki
halda nógu mikið í mig til
þess að ég væri sannfærður um
að vera áfram. Þeir reyndu
meðal annars að nota mig í
skiptum fyrir Cristiano Ron-
aldo, leikmann Manchester
United. Þar sem þeir vildu
ekki treysta á mig sá ég enga
framtíð hjá félaginu. Það
særði mig líka mjög mikið
þegar Ramon Calderon, for-
seti Real Madrid, vildi ekki
leyfa mér að leika á Ólympíu-
leikunum. Ég grét þegar
hann bannaði mér það, ég grét ekki til þess að
fá að fara frá félaginu,“ segir Robinho.
Chelsea varð hins vegar að sætta sig við að
missa Robinho í hendurnar á Manchester City
á lokadegi félagsskiptagluggans. Robinho
var gagnrýndur hvívetna fyrir að velja
City og þar á meðal af brasilíska goðinu
Pelé, en Robinho svaraði því fullum
hálsi.
„Ég tek gagnrýni Pelé að sjálfsögðu til
greina þar sem hann er konungur knatt-
spyrnunnar en ég held samt að
hann myndi gera nákvæm-
lega það sama ef hann
væri í mínum sporum.
Það hjálpaði mér
líka að taka ákvörð-
unina að ég þekki
bæði Jó og
Elano, leik-
menn City,
sem hvöttu
mig ein-
dregið til
þess að
ganga til liðs
við félagið,“ segir
Robinho.
Það verður forvitnilegt að
fylgjast með Robinho reyna
að skapa sér nafn í enska bolt-
anum en til þess þarf hann
heldur betur að standa undir
nafni. Sem allra dýrasti leik-
maður í sögu enska boltans.
omar@frettabladid.is
Sá dýrasti í sögu enska boltans
Brasilíumaðurinn Robinho varð dýrasti leikmaðurinn í sögu ensku knattspyrnunnar þegar hann gekk
óvænt í raðir Manchester City. Robinho er fyrsta púslið í meistaraliði hinna arabísku eigenda félagsins.
DÝRASTUR Augu
margra verða á Brasilíu-
manninum Robinho
hjá Man. City í vetur.
NORDIC PHOTOS/GETTY IMAGES
Dýrustu leikmennirnir
Topp 10 í ensku úrvalsdeildinni:
1. Robinho (Man. City) £32,5m
2. D. Berbatov (Man. Utd) £30,75m
3. A. Shevchenko (Chelsea) £30m
4. R. Ferdinand (Man. Utd) £29,1m
5. J. S. Veron (Man. Utd.) £28,1m
6. M. Essien (Chelsea) £24,43m
7. D. Drogba (Chelsea) £24m
8. W. Rooney (Man. Utd.) £23m
9. Wright-Phillips (Chelsea) £21m
10. F. Torres (Liverpool) £20m
FÓTBOLTI Dr. Sulaiman Al-Fahim og fjárfest-
ingarfélagið Abu Dhabi United Group hefur
komið eins og stormsveipur inn í ensku
úrvalsdeildina með yfirtöku sinni á
Manchester City.
Dr. Sulaiman Al-Fahim heitir þrjátíu og
eins árs gamall milljarðamæringur frá
Sameinuðu arabísku furstadæmunum sem
fer fyrir fjárfestingarfélaginu Abu Dhabi
United Group (ADUG) er keypti á dögunum
ráðandi eignarhlut í enska úrvalsdeildar-
félaginu Manchester City.
Al-Fahim á sjálfur bakgrunn í fasteigna-
braski sem hann hefur stundað með miklum
móð frá átján ára aldri og auðgast mjög við
það. Hann er nú stjórnarformaður í ört vax-
andi fasteignaveldinu Hydra sem á eignir
bæði í Abu Dhabi og Dubai jafnt og utan
Sameinuðu arabísku furstadæmanna.
Það sem gerir fjárfestingarfélagið ADUG
hins vegar eins voldugt og raun ber vitni
eru tengsl þess inn í konungsfjölskylduna
í Abu Dhabi, ríkasta af furstadæmunum
sjö.
Breskir fjölmiðlar voru fljótir að
líkja Al-Fahim við Roman Abramov-
itsj, hinn rússneska eiganda Chelsea,
en sannleikurinn er fjarri sanni.
Fjárhagslegur slagkraftur Al-
Fahim og fjárfestingarfélagsins
ADUG er sagður vera allt að því
tíu sinnum meiri en hjá Abramov-
itsj.
Al-Fahim, sem hefur verið kall-
aður svar araba við Donald
Trump, er allt annað en hlédræg-
ur og kann vel við sig í sviðsljós-
inu. Hann stýrir sínum eigin
raunveruleikaþætti, sem er ekki
ólíkur bandaríska þættinum The
Apprentice með Trump, og hefur
sést á forsýningum og veislum
með þekktar Hollywood-skvísur á
borð við Pamelu Anderson og
Demi Moore upp á arminn.
Hann er enn fremur yfirlýs-
ingaglaður með afbrigðum og
hefur nú þegar, eftir nokkurra
daga setu við stjórnvölinn hjá
City, gert enskum fjölmiðlum
sem og knattspyrnustjóranum Mark Hughes
markmið sín ljós.
„Markmið okkar eru ósköp einföld. Við
ætlum að gera Manchester City að stærsta
félagi í ensku úrvalsdeildinni. Við verðum
að eyða miklum peningum til þess að fá
bestu leikmenn heims til City því leik-
mannahópurinn er fjarri því að vera nógu
sterkur eins og er.
Nú eru peningarnir hins vegar til staðar
og það má gera ráð fyrir því að bestu leik-
menn heims kosti að meðaltali þrjátíu millj-
ónir punda hver um sig. Ætli við þurfum
ekki að minnsta kosti eina átján slíka. Þá
fyrst getum við talað um að vinna meistara-
deild Evrópu,“ sagði Al-Fahim í nýlegu við-
tali við dagblaðið Daily Mirror og verður
áhugavert að sjá hvort hann eyði 540 millj-
ónum punda í nýja leikmenn. - óþ
Það er um fátt annað rætt á Englandi þessa dagana en innkomu olíufurstanna frá Arabíu í ensku knattspyrnuna:
Nýr eigandi City er svar araba við Donald Trump
STÓRHUGA Dr. Sulaiman Al
Fahim ætlar að gera Manchester
City að stærsta félagi heims.
Talið er að hann muni kaupa
fjölda manna fyrir áður óséðar
upphæðir í boltanum.
NORDIC PHOTOS/GETTY
FÓTBOLTI Skotar ollu miklum
vonbrigðum í opnunarleik sínum í
9. riðli í undankeppni HM. Þeir
töpuðu úti gegn Makedónum, 1-0,
og þóttu úrslitin sanngjörn. Það
var Naumoski sem skoraði eina
mark leiksins á 5. mínútu en bæði
þessi lið eru í riðli Íslands.
George Burley, landsliðsþjálf-
ari Skota, lét tapið ekki slá sig út
af laginu og virtist ekki alveg
vera sammála því að hans menn
hefðu verið daprir í leiknum.
„Mér fannst við vera frábærir í
síðari hálfleik,“ sagði Burley
bjartsýnn. „Annars er ég eðlilega
vonsvikinn með úrslitin í leiknum
en við sýndum hugrekki, anda og
gæði og liðið átti meira skilið en
ekkert úr þessum leik.“
Skotar fara nú til Íslands og
mæta Íslendingum á Laugardals-
velli á miðvikudag.
„Við sýndum í þessum leik að
við getum vel sótt stig á útivelli
og ætlum okkur stig í Reykjavík,“
sagði Burley. - hbg
Mótherjar Íslands:
Makedónar
lögðu Skota
DAPURT Lærisveinar George Burley í
skoska landsliðinu þóttu arfaslakir í
Skopje í gær. NORDIC PHOTOS/GETTY IMAGES