Fréttablaðið - 07.09.2008, Blaðsíða 58
26 7. september 2008 SUNNUDAGUR
BYRJUNARLIÐIÐ
Kjartan Sturluson markvörður 5
Hefði átt að gera betur í öðru marki Norðmanna en greip vel inn í á lokamínútunum.
Grétar Rafn Steinsson, hægri bakvörður 7
Fékk á sig ódýrt víti en var fyrir utan það mjög öruggur og skilaði góðum leik.
Kristján Örn Sigurðsson miðvörður 9
Hélt Carew nær alveg niðri og steig varla feilspor í leiknum. Ósérhlífinn og bjargaði oft á tíðum á ögur-
stundu.
Hermann Hreiðarsson miðvörður 8
Las leikinn vel, var baráttuglaður og stjórnaði vörninni eins og herforingi.
Bjarni Ólafur Eiríksson, vinstri bakvörður 6
Varðist vel á köflum í leiknum og skilaði boltanum ágætlega frá sér.
Birkir Már Sævarsson, hægri kantur 8
var öruggur á boltanum, varðist vel og var óþreytandi í hlaupum sínum upp kantinn.
Stefán Gíslason, tengiliður 6
Fann sig ágætlega á sínum gamla heimavelli, sérstaklega í síðari hálfleik.
Aron Einar Gunnarsson, tengiliður 6
Virkaði stressaður framan af leik og tapaði boltanum í tvígang á hættulegum stöðum. En vann sig vel inn
í leikinn og komst ágætlega frá sínu.
Eiður Smári Guðjohnsen sóknartengiliður 8
Skoraði gull af marki og lét vel til sín taka á köflum í leiknum.
Emil Hallfreðsson, vinstri kantur 7
Var mjög líflegur þegar hann fékk boltann og átti góða stoðsendingu á Heiðar í fyrsta marki Íslands.
Heiðar Helguson, sóknarmaður 8
Baráttuglaður að vanda og vann vel úr þeim boltum sem bárust til hans.
INN AF BEKKNUM
68. mín., Pálmi Rafn Pálmason fyrir Aron Einar 6
Vann vel fyrir liðið og náði að lífga upp á sóknarleikinn með góðum sendingum.
74. mín., Guðmundur Steinarsson fyrir Emil -
85 mín., Veigar Páll Gunnarsson fyrir Heiðar -
EINKUNNIR ÍSLENSKU LEIKMANNANNA
Ullevaal, áhorf.: 17.254
Noregur Ísland
TÖLFRÆÐIN
Skot (á mark) 15–16 (4–3)
Varin skot Rune 1 – Kjartan 2
Horn 4–2
Aukaspyrnur fengnar 13–11
Rangstöður 2–1
1-0 Steffen Iversen, víti (36.)
1-1 Heiðar Helguson (39.)
2-1 Steffen Iversen (50.)
2-2 Eiður Smári Guðjohnsen (69.)
2-2
Alon Yeffet (7)
NOREGUR-ÍSLAND
ÓMAR ÞORGEIRSSON
skrifar frá Osló
omar@frettabladid.is
FÓTBOLTI Dagskipun landsliðsþjálf-
arans Ólafs Jóhannessonar á Ulle-
vaal-leikvanginum var svo að
heita einföld; halda markinu
hreinu eins lengi og unnt er og
nýta þau sóknarfæri sem liðinu
byðust. Það gekk að mestu leyti
eftir þar sem Íslendingar náðu
jafntefli, 2-2, gegn Norðmönnum
sem voru fyrir leikinn taldir mun
sigurstranglegri.
Íslenska liðið mætti ákveðið til
leiks og Emil Hallfreðsson náði
góðri rispu upp vinstri kantinn
strax á 2. mínútu. Í framhaldi af
því voru Norðmenn þó meira með
boltann, eins og við var að búast,
en íslenska liðið var hreyfanlegt,
lokaði svæðum vel og gaf fá færi á
sér.
Helsta sóknarvopn Norðmanna
var háar sendingar inn á vítateig
Íslendinga og liðið leitaði mjög að
Steffen Iversen, sem átti greini-
lega að flikka boltanum á þá John
Carew og Thorstein Helstad.
Fyrsta alvöru færi Noregs kom
einmitt upp úr slíkri samvinnu;
Iversen kom boltanum á Carew
inn fyrir íslensku vörnina en skot
Carews hitti ekki markið. Íslensku
varnarmennirnir voru annars vel
á tánum sem lýsir sér kannski best
í því að fyrsta skot Norðmanna á
íslenska markið kom ekki fyrr en
eftir rúmar tuttugu og fimm mín-
útur.
Á móti kemur að sóknarþungi
Íslands var vart teljanlegur en
menn reyndu að sækja hratt fram
þegar við átti eins og upp var lagt
fyrir leikinn.
Það dró til tíðinda á 36. mínútu
þegar enn ein langa sendingin kom
inn á vítateig Íslands, ætluð Thor-
stein Helstad í það skiptið. Hann
gerði sig líklegan til þess að taka
við boltanum en Grétar Rafn
Steinsson tók helst til of hressi-
lega og hélt honum í heljargreip-
um og dómarinn sá sig tilneyddan
til þess að dæma vítaspyrnu.
Lítið við því að segja og Iversen
fór á vítapunktinn, sendi Kjartan í
vitlaust horn og skoraði af öryggi
við gríðarleg fagnaðarlæti á Ulle-
vaal og gríðarlegan létti Norð-
manna inni á vellinum.
Það hefði verið auðvelt fyrir
íslenska liðið að detta niður við
mótlætið en það var ekki á dag-
skránni. Íslendingar fengu auka-
spyrnu á vallarhelmingi Norð-
manna stuttu síðar. Emil tók
spyrnuna og hitti beint á kollinn á
Heiðari Helgusyni, sem skallaði
boltann í netið og jafnaði leikinn,
1-1 og þannig stóðu leikar þegar
flautað var til hálfleiks.
Byrjunin á síðari hálfleik var
ekki það sem íslenska liðið þurfti.
Fredrik Winsnes átti háa sendingu
inn á teiginn þar sem Iversen vann
skallaeinvígið við Bjarna Ólaf
Eiríksson og kom boltanum í netið,
2-1. Markið hlýtur hins vegar að
skrifast að stórum hluta á Kjartan
í markinu, sem hikaði í úthlaupinu
og var herfilega staðsettur þegar
fremur laus skallinn kom á
markið.
Norðmenn tvíefldust við markið
og virkuðu líklegir til þess að bæta
við marki. Það kom því skemmti-
lega á óvart þegar Íslendingar
jöfnuðu leikinn á 69. mínútu. Brot-
ið var á Heiðari og aukaspyrna
dæmd rétt fyrir utan vítateigs
Norðmanna. Eiður Smári mætti á
vettvang og gjörsamlega klíndi
boltnum í markhornið hægra
megin, óverjandi fyrir Rune Jar-
stein í markinu. Glæsilegt mark
og leikar jafnir á ný.
Íslendingar komust svo gremju-
lega nálægt því að komast yfir í
leiknum á 86. mínútu þegar vara-
maðurinn Veigar Páll Gunnarsson
átti skot í stöng úr sinni fyrstu
snertingu eftir góðan undirbúning
Eiðs Smára.
Sóknaraðgerðir Norðmanna
fjöruðu svo út hver af annarri uns
dómarinn flautaði til leiksloka.
Niðurstaðan 2-2 jafntefli og Íslend-
ingar geta vel við unað með að
komast strax á blað í riðlinum.
Leikur liðsins gefur fögur fyrir-
heit upp á framhaldið að gera í
riðlinum.
Frábært stig hjá Íslandi í Osló
Íslendingar sóttu mikilvægt stig á útivelli gegn Norðmönnum í fyrsta leik liðanna í undankeppni HM 2010.
Baráttuglaðir Íslendingar gáfust aldrei upp og komu tvisvar til baka eftir að hafa lent undir í leiknum.
STIGI FAGNAÐ Markaskorarar Íslands – Eiður Smári og Heiðar Helguson – fagna hér
á Ullevaal-leikvanginum í gær ásamt Birki Má Sævarssyni. NORDIC PHOTOS/AFP
FRÁBÆR ENDURKOMA Heiðar skoraði
og fiskaði svo aukaspyrnuna sem síðara
mark Íslands kom úr. NORDIC PHOTOS/AFP
BARÁTTA Birkir Már Sævarsson er hér í baráttunni við John Arne Riise. Birkir átti fínan
leik líkt og flestir íslensku leikmannanna. NORDIC PHOTOS/AFP
FÓTBOLTI Ólafur var einkar léttur í
bragði eftir leikinn gegn Norð-
mönnum í gær og augljóslega í
skýjunum með jafnteflið.
„Það er frábært að koma tvisvar
sinnum til baka og ná í eitt stig á
erfiðum útivelli. Dugnaðurinn og
viljinn í mönnum var til fyrir-
myndar. Mér fannst við reyndar
falla aðeins of mikið til baka á
köflum í leiknum en að öðru leyti
var þetta fínt,“ segir Ólafur.
Ólafur kvað fátt hafa komið sér
á óvart í leik norska liðsins.
„Við komum vel undirbúnir til
leiks og þeir komu okkur ekki á
nokkurn hátt á óvart. Við vorum
alveg klárir á því hvernig þeir
myndu spila. Varnarleikur okkar
var mjög sannfærandi í leiknum
og þar áttu allir góðan leik. En það
er líka ýmislegt sem þarf að laga í
okkar leik og við þurfum að fara
yfir það fyrir næsta leik,“ segir
Ólafur.
Ólafur viðurkennir að það sé
mikill léttir að vera kominn strax
á blað í riðlinum.
„Það er mjög þægilegt að við
séum strax komnir með stig, svo
ekki sé talað um að leikurinn hafi
verið á útivelli. Ég sagði fyrir leik-
inn að ég yrði himinlifandi með
eitt stig og það gekk sem betur fer
upp. Við vorum líka nær því að
vinna leikinn en þeir ef við tökum
marktækifærið þegar Veigar Páll
átti skot í stöng.“
Nú er stutt í næsta verkefni
Íslands, leik gegn Skotum á Laugar-
dalsvelli, og Ólafur telur að það
verði enn erfiðara en að mæta
Norðmönnum.
„Skotar eru að mínu mati með
betra lið en Norðmenn þannig að
okkar bíður mjög erfiður leikur.
En með sama vilja og sama hugar-
fari og við sýndum gegn Noregi
getum við gert ýmislegt gegn
Skotlandi,“ segir Ólafur. - óþ
Ólafur Jóhannesson landsliðsþjálfari var ánægður með stigið sem Ísland sótti á Ullevaal-leikvanginn í gær:
Dugnaðurinn og viljinn var til fyrirmyndar
FÓTBOLTI Hermann Hreiðarsson
átti fínan leik gegn Norðmönnum í
gær og stýrði varnarleik íslenska
liðsins með sóma.
„Þetta var hörkuframmistaða
hjá öllu liðinu og þetta var flott
stig. Það sýnir gríðarlegan karakt-
er að koma til baka í tvígang og
karakterinn kemur mér ekkert á
óvart, þar sem ég veit alveg hvað
býr í liðinu. En það er alltaf gaman
að sýna það líka inni á vellinum,“
segir Hermann.
Hermann kvað íslenska liðið
samt ekki hafa unnið neitt enn.
„Það var kominn tími á að við
næðum að sýna almennilega hvað
í okkur býr og mér fannst við vera
að ná því að vissu leyti. En við
unnum náttúrlega ekki leikinn og
höfum ekki unnið neitt ennþá.
Jafnteflið ætti hins vegar að gefa
okkur sjálfstraust upp á framhald-
ið að gera. Og það sem mér fannst
vera jákvæðast og standa upp úr
er að við vorum að gera þetta fyrir
hvorn annan og vinna saman sem
lið. Menn geta því sofið vært í
nótt,“ segir Hermann Hreiðars-
son. - óþ
Hermann Hreiðarsson fyrirliði segir samvinnu liðsins hafa skilað stigi:
Ég veit vel hvað býr í þessu liði
LÉTTUR OG KÁTUR Það lá vel á Ólafi
Jóhannessyni landsliðsþjálfara eftir
leikinn í gær. NORDIC PHOTOS/AFP
FÓTBOLTI Heiðar Helguson var
ekki lengi að finna mark andstæð-
inganna eftir rúmlega tveggja ára
fjarveru frá landsliðinu.
„Ég er mjög ánægður með að
vera kominn aftur í landsliðið og
við sýndum alvöru karakter í
leiknum. Hann hefur svo sem
alltaf verið til staðar í hópnum og
liðinu en við höfum ekki alltaf
verið að sýna hann inni á vellin-
um. Við gerðum það núna og
getum byggt á því,“ segir Heiðar,
sem varar þó við því að menn tapi
sér í gleðinni strax.
„Við verðum náttúrlega að sýna
áfram leik af þessu tagi og byggja
á þessum leik, því ef við náum
ekki að halda áfram á sömu braut
gegn Skotum hefur þetta jafntefli
gegn Norðmönnum litla merk-
ingu,“ segir Heiðar. - óþ
Heiðar Helguson:
Alvöru karakter
FÓTBOLTI Kjartan Sturluson var
virkilega sáttur með frammistöðu
íslenska liðsins í gær.
„Það var mikivægt að ná strax í
stig í riðlinum og heildarframmi-
staða liðsins var mjög góð,“ segir
Kjartan, sem var úti á túni í öðru
marki Norðmanna.
„Það er alltaf hægt að gera
eitthvað betur. Það voru einhver
útspörk sem fóru ekki þangað
sem ég vildi að þau færu og hitt
og þetta, en ég er í heildina mjög
sáttur með mína framistöðu,“
segir Kjartan. - óþ
Kjartan Sturluson:
Sáttur við sína
frammistöðu