Fréttablaðið - 09.09.2008, Blaðsíða 8

8 9. september 2008 ÞRIÐJUDAGUR
1. Hvað er bæjarhátíðin í
Reykjanesbæ kölluð?
2. Hvaða fyrirtæki vill reisa
átöppunarverksmiðju í Hafnar-
firði?
3. Hvenær var Háskólinn í
Reykjavík stofnaður?
SVÖRIN ERU Á SÍÐU 30
RV
U
n
iq
u
e
0
90
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Á kynningarverði
Svansmerkt RV hreinsiefni
með ferskum ilmi.
UM
HVERFISMERKI Svansmerkt RV hreinsiefni
- með ferskum ilmi
Á tilboði í september 2008Svansmerktar Lotus
Professional pappírsvörur20 % afsláttur
SKIPULAGSMÁL „Við horfum á fram-
tíðarlausnir á öðrum stöðum í
hverfinu,“ segir Lúðvík Geirsson,
bæjarstjóri í Hafnarfirði, eftir
úrskurð um að lausar kennslustof-
ur við leikskólann Hvamm séu þar í
óleyfi.
Hópur íbúa í Staðarhvammi lagði
fram kæru í júlí til úrskurðarnefnd-
ar skipulags- og byggingarmála í
Hafnarfirði. Kæran er til komin
vegna ákvörðunar
bæjaryfirvalda í
Hafnarfirði um að
veita eins árs
stöðuleyfi fyrir
tveimur færanleg-
um kennslustofum
við leikskólann
Hvamm. Stofunum
hafði nánast fyrir-
varalaust verið
komið fyrir við
leikskólann. Þeim
var ætlað að taka við um fjörutíu
nýjum leikskólabörnum sem þegar
hafa verið innrituð. Er þetta hluti
af stefnu bæjaryfirvalda um að öll
börn sem náð hafa eins og hálfs árs
aldri geti fengið leikskólapláss.
Íbúarnir telja að mikið ónæði
muni skapast af aukinni umferð
vegna stækkunarinnar í Hvammi.
Bentu þeir á að bærinn hefði ekki
getað leyft að stofunum yrði komið
fyrir á bráðabirgðastöðuleyfi einu
saman heldur þyrfti að gefa út
hefðbundið byggingarleyfi að und-
angenginni grenndarkynningu.
Úrskurðarnefndin tók undir með
íbúunum. „Umfang og eðli kennslu-
stofa með fjölda barna og starfs-
manna verður engan veginn lagt að
jöfnu við hjólhýsi, gáma eða torgs-
öluhús,“ segir í niðurstöðu nefndar-
innar sem þar vitnar til skilmála
fyrir stöðuleyfi til bráðabirgða.
Íbúar í nágrenni leikskólans í
Norðurbergi kærðu einnig stöðu-
leyfi fyrir færanlegum kennslu-
stofum þar og komst úrskurðar-
nefndin að sömu niðurstöðu í því
máli. Það mál fer nú, að sögn Lúð-
víks, í ferli í ljósi úrskurðarins.
Bæjarstjórinn óskaði eftir því
fyrir helgi að fá fund með nágrönn-
um Hvamms og verður sá fundur í
dag. „Ég hef ekki ástæðu til að ætla
annað en að það náist samkomulag
og samstaða á þeim fundi,“ segir
Lúðvík og bendir á að í sumar hafi
verið rætt um ákveðnar úrbætur í
samgöngumálunum til að tryggja
að ekki yrði aukin umferð um
heimagötu fólksins.
Þá minnir bæjarstjórinn á að
færanlegu stofurnar séu tímabund-
in ráðstöfun. Framtíðarlausn á mál-
inu verði kynnt á fundinum með
íbúunum. „Við ættum að ná sam-
komulagi sem byggir á því að menn
gera sátt um að þessi starfsemi geti
verið þarna í vetur þrátt fyrir þenn-
an úrskurð á meðan við erum að
vinna að því að klára skipulagsþátt-
inn.“ gar@frettabladid.is
Bæjarstjóri biðlar til íbúa
vegna lausra leikskólastofa
Hafnarfjarðarbær mátti ekki setja niður lausar stofur við leikskólann Hvamm nema uppfylla skilyrði bygg-
ingarleyfis. Bæjarstjórinn hyggst í dag ná sátt þannig að 40 börn fái þegar útlutað leikskólaplássi.
AÐRIR ÍBÚAR Í STAÐARHVAMMI Nágrannar leikskólans Hvamms mótmæltu harðlega
þegar tvær kennslustofur voru fluttar þangað að næturlagi í júlí. FRÉTTABLAÐIÐ/AUÐUNNLÚÐVÍK
GEIRSSON
LÖGREGLUMÁL Ágúst Magnússon,
sem dæmdur var í fimm ára
fangelsi fyrir barnaníð árið 2004,
er fluttur til Svíþjóðar þar sem
hann nemur orð guðs í sænskum
biblíuskóla.
Ágúst er á reynslulausn en fékk
leyfi til að hefja nám við skólann,
sem er í Uppsölum. Á fréttavefn-
um Vísi kemur fram að Ágúst leigi
herbergi hjá hjónum með tvö börn.
Þau hafi ekki haft hugmynd um
bakgrunn hans. Ágúst var sakfelld-
ur fyrir kynferðisbrot gegn fimm
drengjum. Ríkissaksóknari
krafðist þess við réttarhöldin að
hann yrði beittur öryggisráðstöfun-
um að afplánun lokinni. - kóp
Barnaníðingur á reynslulausn:
Ágúst nemur
orð guðs ytra
AFGANISTAN, AP Tvö myndbönd
renna stoðum undir fullyrðingar
bæði afganskra stjórnvalda og full-
trúa Sameinuðu þjóðanna um að
tugir óbreyttra borgara hafi fallið í
árásum, sem bandaríski herinn
stjórnaði, á þorpið Azizabad vest-
antil í Afganistan þann 20. ágúst
síðastliðinn.
Á öðru myndbandinu, sem er
óskýrt og líklega tekið með far-
síma, má sjá tugi líka liggja í tveim-
ur röðum á gólfi í mosku. Líkin eru
öll hulin ábreiðum, en grátandi
menn og konur sjást stundum lyfta
ábreiðunum og þá koma í ljós látin
börn eða afmynduð andlit látinna
karla.
Á hinu myndbandinu, sem er
mun greinilegra, sjást þrjú ung
börn vafin í hvíta klæðisdúka, og á
líki fjórða barnsins sjást skelfileg
höfuðsár.
Samskipti afganskra stjórnvalda
við Bandaríkin hafa verið stirðari
eftir árásina.
Hamid Karzai, forseti Afganist-
ans, hefur árum saman gagnrýnt
Bandaríkin og Atlantshafsbanda-
lagið fyrir það hve margir óbreytt-
ir borgarar hafa fallið í árásum
þeirra á ýmsum stöðum í Afganist-
an. Hann segir slík mistök grafa
undan bæði stjórn sinni og alþjóða-
herliðinu í Afganistan.
Bandaríkjamenn hafa haldið því
fram að sjö almennir borgarar hafi
farist í árásinni, auk 35 uppreisnar-
manna, en Sameinuðu þjóðirnar og
afgönsk stjórnvöld segja 60 börn
og 15 konur meðal þeirra almennu
borgara sem létu lífið. - gb
Mannfall óbreyttra borgara í Afganistan:
Líkin lágu í röðum
DÓMSMÁL Karlmaður á þrítugs-
aldri var nýlega dæmdur í
fjögurra mánaða skilorðsbundið
fangelsi í Héraðsdómi Norður-
lands vestra.
Maðurinn er dæmdur fyrir
þjófnaðarbrot á Sauðárkróki þar
sem hann starfaði hjá ræstinga-
fyrirtæki sem annaðist ræstingar
eftir lokun verslunar N1 á
Sauðárkróki. Þaðan stal hann
meðal annars Frelsis-símkortum
fyrir gsm síma að andvirði
rúmlega 360 þúsund króna. Þá er
hann einnig sakfelldur fyrir að
stela 112 þúsund krónum frá
vinnuveitenda sínum. Þeir
peningar fundust við líkamsleit
lögreglu í endaþarmi þess
dæmda.
Maðurinn var og dæmdur til að
greiða 200 þúsund krónur í
málsvarnarlaun auk 360.500
króna til N1. - ovd
Stal fé og Frelsiskortum:
Stakk 112 þús-
und krónum í
endaþarminn
DÓMSMÁL Reykvískur karlmaður á
þrítugsaldri hefur verið ákærður
fyrir að kveikja í jakka annars
manns.
Ríkissaksóknari ákærir mann-
inn fyrir tilraun til sérstaklega
hættulegrar líkamsárásar, en til
vara hættubrot. Hann er ákærður
fyrir að hafa kveikt í jakkabaki
annars manns á skemmtistað. Sá
sem kveikt var í varð eldsins fljótt
var og komst úr jakkanum, slökkti
eldinn og kom þannig í veg fyrir
að líkamstjón hlytist af. - jss
Maður á þrítugsaldri:
Kveikti í jakka
annars manns
SKIPULAGSMÁL Tafarlausar mæl-
ingar á hljóðmengun, loftmengun
og umferð á Reykjanesbraut og
nærliggjandi stofnbrautum, auk
kynningar á niðurstöðum fyrir
íbúa í nærliggjandi hverfum er
meðal þess sem farið er fram á í
áskorun stofnfundar Íbúasamtaka
Lindahverfis til bæjaryfirvalda í
Kópavogi.
Anna S. Magnúsdóttir, stjórnar-
maður í samtökunum segir mikinn
áhuga hjá íbúum á að koma að
skipulagsmálum í hverfinu en
rúmlega hundrað manns sóttu
fundinn sem haldinn var síðastlið-
inn fimmtudag. Hún segir að
ályktanir fyrri íbúafundar, þar
sem fjallað var um skipulagsmál í
hverfinu hafi verið sendar bæjar-
ráði. Ráðið hafi brugðist skjótt við
því sem þar kom fram og lengt
frest til athugasemda vegna breyt-
inga á aðalskipulagi fyrir svokall-
að Glaðheimasvæði við Linda-
hverfi.
Íbúar í Lindahverfi krefjast
þess einnig að ekki verði gerðar
frekari breytingar á gildandi aðal-
og deiliskipulagi fyrr en mæling-
arnar hafa farið fram. Þá vilja íbú-
arnir að bæjaryfirvöld kynni með
ítarlegri hætti, meðal annars á
íbúafundi, þær hugmyndir sem
þau hafa um þróun skipulags í
hverfum við Reykjanesbraut.
„Þessar nýju ályktanir verða
núna sendar bæjarráði,“ segir
Anna. - ovd
Íbúasamtök Lindahverfis í Kópavogi krefja bæjaryfirvöld um mælingar:
Skipulagið verði sett í bið
SKUGGAVARP Nýstofnuð Íbúasam-
tök Lindahverfis krefjast útreikninga
á skuggavarpi fyrirhugaðs turns við
Skógalind.
ÍTALÍA, AP Þingmenn stjórnarand-
stöðunnar á Ítalíu og leiðtogar
gyðinga þar í landi brugðust
ókvæða við þegar borgarstjórinn
í Róm, Gianni Alemanno, neitaði í
viðtali að fordæma fasisma.
Í viðtalinu, sem birtist í
dagblaðinu Corriere della Sera,
fordæmdi Alemanno kynþáttalög-
gjöf, sem fasistastjórn Mussolinis
setti árið 1938. Þegar hann var
spurður hvort hann teldi fasism-
ann hafa verið „algjöra illsku“
vildi hann ekki taka svo djúpt í
árinni: „Ég tel ekki svo vera og
hef aldrei talið svo vera: fasism-
inn var flóknara fyrirbæri en
svo,“ sagði hann. - gb
Borgarstjórinn í Róm:
Neitar að for-
dæma fasisma
GRAFIR HINNA LÁTNU Í árásinni á Azizabad fyrir hálfum mánuði eru tugir almennra
borgara sagðir hafa fallið. NORDICPHOTOS/AFP
Vilja fresta frumvarpi
Ungir jafnaðarmenn, ungliðahreyfing
Samfylkingarinnar, skora á flokkinn
að slá frumvarpi heilbrigðisráðherra
um sjúkratryggingar á frest. Í ályktun
þeirra segir að frumvarpið gangi í
grundvallaratriðum gegn stefnu Sam-
fylkingarinnar.
STJÓRNMÁL
VEISTU SVARIÐ?