Fréttablaðið - 09.09.2008, Blaðsíða 24
9. SEPTEMBER 2008 ÞRIÐJUDAGUR8 ● fréttablaðið ● fl utningar
Dýralæknirinn Sif Traustadóttir er sérfræðingur í atferli dýra. Hún segir hunda, ketti og stóra fugla eiga erfiðast með að skipta um
heimkynni. FRÉTTABLAÐIÐ/GVA
Það tekur tíma að aðlagast
nýjum heimkynnum, ekki síst
fyrir vanaföst gæludýr, en til
eru ýmis úrræði sem bægja frá
þeim kvíða og streitu.
„Flutningar geta valdið gæludýr-
um miklum kvíða og streitu, og
eru kettir, hundar og stærri fuglar
dæmi um afar vanaföst gæludýr,“
segir Sif Traustadóttir dýralæknir
og sérfræðingur í atferli dýra.
„Köttum þarf að halda inni í
allt að tvær vikur á nýjum stað,
því annars vilja þeir leita aftur á
gamla heimilið og algengt að þeir
reyni strok við fyrsta tækifæri,“
segir Sif og bætir við að dýr geri
sér vitaskuld enga grein fyrir því
sem er að gerast hjá heimilisfólk-
inu og erfitt sé að útskýra flutn-
inga fyrir þeim.
„Því er eðlilegt að þau vilji fara
heim sem fyrst aftur og vera þar
áfram. Kettir geta farið um mjög
langan veg í leit að gamla heimil-
inu og reyna jafnvel að flytja inn
á nýju íbúana, eða þá nágranna
á gamla staðnum, til þess eins
að þurfa ekki að segja skilið við
gamla hverfið sitt. Gott ráð er
að sjóða fisk og gera köttum gott
svo þeir fái strax matarást á nýja
staðnum,“ segir Sif.
„Hundar eru oftast sáttari við
ný heimkynni því þeim líður vel
innan um fólkið sitt og fara sjaldn-
ast út nema í taumi. Nagdýr, fisk-
ar og önnur gæludýr í búrum eru
ekki eins viðkvæm fyrir flutningi
því þau eru vön búri sínu sem föst-
um samastað,“ segir Sif og bend-
ir gæludýraeigendum á sérstök
lyktarhormón sem fáanleg eru
hjá dýralæknum og gagnast vel í
kringum flutninga.
„Þetta eru ferómón sem hafa
slakandi og róandi áhrif, og hjálpa
dýrum að komast yfir streitu og
kvíða. Hormónin fást í úðabrúsa
eða kló sem stungið er í innstungu
og við það gufa upp ferómón sem
dýrin skynja. Klóin dugar í mánuð
og best að setja hana strax í sam-
band á gamla staðnum meðan
pakkað er og aftur á nýja staðn-
um þegar þangað er komið. Katt-
arhormónið inniheldur efni sem
kettir framleiða í andlitskirtlum
og nota til að merkja sér svæði
þegar þeir nudda sér utan í hús-
gögn og skálmar fólks, en hunda-
hormónið inniheldur efni sem
tíkur framleiða í kirtlum kringum
spena sína og tengjast mjólkurgjöf
og umhirðu hvolpa. Hvort tveggja
er heimilisleg lykt sem veitir ró-
andi tilfinningu,“ segir Sif.
„Öllum gæludýrum þarf að sýna
meiri athygli og hlýju í kringum
flutninga, gleyma ekki að sinna
þeim og hafa þau ekki útund-
an þótt annríkið sé mikið. Þegar
streita leggst á ketti vilja þeir fela
sig, leggjast undir rúm, ekki gefa
sig að fólki og reyna að strjúka, en
hundar ýmist draga sig í hlé eða
taka upp á óþekkt sem þeir ann-
ars gera ekki,“ segir Sif og tekur
fram að gruni gæludýraeigend-
ur að dýr þeirra séu haldin sjúk-
dómi, eða viti til þess að þau séu
lasin, með til að mynda flogaveiki,
þurfi að fylgjast sérstaklega vel
með þeim meðan á flutningunum
stendur. - þlg
Góð ráð við streitu
og kvíða gæludýra
Flutningar milli landa geta verið
umfangsmiklir og að mörgu þarf
að huga. Eitt er að pakka niður
heilli búslóð og velja það sem taka
á með, og annað er sá frumskógur
eyðublaða sem þarf að fylla út og
ganga frá. Hjá fyrirtækinu Pökk-
un & flutningar ehf. er boðið upp
á þá þjónustu að fá allri búslóðinni
pakkað niður og tekna upp á nýja
heimilinu sé þess óskað. Fyrirtæk-
ið getur annast flutninga á áfanga-
stað og einnig sjá starfsmenn fyr-
irtækisins um alla þá pappírs-
vinnu sem fylgir flutningunum,
svo sem farmbréf, tollafgreiðslu
og annað. Fyrirtækið gerir tilboð
í hvert verk. Nánari upplýsingar á
www.propack.is.
Fyrirhafnarlitlir
flutningar
Flutningabílstjórar þurfa hvíld
og næringu á ferðum sínum um
landið og til þess hafa þeir sína
föstu viðkomustaði. Einn þeirra
er Shellskálinn í Freysnesi í Ör-
æfum. Bílstjórar sem aka milli
Suðaustur- og Austurlands eiga
þar vísan kvöldmat fimm daga
vikunnar. Hafdís Gunnarsdóttir
er yfirkokkur í skálanum og við
slógum á þráðinn til hennar síð-
degis í gær.
Hafdís, hvað ertu með í pott-
unum fyrir kvöldið?
„Ég verð með lambalæri
kryddað með blóðbergi, birki og
öðrum villijurtum úr umhverf-
inu, brúnaðar kartöflur, sósu,
salatbar og súpu.“
Er lambakjötið vinsælt hjá bíl-
stjórunum?
„Já, það er uppáhaldið.“
Áttu von á mörgum í mat?
„Það eru tólf til fimmtán
manns í trukkaflotanum bæði á
austur- og suðurleið og svo koma
alltaf einhverjir inn af götunni
líka.“
Eftirmatur?
„Ekki í kvöld, býst ég við en
stundum bý ég til eitthvað gott
í eftirmat. Það verður að vera
tilbreyting í þessu. Svo er alltaf
kaffi á könnunni.“ - gun
Krydd úr umhverfinu
Hafdís, til vinstri, eldar fyrir flutningabílstjórana fimm daga vikunnar og afgreiðir
mat til ellefu á kvöldin. MYND/SIG.GUNNARSSON
N3 • www.n3.is
Ásmundur • S: 899 7424
N3 fl ytur fyrir þig
Búslóð og vörufl utningar N3.is
4