Fréttablaðið - 09.09.2008, Blaðsíða 42

26 9. september 2008 ÞRIÐJUDAGUR
sport@frettabladid.is
> Mikil pressa á Burley
George Burley, landsliðsþjálfari Skota, er undir mikilli
pressu þegar Ísland og Skotland mætast á morgun. Skoskir
fjölmiðlar tala um að þetta sé líklega einn mikilvægasti
leikurinn á ferli Burley og telja að hann gæti fengið að
fjúka nái Skotar ekki hagstæðum úrslitum á Laugardalsvelli.
Burley hefur reynt að hressa upp á þunglamalegt lið Skota
síðan hann tók við en með litlum árangri. Er því spáð að
hann muni fara í gamalkunnar leikaðferðir gegn Íslandi þar
sem skoska liðið ráði lítið við léttleik-
andi bolta. Yfir 75 prósent lesenda Daily
Record, sem er stærsta blað Skotlands,
segja að Burley ætti að taka pokann sinn
ef Skotland tekur ekki þrjú stig á Laugar-
dalsvelli.
Harry Redknapp, knattspyrnustjóri Portsmouth, hefur undanfarið
verið að prófa sig áfram með leikkerfi þar sem hann beitir sóknar-
bakvörðum í fimm manna varnarlínu og þar hafa vinstri bakverðirnir
og lánsmennirnir Armand Traore frá Arsenal og Nadir Belhadj frá
Lens verið teknir fram yfir Hermann Hreiðarsson. Redknapp
segir hins vegar í nýlegu viðtali á stuðningsmannasíðu
Portsmouth að Hermann hafi enn gríðarlega mikilvægu
hlutverki að gegna innan félagsins.
„Hermann er karakter sem þú vilt hafa í kringum
þig. Þvílíkur keppnismaður, sem veldur þér aldrei
vonbrigðum og gefur alltaf gjörsamlega allt
sem hann getur. Ég sé hann ekki fyrir mér
sem sóknarbakvörð, en hann er varnar-
sinnaðri en bæði Traore og Belhadj og
getur spilað sem miðvörður eða vinstri
bakvörður í fjögurra manna varnar-
línu og einnig sem miðvörður í fimm
manna varnarlínu,“ segir Redknapp.
Hermann tekur aukinni samkeppni um stöður í
byrjunarliði hjá Portsmouth með stóískri ró.
„Það er fínt að fá samkeppni og svoleiðis en ætli ég neyðist ekki
bara til þess að fara að æfa hægri kant í staðinn. Það var að opnast
staða í liðinu þar vegna meiðsla,“ segir Hermann á léttum nótum.
Hermann hefur, líkt og Redknapp um Hermann, ekkert nema
góða hluti að segja um Redknapp.
„Redknapp er mikill karakter. Hann er náttúrulega gríðarlega virt-
ur á Englandi og álit hans er þar hvarvetna mikils metið. Það er því
gaman að sjá hvernig hann nálgast hlutina og ekkert nema jákvætt
að vera búinn að vinna með honum í þetta
rúma ár sem ég hef verið hjá félaginu.
Hann er líka mikill húmoristi og er einn
af þessum ensku knattspyrnustjórum
af gamla skólanum og hugmynda-
fræði hans er lituð af því. Hann sagði
okkur til að mynda einu sinni að það
væri jú flott að borða fullan disk af pasta, en
það myndi samt ekkert bæta fótboltahæfileika
leikmanna,“ segir Hermann.
HERMANN HREIÐARSSON: SEGIR FRÁBÆRT AÐ VINNA MEÐ HARRY REDKNAPP, KNATTSPYRNUSTJÓRA PORTSMOUTH
Það bætir ekki fótboltahæfileikana að borða pasta
FÓTBOLTI Íslendingar taka á móti
Skotum á Laugardalsvelli annað
kvöld. Leikurinn gegn Norðmönn-
um á laugardag gaf góð fyrirheit
um framhaldið og verður áhuga-
vert að sjá hvernig lærisveinar
Ólafs Jóhannessonar mæta til
leiks. Fréttablaðið fékk Guðjón
Þórðarson, fyrrum landsliðsþjálf-
ara, til þess að spá í spilin.
„Þessi leikur er mjög mikil-
vægur fyrir báða aðila. Það var
áfall fyrir Skota að tapa í Make-
dóníu. Skotarnir hefðu reyndar
getað sagt sér að það yrði erfiður
leikur. Við fengum fín úrslit á
laugardaginn en þau úrslit verða
ekki fín nema við fáum aftur fín
úrslit gegn Skotunum,“ sagði
Guðjón.
Batamerkin á leik íslenska liðs-
ins glöddu Guðjón. „Það var rosa-
legur munur frá því sem áður var.
Þetta var kannski ekki endilega
góður fótboltaleikur en það skipti
ekki öllu máli á þessum tíma-
punkti. Það sem skipti öllu máli
var hugarfarið. Menn komu tvisv-
ar til baka og sýndu karakter.
Þessi frammistaða kom mér ekk-
ert endilega á óvart enda hefur
maður verið að bíða eftir því að
liðið færi í gang.
Ég hef beðið eftir því að sjá
menn klára vinnuna sína. Það
stóðu sig margir vel í þessum leik
og það er mikilvægt að fá mann
eins og Heiðar aftur inn. Vinnan á
liðinu var miklu betri en áður og
getur enn batnað. Það var mjög
ánægjulegt að fylgjast með
þessu,“ sagði Guðjón.
Ólafur Jóhannesson tók við
landsliðinu í mjög döpru ástandi.
Leikur liðsins var í molum og það
sem verra var að þá virtust marg-
ir leikmenn hreinlega ekki nenna
að leggja sig fram af heilum hug
og var mikið talað um agaleysi í
hópnum, innan vallar sem utan.
Framförin á stuttum tíma er því
talsverð.
„Það sem er skrítnast af öllu er
að það þurfi að mótivera menn í
landsleiki. Menn sem mæta í
landsleiki eiga að hafa það eitt að
markmiði að leggja sig 120 pró-
sent fram. Það er í fyrsta skipti
núna í langan tíma sem við sjáum
almennilegt vinnuframlag hjá
leikmönnum. Ef allir hefðu spilað
á hámarksgetu gegn Noregi hefði
Ísland unnið leikinn.“
Guðjón var ánægður með fram-
lag Eiðs Smára Guðjohnsen í Ósló
en vill sjá meira frá honum.
„Eiður þarf að gefa meira af sér í
landsliðið en hann er að gera.
Hann getur það vissulega og
þegar það kemur mega menn fara
að passa sig á okkur.“
Riðill Íslands er afar áhuga-
verður en það er erfitt að halda
því fram að himinn og haf séu á
milli getu íslenska liðsins og
hinna liðanna í riðlinum fyrir
utan Holland. Guðjón segir að
möguleikar séu svo sannarlega
fyrir hendi í stöðunni.
„Ég held að Hollendingar séu
enn að hlæja yfir þessum riðli
sem þeir lentu í. Allar hinar þjóð-
irnar geta svo lent í öðru sæti.
Riðillinn er þannig að við getum
allt eins lent í öðru sæti riðilsins
eins og því síðasta. Ég held að
þetta verði mjög snúið og heima-
völlurinn okkar verður að standa.
Leikmenn mega aftur á móti
ekki falla í þá gryfju að halda að
hlutirnir gerist af sjálfu sér þegar
heim er komið. Leikurinn í Nor-
egi á að gefa mönnum byr í segl-
in og gefa mönnum þá tiltrú sem
til þarf að ná úrslitum því það er
svo sannarlega hægt,“ sagði Guð-
jón sem telur það vinna með
Íslandi að mikil pressa sé á Skot-
unum.
„Skotarnir eru að mörgu leyti
öðruvísi en Norðmenn en ég tel
samt að Skotarnir séu ekki mikið
sterkari en Norðmenn,“ sagði
Guðjón en hann vill að menn
stefni á þrjú stig gegn Skotum.
„Ég held að það sé eitthvað sem
við verðum að ætla okkur. Ef
maður ætlar sér aldrei að sigra
þá sigrar maður aldrei. Við erum
með fullt af frambærilegum leik-
mönnum í liðinu og við verðum að
standa fast í fæturna og ætla
okkur hlutina,“ sagði Guðjón sem
segir liðið hafa verið sinn versta
andstæðing hingað til.
„Við höfum ekki farið á fulla
ferð í langan tíma og trúað því að
við gætum náð úrslitum. Það þarf
að breytast núna,“ sagði Guðjón
Þórðarson. henry@frettabladid.is
Getum náð öðru sæti riðilsins
Guðjón Þórðarson, fyrrum landsliðsþjálfari, segir Ísland vel geta náð öðru sætinu í sínum riðli í undan-
keppni HM. Hann segir liðið líka geta lent í neðsta sæti. Það gleður Guðjón að sjá almennilegt vinnufram-
lag hjá leikmönnum landsliðsins á ný og hann vill að menn hafi trú á því að þeir geti náð góðum úrslitum.
KÁTUR Frammistaða Íslands gegn Noregi gladdi Guðjón Þórðarson. Hann vill sjá að
leikmenn hafi áfram trú á því sem þeir eru að gera. FRÉTTABLAÐIÐ/VALLI
FÓTBOLTI Enn þrengist hringurinn
í stjóraleit West Ham. Nú er ljóst
að Slaven Bilic og Michael
Laudrup taka ekki við liðinu og
valið virðist því standa á milli
Ítalanna Roberto Donadoni og
Gianfranco Zola.
Laudrup ákvað í gær að taka
við knattspyrnustjórastöðunni hjá
Spartak Moskvu og mun hann
vera búinn að samþykkja 18
mánaða samning.
Bilic ítrekaði enn og aftur í gær
vilja sinn til að standa við gerða
samninga við króatíska knatt-
spyrnusambandið og kvaðst því
ekki vera að fara að taka við West
Ham. - óþ
Stjórastaðan hjá West Ham :
Donadoni og
Zola líklegastir
FÓTBOLTI Lokaleikur U-21 árs liðs
karla í undankeppni fyrir EM
2009 fer fram á Víkingsvelli í dag.
Þá mæta strákarnir liði Slóvakíu
en leikurinn hefst klukkan 17.00.
Það verður seint sagt að Lúkas
Kostic og drengirnir hans hafi
gert stórkostlega hluti í undan-
keppninni en Ísland situr í
næstneðsta sæti riðilsins með
jafn mörg stig og Kýpur.
Aðeins einn sigur hefur unnist,
liðið hefur gert þrjú jafntefli og
tapað þrem leikjum. Þá hefur
liðið aðeins skorað fimm mörk í
sjö leikjum sínum. - hbg
U-21 árs lið karla:
Mætir Slóvök-
um í Víkinni
ÞJÁLFARARNIR Lúkas Kostic og Magnús
Gylfason hafa ekki gert merkilega hluti
með U-21 árs liðið. FRÉTTABLAÐIÐ/DANÍEL