Fréttablaðið - 10.09.2008, Blaðsíða 10

10 10. september 2008 MIÐVIKUDAGUR
STJÓRNMÁL „Það kemur ekki á
óvart að Kristinn H. Gunnarsson
komi í bakið á samherjum sínum.
Hann hefur gert það margoft
áður,“ segir Magnús Þór Haf-
steinsson, varaformaður Frjáls-
lynda flokksins.
Kristinn H. Gunnarsson, þing-
flokksformaður Frjálslynda
flokksins, skrifaði pistil á heima-
síðu sína í gær þar sem hann býður
flóttafólk, sem nú er nýkomið til
Akraness, velkomið
til landsins.
Þar segir hann
meðal annars að
stjórnmálamenn
hafi mikilvægt
hlutverk við mót-
töku flóttamanna,
„að fræða og vinna
bug á bábiljum og
fákunnáttu“. Það
versta sem hægt sé
að gera sé að nálgast
málin á neikvæðan
hátt og vekja upp
„ótta í garð þeirra
sem hingað koma
frá ólíkum
menningarheim-
um“.
Kristinn segir að þessum orðum
sé ekki sérstaklega beint gegn
Magnúsi. „Hins vegar kom í ljós í
vor að við höfum ekki sömu sýn á
komu flóttamanna og hlutverk
íslenskra stjórnvalda í þeim
efnum,“ segir Kristinn. Hann sé
hins vegar að skrifa í samræmi
við samþykkt þingflokksins frá
því í vor, þar sem fram kom að
auka eigi aðstoð við flóttamenn,
bæði með því að taka á móti fleira
fólki og auka aðstoð á vettvangi.
„Ef Magnús Þór er efnislega ósam-
mála mér, þá er hann efnislega
ósammála ályktuninni.“ segir
Kristinn.
Magnús Þór segist aldrei hafa
talað illa um flóttafólkið, bara
spurt eðlilegra spurninga. „Ég
hef kynnt mér þessi mál mjög
vel fyrir 400 síðna bók um inn-
flytjendamál sem kemur
út í haust,“
segir
Magnús. „Kristinn skrifar þarna
af fordómum og fáfræði, en hann
verður að eiga það við sjálfan sig.
Það verður að vera hægt að ræða
þessi mál og spyrja spurninga.“
Í undirbúningi fyrir bókina seg-
ist Magnús hafa kynnt sér vel
þróun innflytjendamála á hinum
Norðurlöndunum og það sé mikil-
vægt að Íslendingar læri af þeirri
reynslu. „Við erum tuttugu árum á
eftir þeim í þessari þróun. Ef þessi
straumur innflytjenda fer líka að
liggja hingað,
þá þurfum
við að vera
undirbú-
in.“
„Þeir
hafa greini-
lega sína
skoðun á því
hvernig hinn
talar,“ segir
Guðjón Arnar
Kristjánsson,
formaður
Frjálslynda
flokksins.
„Ef menn
eru ósam-
mála
þarf að
leysa
það
innan flokksins. Mitt hlutverk er
að láta fólk ræða saman.“ Hann
segist munu ræða bæði við Kristin
og Magnús um deilur þeirra á
milli. svanborg@frettabladid.is
Varaformaður frjálslyndra
sakar Kristin um fordóma
Magnús Þór Hafsteinsson segir Kristin H. Gunnarsson skrifa af fáfræði og fordómum um innflytjendamál.
Kristinn segist skrifa í samræmi við samþykkt þingflokksins. Guðjón Arnar ætlar að miðla málum.
KRISTINN H. GUNNARSSON OG MAGN-
ÚS ÞÓR HAFSTEINSSON Varaformaður og
þingflokksformaður Frjálslynda flokksins
eru enn ósammála um innflytjendamál.
Magnús Þór segist hafa nýlokið við 400
blaðsíðna bók um innflytjendamál sem
komi út í haust.
FRÉTTABLAÐIÐ/SAMSETT MYND
„Stjórnmálamenn hafa mikilvægt
hlutverk í þessum málum. Þeir
hafa þær skyldur umfram marga
aðra að fræða og vinna bug á
bábiljum og fákunnáttu. ...
Það versta sem hægt er að gera
er að nálgast málin á neikvæðan
hátt með því að efast um þetta
og hitt og vekja þannig upp ótta
í garð þeirra sem hingað koma
frá ólíkum menningarheimum.
Slíkt reisir múr óttans gagnvart
útlendingunum sem þarf svo að
leggja mikla vinnu í að fella til
jarðar svo vel til takist með mót-
töku þeirra og aðlögun. Jákvæð
nálgun er betri og líklegri til þess
að tryggja góðan árangur og hún
er líka líklegri til þess að vinna bug
á slæmum ranghugmyndum sem
kynnu ef til vill að vera á kreiki.“
Af www.kristinn.is
STJÓRNMÁLA-
MENN OG
INNFLYTJENDUR
best
„Það er auðvitað
að fá alltaf Vildarpunkta þegar maður
notar kortið sitt, bæði heima og erlendis.“
er útgefandi American Express® á Íslandi
Tvöfaldi
r
Vildarpu
nktar
í septem
ber
Gildir af
allri velt
u
PALIN OFURHETJA Sarah Palin, rík-
isstjóri Alaska, átti óvænta innkomu
í bandarísk stjórnmál sem varafor-
setaefni repúblikana. Nú er farið að
framleiða leikfangadúkkur þar sem
hún er í gervi ofurhetju. FRÉTTABLAÐIÐ/AFP
MENNING Kristín Helga Gunnars-
dóttir hlaut í gær Barna- og
unglingabókaverðlaun Vestnor-
ræna ráðsins fyrir bók sína
Draugaslóð.
Í rökstuðningi dómnefndar
segir að bókin sé kærkomin fyrir
unglinga á öllum aldri, sagan sé
full af mótsögnum þar sem
draumur og veruleiki skarist
áþreifanlega, en samspil þeirra
hjálpi til við að leysa leyndardóm-
inn í bókinni. Draugaslóð er sögð
auðug saga af líflegum og
sterkum persónum sem lesendur
trúa á, stíllinn leikandi og
fagmannlegur, tilgerðarlaus en þó
ávallt fallegur. Verðlaunin, ein
milljón króna, eru veitt annað
hvert ár og þetta er í fjórða sinn
sem þau eru afhent. - ovd
Vestnorræna ráðið:
Kristín Helga
verðlaunuð
FRÁ ALÞINGISHÚSINU Silja Aðalsteins-
dóttir, formaður íslensku dómnefndar-
innar, og Karl V. Matthíasson, varafor-
maður Vestnorræna ráðsins, afhenda
Kristínu Helgu verðlaunin.
REYKJAVÍK Velferðarráð Reykjavík-
ur hefur samþykkt nýja stefnu í
málefnum utangarðsfólks fram til
ársins 2012. Megináherslan er á að
efla samstarf og forvarnir, auka
reglubundna þjónustu, styrkja
tímabundin úrræði og fjölga lang-
tímaúrræðum.
„Með því að skapa skýra stefnu-
mótun í málefnum utangarðsfólks
er Reykjavíkurborg að setja sér
það markmið að leitast við að
koma í veg fyrir útigang, meðal
annars með því að efla þjónustu
við þá sem eru eða eiga á hættu að
verða utangarðs og að tryggja
öllum viðunandi húsaskjól,“ segir
í tilkynningu frá borginni.
„Utangarðs-
fólk glímir iðu-
lega við marg-
háttaðan
félags- og heil-
brigðisvanda,
er félagslega
einangrað og á
oft að baki fang-
elsisvistir og
sjúkrahúsdval-
ir,“ segir í
fréttatilkynn-
ingu frá borg-
inni.
„Samhliða
stefnumótunarvinnunni hefur
verið tekið á bráðavanda þessa
fólks. Á einu ári hefur skamm-
tímagistirýmum fjölgað um fjög-
ur og langtímagistirýmum um
átta. Á næstu vikum verða fleiri
rými tekin í notkun og verður
aukning gistirýma þá alls sextán
til tuttugu rými.
Þorleifur Gunnlaugsson borgar-
fulltrúi gagnrýnir að ekki sé tekið
á húsnæðismálum útigangsmanna
í vetur auk þess sem fólki verði
ekki hjálpað til að koma undir sig
fótunum og lifa eins og venjulegir
þegnar. Stefnumótunin taki aðeins
mið af því að koma fólkinu í
áfangahús. Þorleifur hefði viljað
að stefnudrögin hefðu verið send
til umsagnar. - ghs
ÞORLEIFUR
GUNNLAUGSSON
Velferðarráð Reykjavíkur samþykkir stefnu í málefnum utangarðsfólks:
Vill koma í veg fyrir útigang
DÓMSMÁL Sjö mótmælendur sem
tóku þátt í mótmælaaðgerðum
Saving Iceland á Hellisheiði í
sumar hafa verið dæmdir til
sektargreiðslna.
Fjórir einstaklinganna voru
einnig fundnir sekir um húsbrot.
Þeir fóru í heimildarleysi inn á
lokuð vinnusvæði þar sem unnið
var að virkjanaframkvæmdum á
heiðinni. Þeir voru dæmdir til að
greiða hundrað þúsund króna
sekt til ríkissjóðs. Hinir þrír voru
dæmdir til að greiða fimmtíu
þúsund króna sekt. Fólkið sem
um ræðir er frá Íslandi, Banda-
ríkjunum, Bretlandi, Danmörku,
Belgíu og Hollandi. - jss
Hellisheiðarvirkjun:
Sjö mótmæl-
endur sektaðir
FINNLAND Finnlands-sænskur
stjórnmálamaður, Birgitta
Dahlberg, hefur kært aðstoðar-
prestinn, séra Halvar Sandell,
fyrir að hafa sýnt ungu fólki
kvikmynd gegn fóstureyðingum.
Verið er að fara yfir það hvort
til dómsmáls getur komið, að
sögn Hufvudstadsbladet, en
aðstoðarpresturinn var útilokaður
frá fermingarundirbúningi í
sumar vegna þessa máls. - ghs
Borgarfulltrúi í Helsinki:
Kærir prest fyr-
ir kvikmynd