Fréttablaðið - 10.09.2008, Blaðsíða 21
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
FERÐALANGUR.NET býður upp á ítölskunámskeið fyrir ferðalanga í
september. Námskeiðin eru sniðin að þörfum þeirra sem ætla að ferðast um Ítalíu
og eru samblanda af hlustun, tali og málfræði. Hægt er að fara á hraðnámskeið
eða námskeið fyrir eldri borgara, fá einka-, fjar- eða hópkennslu.
„Ég fór með landsliðinu í blaki til
Nígeríu árið 2005 og er sú ferð ólík
öllu öðru sem ég hef kynnst. Við
upplifðum gífurlegar andstæður
og urðum bæði vitni að ofboðslegu
ríkidæmi og mikilli fátækt,“ segir
Fríða Sigurðardóttir, sem hafði
aldrei komið til Afríku áður.
„Við vorum í mjög góðu yfirlæti
á Hilton-hóteli inni á afgirtu svæði
en utan þess blasti fátæktin við á
hverju horni. Íslenski ræðis-
maðurinn í Abuja keyrði með
okkur um borgina og fór meðal
annars með okkur í lítið þorp
skammt hjá. Þar bjó fólk í moldar-
kofum og átti ekki annað en
spjarirnar sem það bar utan á sér,
sem gjarnan voru þróunarhjálpar-
föt með myndum af Madonnu eða
Eminem. Við gáfum þeim Smartís
og þau bitu það í tvennt til að deila
því á milli sín,“ lýsir Fríða og
neitar því ekki að hún hafi orðið
fyrir menningarsjokki. „Það var
ekki óalgengt að sjá kofahreysi úr
pappakössum öðru megin við göt-
una en glæsihallir hinu megin, en
auðinum er gífurlega misskipt í
landinu.“
Síðasta kvöldið kynntist Fríða
síðan syni Kofi Annan, fyrrverandi
aðalritara Sameinuðu þjóðanna.
„Hann bauð okkur upp í forseta-
svítuna í kampavín, sem undir-
strikaði enn frekar andstæðurnar.“
Fríða hefur stundað nám í
Bandaríkjunum síðastliðin sex ár
og þá bæði í Norður-Karolínu og
Georgíu. Þar spilaði hún með skóla-
liðinu í blaki og ferðaðist um
Bandaríkin þver og endilöng. Auk
þess notaði hún fríin í ferðalög um
Evrópu. Hún er nú komin heim í
bili en segist ávallt haldin útþrá.
„Því meira sem maður ferðast, því
þyrstari verður maður.“
vera@frettabladid.is
Menningarsjokk í Nígeríu
Arkitektinn Fríða Sigurðardóttir hefur ferðast vítt og breitt um heiminn bæði með landsliðinu í blaki og
á eigin vegum. Ferð til Nígeríu árið 2005 þykir henni eftirminnilegust allra.
Fríða varð bæði vitni að miklu ríkidæmi og fátækt í Nígeríu. FRÉTTABLAÐIÐ/STEFÁN
Alla föstudaga
• 5 tímar í skvass
• 5 tímar í Golf
• máltíð á BK Kjúkling
• 5 tímar í ljós
• frítt í allar ÍTR sundlaugarnar
• frír mánuður fyrir vin
• tækjakennsla
• bolur
• brúsi
Sport
Klúbburinn