Fréttablaðið - 11.09.2008, Blaðsíða 2

2 11. september 2008 FIMMTUDAGUR
Friðfinnur, eruð þið orðnir
volgir?
„Já, holan er reyndar með smá
ólund við okkur, en svei mér – við
erum bara orðnir heitir!“
Fyrirtækið Alvarr hefur borað eftir heitu
vatni í Grímsey og fundið hita í jörðu.
Friðfinnur Daníelsson er vongóður um að
finna heitt vatn á 600 metra dýpi.
SJÓSLYS „Það er stóralvarlegt mál
ef olíuskip missir allt afl í þröngri
innsiglingu,“ segir Guðmundur M.
Kristjánsson, hafnarstjóri Ísa-
fjarðarhafna, sem á þriðjudags-
kvöldið var hafnsögumaður um
borð í olíuskipinu Leoni Theresa
þegar það strandaði á sandrifi við
Ísafjörð.
„Við vorum að sigla inn hjá svo-
kölluðum fyrstumerkjum á leið í
innsiglinguna inn sundin þegar
drapst á báðum vélum samtímis og
öll stjórntæki duttu út,“ segir Guð-
mundur. Skipið hafi þá verið á
minnstu ferð, sex og hálfri sjómílu
enda innsiglingin þröng.
„Þá var gefin sú fyrirskipun að
láta ankeri falla, aðallega til að
reyna að draga úr ferð skipsins.“
Við það beygði skipið af leið og
lenti upp í sandbakka. Annars hefði
það lent í grjóthleðslu við flugvöll-
inn. „Þannig að það má segja að af
tvennu illu þá er betra að stranda
þarna,“ segir Guðmundur. Við-
brögð hafi því
verið alveg rétt.
Hann segir
mjög óvenjulegt
að báðar vélar
skips drepi á sér
á sama tíma.
„Vélarnar voru
alls ekki undir
neinu álagi því
þegar við tökum
skip hérna inn
sundið þá tökum við það alltaf á
hægustu ferð því það má ekkert
fara úrskeiðis.“
Hann segir að það hafi skipt
sköpum hversu fljótt var hægt að
tengja línu í skipið og varna því að
það legðist þvert fyrir innsigling-
una.
Um fimmtán mínútum eftir
strandið komst fyrri vélin í gang.
„Hálftíma síðar kom sú seinni inn
og eftir að við vorum komnir með
afl á báðar vélar þá tókst að losa
skipið af strandstað með hjálp
hafnsögubátsins.“ Enn var ekkert
afl á stjórntækjum skipsins svo
hafnsögubáturinn ýtti því upp að
bryggju.
Kafari skoðaði skipið og fullviss-
aði sig um að engar skemmdir
væru á botni þess en töluverð olía
er í tönkum þess.
Guðmundur segir að talsvert
högg hafi komið á skipið við strand-
ið. „Það er stóralvarlegt mál ef
olíuskip stranda en sem betur fer
fór þetta ekki illa.“ Margar flotkví-
ar eru í Skutulsfirði, meðal annars
þorskeldiskvíar. Mikil verðmæti
hefðu því getað tapast fyrir utan
tjón sem olíuleki getur haft á nátt-
úruna.
Þrír menn frá útgerðinni eru
væntanlegir til Ísafjarðar í dag til
að fara yfir málin. Á meðan bíður
skipið við bryggju á Ísafirði. „Ég
talaði við skipstjórann og hann gat
ekki útskýrt hvað það var sem í
raun og veru gerðist,“ segir Guð-
mundur. olav@frettabladid.is
Rétt viðbrögð komu
í veg fyrir stórslys
Viðbrögð skipstjórnenda olíuskips sem missti allt vélarafl í innsiglingunni við
Ísafjarðarhöfn komu í veg fyrir að skipið strandaði í grjóti við flugvöllinn. Olíu-
leki hefði getað valdið miklu tjóni í fiskeldiskvíum og á lífríki Skutulsfjarðar.
FRÁ STANDSTAÐ Leoni Theresa, 90 metra langt og 2.300 brúttótonna olíuskip með tólf manna rússneskri áhöfn á standstað við
innsiglinguna við Ísafjörð á þriðjudagskvöldið. MYND/HALLDÓR SVEINBJÖRNSSON
GUÐMUNDUR M.
KRISTJÁNSSON
ATVINNA Byrjað verður að hleypa
vatni að Ufsarstíflu í Jökulsá í
Fljótsdal í dag. Meðal starfs-
manna Ístaks þar er hin 22 ára
Víkurmær, Sigrún Bjarnadóttir,
sem hefur unnið við virkjanirnar
norðan Vatnajökuls í rúm tvö ár.
Þar stýrir hún hinum ýmsu
tækjum enda tók hún bæði
meirapróf og vinnuvélapróf áður
en hún hélt á fjöll og slík réttindi
segir hún hefð í sinni fjölskyldu.
Hún segir vélavinnuna betur
borgaða en mörg störf á láglend-
inu og lífið frábært á fjöllum.
Sjá sérblaðið Verk að vinna í miðju blaðsins
- gun
Sigrún Bjarnadóttir vélastjóri:
Betri laun en á
láglendinu
SIGRÚN BJARNADÓTTIR
UMHVERFISMÁL Umhverfisstofnun
gaf út í gær starfsleyfi vegna
álvers í Helguvík. Heimilt verður
að framleiða allt að 250.000 tonn
af áli árlega.
Norðuráli verður meðal annars
skylt að nýta sér bestu fáanlegu
tækni við mengunarvarnir.
Enn á eftir að tryggja álverinu
losunarheimildir og raforkuflutn-
ingar eru í óvissu.
Kristín Linda Árnadóttir,
forstjóri Umhverfisstofnunar,
segir þetta hafa verið reglulega
útgáfu á starfsleyfi. Fleira þurfi
þó til áður en álverið hefji
starfsemi. Til dæmis fyrr-
greindar losunarheimildir. - kóþ
Umhverfisstofnun:
Gaf út starfsleyfi
álvers í Helguvík
LÖGREGLUMÁL Lögreglan á
höfuðborgarsvæðinu lýsir eftir
þrítugum manni, Ivan Konoval-
enko að nafni. Samkvæmt
heimildum Fréttablaðsins er hann
grunaður um að hafa stungið
mann í lærið á Mánagötu aðfara-
nótt sunnudags og hefur hann
verið á flótta undan lögreglu.
Þrír hafa verið handteknir
vegna málsins. Tveir verða í
gæsluvarðhaldi þar til á morgun
en einum var sleppt eftir yfir-
heyrslur. - jse/jss
Hnífstungan á Mánagötu:
Hættulegur
maður á flótta
DÝRALÍF Lögreglunni á Ísafirði var
tilkynnt um hnúfubak sem rekið
hafði á fjöru í Þernuvík við Ísa-
fjarðardjúp í gær. Þegar lögregla
kom á vettvang var hvalurinn hins
vegar horfinn.
Lögreglumaður sem Fréttablað-
ið hafði samband við sagði í glettni
að eflaust hefði hvalurinn áttað
sig á því hver ætti hús þar fyrir
ofan fjöruna og drifið sig á brott.
Húsráðandi þar er nefnilega Kon-
ráð Eggertsson sem líklegast er
þekktasti hvalveiðimaður lands-
ins.
„Það kemur mér ekkert á óvart
að þarna hafi verið hvalur því það
hefur verið mikið líf í Djúpinu,“
segir Guðjón A. Kristjánsson, for-
maður Frjálslynda flokksins, en
hann á sumarhús í Þernuvík. „Nú
og ef hvalurinn hefur verið eitt-
hvað leiður á lífinu þá hefur það
verið alveg gráupplagt að taka
land í fjörunni hjá Konráði,“ segir
hann.
Á ísfirska fréttavefnum segir
Konráð frá því að Eyþór Þórðar-
son á Fiskistofu hefði séð dýrið á
lífi í fjörunni. - jse
Tilkynnt um hnúfubak í fjörunni í Þernuvík í Ísafjarðardjúpi:
Hvalur í túnfætinum hjá
Konna hvalveiðimanni
KONRÁÐ EGGERTSSON Venjulega þarf
hvalveiðimaðurinn að láta úr höfn til
að finna bráðina en Djúpsmenn sem
Fréttablaðið hafði samband við gantast
með það að nú hafi hvalurinn leitað
veiðimanninn uppi.
IVAN KONOVALENKO Lögreglan á höfuð-
borgarsvæðinu lýsir eftir honum.
HEILBRIGÐISMÁL Tveggja sólar-
hringa verkfall ljósmæðra hófst á
miðnætti í nótt, eftir að samninga-
fundi ljósmæðra og ríkisins lauk
án árangurs. Næsti fundur verður
á föstudag. Guðlaug Einarsdóttir,
formaður Ljósmæðrafélagsins,
segir ekkert nýtt hafa komið fram
í gær.
Ljósmæður hittust á vel sóttum
félagsfundi í gær og ræddu
stöðuna. Guðlaug segir ríkissátta-
semjara hafa mælst til að hún
kynnti niðurstöðu samningarfund-
arins í baklandi hennar. Fram hafi
komið að fullur einhugur sé meðal
ljósmæðra um að halda áfram
baráttunni og Guðlaug segist hafa
fullt umboð til að halda uppi
kröfum stéttarinnar. - ghs, kóþ
Ljósmæðrafélagið:
Aftur verkfall
UMHVERFISMÁL „Einangrið húsin
ykkar betur, við stefnum inn í nýja
litla-ísöld, líkari þeirri sem var á
17. öld. Og veturnir verða því
miður mjög kaldir á Norðurlönd-
unum,“ segir Fred Goldberg, sem
flytur erindið Sólin stjórnar öllu í
Norræna húsinu í dag.
Goldberg telur að mannleg áhrif
á loftslagsbreytingar séu meira en
lítið ofmetin. Mannkyn hafi ekki
einu sinni mælanleg áhrif á þær.
„Enginn talar um það að vatns-
gufur jafngilda um 98 prósentum
af þessum áhrifum, en koltvíoxíð
einu prósenti. Af þessu eina pró-
senti eru einungis fjögur prósent
af völdum manna,“ segir hann.
Goldberg fullyrðir jafnframt að
á síðustu tíu árum hafi engin hnatt-
ræn hlýnun verið. Á áttunda ára-
tugnum hafi verið helmingi fleiri
veðurstöðvar en voru eftir á þeim
tíunda.
Þetta rekur hann til endaloka
Sovétríkjanna, með þeim hafi
horfið flestar veðurstöðvar á köld-
um svæðum Rússlands.
Goldberg, sem er vélaverkfræð-
ingur að mennt, mun einnig kunn-
gjöra rannsóknir sínar á haf-
straumum í dag. Þeir orsaki
loftslagsbreytingar, en hvernig
það gerist vill hann geyma til fyr-
irlestrarins, sem hefst klukkan
15.00. - kóþ
Fred Goldberg flytur erindi um loftslagsmál í Norræna húsinu í dag:
Stefnum inn í nýja litla-ísöld
FRED GOLDBERG Kom hingað beint
frá Grænlandi og dvelur hér á vegum
sænska sendiráðsins, sem hélt honum
og félögum hans móttöku í gærkvöldi.
FRÉTTABLAÐIÐ/VALLI
IÐNAÐUR „Við munum aldrei
fallast á að Jökulsá á Fjöllum
verði tekin og ég tel að verkefnis-
stjórnin muni ekki eyða miklum
tíma eða fé í að meta þann kost,
eða Gullfoss og Geysi, það virkar
eiginlega hálfkjánalega að hugsa
til þess,“ segir Össur Skarphéð-
insson iðnaðarráðherra.
Unnið er að rammaáætlun um
nýtingu vatnsafls og jarðvarma
og mun verkefnisstjórn meta
flesta virkjunarkosti landsins.
Össur segir margt í virkjana-
hugmyndum fortíðar virka
„absúrd“. Hann hafi þannig séð
skýrslu sem fjallaði um eina sjö
virkjunarkosti í því sem nú heitir
Vatnajökulsþjóðgarður. - kóþ
Iðnaðarráðherra um virkjanir:
Hálfkjánalegt
að meta Geysi
SPURNING DAGSINS