Fréttablaðið - 11.09.2008, Blaðsíða 22

22 11. september 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 419
3.968 -1,07% Velta: 4.948 milljónir
HLUTABRÉF Í ÚRVALSVÍSITÖLU: Alfesca 6,50 +0,00% ... Atorka 4,75
+0,00% ... Bakkavör 25,00 -2,72% ... Eimskipafélagið 10,25 +8,47%
... Exista 6,48 -3,57% ... Glitnir 14,00 -1,27% ... Icelandair Group
20,45 +0,49% ... Kaupþing 692,00 -0,58% ... Landsbankinn 21,90
-1,79% ... Marel Food Systems 85,00 +0,71% ... SPRON 3,21 -2,73%
... Straumur-Burðarás 8,48 -0,24% ... Össur 94,00 -0,32%
MESTA HÆKKUN
EIMSKIPAFÉLAGIÐ +8,47%
MAREL FOOD SYST. +0,71%
ICELANDAIR +0,49%
MESTA LÆKKUN
EXISTA -3,57%
SPRON -2,73%
BAKKAVÖR -2,72
Í dag eru sjö ár síðan
hryðjuverkamenn
rændu fjórum far-
þegaþotum og flugu
tveimur þeirra á
Tvíburaturnana í
New York í Banda-
ríkjunum. Talið er
að tæplega þrjú þús-
und manns hafi lát-
ist í árásunum.
Hryðjuverkin
höfðu gríðarlegar
afleiðingar í för með
sér. Hlutabréfa-
mörkuðum vestan-
hafs var lokað í viku.
Þegar viðskipti hóf-
ust aftur mánudag-
inn 17. september
féll Dow Jones-vísitalan um 7,1
prósent. Fall hennar nam 14 pró-
sentum þegar yfir
lauk.
Gengi bréfa í
hótelum og flugfé-
lögum lækkaði
mest.
Áhrifin smituðu
út frá sér á alþjóð-
lega markaði.
Úrvalsvísitalan í
Kauphöllinni, þá
Verðbréfaþingi
Íslands, féll um
2,63 prósent og
endaði hún í 1.027
stigum. Gengi Flug-
leiða féll um 10,9
prósent. Mest voru
viðskipti með bréf
Eimskipafélagsins
þennan örlagaríka dag, eða upp á
125 milljónir króna. - jab
Sjö ár frá árásinni
á Tvíburaturnana
TURNARNIR HRYNJA
Ábyrgð Eimskipafélagsins
vegna láns Landsbankans til
XL er hærri en sem nemur
markaðsvirði félagsins.
Björgólfsfeðgar ætla að taka
ábyrgðina yfir falli hún á
Eimskip. Þeir tengjast mál-
inu með ýmsum hætti.
Markaðsvirði Eimskipafélagsins
er minna en sem nemur ábyrgð
félagsins fyrir XL Leisure Group.
Við lokun markaða í gær var
markaðsvirði Eimskips tæplega
18,4 milljarðar króna.. Ábyrgðin
nemur hins vegar 280 milljónum
Bandaríkjadala, eða sem nemur
um 25,5 milljörðum íslenskra
króna, miðað við gengi dalsins í
gær.
Falli hún á Eimskip ætla Björ-
gólfsfeðgar og félagar þeirra að
kaupa kröfuna, það er ábyrgðina,
og fresta gjalddaga hennar.
Komið hefur til tals að ábyrgð-
inni verði breytt í hlutafé í Eim-
skipafélaginu, eftir því sem Mark-
aðurinn kemst næst.
Stjórnendur XL hafa árangurs-
laust reynt að endurfjármagna
félagið. Þeir munu hafa rætt við
Barclays banka og Straum-Burða-
rás.
Stjórn Eimskips telur auknar
líkur á að ábyrgðin falli á félagið.
Eigið fé Eimskips nam tæplega
288 milljónum evra, eða sem nemur
um 37 milljörðum króna, um mitt
árið.
Björgólfsfeðgar ætla að leggja
til 207 milljónir evra vegna ábyrgð-
arinnar, 26,6 milljarða króna; hátt í
þrír fjórðu af eigin fé Eimskips
hafa því verið bundnir ábyrgðinni.
Landsbankinn lánaði stjórnend-
um XL fyrir kaupunum á sínum
tíma.
Heimildarmenn Markaðarins
segja að aðgerðir Björgólfsfeðga
virðist eiga að koma í veg fyrir að
Landsbankinn tapi á láninu til
stjórnenda XL. Það geti haft ýmsar
afleiðingar, þyrfti banki að afskrifa
milljarða hjá einum skuldara.
Björgólfsfeðgar eiga ráðandi
hlut í Eimskipafélaginu, Lands-
bankanum og Straumi-Burðarási.
Landsbankinn lánaði fyrir XL og
Eimskip ábyrgðist lánið, þar til
feðgarnir tóku sjálfir við.
Þá er XL helsti stuðningsaðili
knattspyrnufélagsins West Ham.
Þar er Björgólfur Guðmundsson
stjórnarformaður.
Verð á hlutabréfum í Eimskipa-
félaginu hríðféll fyrr í vikunni en
hækkaði í gær eftir að feðgarnir
tóku við ábyrgðinni.
Kauphöllin stöðvaði viðskipti
með hlutabréf í Eimskipafélaginu í
fyrradag, vegna þess að einhverjir
kynnu að hafa vitað meira en aðrir
um stöðu mála. Samkvæmt heim-
ildum Markaðarins hefur Fjár-
málaeftirlitinu verið bent á það.
ingimar@markadurinn.is
Markaðsvirði Eimskips
minna en XL ábyrgðin
TÍMI TIL AÐ FAGNA? Björgólfsfeðgar
ábyrgjast lán Landsbankans til XL í
stað Eimskipafélagsins. XL auglýsir
á búningum West Ham. Björgólfur
Guðmundsson stýrir bæði bankanum
og knattspyrnufélaginu. Feðgarnir eiga
ráðandi hlut í Eimskipafélaginu.
20. febrúar 2004 - Air Atlanta kaupir
40,5 prósent í Excel Airways. Kaup-
verð nam 29,9 milljónum punda,
3,8 milljörðum króna að þávirði.
15. október 2004 - Avion Group
tekur til starfa. Í Avion Group eru
Air Atlanta Icelandic, Íslandsflug, Air
Atlanta Europe og Excel Airways.
10. apríl 2006 - Excel Airways kaupir
breska ferðaskrifstofu sem sérhæfir
sig í ferðum til Grikklands.
10. júlí 2006 - Stjórnendaskipti hjá
Excel Airways. Magnús Steph en-
sen tekur við forstjórastólnum í
september.
5. september 2006 - Magnús
Þorsteinsson, starfandi stjórnar-
formaður Avion Group, sest í stól
stjórnarformanns hjá Excel.
30. október 2006 - Avion Group
selur XL Leisure Group. Bókfærður
hagnaður fyrir skatta nam 7,3 millj-
örðum. Avion Group tekur á sig
bakábyrgð vegna kaupanna upp á
280 milljónir dala. Ábyrgðin gilti til
1. mars á þessu ári.
STIKLAÐ Á STÓRU
Ný lög um leikskóla, grunnskóla, fram-
haldsskóla og menntun og ráðningu
kennara og skólastjórnenda skapa
nýja umgjörð um skólastarf hér á landi.
Framundan er mikilvægt starf við að
móta áherslur í framkvæmd nýrrar
menntastefnu og hvetur menntamála-
ráðuneytið alla til að leggja þar sitt
af mörkum.
Þátttaka er ókeypis og öllum opin en
óskað er eftir að þátttakendur skrái sig
á vefsíðunni www.nymenntastefna.is.
Þar er einnig að finna frekari upplýsing-
ar um Menntaþingið og kynningarfundi
haustsins.
www.nymenntastefna.is
NÝ MENNTASTEFNA - NÁM ALLA ÆVI
HVAÐA TÆKIFÆRI FELAST Í NÝRRI MENNTASTEFNU?
Þátttaka í Menntaþinginu er ókeypis.
Skráningu og frekari upplýsingar má finna á www.nymenntastefna.is
8:30 - 9:00 Móttaka ráðstefnugesta
9:00 - 9:50 Ný menntastefna
Þorgerður Katrín Gunnarsdóttir, menntamálaráðherra
Umræður
9:50 - 10:10 Kaffi
10:10 - 11:10 Hlutverk kennarans á 21. öldinni - Catherine Lewis
Umræður
11:10 - 11:25 Kaffi
11:25 - 12:20 Framkvæmd nýrrar menntastefnu
Málstofur
12:20 - 13:00 Hádegisverðarhlé
13:00 - 14:05 Ný menntastefna í alþjóðlegu samhengi - Jens Bjornavold
Umræður
14:05 - 14:30 Kaffi
14:30 - 15:30 Málstofur
15:30 - 16:00 Ráðstefnuslit - Þorgerður Katrín Gunnarsdóttir, menntamálaráðherra
16:00 - 16:30 Léttar veitingar
DAGSKRÁ
MENNTAÞING 12. SEPTEMBER Í HÁSKÓLABÍÓI