Fréttablaðið - 11.09.2008, Blaðsíða 42
11. SEPTEMBER 2008 FIMMTUDAGUR6 ● fréttablaðið ● verk að vinna
Hin 22 ára Sigrún Bjarnadóttir
fer ekki troðnar slóðir þegar
kemur að atvinnu. Hún starfar
á virkjanasvæðinu norðan
Vatnajökuls og stjórnar þar
stórum tækjum.
Sigrún á heima í Vík en er starfs-
maður Ístaks, vinnur við Ufsar-
veitu og býr í Kelduárbúðum.
„Ég er búin að vera í rúm tvö ár
á virkjanasvæðinu nema hvað
ég tók sumarfríið í ár í að sinna
ferðaþjónustu í Þakgili í Mýrdal
sem foreldrar mínir reka.“
Þakgil er nokkuð langt frá al-
faraleið og því er ljóst að Sigrún
unir sér vel í óbyggðum. En hvað
kom til að hún fór á fjöll í upphafi?
„Mig langaði bara að prófa og
sótti um hjá Arnarfelli, var fyrst
á vörubílum og búkollum og svo
á mismunandi vinnuvélum enda
tók ég bæði meiraprófið og vinnu-
vélaprófið áður en ég byrjaði,“
segir hún og bætir við að hefð sé
fyrir því í fjölskyldunni að vera
með slík réttindi. Mamma hennar
sé þó bara með meirapróf.
Sigrún kveðst um tíma hafa
verið mest á pallbor og borað
fyrir sprengjum á yfirborði jarð-
ar, meðal annars til að losa grjót í
stíflur. „Nú er ég aðallega að ýta
jarðvegi við Ufsarstíflu því það
á að hleypa vatninu á hana þann
11. þessa mánaðar.“ Hún segir
tíðarfarið gott á hálendinu eins og
er en hún hafi vissulega kynnst
þar vondum veðrum. „Á veturna
er hér mikill snjór og stundum
rosaleg veður,“ lýsir hún. En hvað
líkar henni best við fjalladvölina?
„Þetta er betur borgað en mörg
störf á láglendinu. Svo er hér
skemmtilegur hópur og góður
andi. Það er þægilegt að vera hér
og ég hef aldrei fundið fyrir heim-
þrá.“ - gun
Aldrei með heimþrá
Sigrún kveðst hoppa dálítið á milli tækja en einna best líkar henni að bora fyrir
sprengjum með pallbor. FRÉTTABLAÐIÐ/GUN
Að ýmsu er að huga þegar gengið er frá sumarbústaðnum fyrir veturinn.
FRÉTTABLAÐIÐ/PJETUR
Ef sumarbústaður er óupphitaður yfir veturinn er nauðsynlegt
að koma í veg fyrir frostskemmdir ef vatnssalerni er í bústaðn-
um. Þá þarf að tæma niðurföll en af því getur hlotist vond lykt.
Til að forðast það er hægt að setja frostlög í vatnslásinn og
í vatnskassann. Ekki má setja of hreinan frostlög né heldur of
mikið af honum en einnig má nota rauðspritt. Niðurfallinu er
því næst lokað með plasti og lími svo að sprittið gufi ekki hratt
upp en magnið sem þarf af rauðspritti fer eftir því hversu kalt
verður. Heimild: Húsasmiðjan: Verk að vinna.
Gengið frá bústaðnum
●SPÁÐ Í GARÐINN Haustið er ágætur tími til að gróðursetja tré og
runna og færa til slíkan trjágróður. Þar sem hlýindin eru enn yfir land-
inu og ekkert fararsnið á sumrinu enn
er þó heldur snemmt að hefjast handa.
Þetta er hins vegar rétti tíminn til að spá
í skipulag í garðinum því allur gróður er
kominn í hámarksvöxt. Við þurfum að
átta okkur á hvar við viljum hafa hávax-
inn gróður og hvar ekki.