Fréttablaðið - 11.09.2008, Blaðsíða 74
46 11. september 2008 FIMMTUDAGUR
Laugardalsv., áhorf.: 9.400
Ísland Skotland
TÖLFRÆÐIN
Skot (á mark) 13-5 (3-4)
Varin skot Kjartan 2 – Gordon 2
Horn 6-5
Aukaspyrnur fengnar 18-17
Rangstöður 1-3
0-1 Kirk Broadfoot (18.),
0-2 Barry Robson (60.),
1-2 Eiður Smári Guðjohnsen (77.).
Rautt spjald: Stephen McManus (76).
1-2
Serge Gummienny (4)
BYRJUNARLIÐIÐ
Kjartan Sturluson markvörður 6
Gat ekkert gert í fyrra markinu og varði víti. Á stundum óöruggur og fullfastur á línunni.
Grétar Rafn Steinsson, hægri bakvörður 5
Stóð vaktina ágætlega í vörninni en hefði að ósekju mátt láta meira til sín taka í sókninni.
Kristján Örn Sigurðsson miðvörður 6
Sterkur í vörninni en braut afar klaufalega af sér í vítinu og það kostaði dýrmætt mark.
Hermann Hreiðarsson miðvörður 7
Traustur sem fyrr í hjarta varnarinnar. Brá sér í sóknina undir lokin en án árangurs.
Bjarni Ólafur Eiríksson, vinstri bakvörður 3
Arfaslakur. Óöruggur í nánast öllum sínum aðgerðum og réttilega tekinn af velli í hálfleik.
Birkir Már Sævarsson, hægri kantur 4
Komst aldrei í takt við leikinn, ógnaði lítið og hefði mátt fara fyrr af velli.
Stefán Gíslason, tengiliður 6
Mjög öflugur framan af en leikur hans dalaði eftir því sem leið á. Átti of margar slakar sendingar.
Aron Einar Gunnarsson, tengiliður 7
Byrjaði vel, barðist allan tímann sem hann var inn á. Vann bolta og lét finna fyrir sér. Fín frammistaða.
Eiður Smári Guðjohnsen sóknartengiliður 5
Komst ekki í takt við leikinn en var duglegur. Hefði þó mátt vera duglegri að koma sér í boltann og fór
illa með gott færi.
Emil Hallfreðsson, vinstri kantur 7
Duglegur og áræðinn. Náði að brjótast nokkrum sinnum í gegn. Er á uppleið eftir dapra leiki á síðasta ári.
Heiðar Helguson, sóknarmaður 5
Duglegur og ósérhlífinn. Var allt of mikið að fá boltann í fæturnar þegar hann átti að vera í teignum. Fór
illa með gott færi.
INN AF BEKKNUM
46. mín., Indriði Sigurðsso fyrir Bjarna Ólaf 6
Kom sterkur inn og lokaði fyrir lekann sem var í fyrri hálfleik.
64. mín., Pálmi Rafn Pálmason fyrir Aron Einar 6
Mjög grimmur en framlag hans dugði ekki til að breyta leiknum.
78. mín., Veigar Páll Gunnarsson fyrir Birki Má -
EINKUNNIR ÍSLENSKU LEIKMANNANNA
FÓTBOLTI Íslenska landsliðið sótti
ekki gull í greipar Skota í gær.
Þrátt fyrir að vera betra liðið
lengstum gekk Íslandi illa að
skapa sér færi. Skynsamir Skotar
nýttu aftur á móti sín færi vel,
refsuðu fyrir einbeitingarleysi og
flugu heim með öll stigin.
Byrjun leiksins lofaði góðu.
Íslenska liðið geislaði af sjálfs-
trausti. Strákarnir yfirvegaðir og
rólegir á boltanum. Spiluðu honum
með jörðinni og reyndu að nýta
kantana og þá aðallega vinstra
megin þar sem Emil Hallfreðsson
var líflegur og gerði linnulaust
árás á nýliðann Kirk Broadfoot.
Aron Einar Gunnarsson byrjaði
geysilega vel á miðjunni og keyrði
liðið áfram á milli þess sem hann
keyrði Skotana niður. Strákarnir
náðu að byggja upp nokkrar álit-
legar sóknir og áhorfendur öðluð-
ust trú á því að íslenskt mark lægi
í loftinu.
Ekki síst þegar Eiður Smári
fékk algert dauðafæri á teignum á
16. mínútu en skot hans sveif yfir
markið. Ísland átti algjörlega leik-
inn á þessum tíma og það var því
afar blóðugt þegar áðurnefndur
Broadfoot skallaði boltann í
íslenska markið tveim mínútum
síðar. Góður skalli hjá Broadfoot
en dekkningin í teignum var ekki
til útflutnings. Þetta var fyrsta líf
Skota í leiknum og mark. Afar
sárt.
Íslenska liðið var eðlilega nokk-
uð slegið við markið og mesta
púðrið fór úr leik liðsins í kjölfar-
ið. Það var minni hreyfing á mönn-
um og ekki sami broddur í sókn-
inni og fyrr í leiknum.
Skotarnir að sama skapi voru
ekki að gera merkilega hluti, sókn-
arleikurinn enginn hjá þeim og
íslenska liðið hefði að ósekju mátt
færa sig framar á völlinn gegn
varnarsinnuðum Skotum.
Íslenska liðið mætti mjög ákveð-
ið til síðari hálfleiks og ætlaði aug-
ljóslega að leggja allt í sölurnar til
þess að jafna leikinn. Mesti móð-
urinn rann af Íslendingum fljót-
lega og þegar rúmur hálftími lifði
leiks var dæmt víti á Kristján Örn
fyrir afar klaufalegt brot. Kjartan
gerði sér lítið fyrir og varði vítið
en meðvitundarlausir Íslendingar
fylgdust síðan með eins og þeir
væru áhorfendur á meðan þrír
Skotar kepptust um að skora
markið. Barry Robson var maður-
inn sem kom boltanum að lokum
yfir línuna.
Þegar tæpur stundarfjórðungur
lifði leiks kom loks vonarneisti
fyrir Ísland. Stephen McManus
sló boltann með hendinni viljandi.
Víti dæmt og McManus réttilega
hent af velli. Eiður Smári skoraði
örugglega úr vítinu og allt í einu
eygði Ísland von um stig.
Veigar Páll Gunnarsson kom
beint inn af bekknum en hann
hefði mátt leysa Birki mikið fyrr
af. Hermann fór fram og Ísland
lagði allt í sölurnar til þess að
jafna leikinn á lokamínútunum.
Sem fyrr gekk íslenska liðinu
afar illa að skapa sér færi og það
var ekki fyrr en á lokamínútu
venjulegs leiktíma sem Heiðar
Helguson fékk dauðafæri en skot
hans var mjög slakt. Þar með fór
síðasta von Íslands um stig í leikn-
um og Skotar fögnuðu innilega
stigunum þremur þegar slakur
belgískur dómari leiksins flautaði
leikinn af.
Niðurstaðan mikil vonbrigði
enda leikur Íslands ágætur á köfl-
um. Leikmenn gerðu sig aftur á
móti seka um klaufamistök og ein-
beitingarleysi og fyrir það var
refsað grimmilega. Á sama tíma
nýtti íslenska liðið ekki færin sín
og þá er ekki að sökum að spyrja.
Þess utan lá íslenska liðið lengst-
um allt of aftarlega og miðjumenn
liðsins hefðu mátt styðja mikið
betur við sóknarleikinn. Fyrir-
gjafir oft líka daprar og nær und-
antekningalaust of fáir menn í
baráttunni í teignum.
Batamerkin á leik liðsins eru
aftur á móti mikil og ljóst að Ólaf-
ur Jóhannesson stendur sig ágæt-
lega við að blása lífi í brunarúst-
irnar sem hann tók við á sínum
tíma. Það er miklu meiri vilji, bar-
átta, andi og sjálfstraust í liðinu
en í síðustu keppni. Ofan á þetta
verður Ólafur að halda áfram að
byggja því efniviðurinn er svo
sannarlega til staðar.
henry@frettablaðið
Sárt tap gegn Skotum í Dalnum
Skotar unnu sætan sigur á Íslandi, 1-2, á Laugardalsvelli í gær. Einbeitingarleysi og klaufaskapur kostaði
íslenska liðið stig í leiknum. Batamerkin eru þó mikil á leik liðsins.
BULLULÆTI Þessi stuðningsmaður Skota réð sér ekki fyrir kæti er Skotar komust í
2-0. Stökk úr stúkunni og var handtekinn í kjölfarið. FRÉTTABLAÐIÐ/ANTON
MEÐVITUNDARLAUSIR Barry Robson skorar hér annað mark Skota. Fylgdi eftir vítaspyrnu sem Kjartan varði. Íslensku leikmennirn-
ir stóðu meðvitundarlausir álengdar og horfðu á Robson skora. FRÉTTABLAÐIÐ/VILHELM
FÓTBOLTI Emil Hallfreðsson spilaði
allan leikinn á vinstri kantinum og
var auðvitað ekki ánægður með
úrslit leiksins.
„Þetta eru vonbrigði fyrir okkur
og byrjunina okkar. Við vonuð-
umst auðvitað eftir betri úrslitum
í dag þannig að þetta eru gríðarleg
vonbrigði. Mér fannst við byrja
betur og vorum að spila vel og
boltinn gekk ágætlega. Svo feng-
um við á okkur þetta aulamark úr
horninu en þeir voru ekkert að
geta af viti.
Það kannski datt aðeins niður
eftir að þeir komust í 1-0 og ég
veit ekki hvort við höfum verið of
varfærnir,“ sagði Emil og bætti
við að þeir hefðu ekkert gefið upp
von í hálfleik þrátt fyrir að vera
marki undir.
„Óli peppaði okkur upp í hálf-
leik og við vorum með stuðninginn
hérna á heimavelli. Við kannski
náðum ekki nægilega mikilli
pressu fyrr en þeir skoruðu annað
markið. Þá náðum við að halda
boltanum og þeir duttu aðeins
niður. Eftir að við náðum að
minnka muninn þá fáum við færi
sem hefði verið frábært að nýta
og þá hefðum við verið sáttir við
niðurstöðuna,“ sagði Emil í sam-
tali við Fréttablaðið. - sjj
Emil Hallfreðsson átti fínan leik en var afar svekktur í leikslok:
Þetta eru gríðarleg vonbrigði
SPRÆKUR Emil Hallfreðsson átti fínan leik í gær. Hann brunar hér fram hjá Darren
Fletcher, miðjumanni Skota. FRÉTTABLAÐIÐ/VILHELM
FÓTBOLTI „Við þurftum að hafa
fyrir þessu eftir mark Íslands til
að tryggja stigin þrjú. Ég er mjög
ánægður með stigin. Þetta var
erfitt eins og allir útileikir en
mínir menn gáfu sig alla í leikinn.
Þetta var erfitt og það verður að
hrósa Íslandi fyrir þeirra leik.
„Nú snúum við okkur að næsta
leik sem er við Norðmenn sem
verður annar erfiður leikur eins
og allir landsleikir,“ sagði George
Burley, landsliðþjálfari Skot-
lands, sem vildi ekkert segja um
vangaveltur skoskra blaðamanna
um pressu eftir tap gegn Make-
dóníu í fyrsta leik. - gmi
George Burley:
Ánægður með
stigin þrjú
FÓTBOLTI Kristján Örn Sigurðsson
gaf Skotum vítaspyrnu á klaufa-
legan hátt og var alls ekki sáttur
við dómara leiksins.
„Ég er ekki sammála dómaran-
um að þetta hafi verið víti en ég
gef honum samt séns á því að
flauta á hann. Ég á að standa í
stað þess að fara niður í þessari
stöðu.
Við megum ekki tapa þeim
leikjum sem við erum betri í ef
við ætlum að komast áfram úr
þessum riðli þannig að þetta var
hrikalega slæmt hjá okkur. Ég er
alls ekki sáttur við leikinn, við
töpum 2-1,“ sagði Kristján. - gmi
Kristján Örn Sigurðsson:
Var ekki víti
KRISTJÁN ÖRN Ósáttur við vítaspyrnu-
dóminn. FRÉTTABLAÐIÐ/VILHELM