Fréttablaðið - 12.09.2008, Blaðsíða 14

14 12. september 2008 FÖSTUDAGUR
UMHVERFISMÁL Ekki hefur tekist að staðfesta að
sæsteinsuga sé tekin að hrygna á Íslandi, þrátt
fyrir að ummerki eftir þetta sníkjudýr hafi
fundist á sjóbirtingi veiddum á Suðurlandi um
þriggja ára skeið. Veiðimálastofnun gekkst
fyrir sérstakri rannsókn með styrk frá
Fiskræktarsjóði til að leita að lirfum sæstein-
sugunnar, án árangurs.
Nýverið kom út skýrsla hjá Veiðimálastofn-
un um þessar rannsóknir á landnámi sæstein-
sugu á Íslandi. Gerð var sérstök leit að
sæ steinsugulirfum í Vestur Skaftafellssýslu,
því grunur leikur á að sæsteinsugan sé tekin til
við að hrygna í íslensku ferskvatni. Leitað var
á allnokkrum stöðum á vatnasvæði Kúðafljóts,
Skaftár og Grenlækjar. Engar lirfur fundust
við leitina. Veiðimenn urðu varir við torkenni-
leg sár á sjóbirtingum úr Kúðafljóti árið 2006
og var hlutfall særðra fiska í afla veiðimanna
allt að áttatíu prósent. Sjúkdóma- og vefjarann-
sókn á Rannsóknadeild fisksjúkdóma á Keldum
staðfesti að ekki var um neinn þekktan
sjúkdóm að ræða og beindust fljótlega
grunsemdir að sæsteinsugunni.
Vitað er að sæsteinssuga getur valdið dauða
hýsils síns og getur hún einnig valdið miklum
usla í stofnum laxfiska. Því eru veiðimenn
hvattir til að senda myndir og upplýsingar til
Suðurlandsdeildar Veiðimálastofnunar sjáist
merki eftir þennan vágest.
- shá
Engar sannanir um hvort sæsteinsuga hrygnir í íslensku ferskvatni:
Landnám vágests er enn óstaðfest
UMMERKI Særðir fiskar hafa djúp hringlaga sár á kviði
milli eyrugga og kviðugga eða framarlega á baki.
MYND/VEIÐIMÁLASTOFNUN
SÆSTEINSUGA Kvikindið er frumstæð fisktegund af
flokki hringmunna. Hún er sníkjudýr sem festir sig á
fiska í sjó með sogmunni sínum og nærist á líkams-
vökva fórnarlambsins. MYND/VEIÐIMÁLASTOFNUN
UMFERÐ Sjá má umtalsverða fækkun umferðar-
lagabrota meðal ungra óreyndra ökumanna
með bráðabirgðaskírteini eftir að lög um
akstursbann og sérstök námskeið tóku gildi 27.
apríl 2007.
Þetta kom fram í fyrirlestri Holgers Torp,
verkefnastjóra hjá Umferðarstofu, á morgun-
verðarfundi í fyrradag um áhættuhegðun
ungra ökumanna.
Breytingar á lögunum höfðu það í för með
sér að hægt er að taka unga ökumenn með
bráðabirgðaskírteini úr umferð ef hegðun
þeirra er á skjön við lög og reglur. Ökumenn
eru með bráðabirgðaskírteini fyrstu tvö árin
en hægt er að setja ökumann í akstursbann ef
hann fær fjóra refsipunkta. Ökuréttindi fær
hann ekki aftur fyrr en að loknu sérstöku
námskeiði og endurteknu ökuprófi.
Áhrif nýju laganna eru að
um 55 prósent færri
ökumenn hafa framið svo
alvarleg umferðarlagabrot
að ákvæði um akstursbann
eða sviptingu taki gildi. Hins
vegar vekur það athygli að
fækkunin er minnst í
ölvunarakstursbrotum eða
samtals 21 prósents fækkun.
Á sex mánaða tímabili
áður en lögin tóku gildi voru 214 ökumenn með
bráðabirgðaskírteini sviptir ökurréttindum
fyrir að hafa fjóra refsipunkta í ökuferilsskrá.
Á sex mánaða samanburðartímabili eftir
gildistöku laganna hafði þeim fækkað í 73
ökumenn. Þá fækkaði hraðasviptingum úr 39 í
nítján eða um 51 prósent. - ovd
Lög um akstursbann virðast hafa áhrif á ökumenn með bráðabirgðaskírteini:
Ungir ökumenn löghlýðnari en áður
UMFERÐIN Á undanförnu ári hafa um tuttugu sérstök
námskeið verið haldin fyrir um 200 unga ökumenn en
áttatíu prósent þeirra eru karlar. FRÉTTABLAÐIÐ/ARNÞÓR
HOLGER TORP
HLÆJA Í RIGNINGUNNI Þessar tvær
indversku meyjar hlógu dátt í úrhellinu
í Hyderabad í gær. FRÉTTABLAÐIÐ/AP
SKIPULAGSMÁL „Við erum að byrja
algerlega upp á nýtt,“ segir
Svandís Svavarsdóttir borgarfull-
trúi um forsögn
að deiliskipu-
lagsbreytingum
fyrir Keilu-
granda 1 sem
samþykktar
hafa verið í
skipulagsráði.
„Við erum
ekki farin að
vinna skipulag-
ið sjálft en til að
samráðið sé öflugt er forsögnin
send til kynningar sem er ekki
endilega venjan í ferli af þessu
tagi. Það er því meira samráð við
umhverfið en venjulega,“ segir
Svandís. Hún segir uppbygging-
una ekki eins yfirgengilega og
talað hafi verið um í fyrstu. - ovd
Skipulag við Keilugranda:
Hófleg upp-
bygging
SVANDÍS
SVAVARSDÓTTIR
FJÖLSKYLDUBÍLLINN
SEM EYÐIR SVO
MIKLU MIKLU MINNA.
Skoda Octavia 1,9 TDI® - 4,9 lítrar á hundraðið
Skoda Octavia er vandaður og ríkulega útbúinn verðlaunabíll í fullri stærð með pláss fyrir alla
fjölskylduna og rúmgott farangursrými. Nýja TDI® dísilvélin, skilar miklu og jöfnu afli og býr yfir
frábærum aksturseiginleikum (einnig fáanlegur með bensínvél).
Skoðaðu Skoda Octavia - bílinn sem eyðir svo miklu miklu minna.
Allir kaupendur Skoda Octavia fá frítt fyrir fjölskyldu sína í Fjölskyldu- og húsdýragarðinn í eitt ár.