Fréttablaðið - 12.09.2008, Blaðsíða 15

FÖSTUDAGUR 12. september 2008 15
VIÐSKIPTI Verðlaun fyrir ársskýrslu
ársins 2007 féllu að þessu sinni í
skaut Landsbanka Íslands.
Við val á ársskýrslunni var sér-
sök áhersla lögð á stjórnarhætti
fyrirtækja og umfjöllun um launa-
kjör stjórnenda samkvæmt regl-
um fyrir útgefendur verðbréfa í
Kauphöllinni. Stjórnvísi og NAS-
DAQ OMX á Íslandi (Kauphöllin)
veittu verðlaunin í fjórða sinn við
hátíðlega athöfn í Gerðarsafni í
Kópavogi síðdegis í gær. Björgvin
G. Sigurðsson viðskiptaráðherra
afhenti verðlaunin og Svafa Grön-
feldt, rektor Háskólans í Reykja-
vík, flutti ávarp.
Auk Landsbankans hlutu Kaup-
þing banki og Bakkavör Group
viðurkenningu fyrir sínar
ársskýrslur. Bakkavör vann í
fyrra, en Glitnir og Kaupþing árin
þar áður. Þátttakendur í valinu eru
hlutafélög sem skráð eru í Kaup-
höllinni.
Í áliti dómnefndar kemur fram
að ársskýrsla Landsbankans sé
„stílhrein og vönduð að allri gerð“.
Þá er framsetning texta sögð skýr
og myndefni styðja vel við texta.
„Skýrslan gefur greinargóða
mynd af stöðu bankans og starf-
semi rekstrarsviða, fjármögnun
og áhættustýringu. Umfjöllun um
mannauðsmál, stjórnarhætti og
samfélagslega ábyrgð er góð.
Reikningar bankans eru skýrir og
vel fram settir.“ - óká
AFHENDINGIN Björgvin G. Sigurðsson
viðskiptaráðherra afhendir Sigurjóni
Þ. Árnasyni bankastjóra verðlaun fyrir
ársskýrslu ársins. FRÉTTABLAÐIÐ/ANTON
Stjórnvísi og Kauphöll Íslands verðlauna í fjórða sinn fyrir ársskýrslugerð:
Ársskýrsla Landsbankans sú besta
SKIPULAGSMÁL Eigandi Laufásveg-
ar 73 hefur nú fengið leyfi til að
stækka hús sitt verulega.
Áður hafði
Þorsteini Jóns-
syni í Vífilfelli
verið synjað um
leyfi fyrir
stækkun húss-
ins á grundvelli
mótmæla emb-
ættis forseta
Íslands sem vís-
aði til álits ríkis-
lögreglustjóra
um öryggi gesta
í gestahúsi forsetans gegnt húsi
Þorsteins.
Eftir að úrskurðarnefnd skipu-
lags- og byggingarmála felldi úr
gildi synjun borgaryfirvalda á
umsókn Þorsteins um byggingar-
leyfi sótti hann um að nýju.
Athugasemdir bárust þá frá
nokkrum öðrum nágrönnum Þor-
steins en forsetaembættinu.
Skipulagsráð samþykkti þó leyfi
fyrir 278 fermetra stækkun.
Samkvæmt umsögn skipulags-
stjóra verður að fjarlægja 400
rúmmetra af klöpp. Nágrannar
hafi áhyggjur af ónæði og
skemmdum. Kveður skipulags-
stjóri þeim áhyggjum svarað með
bréfi arkitekts Þorsteins sem segi
það aðeins munu taka tíu virka
daga að fleyga og fjarlægja
klöppina af lóðinni. Ekki sé talin
hætta á sprungumyndun í næstu
húsum.
Viðbótin við hús Þorsteins er að
mestu neðanjarðar og því ekki
sjáan leg frá götunni, fullyrðir
skipulagsstjóri. „Sýnilegar breyt-
ingar sem hafa áhrif á umhverfið
eru stækkanir á anddyri og eld-
húsi, þær breytingar hafa óveru-
leg áhrif,“ segir í umsögninni. - gar
Eigandi Vífilfells fær sitt fram eftir ágreining við borgina og forsetembættið:
Sprengir fyrir jarðhýsi við hús sitt á Laufásvegi
ÞORSTEINN
JÓNSSON
LAUFÁSVEGUR Ágreiningi um stækkun hússins á Laufásvegi 73 um 278 fermetra
virðist lokið með samþykkt byggingarleyfis.
SVÍÞJÓÐ Svíar ætla að breyta
klæðnaði kvenna, sem sitja inni í
sænskum fangelsum, þannig að
þær klæðast bleikum kjólum sem
eru einfaldir í sniðinu í staðinn
fyrir hefðbundin fangaföt. Bleiki
kjóllinn verður sýndur föngunum
á sérstakri tískusýningu sem
haldin verður í Stokkhólmi á
næstunni.
„Þetta er mikið áfall,“ hefur
Aftonbladet eftir Jönu Grohn,
fyrrverandi fanga. „Fyrir þá sem
sitja inni hefur lífið ekki verið
dans á rósum.
Við sem höfum verið í neyslu
höfum lifað erfiðu lífi,“ segir
hún. - ghs
Sænsk fangelsi:
Konur í bleik-
um kjólum
SKIPULAGSMÁL Listaháskóli Íslands
stendur fyrir tveimur opnum
kynningarfundum næstkomandi
laugardag í Regnboganum þar
sem starfsemin sem og vinnings-
tillaga í samkeppni um nýtt hús
skólans verða kynnt.
Sá fyrri hefst klukkan ellefu og
hinn síðari klukkan eitt og verða
þeir í sal tvö. Kynningarfundirnir
eru öllum opnir og engin þörf er
að skrá sig á þá. Húsið sem til
stendur að reisa hefur verið
mikið í umfjöllun að undanförnu
og segir í fréttatilkynningu frá
skólanum að markmið fundanna
að auka þekkingu almennings á
nýja húsinu. - jse
Listaháskóli Íslands:
Kynna nýtt hús
á opnum fundi
FJÖLMIÐLAR Mexíkóski auðkýfing-
urinn Carlos Slim Helú keypti í
gær 6,4 prósenta hlut í útgáfu-
félagi bandaríska blaðsins New
York Times og er þriðji stærsti
hluthafi þess, samkvæmt flöggun
bandaríska fjármálaeftirlitsins.
Slim situr í öðru sæti á lista
bandaríska viðskiptatímaritsins
Forbes yfir auðugustu einstakl-
inga í heimi á eftir Warren
Buffett, sem hefur átt hlut í
bandaríska dagblaðinu Washing-
ton Post um árabil.
Slim Helú lýsti því yfir fyrr á
árinu að hann hefði áhuga á að
bæta fjölmiðlafyrirtæki við
eignasafn sitt, sem samanstendur
mestmegnis af farsíma- og
tóbaksfyrirtækjum. Skömmu
síðar keypti hann eitt prósent í
útgáfufélagi breska blaðsins
Telegraph. - jab
Þeir ríkustu kaupa í fjölmiðlum:
Slim þriðji
stærstur í NYT
SIMPLY CLEVER
Verð frá kr. 2.890.000
Mánaðarleg afborgun: 34.500 kr.*
*Miðað er við gengistryggðan bílasamning til 84 mánaða,
30% útborgun eða 867.000 kr. Árleg hlutfallstala kostnaðar er 11,9%.
Skoda Octavia 1,9 TDI