Fréttablaðið - 15.09.2008, Blaðsíða 2

2 15. september 2008 MÁNUDAGUR
REYKJANESBÆR Kínverskur maður
er í haldi lögreglunnar í Reykja-
nesbæ vegna gruns um mansal.
Hann var handtekinn í Leifsstöð á
fimmtudag með vegabréf handa
ungri kínverskri konu. Konan er í
hópi þeirra hælisleitenda sem hús-
leit var gerð hjá í Njarðvík á
fimmtudag.
Maðurinn, sem er búsettur í
Amsterdam. var handtekinn á
fimmtudag með vegabréfið, sem
hann gat ekki gefið skýringar á. Í
ljós kom að vegabréfið var ætlað
ungri, hælisleitandi kínverskri
konu sem kom hingað til lands í
sumar. Maðurinn og konan áttu
svo pantað flug til Evrópulands í
dag. Lögregla telur að hefði kon-
unni verið veitt hæli hér á landi
hefði hún verið skuldbundin til að
greiða glæpamönnum af launum
sínum. Samkvæmt Jóhanni R.
Benediktssyni, sýslumanni í Kefla-
vík, mun algeng upphæð fyrir
flutninga af þessu tagi vera um
50.000 til 60.000 Bandaríkja dalir,
eða um fimm milljónir króna.
Lögreglu er heimilt að halda
manninum í sjö daga, eða fram til
næsta fimmtudags. Að þeim tíma
liðnum verður að leggja fram
umsókn um gæsluvarðhald.
Jóhann segir málið enn í rann-
sókn, en það hafi á sér allt yfir-
bragð mansals. - kg
Veldu létt
... og mundu eftir
www.ostur.is
ostinum!
H
V
ÍT
A
H
Ú
S
IÐ
/S
ÍA
–
0
8
-0
2
9
1
SUÐUR-KÓREA, AP Margar fjöl-
skyldur frá Suður-Kóreu vonast til
að alvarleg veikindi Kims Jong Il,
leiðtoga
Norður-Kóreu,
verði til þess að
þær geti styrkt
tengsl sín við
skyldmenni sín
handan
landamæranna.
„Ég klappaði
af gleði þegar
ég horfði á
sjónvarpsfréttir
af veikindum Kim,“ sagði hinn 75
ára Jung Hwa-Ja, sem er fæddur í
Norður-Kóreu en býr í Suður-
Kóreu. „Ég vona að Kim Jong Il
deyi fljótlega svo ég geti heimsótt
heimabæ minn í norðrinu.“
Jung tilheyrir fjölskyldu sem
safnast saman á hverju ári við
banka árinnar sem skilur Suður-
og Norður-Kóreu að til að minnast
skyldmenna sinna sem búa handan
landamæranna. - fb
Fjölskyldur frá S-Kóreu hittast:
Veikindi Kims
vekja upp vonir
KIM JONG IL
Maður var handtekinn í Leifsstöð með vegabréf handa hælisleitanda:
Kínverji grunaður um mansal
RÚSSLAND, AP Nærri níutíu manns
fórust þegar farþegaþota hrapaði í
útjaðri bæjarins Perm í Rússlandi.
Svo virðist sem bilun í hreyfli hafi
valdið slysinu, en í fyrstu vaknaði
grunur um hryðjuverk.
Farþegaþotan, sem var af
gerðinni Boeing 737-500, var á
leiðinni frá Moskvu til Perm, sem
er borg við Úralfjöll. Hún var að
lækka flug til lendingar í lélegu
skyggni þegar hún hrapaði á
óbyggðu svæði í borginni, skammt
frá íbúðabyggð.
Aðeins þrjár vikur eru síðan
farþegaþota af sömu gerð hrapaði
í Kirgisistan skömmu eftir
flugtak. - gb
Flugslysið í Rússlandi:
Vélarbilun lík-
legasta orsökin
Á VETTVANGI Brak úr vélinni dreifðist
um stórt svæði. NORDICPHOTOS/AFP
BANDARÍKIN, AP „Við ætlum að
hrista upp í hlutunum,“ sagði Sarah
Palin, varaforsetaefni repúblikana
í Bandaríkjunum, á kosningafundi í
Carson City í Nevada um helgina.
Hún boðar miklar umbætur í
Washington og stærir sig af því að
hafa útrýmt spillingu í Alaska síðan
hún tók við sem ríkisstjóri þar fyrir
tveimur árum.
Sjálf hefur hún hins vegar verið
sökuð um að hafa misnotað völd
sín, bæði í ríkisstjóraembættinu og
einnig þegar hún var bæjarstjóri í
Wasilla. Palin er sögð óspart hafa
rekið hvern þann sem henni þókn-
aðist ekki, en í staðinn ráðið vini
sína og kunningja í æðstu embætti.
Ríkisþingið í Alaska er meðal
annars að rannsaka hvort hún hafi
með ólögmætum hætti rekið Walt
Monegan, almannavarnafulltrúa
ríkisins, eftir að hann neitaði að
reka Mike Wooten, lögreglumann
sem var þá nýskilin við systur
Palin.
Hún hefur einnig orðið uppvís að
því að gera meira úr utanlandsferð-
um sínum, en efni standa til. Aðstoð-
armaður hennar fullyrti til dæmis
á laugardaginn að hún hefði komið
til Íraks, þegar hún heimsótti
bandaríska hermenn í Kúvæt og
Þýskalandi á síðasta ári. Sannleik-
urinn mun vera sá að hún fór aldrei
lengra en að landamærum Íraks og
Kúvæts. - gb
Sarah Palin varaforsetaefni sökuð um spillingu og misnotkun valds:
Ræður vini sína í embætti
SARAH PALIN Kom í fyrsta sinn fram ein
á kosningafundi á laugardag.
FRÉTTABLAÐIÐ/AP
Forsetakosningar
2008
BANDARÍKIN Íslamskir öfgamenn
hafa verið að spá í það hvernig
eitra megi neysluvatn í Evrópu-
ríkjum, meðal annars í Danmörku
og Bretlandi.
Þetta kemur fram í skýrslu frá
bandarísku stofnuninni James-
town Foundation, sem fylgist með
starfsemi hryðjuverkamanna um
heim allan.
Í skýrslunni er sagt frá
hug myndum um hryðjuverk, sem
íslamskir öfgamenn hafa verið að
senda sín á milli á netinu, meðal
annars um hvaða aðferðir dugi til
að eitra vatnsból, meðal annars í
hefndarskyni fyrir dönsku
skopmyndirnar af Múhameð
spámanni. - gb
Íslamskir öfgamenn:
Vilja eitra vatn í
Danmörku
VIÐSKIPTI „Það er auðvitað graf-
alvarlegt ef það er verið að villa
um fyrir fjárfestum,“ segir Þórð-
ur Friðjónsson, forstjóri Kaup-
hallar Íslands um fullyrðingar í
Sunday Times að bókhald bresku
ferðaskrifstofunnar XL Leisure
hafi verið fegrað til að láta móð-
urfélagið Avion Group líta betur
út á hlutabréfamarkaði heima á
Íslandi.
Þórður tekur skýrt fram að
Kauphöllin hafi ekki kynnt sér
þær ásakanir sem fram koma í
Sunday Times og vísa til atburða
á árinu 2006. „Ég kannast ekki við
þetta mál en við munum kíkja á
þetta á morgun [í dag],“ sagði
Þórður er rætt var við hann undir
kvöld í gær.
Avion sameinaðist Eimskip
með yfirtöku á árinu 2005. Félag-
ið var skráð í Kauphöll Íslands í
janúar 2006. Í nóvember á því ári
tók Avion upp nafn Eimskips.
Gengi hlutabréfa félagins var um
40 í ársbyrjun 2006. Við lokun
Kauphallarinnar á föstudag var
gengið aðeins 8 og hafði þá fallið
um fimmtung þannig daginn í
kjölfar frétta af gjaldþrota XL
Leisure.
Eins og komið hefur fram er
Eimskip í ábyrgð fyrir XL Leis-
ure sem nemur jafnvirði 26 millj-
arða króna sem Landsbankinn
hafði lánað til kaupa á félaginu
með því skilyrði að Eimskip geng-
ist í ábyrgð fyrir upphæðinni.
Þórður Friðjónsson bendir á að
Fjármálaeftirlitið hafi málefni
Eimskips nú þegar til skoðunar.
„Við skoðum að sjálfsögðu hvort
um er að ræða einhver brot á
okkar reglum en auðvitað er lang-
best að málið sé bara í skoðun á
einum stað í einu þannig að það sé
ekki tvíverknaður. Ég geri ráð
fyrir því að að forminu til þá yrði
málið meira hjá fjármálaeftirlit-
inu,“ segir Þórður.
Forsvarsmenn Eimskips vildu
tjá sig um þetta mál í gær en
stjórn félagsins sendi hins vegar
frá sér yfirlýsingu þar sem fram
kemur að hún gangist nú fyrir
eigin rannsókn á tilteknum atrið-
um sem tengist rekstri félagsins
frá fyrri tíð. Eimskip muni ekki
fjalla um þessi
atriði opinber-
lega fyrr en nið-
urstaða rann-
sóknarinnar
liggi fyrir.
Í yfirlýsing-
unni er einnig
vikið að stefnu
Baldurs Guðna-
sonar, fyrrver-
andi forstjóra
félagsins, á hendur Eimskip
vegna vanefnda á starfsloka-
samningi. Telur Baldur Eimskip
skulda sér jafnvirði 140 milljóna
króna. Segir stjórnin að félagið
muni ekki fjalla um það mál á
meðan það sé til meðferðar hjá
dómstólum en staðfestir þó að
allar greiðslur til Baldurs hafi
verið stöðvaðar í maí í vor.
gar@frettabladid.is
Grafalvarlegt að villa
um fyrir fjárfestum
Forstjóri Kauphallarinnar segir grafalvarlegt að blekkja fjárfesta eins og Sunday
Times telur að hafi verið gert með bókhaldsbrotum hjá ferðaskrifstofunni XL
Leisure til að móðurfélagið á Íslandi liti betur út. Eimskip rannsakar fortíðina.
BALDUR
GUÐNASON
EXCEL AIRWAY XL Leisure hét Exel Airways þegar Avion Group festi kaup á félaginu.
Við skoðum að sjálfsögðu
hvort um er að ræða ein-
hver brot á okkar reglum.
ÞÓRÐUR FRIÐJÓNSSON
FORSTJÓRI KAUPHALLARINNAR
Nýjar árásir á Darfúr
Fyrrverandi uppreisnarmenn í Darfúr-
héraði, sem undirrituðu friðarsamn-
ing við súdönsk stjórnvöld fyrir tveim-
ur árum, segja að stjórnarherinn, sem
á í átökum við aðra uppreisnarhópa
norðarlega í héraðinu, hafi nú í fyrsta
sinn í langan tíma gert árásir sunnar-
lega í héraðinu.
SÚDAN
Temmilega bjartsýn
Guðlaug Einarsdóttir, formaður
Ljósmæðrafélags Íslands, segist vera
temmilega bjartsýn fyrir næsta samn-
ingafund í kjaradeilu ljósmæðra, sem
haldinn verður á morgun.
KJARAMÁL
TAÍLAND, AP Stjórnvöld í Taílandi
hafa aflýst neyðarástandi sem var
tilkynnt fyrir tæpum tveimur
vikum í landinu. Telja þau að
ástandið hafi fælt ferðamenn frá
því að heimsækja landið.
Átök milli stjórnarandstæðinga
og stjórnarsinna hafa geisað í
Taílandi að undanförnu og var
tilkynnt um neyðarástandið eftir
að einn lést og tveir særðust hinn
2. september. Forsætisráðherra
Taílands hvatti í gær deiluaðila til
að ná sáttum. „Ef neyðarástand
verður áfram í gildi gæti það
skaðað efnahag landsins. Þess
vegna aflýsi ég neyðarástandinu,“
sagði forsætisráðherrann. - fb
Neyðarástandi aflýst í Taílandi:
Fældi ferða-
menn í burtu
LEIFSSTÖÐ Maðurinn var handtekinn
með vegabréf handa ungri kínverskri
konu í fórum sínum. Hann er nú í vörslu
lögreglu.
SPURNING DAGSINS
Stefán Karl, ertu að hætta í
Latabæ vegna eineltis?
„Nei, en að gefnu tilefni vil ég
benda á samtökin mín Regnboga-
börn.“
Stefán Karl Stefánsson leikari hefur sagt
upp störfum í Latabæ eftir níu ára starf.
Hann er stofnandi Regnbogabarna, sam-
taka um varnir gegn einelti.