Fréttablaðið - 15.09.2008, Blaðsíða 19
MÁNUDAGUR 15. september 2008 3
Eldhúsið - Kaffi, te og krydd
Kaffi, te og krydd eru þurrkaðar
afurðir ýmissa jurta. Líkt og með
lifandi plöntur gildir að ræktun
sé sem hreinust og náttúrulegust
til að tryggja gæði. Einnig ráðast
gæðin af því hvernig þurrkun,
geymsla og pökkun á sér stað.
Lífræn vottun eða umhverfisvott-
un snýst um allt ferlið frá fram-
leiðslu til pökkunar og tryggir að
hvergi hafa verið notuð skaðleg
efni og að unnið sé með gæði og
umhverfisvernd í huga, sam-
kvæmt ströngum reglum. Stund-
um er rotvarnarefnum eða jafn-
vel MSG bætt í kryddblöndur til
að auka bragð eða endingu.
Kaffi er framleitt með því að
brenna baunir kaffiplöntunnar.
Framleiðsla plöntunnar er eins
og önnur ræktun ýmist með eða
án tilbúinna efna, s.s. áburðar eða
skordýraeiturs. Með því að kaupa
lífrænt ræktað kaffi og te getur
þú tryggt að þú sért ekki að
menga líkama þinn eða umhverf-
ið. Siðgæðisvottun (Fair trade)
tekur til bæði te- og kaffifram-
leiðslu og tryggir að fólkið sem
framleiðir vöruna vinni við mann-
sæmandi aðstæður og kjör.
Meira um allt í eldhúsinu á:
http://www.natturan.is/husid/1286/
GÓÐ RÁÐ
fyrir þig og umhverfið
Náttúran.is - vefur með umhverfisvitund
Ef mála á hillur í öðrum lit en er á
veggnum er gott að mála þær
minnst tvisvar áður en þær eru
settar upp. Þær þarf að mála eða
verja með öðrum hætti gegn fitu og
öðrum efnum úr mat sem hindra að
hægt sé að þrífa þær vel. Gott er að
mála með olíumálningu með góðum
gljáa – vatnsmálning þolir illa hita
og verður fljótt kámug. Yfirborðið
verður að mála með góðri grunn-
málningu. Þegar grunnurinn er
orðinn þurr er borin á málning með
minnst 40 gljástigi. Pússað svo með
fínum sandpappír þegar málningin
er þurr og næsta umferð borin á.
Lakk eða olíu má nota í stað máln-
ingar. Heimild: Verk að vinna.
Að mála
eldhúshillur
Málningarvinna getur verið vandasöm.
Alla þriðjudaga