Fréttablaðið - 15.09.2008, Blaðsíða 40
24 15. september 2008 MÁNUDAGUR
sport@frettabladid.is
Valsmenn fögnuðu vel á 64. mínútu leiks síns gegn Stjörnunni á
laugardaginn en þá kom markvörðurinn Guðbjörg Gunn-
arsdóttir inn á sem varamaður. Guðbjörg hefur náð
ótrúlega hröðum bata eftir að hafa slitið hásin í leik
á móti KR í Lengjubikarnum 1. apríl síðastliðinn.
„Það er ólýsanleg tilfinning að vera komin til baka.
Þetta er búinn að vera hrikalega erfiður tími því
það er skelfilegt að lenda í svona meiðslum.
Það eru svona stundir sem gera það þess
virði að leggja svona mikið á sig,“ sagði Guð-
björg eftir að fjórði Íslandsmeistaratitill-
inn á fimm árum var í höfn. Guðbjörg
veit líka að það er nóg eftir að tímabilinu
hjá Val. „Það er Evrópukeppnin eftir þannig
að ég á enn möguleika á að spila eitthvað
í ár,“ sagði Guðbjörg sem hefur sýnt
ótrúlegan styrk að brjótast í gegnum
þetta mikla mótlæti með jafnmiklum
glæsibrag. „Það hafði enginn trú á
því að ég kæmi til baka eftir fimm mánuði en ég hafði trú á því að
ég gæti náð til baka í september,“ sagði Guðbjörg sem leit mjög
skynsamlega á endurhæfinguna. „Ég tók bara viku og viku fyrir og
reyndi að einbeita mér að því að taka bara lítið skref í einu.
Það er ótrúlegt að vera komin til baka því þetta er það
erfiðasta sem ég hef lent í en ég hef lent í öðrum erfiðum
meiðslum áður,“ sagði Guðbjörg sem fór meðal annars
nokkrum sinnum úr axlarlið á sínum yngri árum.
„Ég var tvo mánuði á hækjum og gat þá ekki gert
neitt og fyrir þremur mánuðum þá leið mér alveg
eins og ég væri með staurfót. Það eru síðan rétt um
þrír mánuðir síðan ég byrjaði að labba eðlilega,“
segir Guðbjörg sem vill þakka einni sérstaklega
fyrir þessa ótrúlegu endurkomu. „Að mínu mati
þá er ég með besta þjálfara á Íslandi. Ég vil meina
að Elísabet Gunnarsdóttir hafi hreinlega bjargað
mér bæði andlega og líkamlega,” segir Guðbjörg
sem er samt ekkert farin að hugsa um að komast í
landsliðið aftur.
GUÐBJÖRG GUNNARSDÓTTIR, MARKVÖRÐUR VALS, ER KOMIN AF STAÐ: SLEIT HÁSIN FYRIR AÐEINS FIMM MÁNUÐUM
Það var Elísabet Gunnarsdóttir sem bjargaði mér
FÓTBOLTI Valskonur tryggðu sér
ekki bara Íslandsmeistaratitilinn
með sigrinum á Stjörnunni á
Vodafone-vellinum á laugardag-
inn því þær bættu markametið á
einu tímabili í efstu deild kvenna
með því að skora átta mörk í
leiknum.
Það var markadrottningin
Margrét Lára Viðarsdóttir sem sá
bæði um að jafna og bæta metið
en metmarkið komi aðeins
nokkrum sekúndum fyrir
leikslok. Gamla metið var frá
árinu 2006 þegar Valur skoraði 90
mörk en þrjú þeirra fengust þó
„gefins“ þá þar sem FH mætti
ekki til leiks. Valur skoraði 88
mörk í fyrra og svo 91 mark í ár.
Margrét Lára Viðarsdóttir náði
einnig þeim einstaka árangri að
skora yfir 30 mörk þrjú tímabil í
röð og á nú þrjú markahæstu
tímabilin í efstu deild. - óój
FLEST MÖRK Á TÍMABILI:
91 Valur 2008
90 Valur 2006
88 Valur 2007
83 KR 2002
81 KR 2006
79 Breiðablik 1996
FLEST MÖRK LEIKMANNS
Á TÍMABILI:
38 Margrét Lára Viðarsdóttir 2007
34 Margrét Lára Viðarsdóttir 2006
32 Ásta B. Gunnlaugsdóttir, 1981
32 Margrét Lára Viðarsdóttir 2008
30 Laufey Sigurðardóttir 1981
Landsbankadeild kvenna:
Valur bætti
markametið
GLEÐISTUND Valskonur syngja sigur-
söngva eftir stórsigur á Stjörnunni.
FRÉTTABLAÐIÐ/STEFÁN
> Besta mót Ólafar Maríu í ár
Ólöf María Jónsdóttir, atvinnukylfingur úr Keili, varð í
37. til 39. sæti á opna austurríska mótinu í gær. Ólöf
lék lokahringinn á tveimur höggum yfir pari og var því
samtals á pari á holunum 72. Hún lék mjög jafnt golf alla
helgina, var á einu undir pari á tveimur dögum og lék á
pari þann þriðja. Ólöf María fékk samtals 10 fugla, lék 53
holur á pari og var undir pari allt
fram á síðustu holur lokadagsins.
Laura Davies frá Englandi sigraði
á mótinu en hún var 15 höggum
á undan Ólöfu Maríu. Ólöf María
hafði best náð 42. sæti á
tímabilinu en það var á
SAS Ladies Masters í
Osló.
GOLF Síðasta golfmót sumarsins
fór fram á Urriðavelli um helgina
og eftir það var ljóst hverjir unnu
Kaupþingsmótaröðina í sumar.
Keilismaðurinn Hlynur Geir
Hjartarson fullkomnaði flott
sumar hjá sér með því að vinna
tvö síðustu mótin og þar með
öruggan sigur í stigakeppninni.
Það dugði Ragnhildi Sigurðardótt-
ur að enda í 4. sæti á lokamótinu
en þar vann 19 ára stelpa ofan af
Akranesi, Valdís Þóra Jónsdóttir,
sinn fyrsta sigur á stóru móti.
Hlynur Geir Hjartarson úr GK
tryggði sér sigur í karpaflokki á
lokamóti Kaupþingsmótaraðar-
innar á Urriðavelli og um leið
stigameistaratitilinn 2008. Hlynur
lék á 74 höggum í gær, eða 3 högg-
um yfir pari og lauk leik á samtals
5 höggum yfir pari. Alfreð Brynj-
ar Kristinsson úr GKG varð annar
á 8 höggum yfir pari. Páll
Theo dórsson úr GKj varð þriðji á
9 höggum yfir pari.
„Það var frábært að ná að vinna
þetta mót strax á eftir að hafa
unnið Íslandsmeistaratitilinn í
holukeppni,“ sagði Hlynur Geir
Hjartarson, sigurvegari lokamóts
Kaupþingsmótaraðarinnar á
Urriðavelli, og nýkrýndur stiga-
meistari ársins.
Verðlaun í fjórum mótum af sex
„Sumarið hefur gengið frábær-
lega hjá mér og ég er búinn að
vera í verðlaunasæti á fjórum af
sex mótum. Ég er kominn með
þrjú gull, eitt silfur og eitt brons
þannig að þetta er búið að ganga
mjög vel,“ sagði Hlynur sem grín-
aðist með að fæðingarorlofið eigi
mikinn þátt í því hversu vel hann
er að spila í ár.
„Ég flutti til Spánar í einhverja
tvo mánuði og var á Spáni og æfði
þar við bestu aðstæður. Ég var að
ná að æfa í tíu tíma á dag og með
þessu kom ég mér á annað stig,“
segir Hlynur kátur.
„Þetta var völlur sem hentar
mér ágætlega því hann er erfiður
og frekar þröngur. Ég kann vel við
mig á svoleiðis velli. Stefnan var
sett á að koma sér í verðlaunasæti
og tryggja sér stigatitilinn. Ég
ætlaði líka ekki að vera í neinni
vitleysu í þessu móti heldur reyna
að spila bara öruggt golf,“ sagði
Hlynur sem hefur verið í feikna-
formi að undanförnu.
„Það er verst að það eru ekki
fleiri mót eftir,“ sagði sagði hann
hlæjandi en Hlynur hefur einnig
ákveðið að reyna að komast aftur
út næsta vor enda gaf það svo
góða raun í sumar. „Ég fer pott-
þétt aftur til Spánar næsta vor,“
sagði nýkrýndur stigameistari að
lokum.
Meiddist í árekstri en vann samt
Valdís Þóra Jónsdóttir lék hring-
ina tvo á samtals 14 höggum yfir
pari og vann sinn fyrsta sigur á
mótaröðinni. Hún lét það ekki á
sig fá að hafa meiðst á hendi eftir
að hafa lent í árekstri á leiðinni til
keppni í gærmorgun.
Það mátti þó ekki miklu muna
því Ragna Björk Ólafsdóttir úr
GK og Ásta Birna Magnúsdóttir
úr GK urðu jafnar í þriðja sæti
aðeins einu höggi á eftir. Ragn-
hildur Sigurðardóttir úr GR hafn-
aði í 4. sæti á 18 höggum yfir pari
og dugði það henni til að tryggja
sér stigameistaratitil kvenna 2008.
Fimmta varð síðan Ingunn Gunn-
arsdóttir úr GKG á 26 höggum
yfir pari.
„Ég var nú ekki að spila neitt
voðalega vel í dag en það er mjög
gaman að ná að vinna svona mót.
Þetta var mjög jafnt,“ segir Valdís
og bætir við. „Ég var að pútta illa
og vippa illa en annars var ég að
slá vel,“ segir Valdís sem er fyrsta
konan úr Leyni sem vinnur mót á
Kaupþingsmótaröðinni.
„Það var kalt en ég var með hita-
poka innan í lúffunum þannig að
það bjargaði mér alveg,“ sagði
Valdís sem ætlar að nýta veturinn
vel til æfinga. „Ég er meðal ann-
ars að fara til Brasilíu 23. október
til að keppa,“ segir Valdís spennt.
ooj@frettabladid.is
Hlynur Geir vann tvö síðustu mótin
Hlynur Geir Hjartarson úr GK og Valdís Þóra Jónsdóttir úr GL unnu lokamót Kaupþingsmótaraðarinnar
sem fram fór á Urriðavelli. Hlynur er stigameistari ársins en Ragnhildur Sigurðardóttir vann hjá konunum.
SIGURKOSS Hlynur Geir Hjartarson,
til vinstri, hefur spilað vel á síðustu
mótum. Hér fyrir ofan sést síðan Valdís
Þóra Jónsdóttir sem vann sinn fyrsta
sigur á Kaupþingsmótaröðinni um
helgina. Fyrir neðan er síðan sigurvegari
mótaraðarinnar hjá konunum, Ragnhild-
ur Sigurðardóttir. FRÉTTABLAÐIÐ/STEFÁN