Fréttablaðið - 17.09.2008, Blaðsíða 6
6 17. september 2008 MIÐVIKUDAGUR
Ert þú sammála því að króna
og evra séu einu raunhæfu kost-
irnir sem framtíðargjaldmiðill
Íslands?
Já 59%
Nei 41%
SPURNING DAGSINS Í DAG:
Óttast þú að einn eða fleiri
íslenskur banki verði gjaldþrota
í efnahagskreppunni sem nú
stendur yfir?
Segðu þína skoðun á visir.is
UTANRÍKISMÁL Jan Eliasson, fyrr-
verandi utanríkisráðherra Sví-
þjóðar, mun taka virkan þátt í
lokabaráttu íslenskra stjórnvalda
fyrir sæti í öryggisráði Samein-
uðu þjóðanna, og funda með full-
trúum ríkja SÞ fyrir Íslands hönd.
Þetta er hluti viðamikillar sam-
vinnu Íslands og hinna Norður-
landaþjóðanna, sem styðja fram-
boð Íslands, segir Kristín A.
Árnadóttir, framkvæmdastjóri
framboðs Íslands.
„Þetta er þungaviktarmaður, vel
virtur og vel þekktur,“ segir Krist-
ín. Eliasson var áður fastafulltrúi
Svíþjóðar, og síðar forseti alls-
herjarþings SÞ. Frá desember
2006 hefur hann sinnt starfi sér-
staks sendifulltrúa framkvæmda-
stjóra SÞ í Darfúrhéraði í Súdan.
Kosið verður milli Íslands, Aust-
urríkis og Tyrklands um tvö laus
sæti í ráðinu fyrir árin 2009 og
2010 þann 17. október. Spurð um
möguleika Íslands segir Kristín að
þjóðirnar þrjár hafi allar sterka
stöðu.
Fjórir íslenskir sendiherrar
munu starfa að framboðinu í höf-
uðstöðvum SÞ í New York vikurn-
ar fyrir kosningarnar, auk sendi-
nefndar Íslands og sendinefnda
hinna Norðurlandanna hjá SÞ. Það
er hluti af hernaðaráætlun
íslenskra stjórnvalda fyrir þær
vikur sem eftir eru fram að kosn-
ingum. Þá munu bæði utanríkis-
ráðherra, forsætisráðherra og for-
seti Íslands vinna að framboðinu á
vettvangi SÞ í New York. - bj
Lokaspretturinn í framboði til öryggisráðs Sameinuðu þjóðanna framundan:
Þungaviktarmaður leggur lið
JAN ELIASSON Mikill fengur þykir í því að
hafa fengið fyrrverandi utanríkisráðherra
Svíþjóðar til liðs við framboð Íslands.
FRÉTTABLAÐIÐ/AP
FJÖLMIÐLAR Fréttastofur Stöðvar 2
og vefmiðilsins Vísis voru samein-
aðar í gær. Óskar Hrafn Þorvalds-
son var ráðinn fréttastjóri samein-
aðrar fréttastofu en hann hefur
verið ritstjóri Vísis í um ár.
Samkvæmt upplýsingum frá fjöl-
miðlafyrirtækinu 365, sem gefur
einnig út Fréttablaðið, eru breyt-
ingarnar liður í skipulagsbreyting-
um sem miða að því að efla frétta-
stofuna og ná meiri samlegð í
rekstri Stöðvar 2, Vísis og Bylgj-
unnar.
Óskar Hrafn segir að sér lítist
ljómandi vel á nýja starfið og að
vonandi muni áhorfendur taka eftir
breytingum fljótlega. Hann vildi
ekki skýra nánar hvaða breytingar
væru fyrirhugaðar.
Sameining fréttastofanna er ekki
sparnaðarráðstöfun í sjálfu sér,
segir Óskar. „Auðvitað vilja menn
hámarka arðsemi en ég held að
þetta snúist eingöngu um að búa til
öfluga fréttastofu.“
Óskar segir að ekki sé gert ráð
fyrir því að starfsmönnum verði
fækkað vegna þessara breytinga.
Steingrímur Sævarr Ólafsson lét
í gær af störfum sem fréttastjóri
Stöðvar 2. Hann sagði í gærkvöldi
óráðið hvort hann taki við öðru
starfi innan 365 eða láti af störfum
hjá fyrirtækinu.
„Ég tel mig hafa verið á réttri leið
með fréttastofuna, og það hljóta
alltaf að vera vonbrigði að fá ekki
að fylgja því eftir sem maður hefur
verið að gera,“ sagði Steingrímur.
Blendnar tilfinningar
Fréttastofur útvarps og sjónvarps
hjá RÚV hafa verið sameinaðar
undir merki fréttastofu RÚV.
Óðinn Jónsson, sem áður var
fréttastjóri útvarps, verður frétta-
stjóri. Elín Hirst, sem gegndi
stöðu fréttastjóra sjónvarps, verð-
ur hvorki frétta- né varafrétta-
stjóri.
Blendnar tilfinningar voru á
meðal starfsmanna RÚV á fundi
þar sem breytingin var tilkynnt.
Páll Magnússon útvarpsstjóri full-
vissaði starfsmenn um að starfs-
fólki yrði ekki sagt upp í kjölfar
sameiningarinnar. Heyra mátti á
starfsmönnum að ekki voru allir
vissir um að sú fullyrðing stæðist
til langs tíma.
Elín Hirst tók til máls og sagðist
styðja sameininguna og hafa gert
lengi enda væri hugmyndin ekki
ný af nálinni. Hún ætlaði þó ekki
að neita því að hún hefði kosið að
leiða starfið. Hún væri hins vegar
ekki á förum og mundi máta sig
sem undirmaður Óðins Jónssonar.
Varafréttastjórar hinnar sam-
eiginlegu fréttastofu eru Broddi
Broddason, Ingólfur Bjarni Sig-
fússon, Margrét Marteinsdóttir og
Sigríður Hagalín Björnsdóttir.
Íþróttadeildin, sem áður var undir
innlendri dagskrárdeild, færist nú
undir fréttastofuna. Þá heyra
svæðisstöðvar og ritstjórn ruv.is
einnig undir fréttastofuna.
brjann@frettabladid.is
kolbeinn@frettabladid.is
Fréttastofur sameinaðar
hjá Ríkisútvarpinu og 365
Breytingar urðu á fréttastofum Ríkisútvarpsins og 365 í gær. Fréttastofur Stöðvar 2 og vefmiðilsins Vísis
sameinuðust, sem og fréttastofur RÚV. Fullyrt er að ekki muni koma til uppsagna vegna breytinganna.
ÓÐINN JÓNSSON
FUNDUR HJÁ 365 Ari Edwald, forstjóri 365, kynnti breytingar á
fréttastofum Stöðvar 2 og Vísis á fundi með starfsmönnum í
gærkvöldi. FRÉTTABLAÐIÐ/STEFÁN
FUNDUR HJÁ RÚV Tilkynnt var um breytingar á fréttastofum
Ríkisútvarpsins á starfsmannafundi í gærmorgun.
FRÉTTABLAÐIÐ/ANTON
NÁTTÚRA Um 30 tonna bjarg
hrundi niður úr Klifi, sem er
fyrir ofan hafnarsvæðið í
Vestmannaeyjum, um hádegis-
bilið í gær. Valt það fyrsta
spölinn eftir göngustíg sem
liggur upp í Klif.
„Það er hæpið að tengja þetta
við hræringarnar á Suðurlandi,“
segir Yngvar Atli Sigurðsson,
forstöðumaður Náttúrustofu
Suðurlands. „En það er hraun
uppi á toppnum á Klifinu sem er
allt krosssprungið og sennilega
er rigningin að skola eitthvað
undan þessu með þessum
afleiðingum. Það hefur verið að
hrynja svolítið niður að undan-
förnu svo það getur verið að
skjálftinn í vor hafi hróflað
eitthvað við þessu.“
Hann segir Eyjamenn þekkja
hætturnar í umhverfi sínu en þó
mætti brýna fyrir mönnum að
hafa varann á undir Klifinu,
sérstaklega þegar rignir. - jse
Hrun úr Klifinu í Eyjum:
Bjarg fór eftir
göngustíg
KOMIÐ ÚR KLIFI Yngvar stendur hér hjá
bjarginu. MYND/ÓSKAR FRIÐRIKSSON
ÓSKAR HRAFN
ÞORVALDSSON
DÓMSMÁL Tveir rúmlega þrítugir
menn voru í gær dæmdir í þrjátíu
daga fangelsi fyrir að framvísa
vegabréfum sem ekki stóðust
skoðun við komu þeirra til landsins
nýverið. Báðir mennirnir játuðu
sök.
Fyrri maðurinn, 31 árs gamall
Angólabúi, framvísaði sænsku
vegabréfi í eigu annars manns við
komuna til landsins þann 9.
september. Hann var dæmdur
fyrir misnotkun skjala.
Síðari maðurinn, þrítugur
Indverji, vísaði fölsuðu vegabréfi
við komuna til Keflavíkur í gær og
var dæmdur fyrir skjalafals. - bj
Héraðsdómur Reykjaness:
Fangelsi fyrir
vegabréfafals
STJÓRNMÁL Björn Bjarnason dóms-
málaráðherra sagði að í raun hafi
það eftirlit sem stjórnvöld höfðu
uppi í kalda stríðinu hér á landi
verið lítilfjörlegt. Það hafi verið
varúðarráðstöfun við ákveðnar
aðstæður.
Björn flutti erindi í hádegis-
fyrirlestraröð Sagnfræðingafé-
lags Íslands í Þjóðminjasafninu í
gær. Hann sagði dóm sögunnar
um átök austurs og vesturs þegar
vera fallinn og sameiningu Aust-
ur- og Vestur-Berlínar vera skýr-
asta dæmið um inntak þess dóms.
Hann sagði fráleitt að kalla hler-
anir þær sem stundaðar voru hér
á landi pólitískar hleranir. Þegar
hann var spurður út í þau gögn
sem brennd voru um miðjan átt-
unda áratuginn, en það voru bréf-
snifsi með hleranaskýrslum, sagði
hann að skynsamlegra hefði verið
að eiga þau gögn. Hann efist hins
vegar ekki um að þau hafi verið
lítilfjörleg.
Í umræðum um afskipti Banda-
ríkjanna af Suður-Ameríku sagð-
ist Björn ekki þess umkominn að
fordæma dauðasveitir Banda-
ríkjamanna. Hann gæti ekki sett
sig í spor annarra þjóða.
Hvað ástandið í heimsmálum nú
áhrærir sagðist Björn þeirrar
skoðunar að ekki væri ástæða
fyrir nokkurt ríki að þenja sig
hernaðarlega út á norðurslóðum
og hvatti til borgaralegra en ekki
hernaðarlegra viðbragða. - kóp
Björn Bjarnason á fundi sagnfræðingafélagsins um kalda stríðið:
Lítið eftirlit í kalda stríðinu
DÓMSMÁLARÁÐHERRA Ræddi um dóm
sögunnar yfir kalda stríðinu á fundi hjá
Sagnfræðingafélagi Íslands.
FRÉTTABLAÐIÐ/ANTON
KJÖRKASSINN