Fréttablaðið - 17.09.2008, Blaðsíða 10

10 17. september 2008 MIÐVIKUDAGUR
www.si.is
Dagskrá
9.00 Bryndís Skúladóttir, Samtök iðnaðarins
Breytt lagaumhverfi og aukin ábyrgð framleiðenda
Doris Thieman, Efnastofnun Evrópu (ECHA)
Kaffihlé
REACH - Ertu ekki viss?
Fundur um nýja reglugerð um skráningu efna, mat,
leyfisveitingar og takmarkanir.
18. september í Yale salnum á RadissonSAS
Hótel Sögu kl. 09.00 - 12.00
Sigríður Kristjánsdóttir, Umhverfisstofnun
Skyldur íslenskra fyrirtækja og fyrstu skrefin
Doris Thieman, Efnastofnun Evrópu
Forskráning og leiðbeiningarskjöl
Samantekt og spurningar
Fundurinn er öllum opinn og aðgangur ókeypis.
Skráning á mottaka@si.is eða í síma 591 0100.
Auglýsingar geta oft verið vill-
andi og slegið ryki í augu neyt-
enda. Það vill Jón að minnsta kosti
meina. Hann skrifar: „Ég heyrði
auglýsingu frá Þjóðleikhúsinu í
útvarpinu þar sem auglýst er að
miðinn í leikhúsið fyrir okkur sem
erum yngri en 25 ára kosti 1.500
kr. Þar kemur einnig fram að þetta
gildi á allar sýningar, hvenær sem
er. Mér fannst þetta ágætis „díll“
og ætlaði að kaupa miða á söng-
leikinn Ástin er diskó. Þá er mér
sagt að tilboðið gildi ekki á þá
sýningu og ég þurfi að borga 3.500
kr. Þvílíkt okur! Þau í miðasöl-
unni sögðu að tilboðið gilti ekki á
allar sýningar. Þetta finnst mér
fáránlegt. Það kom ekkert fram
um þetta í auglýsingunni! Það er
út í hött að auglýsa svona þegar
eina sýningin sem ég og mínir
jafnaldrar hafa einhvern áhuga á
að sjá í leikhúsinu er ekki innifal-
in í „dílnum“. Ekki langar mig á
Hart í bak, sem mér var boðið að
sjá í staðinn!“
Kristrún Heiða Hauks-
dóttir, kynningarstjóri
Þjóðleikhússins, svar-
ar Jóni: „Það er löng
hefð fyrir því í leikhúsum að miða-
verð á söngleiki sé hærra en á
almennar sýningar. Söngleikjum
fylgir umtalsvert hærri kostnaður
við uppsetningu sökum þess að
sýningar þeirra útheimta iðulega
fleira starfsfólk, dansara, tónlist
og flóknari tæknibúnað heldur en
aðrar sýningar. Tilboð Þjóðleik-
hússins til leikhúsgesta 25 ára og
yngri er 1.500 kr. á almennar sýn-
ingar, þ.e. ekki á söngleiki.
Tilboðsverð fyrir 25 ára og yngri
á Ástin er diskó, lífið er pönk er
2.500 kr. (ekki 3.500 kr. eins og
fram kemur í bréfi Jóns.) Fullt
verð er 3.600 kr. og það er jafn-
aðarverð.
Okkur þykir leitt að Jón hafði
ekki nánari upplýsingar um til-
boðið og kom fýluferð alla leið í
miðasöluna, en það er eðli
auglýsinga að þær geta
því miður ekki alltaf sagt
alla söguna.“ Þá segir að
í útvarpsauglýsingunni
sem vísað er til sé bent á
heimasíðuna, www.leik-
husid.is, sem og miða-
sölu Þjóðleikhússins í
síma 551-1200 til að
fá nánari upplýs-
ingar.
Auglýsingar segja ekki alla söguna:
Tilboð á allt nema
það sem hann vildi sjá
BÓLIVÍA, AP Forsetar ríkja Suður-
Ameríku ætla að vinna saman að
lausn á harðvítugum deilum
stjórnarsinna og stjórnarand-
stæðinga í Bólivíu, sem hafa
orðið til þess að Evo Morales for-
seti hefur í raun misst tökin á
stórum hluta landsins.
Átökin hafa kostað tugi manna
lífið síðasta hálfa mánuðinn, en á
mánudag komu þjóðarleiðtogar
ríkja álfunnar saman í Chile til að
fjalla um ástandið og lýstu yfir
stuðningi við Morales. Þeir hvetja
uppreisnarmenn til að hætta
þegar í stað öllu ofbeldi.
„Við getum ekki staðið hjá and-
spænis þessu ástandi sem veldur
okkur öllum áhyggjum,“ sagði
Michelle Bachelet, forseti Chile,
en hún er jafnframt forseti
Bandalags Suður-Ameríkulanda.
Uppreisnin er í fjórum héruð-
um í austanverðri Bólivíu. Þessi
héruð krefjast aukinnar sjálf-
stjórnar og vilja að Morales for-
seti hætti við að efna til þjóðar-
atkvæðagreiðslu um nýja
stjórnarskrá, sem myndi auka
miðstýringu og veita forsetanum
meiri völd.
Morales, sem er vinstrimaður
eins og leiðtogar margra Suður-
Ameríkulanda nú um stundir,
segir stjórnarskrárbreytinguna
nauðsynlega til að styrkja stöðu
hinna fátæku frumbyggja, sem
eru í miklum meirihluta meðal
landsmanna. Sjálfur er Morales
úr röðum frumbyggja.
Héruðin fjögur, Pando, Santa
Cruz, Tarija og Beni, lýstu yfir
sjálfstæði í desember síðastliðn-
um. Jarðgasframleiðsla Bólivíu
er einkum í þessum fjórum hér-
uðum, en eitt fyrsta verk Mor ales
þegar hann komst til valda árið
2006 var að þjóðnýta jarðgas auð-
lindirnar við litla ánægju heima-
manna.
Morales hefur sakað Banda-
ríkjamenn um að styðja upp-
reisnarmenn og hvetja þá til
dáða.
Verst hefur ástandið verið í
Pando-héraði, þar sem herlög
hafa verið í gildi síðan á föstu-
dag. Morales forseti sakar upp-
reisnarmenn þar um að hafa
framið fjöldamorð á stuðnings-
mönnum stjórnarinnar.
Hugo Chavez, forseti í Venesú-
ela, hefur óspart tekið undir þess-
ar ásakanir og í síðustu viku ráku
bæði Chavez og Morales sendi-
herra Bandaríkjanna úr löndum
sínum.
„Fasismann verður að stöðva í
Bólivíu,“ sagði Chavez á laugar-
daginn og vonast til að leiðtoga-
fundurinn í Chile skipti sköpum.
gudsteinn@frettabladid.is
Óttast klofning Bólivíu
Forsetar Suður-Ameríkuríkja segjast staðráðnir í að finna lausn á átökunum í Bólivíu sem hafa kostað tugi
manna lífið síðustu daga. Evo Morales, forseti Bólivíu, hefur misst tökin á stórum hluta landsins.
ÆTTINGJAR HINNA LÁTNU Ættingjar þeirra sem fallið hafa í átökum síðustu daga
biðu frétta fyrir utan stjórnarhöllina í La Paz. FRÉTTABLAÐIÐ/AP
LÖGREGLUMÁL Yfirmaður rann-
sóknardeildar lögreglunnar á höf-
uðborgarsvæðinu, Friðrik Smári
Björgvinsson, sér ekki ástæðu til
að áminna starfsmanninn, sem
láðist að tilkynna landamæraeftir-
liti í Keflavík að meintur ofbeldis-
maður, Ivan Kovulenko, væri eft-
irlýstur.
Kovulenko gekk óáreittur í
gegnum landamæraeftirlitið í síð-
ustu viku, en hann var eftirlýstur
vegna alvarlegrar líkamsárásar.
„Það verður enginn einn dreg-
inn til ábyrgðar og ég get ekki séð
ástæðu til þess,“ segir Friðrik
Smári. Slíkt hafi ekki komið til
tals.
Spurður um
málsatvik, segir
Friðrik: „Ég veit
ekki hvaða skýr-
ing liggur að
baki. Það var
skammur tími
frá því að þetta
uppgötvaðist
[hver Kovu-
lenko var] og
þangað til mað-
urinn komst úr landi. Og það var
mikið að gera, en það afsakar ekki
neitt.“
Starfsmaðurinn vinnur innan
rannsóknardeildar lögreglunnar
og Friðrik Smári segir að verk-
lagsreglur hennar verði endur-
skoðaðar og farið yfir atvikið í
heild sinni. - kóþ
Flótti eftirlýsts manns úr landi var sök einstaklings í rannsóknardeild:
Ekki ástæða til áminningar
FRIÐRIK SMÁRI BJÖRGVINSSON Yfirmað-
ur rannsóknardeildar sér ekki ástæðu til
að veita áminningu.
IVAN KOVULENKO
SAMGÖNGUR Stofnuð verða samtök
um bíllausan lífsstíl í Tjarnarsal
Ráðhússins klukkan 20 í kvöld og
kosið í stjórn þeirra.
Í tilkynningu segir að samtökin
séu þverpólitískt félag fólks sem
hafi að áhugamáli að gera
bíllausan lífsstíl að vænlegri kosti
en nú er.
Markmiðið sé ekki að berjast
gegn einkabílnum eða bíleigend-
um, heldur að stuðla að fjöl-
breyttari samgöngum. Einnig að
berjast fyrir því að jafnræðis sé
gætt milli samgöngukosta.
Allir áhugasamir eru boðnir
velkomnir á stofnfundinn.
- kóþ
Í Ráðhúsinu í kvöld:
Samtök stofnuð
um líf án bíls
ÍRAK, AP Bandaríski herforinginn
David Petraeus, sem hefur
stjórnað herafla Bandaríkjanna í
Írak síðan snemma á síðasta ári,
kvaddi þann starfsvettvang í gær.
Við tók Ray Odierno, annar
bandarískur herforingi, sem fær
nú það erfiða verkefni að stjórna
erlendum her sem nýtur lítilla
vinsælda í landinu. Herforingja-
skiptin fóru fram við hátíðlega
athöfn í einni af höllum Saddams
Hussein, fyrrverandi forseta
Íraks. Petraeus sagði þar að
Odierno væri fullkominn maður í
þetta starf. - gb
Herforingjaskipti í Írak:
Odierno tekur
við af Petraeus
ODIERNO OG PETRAEUS Núverandi og
fráfarandi yfirmaður erlenda heraflans.
NORDICPHOTOS/AFP
Á HÆGRI FERÐ TIL JARÐAR Nokkrir
suðurkóreskir hermenn sýndu listir
sínar í fallhlífarstökki í gær, á æfingu
fyrir hersýningu sem haldin verður 1.
október þegar landsmenn halda upp á
sextíu ára afmæli hersins.
FRÉTTABLAÐIÐ/AP
DR. GUNNI
neytendur@frettabladid.is
Sendið umboðsmanni neytenda ábendingar
eða sparnaðarráð á neytendur@frettabladid.is
SLÖKKVILIÐ
Eldsvoði á Laugarvatni
Einbýlishús á Laugarvatni skemmd-
ist mikið í eldi um hádegisbil í gær.
Samkvæmt lögreglu á Selfossi gekk
vel að slökkva eldinn en tjónið varð
mikið. Engan sakaði en húsið var
mannlaust þegar eldsins varð vart.