Fréttablaðið - 17.09.2008, Blaðsíða 39

MIÐVIKUDAGUR 17. september 2008 23
HVAÐ? HVENÆR? HVAR?
Miðvikudagur 17. september
➜ Tónleikar
21.00 Rokk&Ról‚ 08 Rokkabilly-
band Reykja víkur heldur útgáfutón-
leika í Iðnó. Þar koma einnig fram
Bjartmar Guðlaugsson og hljóm-
sveitin Vax.
➜ Fyrirlestrar
12.00 Af hverju verða Íslendingar
blindir? Ársæll Már Arnarsson, lektor
í sálfræði, flytur fyrirlestur í Sólborg,
L 201, í Háskólanum á Akureyri.
➜ Námskeið
Ljósmyndara námskeið
Leiðbeinandi er Pálmi
Guðmundsson.
Skráning er hafin á
www.ljosmyndari.is.
➜ Uppákomur
Breiðholtsdagar standa yfir til 21.
september. Nánari upplýsingar má
finna á www.breidholt.is.
➜ Tónlist
17.00 Háskólatónleikar Iris
Kramer hornleikari og Hrólfur Vagns-
son harmonikkuleikari spila tangó-
tónlist, djass og klassík. Kaffi Bifröst,
Háskólinn á Bifröst.
Upplýsingar um viðburði sendist á
hvar@frettabladid.is
Kvikmyndin Brúðguminn í
leikstjórn Baltasars Kormáks var
valin framlag Íslands til forvals
Óskarsverðlaunanna um bestu
erlendu myndina. Kosning meðal
meðlima Íslensku kvikmynda- og
sjónvarpsverðlaunanna stóð yfir
frá föstudegi til miðnættis á
mánudaginn. Þetta er annað árið í
rðð sem mynd eftir Baltasar er
valin í forvalið en í fyrra varð
mynd hans Mýrin fyrir valinu.
Þær myndir sem hlutu ekki náð
fyrir augum dómnefndarinnar
voru Heiðin, Skrapp út, Stóra plan-
ið og Sveitabrúðkaup. Tilnefning-
ar til Óskarsverðlauna verða
kynntar í Los Angeles 22. janúar á
næsta ári og hátíðin sjálf fer fram
mánuði síðar, 22. febrúar.
Brúðguminn
fer í forvalið
Rokksveitin Metallica, sem gaf
fyrir skömmu út plötuna Death
Magnetic, hætti við að veita sænska
dagblaðinu Sydsvenskan viðtal eftir
að hún komst að því að blaðamaður
þess hefði hlaðið plötunni ólöglega
niður af netinu.
Metallica höfðaði mál gegn
fyrirtækinu Napster fyrir nokkrum
árum og er þekkt fyrir að hafa horn
í síðu þeirra sem hlaða tónlist ólög-
lega niður af netinu. Í dómi sem
blaðamaðurinn skrifaði um plötuna
viðurkenndi hann að hafa hlaðið
niður breyttri útgáfu af plötunni af
netinu og sagði hana betri en þá
sem var gefin út. Þegar yfirmenn
útgáfufyrirtækis Metallica komust
að þessu afboðaði hljómsveitin við-
talið við dagblaðið undir eins. „Að
sækja tónlist sem aðrir hafa hlaðið
niður á netinu er ólöglegt. Punktur.
Sú staðreynd að Sydsvenskan hafi
innan sinna raða blaðamann sem
hefur hlaðið niður tónlist ólöglega
og minnist á það í plötudómnum er
algjörlega óviðunandi,“ sagði for-
seti Universal Music í Svíþjóð.
Ósáttir við niðurhal
METALLICA Hljómsveitin Metallica
hætti við að veita sænska dagblaðinu
Sydsvenskan viðtal.
Færeyska rokksveitin Týr er
væntanleg til Íslands fyrstu
helgina í október og ætlar að spila
á þrennum tónleikum í Reykjavík
og á Akureyri. Þetta verður í
fimmta skiptið sem sveitin kemur
til landsins.
Sveitin hefur skapað sér sess
fyrir að flytja ýmis þjóðleg kvæði
og vísur frá Norðurlöndunum og
setja þau í þungarokksbúning. Á
nýjustu plötunni, sem heitir
einfaldlega Land, flytja þeir
íslenska lagið Ævi mín er eintómt
hlaup eftir brennivíni, gamla vísu
sem birtist í útgáfu frá kvæða-
mannafélaginu Iðunni.
Fyrstu tónleikar Týs hérlendis
verða á Græna hattinum á
Akureyri 3. október þar sem
Hvanndalsbræður og Disturbing
Boner verða á meðal gesta.
Kvöldið eftir verður tónleika-
veisla á Nasa þar sem Mammút
og Severed Crotch troða einnig
upp ásamt fleirum. Sunnudaginn
5. október spilar Týr síðan í
Hellinum fyrir alla aldurshópa.
Týr til Íslands
David Gilmour, gítarleikari Pink Floyd,
syrgir mjög félaga sinn Richard
Wright, sem lést fyrir skömmu úr
krabbameini, 65 ára gamall. „Að mínu
mati urðu öll bestu augnablik Pink
Floyd til þegar hann var í mesta
stuðinu,“ sagði Gilmour. „Enginn getur
komið í stað Richards Wright. Hann var
félagi minn í tónlistinni og vinur.“
Á meðal þekktustu laga sem Wright
samdi með Pink Floyd voru Us and
Them og The Great Gig in the Sky af
plötunni The Dark Side of the Moon.
Wright spilaði á fyrstu plötu Pink Floyd, The Piper at the Gates of
Dawn, árið 1967 ásamt Syd Barrett, Roger Waters og Nick Mason.
Bæði Barrett og Waters hættu í sveitinni en hinir meðlimirnir héldu
áfram að spila og gefa út plötur með gítarleikarann Dave Gilmour
innanborðs. Árið 2005 kom Pink Floyd saman á ný í fyrsta sinn í 24 ár
með Waters innanborðs á Live 8-tónleikunum.
Syrgir félaga sinn
PINK FLOYD Hljómborðsleikarinn
Richard Wright er lengst til hægri
á myndinni.