Fréttablaðið - 17.09.2008, Blaðsíða 42
26 17. september 2008 MIÐVIKUDAGUR
sport@frettabladid.is
FÓTBOLTI Cristiano Ronaldo snýr
væntanlega aftur í búningi Man.
Utd í kvöld er United tekur á móti
Villareal í Meistaradeildinni.
Ronaldo hefur verið á sjúkra-
listanum síðustu tvo mánuði eftir
að hafa farið í uppskurð á ökkla.
Upphaflega var ekki búist við
honum fyrr en í lok október
þannig að hann er fyrr á ferðinni
en áætlað var.
„Hann hefur tekið stórkostleg-
um framförum síðustu vikur og
nálgast að geta spilað fótbolta
með aðalliðinu,“ sagði Sir Alex
Ferguson, stjóri Man. Utd, sem
gætu hleypt Ronaldo snemma af
stað í kvöld.
United verður þó klárlega án
Michaels Carrick sem er meidd-
ur og svo er Paul Scholes í banni.
Dimitar Berbatov er þess utan
tæpur.
Arsenal á erfiðan leik fyrir
höndum í Kænugarði gegn
Dynamo Kiev. Vafasamt er hvort
Samir Nasri geti spilað vegna
ökklameiðsla en Mikael Silvestre
gæti snúið aftur. - hbg
Titilvörn Manchester United í Meistaradeild Evrópu hefst í kvöld:
Ronaldo líklega með United
CRISTIANO RONALDO Snýr væntan-
lega aftur á Old Trafford í kvöld.
NORDIC PHOTOS/GETTY IMAGES
MEISTARADEILDIN
Leikir kvöldsins:
E-riðill:
Man. Utd-Villareal Stöð 2 Sport
Celtic-Aab
F-riðill:
Steaua Búkarest-Bayern Munchen
Lyon-Fiorentina
G-riðill:
Porto-Fenerbahce
Dynamo Kiev-Arsenal Sport 3
H-riðill:
Juventus-Zenit Sport 4
Real Madrid-Bate Borisov
Dóra María Lárusdóttir var í gær valin besti leikmaður umferða 13 til
18 í Landsbankadeild kvenna.
„Það er mjög gaman að fá svona viðurkenningar. Þetta kom á óvart
en ég held samt að það hafi verið rétt að einhver í Val hlyti
þessa viðurkenningu,“ sagði Dóra María sátt. Dóra María
hefur spilað vel í sumar en hefur hreinlega blómstrað
eftir að hún var færð af kantinuum inn á miðjuna.
„Ég byrjaði í þessari stöðu í fyrsta leik og hef síðan
fengið að fara í hana undir lok leikja af og til. Svo
var það bara ákvörðun þjálfaranna að prófa
þetta og það hefur bara gengið vel síðan,“
segir Dóra María og það er óhætt að taka
undir það því Valsliðið hefur unnið alla
sex leikina síðan að Dóra María fór inn á
miðjuna og hefur jafnframt skorað 45 mörk
í þeim eða 7,5 að meðaltali í leik.
„Ég er miklu meira í boltanum og þetta
hefur verið draumastaðan mín lengi. Mér
finnst ég nýtast best í þessari stöðu,“ segir
Dóra María sem skoraði 15 mörk í deildinni í sumar.
Elísabet Gunnarsdóttir og Freyr Alexandersson voru kosin bestu
þjálfarar síðustu sex umferða í Landsbankadeildinni. Elísabet var sátt
með verðlaunin og ekki síst frammistöðu sinna stelpna. „Það hefur
verið erfitt að taka eina út af þeim Dóru Maríu, Margréti Láru
og Sophiu,” segir Elísabet en hún er sátt með Dóru Maríu.
„Dóra María er búin að toppa sína getu leik eftir leik í
sumar. Hún er að skora mikið og hún er að skora mikil-
væg mörk. Hún hefur verið að koma okkur yfir í mörg-
um leikjum. Hún er að skora mikilvægari mörk en hún
hefur nokkurn tímann gert áður,” segir Elísabet
sem ætti að þekkja hana vel. „Ég er búin að þjálfa
hana í heildina í þrettán ár og ég hef oft sagt það
að hún sé hæfileikaríkasti leikmaður sem ég hef
þjálfað. Hana hefur bara oft skort sjálfstraust og
smá egó til að sýna hæfileika sína sem best.
Mér finnst hún hins vegar hafa verið að gera
það í sumar. Hún er eins og nýr leikmaður fyrir
okkur í sumar,“ sagði Elísabet að lokum.
VALSKONAN DÓRA MARÍA LÁRUSDÓTTIR: VALIN BEST Í UMFERÐUM ÞRETTÁN TIL ÁTJÁN
Þetta hefur verið draumastaðan mín lengi
>Ísland leikur gegn Möltu
Knattspyrnusamband Íslands tilkynnti í gær að karla-
landslið Íslands í fótbolta muni leika vináttulandsleik
gegn Möltu miðvikudaginn 19. nóvember. Leikurinn fer
fram á Möltu og þar sem um svokallaðan alþjóðlegan
leikdag er að ræða þá getur landsliðsþjálfarinn Ólafur
Jóhannesson teflt fram sínum sterkustu leikmönn-
um. Íslenska landsliðið mætti Möltubúum síðast á
æfingamóti á Möltu í byrjun febrúar á þessu ári og þá
fóru heimamenn með 1-0 sigur af hólmi.
Næstu leikir Íslands eru gegn Hollandi á
útivelli 11. október og gegn Makedóníu
á heimavelli 15. október í undankeppni
HM 2010.
LJÓSAKVÖLD Í LAUGARDAL
Kl. 21:10
FRAM - FH
Miðvikudagurinn 17. september
Meistaradeild A-riðill
Chelsea-Bordeaux 4-0
1-0 Frank Lampard (14.), 2-0 Joe Cole (30.), 3-0
Florent Malouda (82.), 4-0 Nicolas Anelka (90.).
Roma-Cluj 1-2
1-0 Christian Panucci (17.), 1-1 Emmanuel Culio
(28.), 1-2 Emmanuel Culio (49.).
Meistaradeild B-riðill
Werder Bremen-Famagusta 0-0
Panathinaikos-Inter 0-2
0-1 Alessandro Mancini (27.), 0-2 Adriano (85.).
Meistaradeild C-riðill
Barcelona-Sporting 3-1
1-0 Rafael Márquez (21.), 2-0 Samuel Eto‘o
(60.), 2-1 Tonel (72.), 3-1 Xavi (87.).
Basel-Shakhtar Donetsk 1-2
0-1 Fernandinho (25.), 0-2 Jadson (46.), 1-2
David Abraham (90.).
Meistaradeild D-riðill
PSV Eindhoven-Atlético Madrid 0-3
0-1 Sergio Aguero (9.), 0-2 Sergio Aguero (36.),
0-3 Maniche (54.)
Marseille-Liverpool 1-2
1-0 Lorik Cana (23.), 1-1 Steven Gerrard (26.),
1-2 Steven Gerrard (32.).
ÚRSLITIN Í GÆR
FÓTBOLTI Steven Gerrard, fyrirliði
Liverpool, bjargaði sínu liði enn á
ný á opnunardegi Meistaradeildar-
innar í gær þegar hann skoraði
bæði mörkin í dýrmætum útisigri í
Marseille. Lið kvöldsins kom þó
frá Rúmeníu því CFR Cluj tók sig
til og vann Roma á Ólympíuleik-
vanginum í Róm en þetta var fyrsti
Meistaradeildar leikur félagsins.
Það byrjaði ekki vel hjá Liver-
pool í Marseille þegar Lorik Cana
lék á rangstöðutaktík Liverpool á
23. mínútu og kom franska liðinu
yfir. Steven Gerrard var hins
vegar fljótur að jafna með stór-
kostlegu marki með langskoti
þremur mínútum síðar. Gerrard
skoraði síðan sigurmarkið úr tví-
tekinni vítaspyrnu á 32. mínútu
eftir að Ryan Babel hafði verið
felldur. Babel fékk fjölda færa til
að skora fleiri mörk fyrir Liver-
pool en undir lokin gat Liverpool
þakkað markverði sínum Pepe
Reina að stigin þrjú fóru með til
Englands.
„Við spiluðum vel í fyrri hálfleik
en í þeim seinni duttum við of aft-
arlega og þeir náðu upp góðri
pressu. Aðalhetjur liðsins voru
Reina markvörður og öll varnar-
línan,“ sagði Gerrard eftir leikinn.
Gerrard vildi ekki láta mikið með
fyrra markið sitt en stjórinn Rafael
Benitez hrósaði honum í hástert.
„Þetta var frábært mark sem sýnir
yfir hvers konar hæfileikum hann
býr,“ sagði Benitez sem var ekki
alltof ánægður með leik sinna
manna en sagði sigurinn vera gríð-
arlega mikilvægan.
Chelsea fór létt með Bordeaux,
Frank Lampard og Joe Cole skor-
uðu skallamörk í fyrri hálfleik og
Frakkarnir Florent Malouda og
Nicolas Anelka bættu síðan við
mörkum í seinni hálfleiknum.
„Við byrjuðum vel sem er bæt-
ing frá því í fyrra þegar við lent-
um í vandræðum eftir að hafa
byrjað illa,“ sagði Frank Lampard
eftir leik.
Óvæntustu úrslit kvöldsins og
hugsanlega ein sú óvæntustu í
sögu keppninnar komu á Ólympíu-
leikvanginum í Róm. Argentínu-
maðurinn Juan Culio var hetja
rúmenska liðsins CFR Cluj þegar
hann skoraði sitt hvoru megin við
hálfleikinn eftir að Christian Pan-
ucci hafði komið Roma yfir á 17.
mínútu.
Hinir nýliðarnir í kýpverska lið-
inu Anorthosis Famagusta náðu
einnig góðum úrslitum þegar þeir
gerðu markalaust jafntefli við
þýska liðið Werder Bremen á úti-
velli.
Það voru fleiri Argentínumenn
se m voru í stuði í gær því Sergio
Aguero skoraði tvö mörk í fyrri
hálfleik í 3-0 útisigri Atletico
Madrid á PSV Eindhoven en þetta
var fyrsti Meistaradeildarleikur
félagsins í ellefu ár.
Eiður Smári Guðjohnsen sat
allan tímann á bekknum í 3-1 sigri
Barceolona á Sporting Lissabon.
Barca hafði aðeins skorað eitt
mark í síðustu þremur leikjum en
nú var allt annað að ská liðið.
ooj@frettabladid.is
Óvænt í Róm
Stórliðin Chelsea, Liverpool, Barcelona og Inter
unnu öll sína leiki á opnunarkvöldi Meistaradeildar-
innar en Rúmenarnir í CFR Cluj áttu lið kvöldsins.
TVENNA Steven Gerrard fagnar hér sigurmarki sínu gegn Marseille í gær.
NORDICPHOTOS/GETTY