Fréttablaðið - 17.09.2008, Blaðsíða 46

30 17. september 2008 MIÐVIKUDAGUR
„Þetta verður skemmtiþáttur með
símaveri og öllu tilheyrandi,“ segir
Jóhannes Ásbjörnsson um lands-
söfnunina Mænan er ráðgáta sem
verður í opinni dagskrá næstkom-
andi föstudagskvöld á Stöð 2.
Mænuskaðastofnun Íslands efnir til
fjáröflunarinnar og mun allur ágóð-
inn renna til rannsókna og tilrauna-
meðferða á mænuskaða.
„Það verður sent út frá World
Class í Laugum og við Simmi
munum leiða dagskrána í gegn,“
útskýrir Jóhannes, en Simmi og Jói
hafa ekki komið fram sem sjón-
varpskynnar frá því að síðustu Idol-
þáttaröð lauk árið 2006. „Það verð-
ur mikil skemmtidagskrá þar sem
Stefán Hilmarsson, Nýdönsk, Diddú
og Páll Óskar munu meðal annars
koma fram. Dansarar sýna listir
sínar og íþróttastjörnur verða á
hlaupabrettunum til að hvetja fólk
til þess að leggja sitt af mörkum.
Edda Andrésar og Logi Bergmann
munu vera með sófaviðtöl þar sem
Vigdís Finnbogadóttir verður
meðal viðmælenda og Jón
Ársæll mun taka viðtöl
við fólk sem hefur
reynslu af mænuskaða,“
segir Jóhannes.
Einn óvenjulegur
liður verður á dagskrá
sem nefnist Hola í
vegg, en er betur
þekktur sem „human
tetris“ í Japan og víðar.
„Leikararnir Bryndís
Ásmundsdóttir, Ilmur
Kristjánsdóttir, Felix Bergsson og
Jóhann G. Jóhannsson munu keppa
í leiknum sem felst í því að veggur
með mismunandi löguðum holum
kemur á móti þeim og þau þurfa að
koma sér í vissar stellingar
til að komast í gegnum
vegginn, annars detta þau
ofan í sundlaug,“ segir
Jóhannes. - ag
„Vörubílstjórar og stelpur. Ekki
gleyma því. Þetta er eina stéttin þar
sem ríkir fullkomið launajafnrétti,“
segir Halldór Jónsson eða vörubíl-
stjórinn Dóri tjakkur. Trukkakvöld
Dóra tjakks verður haldið hátíðlegt
á laugardagskvöldið á Players.
Dóri, sem keyrt hefur vörubíl í 35
ár, segir að það hafi dæmst á sig í
tímans rás að halda utan um gleðina
sem hefur verið haldin í 15 ár. Byrj-
aði smátt en hefur undið upp á sig.
„Við rennum blint í sjóinn með þetta
en það hefur verið troðfullt hjá
okkur.“
Hægri hönd Dóra í skemmtana-
haldinu er Jói Bakk eða Jóhannes
Bachmann. Hann segir að búast
megi við 8 til 12 hundruð manns.
Gríðarleg stemning er fyrir
skemmtuninni og segir Jói að þá sé
farið í sjómann og farið í krók. „Já,
taka aðeins á því. En það eru aldrei
áflog. Allt er þetta á jákvæðum og
skemmtilegum nótum. Menn eru að
flauta sig saman þessa dagana og
skipuleggja þetta í gegnum tal-
stöðvarnar,“ segir Jói. Og vekur
athygli á því að í fyrra, þegar vöru-
bílstjórar komu saman, þá hafi það
verið eina kvöldið á Players sem
þurfti að slökkva á bjórdælunum og
kæla þær niður með klökum til að
hægt væri að halda áfram að dæla.
Slíkt var álagið.
Á laugardeginum koma svo vöru-
bílstjórar saman á malarplaninu
fyrir ofan Smáralind en Dóri tjakk-
ur, sem er annálað snyrtimenni og
er bíll hans ætíð nýbónaður, segir
nokkurn meting meðal bílstjóra.
„Hvað, kallarðu þetta vél? Kemst
þetta eitthvað áfram?“ Þar verður
sem sagt fegurðarsamkeppni eða
trukkasýning. „Konur sem kalla sig
trukkalessurnar, ætla að mæta og
vera með sérstaka sýningu,“ segir
Jói. Og Dóri tjakkur, sem hefur lifað
tímana tvenna, bætir því við að sem
betur fer hafi konur haldið innreið
sína í stéttina fyrir nokkru. „Þær
eru eitthvað um tuttugu núna og fer
fjölgandi.“
Hannað hefur verið sérstakt lógó
og hljómsveitin Sixties verið ráðin
til að spila á Players. „Já, og það
sem meira er. Þeir hafa samið sér-
stakt lag í tilefni dagsins. Og einn
okkar vörubílstjóra, sem kallaður
er Skæringur, hefur samið sérstak-
an texta. Þetta lag verður tilbúið í
dag og verður gaman að heyra það,“
segir Jói Bakk. jakob@frettabladid.is
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
„Ég er nýbúin að venja mig á
að borða morgunmat og er að
vinna með snilldar ab-mjólk-
urhristing sem ég bý til með
frosnum berjum, múslíi og einni
skeið af sykurlausri sultu. Svo fæ
ég mér rótsterkt kaffi og þá er
ég tilbúin í átökin.“
Elsa María Jakobsdóttir sjónvarpskona.
LÁRÉTT: 2. fjötur, 6. í röð, 8. fley,
9. illæri, 11. bókstafur, 12. óbundið
mál, 14. púla, 16. í röð, 17. bókstafur,
18. ennþá, 20. óhreinindi, 21. góð
einkunn.
LÓÐRÉTT: 1. stórgerð jökulrák, 3. frá,
4. stjónmálastefna, 5. viður, 7. biðja
innilega, 10. sefa, 13. gerast, 15. for-
móðir, 16. hugur, 19. ónefndur.
LAUSN
LÁRÉTT: 2. haft, 6. rs, 8. far, 9. óár,
11. sé, 12. prósi, 14. baksa, 16. þæ,
17. emm, 18. enn, 20. im, 21. land.
LÓÐRÉTT: 1. gróp, 3. af, 4. fasismi, 5.
tré, 7. sárbæna, 10. róa, 13. ske, 15.
amma, 16. þel, 19. nn.
VEISTU SVARIÐ
Svör við spurningum á síðu 8.
1 Guðmundar Gunnarssonar.
2 Jóhannes Eidesgaard.
3 Þórarinn Ingi Jónsson.
„Oddinn er farinn að smyrja vél-
arnar og panta pappír,“ segir útgef-
andinn Pétur Már Ólafsson hjá
Bjarti Veröld. Hann hefur nú pant-
að stærri fyrstu prentun á næstu
bók Yrsu Sigurðardóttur en nokkru
sinni eða tíu þúsund eintök. Pétur
er þess fullviss að lesendur taki
henni fagnandi enda hafa bækur
Yrsu farið vel í lesendur og Aska,
síðasta bók Yrsu, var ein mest
selda skáldsaga ársins 2007.
Yrsa er nú á leið til Grænlands
til að leggja lokahönd á nýja glæpa-
sögu sem væntanleg er í byrjun
nóvember. Þetta er fjórða bókin
um Þóru Guðmundsdóttur lög-
mann og gerist að miklu leyti í ein-
angruðum vinnubúðum íslensks
fyrirtækis nyrst á Grænlandi, en
þar hafa voveiflegir atburðir átt
sér stað. Yrsa hefur áður verið á
svæðinu til að kynna sér aðstæður
en fer nú til að tryggja að stað-
háttalýsingar séu réttar og eins til
að drekka andrúmsloftið í sig.
„Titill bókarinnar er Auðnin. Ég
flýg til Kulusuk á morgun [í dag]
en bókin gerist á austurströndinni.
Fólk í búðunum fer í leyfi eins og
gengur og gerist en eftir verða
tveir í búðunum. Þeir hverfa og
fólkið neitar að snúa til baka,“
segir Yrsa. Hún ætti að þekkja
vinnubúðir vel, starfaði í tæplega
fimm ár á Kárahnjúkum sem verk-
fræðingur. „Mig langaði ekki til að
skrifa um vinnubúðir á Íslandi.
Það stendur mér of nærri,“ segir
Yrsa. - jbg
Yrsa til Grænlands að klára nýjan krimma
DÓRI TJAKKUR: FULLKOMIÐ LAUNAJAFNFRÉTTI HJÁ TRUKKABÍLSTJÓRUM
ÞÚSUND TRUKKABÍLSTJÓRAR
GERA SÉR GLAÐAN DAG
Brúðgumi Baltasars Kormáks er
framlag Íslands til forvals Óskars-
verðlaunanna. Baltasar er á því að
skondið væri ef Íslendingar næðu
Óskarnum fyrir verk sem byggir á
verki Tsjekov. Annars er í nægu að
snúast hjá Baltasar, meðal annars
vinnur hann nú að handriti að
Grafarþögn, næstu kvikmyndar
sem hann gerir eftir bók Arnaldar
Indriðasonar en Arnaldur skrifar
handritið ásamt Baltasar.
Ekki er til að draga úr
þeim félögum sigurför
Mýrarinnar um bæði
Bretland og Frakkland
en þar taka bíó-
gestir mynd-
inni opnum
örmum.
Fréttablaðið greindi frá því á
dögunum að spennuþáttaröðinni
Svörtum englum hefði verið skipað
á dagskrá RÚV á nákvæmlega sama
tíma og Dagvaktinni á Stöð 2 en
fyrstu þættir verða frumsýndir nú
á sunnudagskvöld. Leikstjórarn-
ir Óskar Jónasson og Ragnar
Bragason lýstu því yfir að þeim
þætti verra að vera komnir óum-
beðið í samkeppni og vildu gjarnan
láta innlenda dagskrárgerð
njóta sín. Nú hefur komið
fram tilkynning um dag-
skrárbreytingu frá Stöð
2: Dagvaktinni hefur
verið flýtt til klukkan
20.10 en Svartir englar
eru á dagskrá RÚV
klukkan 20.20.
Nýr höfundur mun ryðja sér til
rúms á jólabókamarkaðinum í ár.
Athafnakonan og framkvæmda-
stjórinn Þórey Vilhjálmsdóttir
hefur skilað af sér handriti að
bókinni Reykjavík barnanna. Bókina
skrifar Þórey með mágkonu sinni,
Lóu Auðunsdóttur hönnuði, og
mun bókaforlagið Salka gefa út.
Bók Þóreyjar er lýst sem hug-
myndabók fyrir foreldra um hvernig
hægt er að eyða tíma með
börnum sínum í borg-
inni. Líklegt verður að
teljast að bók þessi
verði vinsæl hjá
einstæðum feðrum
sem gætu þá kannski
fækkað ferðum sínum
í Húsdýragarðinn á
laugardagsmorgn-
um. - jbg/hdm
FRÉTTIR AF FÓLKI
Landsþekktir leikarar í „human tetris“
AFTUR Á SKJÁINN Simmi
og Jói verða kynnar
landssöfnunarinnar
„Mænan er ráðgáta,“
en auk söfnunarinnar
verður mikil skemmti-
dagskrá og fjórir leikarar
munu keppa í svoköll-
uðu „human tetris.“
YRSA SIGURÐARDÓTTIR
Útgefandinn hefur
pantað stærra upplag
1. prentunar en nokkru
sinni áður á óútkominni
bók eftirj Yrsu.
JÓI BAKK OG DÓRI TJAKKUR Búa sig nú undir trukkadaginn en á laugardagskvöld koma vörubílstjórar saman, fara í sjómann og
krók og gera sér glaðan dag. FRÉTTABLAÐIÐ/STEFÁN
Löggildir
rafverktakar
Rafmagnsvandamál
Talaðu þá við okkur
Uppl. síma
8604507 / 8494007
islagnir@islagnir.is
www.islagnir.is